Video
9-min walk from Exit D, Prince Edward MTR Station
continue reading
Telephone
28689863
68833144 (WhatsApp)
Introduction
Operated by 3 80s-men, this restaurant provides steam hot pot. You can taste the seafood fresh including yellow croaker, shrimp, Cancer pagurus, etc.
continue reading
Additional Information
Credit card only available for billing amount over $1500
Opening Hours
Today
17:00 - 00:00
Mon - Sun
17:00 - 00:00
Above information is for reference only. Please check details with the restaurant.
今次同朋友去咗食蒸氣鍋，真係食到好滿足！我哋order咗「是日廚師智選套餐」$318/位，成個set真係豐富到不得了，食到捧住個肚走！😋首先上枱嘅係⭐刺身拼盤，新鮮到不得了，每一片都鮮甜彈牙，開胃得嚟又唔會搶咗之後海鮮嘅風頭！跟住就係重頭戲——⭐八款時令海鮮！鮑魚：蒸得啱啱好，口感軟嫩又有咬口，鮮味十足！🐟扇貝：厚實又鮮甜，加埋蒜蓉一齊蒸，香到不得了！🐚海蝦：結實又彈牙，蝦頭仲有滿滿嘅蝦膏，鮮味爆棚！🦐馬友：魚肉嫩滑得嚟又唔腥，魚油香氣十足，食完仲想encore！🐟海螺：爽脆彈牙，鮮甜得嚟帶少少海水味，一啖就知新鮮！🐚沙白同花甲：蜆肉飽滿又多汁，一啖咬落去仲有海水嘅鮮味！🐚肉蟹：本身仲係生勾勾，勁新鮮！蒸完之後啲肉仲係好嫩滑，蟹膏又多，真係食到停唔到口！食完海鮮之後，仲有🥗四款時蔬，蒜蓉蝦干勝瓜、芋頭、粟米、日本蕃薯同南瓜，蒸出嚟嘅蔬菜保留咗原汁原味，完全唔會覺得寡，反而更加突出咗蔬菜嘅清甜！主食方面有⭐金針蒸雞烏冬，雞肉醃得好入味，加上蒸鍋有計時功能，雞肉蒸得啱啱好，又滑又嫩，烏冬吸晒啲雞汁，真係一啖接一啖！🍜最後當然唔少得個粥底啦！加$78就有個粥底（如果8位或以上就$156），啲粥吸收晒啲海鮮精華，加埋蟹殼同排骨，每一啖都係濃郁嘅海鮮味，真係美味值+100%！🍲另外我哋仲叫咗餐前小食：避風塘鮮魷($68)，炸得香脆又唔油膩，配埋啲蒜蓉辣椒，好惹味！佢哋個甜品勁suprise🥰～似係大粒黑糖珍珠包住啲紅豆🫘飲品方面叫咗兩支汽水，食得夠晒滿足又盡興！下次一定要叫埋屋企人一齊嚟食，真係好值得推介！😌👍
continue reading
朋友話食蒸海鮮梗係要搵間有埋養海鮮設備嘅專門店食啦，咁先有新鮮嘅保證嘛😋！不負眾望，俾我地搵到小漁港海鮮舫，係時候享受下新鮮海鮮嘅滋味～我哋order左🐟是日廚師智選套餐 $318/位包括左⭐刺身拼盤⭐八款時令海鮮- 生蠔 - 夠大隻蒸完都仲好大粒，鮮甜- 海蝦 - 好彈牙仲多膏添- 鮑魚 - 好大隻，蒸到啱啱好，夠煙韌- 扇貝 - 好甜呀，加埋啲粉絲係無敵配搭- 肉蟹 - 厚肉又夠新鮮，肉質鮮甜- 沙白同花甲 - 新鮮又冇沙，鮮甜多汁- 馬友 - 勁滑，魚油香十足，想添食呀🥗四款時蔬- 蒜蓉蝦干勝瓜、芋頭、粟米、日本蕃薯同南瓜- 蒸蔬菜保留原汁原味，好享受呢啲原味道⭐一款主食金針蒸雞烏冬- 雞醃到入晒味，加上有計時蒸鍋，一定唔會過火。好滑又好味！蒸烏冬都係第一次，吸晒啲雞味好食呀 ⭐食蒸海鮮梗係要加粥🍲（粥底加$78，如果8位或以上$156），啲粥吸收晒啲海鮮精華啦，美味值+100%另外加咗避風塘鮮魷$68- 怕辣嘅唔駛擔心，呢個唔辣㗎。鮮魷真係新鮮彈牙，好食！🥤梳打水 $15🧃橙汁 $18成個套餐真係夠曬豐富，食得夠晒滿足又盡興，下次一定要可以叫埋屋企人一齊嚟食😌
continue reading
👦🏻👧🏻想食清淡健康啲，諗起太子有間食海鮮蒸鍋嘅鋪頭。$318海鮮蒸鍋套餐包咗刺身拼盤、八款時令海鮮、四至五款時蔬、一款主食、甜品同飲品兩支，刺身同海鮮質素都新鮮，未食蟹膏排骨瑤柱粥已經好飽，最後打包咗個粥番屋企食😆。🐟刺身拼盤刺身有五款，質素新鮮唔錯，有三文魚、油甘魚、北寄貝、希靈魚同帶子。三文魚切得夠厚身，口感肥美鮮嫩。🦑椒鹽魷魚魷魚炸到外脆內軟，內裏彈牙易咬，加上大量嘅炸蒜同辣椒，炒到非常香口。💦八款時令海鮮有蜆、青口、蠔、蝦、蒜蓉粉絲蒸扇貝、鮑魚、魚同蟹。每樣海鮮都好鮮味，蜆、青口、蠔仲有海水味，而蠔仲非常飽滿，食落啖啖肉！粉絲蒸扇貝嘅蒜蓉同豉油調味啱啱好，加上鮮甜嘅扇貝，好味！鮮魚非常彈牙，仲大大隻，口感一流！海蝦大大隻，彈牙爽口，仲好有海水嘅鹹鮮味！最精彩就係大大隻肉蟹，蟹蓋上面先甜嘅蟹膏會先拎嚟煲粥，蟹就拎去蒸，肉蟹都有蟹膏，超級鮮甜！蟹肉一疏疏，又彈牙又鮮味，無得彈！🌽五款時蔬有粟米、南瓜、節瓜、芋頭同番薯仔，仲有雞件、蟲草花同烏冬。時蔬非常新鮮，食得出係即日街市新鮮貨！雞件多肉鮮嫩，沾少少豉油已經好好味！加個彈牙嘅烏冬真係岩岩好！🥣蟹膏排骨瑤柱粥侍應姐姐預先將蟹蓋入面嘅蟹膏，撈入排骨粥入面，煲完之後，粥裏面有蟹嘅鮮味。🫘黑糖紅豆菓子最後甜品竟然係日式嘅菓子，黑糖外皮軟糯煙靭，黑糖味非常濃郁，入面嘅紅豆甜度剛好。📍 小漁港海鮮舫 鮮蒸‧鮮味火鍋 (太子)太子荔枝角道127-133號地舖
continue reading
今日我嚟到小漁港海鮮舫，選擇咗佢哋嘅廚師精選海鮮蒸氣套餐，真係好滿足！價錢只需$3xx，就可以享受到咁多款新鮮海鮮，真係超值！一入到去，海洋氣息撲面而來，環境舒適，令人心情愉快✨。🅵🅾🅾🅳刺身拼盤拼盤入面有象拔蚌、厚切三文魚、希靈魚同帶子，個個都彈牙爽口，特別係三文魚，超級鮮甜，食完真係想再嚟一份！🤩八款時令海鮮馬友魚、龍蝦、海蝦、瀨尿蝦、貝殼三寶、鮑魚，全部都新鮮得黎，龍蝦肉質特別鮮甜，實在係海鮮迷嘅最愛！🦞農家四寶：蟲草花蒸雞肉配烏冬雞肉嫩滑，烏冬吸晒雞肉同蔬菜嘅精華，味道入味，食到嘅感覺好舒服👍🏻。粥底火鍋最後嘅粥底火鍋用咗豬骨、瑤柱同龍蝦頭，煮出嘅味道濃郁鮮甜，將所有海鮮嘅鮮味完全融入，真係一碗令人難以抗拒嘅美味！😋整體而言，小漁港海鮮舫無論係環境、服務同埋食物質素都非常出色，價錢又咁抵，下次一定要再嚟試吓其他菜式！❤️❤️
continue reading
前排經過太子呢間主打蒸海鮮既「小漁港」，巳bookmark 定，提早訂位，今日終於有食到啦。店員會用計時器幫手蒸海鮮，時間控制得好好，所有海鮮都蒸到剛剛好。我地㨂左PARCO 廚師發板既精選蒸海鮮套餐。椒鹽豆腐：上枱熱辣辣，外層炸到金黃鬆化。象拔蚌刺身拼盤：刺身色澤鮮艷；三文魚飽滿肥美；帆立貝鮮甜爽彈；象拔蚌爽脆鮮甜；吞拿魚色澤紅潤；北寄貝彈牙鮮甜。龍蝦半隻：龍蝦肉質鮮嫩，龍蝦頭會用嚟熬粥，吸收晒所有海鮮既精華，超正。尿蝦一隻：肉質鮮甜，肉嫩彈牙。鮑魚：鮑魚好大隻，煙靭彈牙得嚟帶嚼勁。蒸扇貝：蒜蓉同粉絲索晒鮮味，扇貝飽滿彈牙，鮮甜可口。 海蝦：海蝦好新鮮，肉質紮實鮮甜。海魚：馬友肉質細嫩，油脂豐潤，入口即化。貝殼三寶：沙白、花甲鮮甜飽滿，海螺肉質結實，鮮味帶嚼勁。農家四寶：蟲草花蒸雞烏冬底四寶包括南瓜、芋頭、粟米、日本蕃薯，食落清甜，雞肉嫩滑。粥底加左瑤柱同豬骨，吸收晒以上所有海鮮既精華，入口綿滑濃稠，超級鮮甜。
continue reading