THE HUNTER

作為將軍澳友，之前食過呢間晚餐已經覺得相當唔錯，今次WFH過嚟食晏，發現午市更有一番風味！餐廳裝修有格調，仲可以對住海景食飯，非常Chill～午市套餐包主菜、甜品同飲品，仲可以加錢追加前菜，性價比超高！前菜可以揀餐湯或沙律，餐湯係意大利菜湯，鮮茄味酸甜開胃；沙律用迷你羅馬生菜，鮮甜爽脆，配上紅洋蔥、石榴粒同自家醬汁，酸酸地好開胃。主菜試咗 澳洲36號乾熟成21南部肋眼，medium熟成度煎得啱啱好，肉質粉嫩多汁，牛味濃郁；另外 軟殼蟹漢堡 包皮脆內軟，軟殼蟹香脆熱辣，份量十足。甜品 雲尼拿焦糖布丁 綿滑香濃，焦糖層脆口，完美收尾！飲品揀咗Latte，咖啡香濃，整體體驗滿分！