宴 尖沙咀

我哋一家人都特別鍾意食呢間餐廳嘅日式美食，當中包括咗刺身、湯麵，仲有送酒小菜，全部都係呢間餐廳嘅招牌菜。🦀松葉蟹刺身🦀松葉蟹體型較大，蟹肉最具彈性，肉質緊實，鮮嫩多汁，每一啖都可以品嚐到無與倫比嘅鮮甜味，非常新鮮。🦐宴特選上9點刺身拼盤🦐可以品嚐到9款唔同款式嘅刺身盛宴，每一款都非常新鮮美味，尤其係牡丹蝦，幼綿帶爽嘅口感都令人印象深刻。🍚茶漬飯（明太子）🍚香噴噴嘅白飯浸喺鹹香味十足嘅湯上面，仲可以品嚐到米飯嘅顆粒感，加上明太子嘅搭配，帶有微辣嘅口感，好好味。🍜沖繩豬肋骨湯麵🍜麵條好有彈性，湯汁非常之濃郁，飲落去散發住鮮香嘅豬肉味，完全唔會覺得滯，整體味道甜味同鹹味適中。🥒青瓜豬耳🥒一道非常清新嘅送酒小菜，融合咗青瓜嘅清甜味，同豬耳嘅鮮美味，口感非常之爽脆，食落去特別過癮。