Video
1-min walk from Exit E, Prince Edward MTR Station
continue reading
Telephone
92940040
Introduction
The first shop of this popular Singaporean restaurant is located in Cheung Sha Wan. This branch is a mix of vintage and elegant style, such as using different types of chandeliers and Western style dining tables. The signature Hainanese chicken rice is served with half of a chicken and tastes tender.
continue reading
Opening Hours
Today
11:00 - 22:30
Mon - Sun
11:00 - 22:30
Above information is for reference only. Please check details with the restaurant.
店名：蘇山雞飯地點：太子彌敦道759-761號藍馬之城地下2-3號舖今日拍拖黎開太子附近，見到有間餐廳個名幾得意，叫蘇山雞飯，一於入去試試佢，坐底入到佢，店員話重有下午茶，一於叫幾樣試下1.（下）鮮油咖央多士配蜂蜜桔仔水 $30鮮油咖央多士極度邪惡，大大塊牛油係多士中間，再抹滿咖央醬，新鮮即製，半融化嘅牛油入口，好滿足，坐對面枱個小朋友望到都流曬口水😂😂2.（下）娘惹咖哩炸雞配椰槳飯 配蜂蜜桔仔水$60即叫即製，需等候約15分鐘，咖哩惹味大份，配有鹵蛋，蝦片，江魚仔，花生，配搭上嚟好好食，份量又足👍，下午茶會跟嘢飲，我哋叫咗蜂蜜桔仔水，甜甜地又幾好飲3.招牌海南雞飯$85話明蘇山雞飯，緊係試下佢個海南雞飯，肉質嫩滑飽滿，點埋三款海南雞醬，好食到停唔到口；佢跟餐仲會跟油飯同埋冬瓜雞雜湯，個湯好清，食完油膩嘢都唔驚，會幫你解番🤤4.特色小食拼盤$98（跟餐半價）小食拼盤有雞翼，泰式魚餅，豬肉串，脆炸鳳尾蝦春卷，四者都處理得啱啱好，豬肉串牛肉汁，雞翼大大隻，魚餅微辣，春卷爽脆，重點係小食跟餐半價👏5.參巴辣蝦醬通菜$42辣蝦醬惹味，通菜爽脆，好食6.烤餅*2 $30烤餅鬆化，點咖哩醬食一流
continue reading
一個外出撐檯腳的晚上，兩夫妻不約而同想食星馬菜，想起這間以往都有幫襯過的星馬餐廳的晚餐相當抵食，便決定前去吃個星馬晚餐。這餐廳的晚餐的確是相當抵食的，就像這晚我倆吃的，兩份主食都可以特價加配小食或甜品，而且各款冷熱特飲價錢也有優惠，埋單計數，兩個人的豐富晚餐，還不用三百元，便可吃得捧腹而回。先是我的「星州叻沙海南雞滲滲」（$80），加配的是甜品「鮮油咖央多士」（$19），飲品則是「熱即磨炭燒厚椰乳咖啡」（$9）。太太呢？她點的是「獅城芽菜走地雞飯跟雞雜冬瓜湯」（$95），加配的是「參巴醬辣蝦醬通菜」（$21），飲的則是「開心果椰子奶昔」（$18）。而當然，我們會一起分享，分甘同味。「星州叻沙海南雞滲滲」味道可以，海南雞皮光肉滑，份量不少，其他材料好像豆卜、白魚蛋等也足夠，不過滲滲的湯汁就少了點。撐著一把小傘的「鮮油咖央多士」賣相漂亮，咖央醬、鮮牛油和多士絕對是天作之合，是一定好吃的配搭，可惜這多士是預製的，早已做好，所以多士不夠脆和熱，就難免美中不足，不能成為滿分之作。我的「熱即磨炭燒厚椰乳咖啡」是走甜版，味道一定沒有正常版那麼好，不過這特色咖啡仍然不失香濃，味道仍然不錯。「獅城芽菜走地雞飯跟雞雜冬瓜湯」的走地雞雞皮顏色雖然較為暗淡，不像海南雞般呈鮮黃色那麼吸引，不過跟海南雞一樣，都是那麼皮肉軟滑，油飯也軟硬適中，富有油香。至於那「雞雜冬瓜湯」，雞雜甚多，真材實料，也不錯。稍嫌偏油了一點的「參巴醬辣蝦醬通菜」份量頗多，雖不太辣，都幾惹味。「開心果椰子奶昔」的椰子味比開心果味來得濃郁，口感順滑，味道甜美，只喝了一口的我喜歡，太太就更加喜歡了。想吃抵食星馬菜的話，我覺得這間「蘇山雞飯」都是一個不錯的選擇。
continue reading
🇸🇬🇲🇾🥣人氣抵食星馬菜✨ qr code 落單✅星洲叻沙海南雞摻摻 -$80個湯底幾正，椰香味濃，微辣開胃，米粉同埋油面混埋一齊口感獨特。海南雞會另上，一碟都有六至七件，每件都好滑，另外有個酸辣汁俾你點。🆗馬拉盞椰菜苗 -$29平時出去食個菜都要$60 ，呢度加$29就可以食到馬拉盞椰菜苗。份量唔少，性價比好高，不過感覺有啲油膩，但調味都算唔錯，如果食通菜嘅話會再平啲。✅開心果椰子奶昔 -$18呢杯飲品咁特別都只係需要加$18一定要試吓。味道冇令人失望！都飲到少少開心果味同埋濃濃嘅椰子味，口感亦都好綿滑，個甜度都算剛好。🆗新加坡白胡椒排骨茶- $88呢個配左米粉，估唔到係好似湯麵咁樣上，個湯有少少藥材味同埋胡椒味，但比起出面單點嘅肉骨茶感覺上有啲淡。排骨都有三至四件，每件都容易做到骨肉分離，豆卜有2粒，油條會另上，但吾脆了，好硬。✅鮮油咖央多士-$15一份切開咗兩件，烘得好脆，個牛油雖然睇落去好似好厚，但係其實只係得邊邊位有，但係都已經好足夠，如果唔係會好油膩。多士口感豐富，外脆內滑，牛油咖央有入口即溶嘅感覺。✅凍蜂蜜桔仔水 -$12你杯飲品酸酸甜甜，好有東南亞嘅感覺，幾特別。
continue reading
剛踏入2025年就去了一趟小旅行，今晚就約好友交換手信，順道選擇了這間位於太子的「蘇山雞飯」吃晚飯。走地雞肉質嫩滑有口感，味道很香。雞件做了去骨處理，吃得更過癮。由於雞面上灑有蒜酥，入口還會有陣陣蒜香味。配上一碗油飯，飯粒分明又帶些黏口，油香味令人不期然食指大動。套餐附有一碗雞雜冬瓜湯，幾大碗，但就覺得有少許過鹹。叻沙湯底香濃，鹹中帶微辣，頗為惹味。摻摻粉麵的份量都幾多，米粉配油麵，麵條掛湯，口感豐富。豬扒外皮炸至脆身，肉質軟腍，非常香口。另外還有豆卜、魚片、魚旦、芽菜等配餸。套餐可以半價加購小食。沙嗲串燒可選牛肉或雞肉。筆者選了雞肉，雞肉燒至很香，肉質不會很乾柴。附上沙嗲醬蘸點同吃，味道非常惹味。椰菜苗配馬拉盞炒香，鹹香味十足。但就稍嫌油分有點多。2杯飲品各有特色。恐龍美綠香甜。開心果椰子奶昔入口先有堅果香味，然後再有椰香味滲出，兩者幾搭幾特別。
continue reading
今日同同事收工行去太子食飯，之前已經食過呢間覺得好好食，見難得今日唔洗等位，就入去食晚餐。醬油三寶飯有醬油雞，醬油豬手同埋雞蛋，雞皮薄肉嫩，醬油味道恰到好處，咬下去超滑口。豬手也是一絕，肉質鮮嫩，浸滿滷水汁，夠晒惹味，還帶點膠質感，吃的時候特別過癮。飯帶帶淡淡雞油香， 好好食😋。隨餐雞雜冬瓜湯清爽又不膩，仲加入大量雞腎雞肝等材料，令整體更加開胃。麻辣玻璃魷魚通菜，這道菜辣得剛剛好，魷魚彈牙帶點小辣， 通菜的爽脆感也不錯，跟餐半價非常抵食。獅城芽菜走地雞飯，意想不到走地雞好滑好鮮嫩，低下鋪滿爽脆芽菜，配埋3款海南雞醬料， 同雞油飯，食唔停口。特飲加$18就有， 超級抵同勁好飲。大推開心果椰子奶昔，開心果同椰子味濃郁，味道好香，但又品會過甜，超好飲😍😍雪糕班蘭奶茶雪糕係椰子味，但飲品斑蘭味唔太特出，甜度適中，無開心果椰子奶昔咁驚艷。鮮油咖央多士真是一道完美的收尾，麵包香脆，搭配咖央的香甜，同大大舊鮮牛油🧈真係好邪惡，忍唔住食哂2嚿😝。
continue reading
You may be interested in