香港永年車仔麵茶冰廳

Open Now

Now Closed

永年車仔麵既用料同埋味道真係保持到水準，每次去都一樣高質好食!男神麵(中辣)呢個麵好岩我食，因為都係平時會嗌既餸，計埋有7樣餸，其實又真係唔算貴! 牛腩、牛肚同埋牛柏葉都炆到好淋好入味，加埋佢既辣汁食落好惹味。牛丸好彈牙又多汁，加上蘿蔔本身都好淋身，整體真係好好食! 嗌左油麵，好掛汁而且個辣真係有料到有層次唔係死辣個種!另外再加錢叫左南乳雞翼，南乳味就好香而且雞翼真係入哂味，抵食!大碗麵(蕃茄湯)其實呢個就更抵食，因為計款式有成10款，價錢都係108其實真心正常價錢! 蕃茄湯好香濃而且唔會好酸或者咸，叫既幼麵好爽口，煮既時間岩岩好而且索哂蕃茄湯既味道! 食材方面係豬內臟、雞翼同魷魚等等，特別一提既係豬腸食落好清爽洗得乾淨，好索汁! 魷魚亦都好彈牙新鮮!另外見佢有鐵板餐就試下，仲有得加錢轉酥皮湯!朋友嗌咗封門柳餐配白飯洋蔥汁，肉質真係好嫩滑，加埋洋蔥汁係真材實料調配唔係開粉個隻，淋落熱辣辣既鐵板到真係有feel似食緊港或扒房! 酥皮湯揀咗牛尾羅宗湯，牛肉味突出又唔會太辣或者咸。