Video
Read full review
2021-11-02
713 views
最近好努力減肥，唔係得把口講，真係有瘦到㗎！主要靠飲食控制，所以每餐都有菜、有肉、有澱粉食得均勻就減得健康la。尋日放工趕唔切煮飯諗住買外賣返屋企食，成日經過Pickabowl都未試過，原來係買魚生飯，外賣試試la一打開就「嘩」咗聲，咁colorful 嘅！(影相食咗d色差，真身睇幾靚下)，叫咗2碗魚生飯，我升級咗套餐，另外再加咗份蝦，Total:$235夏威夷海浪三文魚(彩虹)唔同魚生飯配有唔同配菜，彩虹配菜組合(蕃茄、青瓜、甜椒配自家製醬油)，我見除咗彩虹配料之外仲有生菜、鮮菠蘿粒同中華沙律，真係勁多配菜，因為想試下原味就揀咗白飯底，見到黃薑椰菜花底都幾吸引，下次再試。味道方面真係無得彈，三文魚同配菜都好新鮮，自家製醬汁味道剛好唔會太濃味，貫徹健康口感，特別一讚係鮮菠蘿粒，撈埋一齊食係勁fresh！夏威夷四重奏(含洋蔥、芫茜)依碗四重奏主食更加多料(辣味三文魚、經典吞拿魚、泰式熟蝦、牛油果)，加埋彩虹配料真係爆足料！細佬揀咗沾烏冬底，一山還有一山高，沾烏冬比白飯更加惹味，更推介沾烏冬做底，今次搶分位係泰式熟蝦，d泰式青醬汁勁入味，而辣味三文魚都真係幾辣，入口係充斥唔同味道，下次我會
尋日放工趕唔切煮飯諗住買外賣返屋企食，成日經過Pickabowl都未試過，原來係買魚生飯，外賣試試la
一打開就「嘩」咗聲，咁colorful 嘅！(影相食咗d色差，真身睇幾靚下)，叫咗2碗魚生飯，我升級咗套餐，另外再加咗份蝦，Total:$235
夏威夷海浪三文魚(彩虹)
唔同魚生飯配有唔同配菜，彩虹配菜組合(蕃茄、青瓜、甜椒配自家製醬油)，我見除咗彩虹配料之外仲有生菜、鮮菠蘿粒同中華沙律，真係勁多配菜，因為想試下原味就揀咗白飯底，見到黃薑椰菜花底都幾吸引，下次再試。味道方面真係無得彈，三文魚同配菜都好新鮮，自家製醬汁味道剛好唔會太濃味，貫徹健康口感，特別一讚係鮮菠蘿粒，撈埋一齊食係勁fresh！
夏威夷四重奏(含洋蔥、芫茜)
依碗四重奏主食更加多料(辣味三文魚、經典吞拿魚、泰式熟蝦、牛油果)，加埋彩虹配料真係爆足料！細佬揀咗沾烏冬底，一山還有一山高，沾烏冬比白飯更加惹味，更推介沾烏冬做底，今次搶分位係泰式熟蝦，d泰式青醬汁勁入味，而辣味三文魚都真係幾辣，入口係充斥唔同味道，下次我會揀細佬食嘅e款，真係好好味！
+$25升級套餐有堅魚昆布湯、溫泉蛋同甜品，3款都好味道，值得加錢嘅，另外再加$18 要份蝦，蝦就一般，升級套餐會抵食d
地址：荃灣荃新天地2期地下G06號舖
Post
