Video
Read full review
2024-11-29
134 views
今日有好事情要慶祝一下, 一於去上環搵好野食, 一直好想試呢間隱世正宗高質日本料理, 終於有借口可以食😍餐廳由日本師傅主理, 連裝修都好有日本嘅味道風情, 係令人好舒適嘅和式風格! 我地一行兩個人, 叫左 壽司拼盤+鰻魚飯+鰤魚壽司, 滿足又好味道!壽司拼盤有兩款, 我地叫左$480平少少個款, 但都好新鮮好好味道. 呢個拼盤有三文魚 / 吞拿魚 / 甜蝦 / 油甘魚 / 鯛魚 / 帶子 / 蔥吞拿魚腩 / 三文魚腩細卷, 全部都係我地鍾意食嘅款式! 我就推介清淡而新鮮嘅鯛魚, 啱晒我鍾意食清爽口感嘅感覺. 朋友就推介帶子+吞拿魚, 帶子好大粒, 鮮甜多汁, 口感滑嫩, 而吞拿魚味道濃郁又有鮮味, 質地結實, 完全滿足到追求要有咬口嘅人.至於鰻魚飯, 賣相好好, 一食都好驚嘆. 鰻魚燒烤之後外皮焦香內裡鮮嫩, 再加埋佢地特製醬汁, oishii! 白飯吸收左鰻魚鮮香+特製醬汁, 粒粒分明, 食到停唔到口.另外一個推介就係鰤三味壽司, 因為鰤魚最當造就係冬天 (即係大約11月至2月), 呢個時候食鰤魚真係好好味道. 鰤魚係屬於溫水性一種, 通常養殖會叫油甘魚, 野生品種就叫鰤魚. 而今次
餐廳由日本師傅主理, 連裝修都好有日本嘅味道風情, 係令人好舒適嘅和式風格!
我地一行兩個人, 叫左 壽司拼盤+鰻魚飯+鰤魚壽司, 滿足又好味道!
壽司拼盤有兩款, 我地叫左$480平少少個款, 但都好新鮮好好味道. 呢個拼盤有三文魚 / 吞拿魚 / 甜蝦 / 油甘魚 / 鯛魚 / 帶子 / 蔥吞拿魚腩 / 三文魚腩細卷, 全部都係我地鍾意食嘅款式! 我就推介清淡而新鮮嘅鯛魚, 啱晒我鍾意食清爽口感嘅感覺. 朋友就推介帶子+吞拿魚, 帶子好大粒, 鮮甜多汁, 口感滑嫩, 而吞拿魚味道濃郁又有鮮味, 質地結實, 完全滿足到追求要有咬口嘅人.
至於鰻魚飯, 賣相好好, 一食都好驚嘆. 鰻魚燒烤之後外皮焦香內裡鮮嫩, 再加埋佢地特製醬汁, oishii! 白飯吸收左鰻魚鮮香+特製醬汁, 粒粒分明, 食到停唔到口.
另外一個推介就係鰤三味壽司, 因為鰤魚最當造就係冬天 (即係大約11月至2月), 呢個時候食鰤魚真係好好味道. 鰤魚係屬於溫水性一種, 通常養殖會叫油甘魚, 野生品種就叫鰤魚. 而今次呢個鰤三味壽司肉質甜美, 脂膏豐腴, 彈牙清爽, 真係是日亮點!!!
📢 依家餐廳仲做緊推廣活動 - 只要Follow 佢地社交平台就會送御手洗糰子(みたらし団子)一客.
Post
