Video
7-min walk from Exit A, Causeway Bay MTR Station
continue reading
Telephone
62890023
Opening Hours
Today
12:00 - 15:30
16:30 - 22:00
Mon - Sun
12:00 - 15:30
16:30 - 22:00
Above information is for reference only. Please check details with the restaurant.
About Reward Scheme
依間真係miss左個街口都未必搵到🤣係軒尼詩道一路行，要轉入條巷仔行到尾先見到個燈牌，所以間餐廳先叫巷見(?)夜晚都有tasting menu，特別佢啲龍蝦料理都有料到，推介龍蝦愛好者要黎試吓！Dinner tasting menu ($398/pp)—— Lobster Bisque Soup 個湯慢煮加埋奶油，質地好creamy，龍蝦味好濃厚，仲有埋龍蝦尾肉幾重本！！—— Tuna Tartare 吞拿魚配搭牛油果、豉油同芥末，加埋紅蔥頭更有口感，好開胃嘅前菜—— Meatball 香濃醬汁，醃得充滿香草味，肉球容易一篤就分開啲肉—— Lobster Mafaldine呢個差唔多每枱必叫，有大大嚿龍蝦肉，仲講明係新鮮㗎！最特別係波浪意粉，好掛汁又彈牙，醬汁濃稠好好味😋—— Beef Ribs (+$58)值得加錢叫！成條牛骨連肉上，每塊好厚切，牛肉味超濃郁，油脂感較重，叫medium rare食落好軟嫩；配有三款醬：阿根廷青醬、法式胡椒醬、黃芥末，青醬最開胃解膩！—— Cream Brûlée 甜品就一般🫣面層嘅糖得一半燒到，唔算特別滑，勝在唔係好甜🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍 Fable (灣仔)灣仔安樂里1號利昌大廈地下低層D號舖🔎分類搜尋：#FTHK_灣仔 #FTHK_西式
continue reading
👧🏻😋👅🍽✨法式小餐館 必食麻辣手工意粉🤩-🇫🇷 餐墊寫住Take me to Paris please, 綠化環境好似置身後花園, 加上位於後街恬靜舒適, 店員都好親切. 係好chill既dining place🇫🇷 4-course dinner set $398/位, 由entree到dessert好完整, 灣仔算幾抵食; 即日起到5月7號仲有逢星期一手工意粉同手工啤酒買一送一, 為大家驅走blue monday😁-▪️ENTRÉE🧆 和牛肉丸肉質結實, 意大利紅醬鋪滿拉絲芝士🐠 吞拿魚韃靼大粒但軟滑, 個seasoning幾突出魚甜味▫️SOUP🤍 Daily soup係椰菜花湯, 打到好杰身而每一啖都滲出蔬菜清甜, 欖油同香草亦令層次更豐富▪️PLATS🦞 龍蝦汁芝士波浪意粉配虎蝦餐牌有辣椒icon, 麻辣同龍蝦汁勁friend, 鮮甜中帶點微辛, 再有芝士令個pasta味道更平衡; 而波浪意粉大大塊al dente都好出色🥩 安格斯牛嫩腰嫩肉菲力牛扒佐奶油松露蘑菇醬 +$78 菲力牛扒脂肪甚少但非常軟嫩, 咬落仲爆多肉汁, 而個奶油松露蘑菇醬係靈魂, 甜甜地又夠rich同牛肉汁勁夾▫️DESSERT☕️ 提拉米蘇大大杯係招牌甜品! lady finger浸滿咖啡一𢳂落去仲會爆啡, 質地好moist, 加埋軟滑cheese好甜好滿足🍮 法式焦糖燉蛋焦糖面唔會太黑, 厚薄適中好脆口, 燉蛋軟滑好香蛋味唔會太甜, 雲呢拿都好突出
continue reading
🚩Fable 巷見小巷裏面隱藏着一個世外桃源‼️估唔到巷仔裏面都蘊藏住一間咁溫馨嘅小店現代歐陸風混合自然風｜氛圍感好好晚餐套餐都好抵食٩(ˊᗜˋ*)و〰️〰️〰️〰️〰️〰️〰️〰️〰️〰️〰️〰️〰️🌈Dinner For Two $398♡和牛牛肉肉丸配意大利紅醬夠香夠Juicy｜意大利紅醬酸甜夠味♡吞拿魚韃靼配搭青瓜粒｜清爽又有層次♡椰菜花湯有加入薯仔打蓉｜綿密細膩無菜腥味♡龍蝦汁芝士波浪意粉配虎蝦近排好興嘅波浪意粉進階版｜口感更豐富龍蝦汁濃郁 有少少辣度(๑˃ᴗ˂๑)意粉每一寸奏摺都掛滿醬汁｜好惹味♡安格斯牛嫩腰嫩肉菲力牛扒佐奶油松露蘑菇醬 +$78份量比想象中大份｜肉質嫩滑配埋奶油松露蘑菇醬｜好Rich但唔膩♡提拉米蘇♡法式焦糖燉蛋🌈法國鵝肝吐司 $138鵝肝表面雖然無香煎過｜但仍然入口即化配上香脆吐司及黑醋｜鹹香中帶微甜🌈熱帶水果冰茶 $58🌈熱情果梳打 $58 總結：環境+食物+價錢 = 值得再訪！
continue reading
估唔到灣仔嘅一條後巷，竟然開咗一間好高質嘅法國餐廳，好彩提前預約，平日夜晚竟然都full晒☺️我哋要咗個四道菜嘅餐， $398 一位，都幾抵。首先前菜有四款選擇，幾款都幾吸引，最後揀咗鵝肝多士同埋吞拿魚撻撻，不得不提佢嘅鵝肝多士，真係特別香，加$48都覺得抵👍🏻之後係是日餐餐湯，今晚係薯仔湯，好濃郁。主食方面佢都有幾個選擇，我哋揀咗最多人推介嘅龍蝦湯芝士波浪意粉配虎蝦，佢嘅汁真係龍蝦味十足，非常Creamy，意粉又好掛汁，食落非常滋味🥰另外一份就要麻辣手撕豬波浪意粉，呢份加上少少辣味，更加惹味，食多少少都唔會覺得漏。最後甜品方面都好出色，尤其Tiramisu，咖啡味同酒味都啱啱好，食得好飽嘅，我都忍唔住食晒成杯Tiramisu🤣 crème brûlée同樣好好味😋佢位置雖然喺一條巷仔，但裝修好靚，當晚六點去到仲未有人，七點已經坐滿晒，非常熱鬧嘅一間小店，屬於以後都會去食嘅餐廳之一🥰
continue reading
灣仔小巷發現呢間隱蔽嘅法式小餐館, 餐廳內有一棵大樹🌳, 加上綠色小植物佈置🪴, 帶有法式小清新嘅浪漫風情～我哋叫咗一個 4-Courses Dinner Set, 有前菜、湯品、主菜、甜點, 另外再叫咗一啲 à la carte上嘅菜式～𓌈⸝⸝ 吞拿魚韃靼吞拿魚他他配上青瓜粒🥒, 清爽又開胃！🥣湯品是日餐湯係椰菜花忌廉湯, 質地濃稠, 上面有法包粒點綴一下～🥣龍蝦湯 (單點)質地濃稠順滑, 有香濃嘅龍蝦鮮味🍝龍蝦汁芝士波浪意粉配虎蝦 (單點, 走咗芝士🧀)波浪形嘅意粉煙韌彈牙, 有蛋香, 掛滿濃郁嘅龍蝦汁, 食落帶微辣, 好食😋！加埋爽口彈牙嘅虎蝦🦐, 每一口都充滿着海鮮嘅鮮美！🥩安格斯牛嫩腰嫩肉菲力牛扒配奶油松露蘑菇醬牛扒煎至五成熟, 熟度啱晒我哋！肉質鮮嫩, 鎖住肉汁, 肉味香濃, 旁邊配上奶油松露蘑菇醬, 令整體味道同風味提升！🍮 法式焦糖燉蛋輕輕一敲焦糖脆面就能品嚐到絲滑嘅燉蛋, 呢個甜品為整頓晚餐畫上完美嘅句號。
continue reading