上海真美豆漿大王

Open Now

Now Closed

【西貢區】【上海真美豆漿大王】好耐冇寫西貢區，主要係因為真係少過嚟呢邊，而上一次過嚟又咁啱適逢我要喺某間集團經營嘅餐廳度食，攪到我又少個機會寫嘢。而再上一次講呢區嘅嗰個 post，由於講嗰間嘢已經執咗，所以變咗做「已結業」。少吓一間少吓又一間嘅情況下，我都不得不趁住自己有幾分空閒時間，即刻就走入去搵嘢食。呢區有西貢同將軍澳等地區，其實都係去後者多，前者真係比較難配合。之前都仲話有多啲時間，今年復常就真係少少時間都冇。今次入到寶琳站嗰頭搵嘢食，見到呢啲上海嘢就覺得好親切，唔係好似港鐵某個新工會咁要對權貴吮癰舐痔嗰隻，而係佢通常平平哋就可以好飽肚，係窮人恩物。一坐低我 menu 都未睇就叫咗碗 $20 嘅「咸豆漿」，必點嘅。呢度個「咸」應該寫做「鹹」不過由佢啦，味道估唔到唔錯，對得住個價。另外我叫咗兩款炸物，分別係 $24 嘅「酥炸雞翼」兩隻同埋 $22 嘅「上海排骨」。前者係全翼，炸得幾好，唔錯。後者就係比較一般嘅炸豬扒，冇特別。然後仲叫咗 $8 嘅「滷水蛋」，第一次見滷水蛋係連殻上，我唔係叫茶葉蛋喎。不過佢又整得唔錯，唔怪佢啦。飲品我就梗係叫 $10 嘅「凍豆漿」，夠凍夠豆味，但又係有