金發·順德干蒸菜

Open Now

Now Closed

是晚同朋友嚟咗佐敦嘅金發試下，聽網民講話呢度畀五蚊，就可以白飯任裝，好抵食咁喎。店內氣氛唔錯，真係幾受歡迎，八點來到得返兩張吉枱咋。⭐乾蒸白鱔所有餸菜即叫即做，大概等咗15分鐘左右，白鱔就上枱了。上枱個盤渣渣聲燒到好熱，店員提醒要小心碟邊，唔好亂掂。蒸白鱔一碟份量都唔少，鱔肉彈牙爽口，豉椒鹹香，好食👍⭐啫啫豬雜另外仲叫咗個啫啫豬雜煲，一打開個煲蓋就聞到香噴噴，入面有豬潤、豬粉腸、排骨，配料有蒜子、洋蔥、薑粒、辣椒等，惹味香口，勁好下飯。⭐白飯白飯去飯煲自助任添，量力而為唔好貪心呀🤭吃香喝辣😆食飽飽飲返杯冰水去下膩先。