Video
Read full review
2024-07-18
1925 views
【高CP酒店自助餐💖 食盡東南亞🍽️ 附重點推介美食🌟】推薦程度：●●●●◐抵食程度：●●●●○——— Hyatt Buffet真係從不令人失望😎 好久冇嚟食了，適逢今個月生日月，對自己好啲🥳 嚟食個lunch buffet先🫶🏻 有2.5小時食，包保飽到捧住個肚走🤰🏻最近主題係東南亞薈萃，云集中日泰印等多地美食，風味比較貼近日常飲食，而且熟食為主，帶老人家嚟🆗✨冷盤區同上次大同小異，但同樣出眾冇跌watt👍🏻✨ 熟食同甜品都極多選擇，款式同味道上都有驚喜💓 我集中推介私心喜愛啦🫰🏻🌟〈頭盤〉冰鎮海鮮及刺身厚切刺身，款式唔多只有3款，但勝在夠肥美‼️ 加埋冰鎮蟹腳、螺肉、大蝦等等做頭盤，令人食旨大動🤤⭐️〈餐湯〉蘑菇湯另有中湯同冬蔭公，我就揀咗西湯🫶🏻 濃稠足料、菇香味出眾！杰得嚟帶水感，唔會飲到濟咗食唔落✨🌟〈熟食〉 巴東牛肉肉質軟腍、唔痴牙‼️ 非常入味，但千祈唔好被佢外表呃‼️ 完全唔辣🤣 所以唔食得辣都可以放心享用🫰🏻 建議配埋印度薄餅，更有風味👅🌟〈熟食〉Mac & Cheese濃濃奶羶香🧀；拉絲而唔太稠杰、唔漿口；通粉軟熟彈牙；芝士愛好者一定唔可以過錯🧡🌟〈熟食〉星洲辣椒炒大蝦一嚟到
推薦程度：●●●●◐
抵食程度：●●●●○
———
Hyatt Buffet真係從不令人失望😎 好久冇嚟食了，適逢今個月生日月，對自己好啲🥳 嚟食個lunch buffet先🫶🏻 有2.5小時食，包保飽到捧住個肚走🤰🏻最近主題係東南亞薈萃，云集中日泰印等多地美食，風味比較貼近日常飲食，而且熟食為主，帶老人家嚟🆗✨
冷盤區同上次大同小異，但同樣出眾冇跌watt👍🏻✨ 熟食同甜品都極多選擇，款式同味道上都有驚喜💓 我集中推介私心喜愛啦🫰🏻
🌟〈頭盤〉冰鎮海鮮及刺身厚切刺身，款式唔多只有3款，但勝在夠肥美‼️ 加埋冰鎮蟹腳、螺肉、大蝦等等做頭盤，令人食旨大動🤤
⭐️〈餐湯〉蘑菇湯另有中湯同冬蔭公，我就揀咗西湯🫶🏻 濃稠足料、菇香味出眾！杰得嚟帶水感，唔會飲到濟咗食唔落✨
🌟〈熟食〉 巴東牛肉
肉質軟腍、唔痴牙‼️ 非常入味，但千祈唔好被佢外表呃‼️ 完全唔辣🤣 所以唔食得辣都可以放心享用🫰🏻 建議配埋印度薄餅，更有風味👅
🌟〈熟食〉Mac & Cheese濃濃奶羶香🧀；拉絲而唔太稠杰、唔漿口；通粉軟熟彈牙；芝士愛好者一定唔可以過錯🧡
🌟〈熟食〉星洲辣椒炒大蝦
一嚟到見到得返蝦頭都冇特別想食，但後尾見大廚即刻整好，啲人就一窩蜂上前排隊🤣 諗住唔執輸又排下，食落就知點解咁受歡迎‼️ 大蝦大件厚肉、咬落彈牙🔥 重要係非常惹味🔥 微微BB辣，好大眾化嘅辣度，但咁樣吊一吊味，加鑊氣味真係好出色🤤
🌟〈熟食〉 即叫即製泰式船麵可以因個人喜好選擇麵底同配料🫶🏻 即叫即做，熱辣辣真係勁好味🤤 一定要加蘿蔔‼️ 上晒色、勁入味‼️ 超腍而且冇渣🫰🏻 湯底都出色🥹 不過唔敢飲太多了仲有好多美食👅
⭐️〈甜品〉芒果糯米飯椰香出眾，糯米飯黏身帶咀嚼感，配埋芒果醬同芒果，香甜清新🥭 消暑美味☀️
🌟〈甜品〉蝶豆花椰汁西米布甸外表成個富士山咁已經勁吸睛🗻✨ 椰汁帶微鹹，配埋微甜嘅布甸好過癮😍 超多西米‼️口感層次豐富‼️
🌟〈甜品〉泰式奶茶味 & 冷萃咖啡味雪糕茶香味醇，濃厚唔澀，整體香甜不膩✨ 而且街外少見泰式奶茶口味，所以嚟到一定要試試🧋 Cold brew咖啡非常非常濃味，甘香不苦，啱晒咖啡愛好者☕️
Post
