天ぷらまきの

Open Now

Now Closed

晚飯時間一丁友唔知食咩好，經過見到有天丼食😛諗住食好啲就走咗入去。落單用QR code自助點餐，亦都會比Menu你睇。個情況係，點餐系統無列出各款丼飯包括咩餸喺裏面，而Menu有。但Menu唔係有曬所有款。建議可以加返每款丼飯有咩餸喺個app度就唔使估估吓。當然你可以問店員，但係咁就冇咗自助點餐嘅意義。最後點咗個特上天丼，上菜係包埋一小碟前菜同一碗味噌湯。天婦羅外皮夠薄&炸得幾酥脆。不過裏面個餡就全部都好淡冇調味。如果你本身食得好清淡嘅話或者可以接受😅我就將枱上面提供嘅胡椒同埋七味粉滲晒落去都覺得唔知食咗啲咩…跟飯嘅味噌湯味道正常，碟前菜我第一眼望落去係有啲失望，估唔到係醃白蘿蔔粒..埋單連加一$108。總括而言，服務方面冇乜特別投訴；點餐系統可以改進；食物方面有啲遺憾。我諗我唔會特別想再幫襯。