Video
Opening Hours
Today
17:30 - 23:00
Mon - Wed
12:30 - 23:00
Thu
17:30 - 23:00
Fri - Sun
12:30 - 23:00
Public Holiday
12:30 - 23:00
Public Holiday Eve
12:30 - 23:00
Above information is for reference only. Please check details with the restaurant.
About Reward Scheme
Offers
冬陰公湯湯底係酸辣口，單喝湯都覺得味道剛好，飲落去好濃郁又開胃，而且越煮越香濃，將食材放落去都煮得好入味，食到後面都唔會寡淡~成個就非常新鮮濃郁嘅感覺，一入去就先飲咗一碗湯暖胃～蒙古羊肉片有羊味，但唔會太羶，食落啱啱好。如果怕太羶嘅朋友，呢度嘅羊肉都好合你嘅胃口，羊羶味唔重同時好吸湯底汁! 新鮮花枝片，厚身嘅花枝片，食落軟糯香甜，一點都唔會韌，係靚嘢 ! 炸小饅頭，最大讚係哩個小饅頭，呢個小食係兒時最愛，人大咗 依然好鐘意食!饅頭炸到外皮熱辣辣+脆卜卜再點一點煉奶，真係無得輸，雖然好邪惡但真係好好味(個人認為係要必叫嘅）值得一提嘅係，如果鍾意打邊爐嘅朋友，一定要試吓冬陰功湯底，舖頭有火鍋配料可以配。本身自己都好鍾意食冬陰功，自問都食過好多間，而米走雞絕對係性價比之選!好食又抵食!朋友果然係無介紹錯!一定會再嚟同推介俾朋友~
continue reading
最近天氣好凍，好想嚟個火鍋暖暖身。啱啱諗起附近有，就打算去嗰邊食火鍋。 呢度環境優美，座位又大，坐得好舒服。而且每位顧客都叫咗好多，睇落好有食慾。 我叫咗冬陰功湯，飲落好開胃，唔會太酸或者太辣，好惹味！而且湯底濃郁，非常適合用嚟涮黑豚肉。豚肉新鮮又香軟，一口食落去，真係無得頂，令人忍唔住想多食一片。我覺得呢度嘅豚肉特別香，食住好高級。 仲有刺激味蕾嘅wasabi墨丸，彈性十足，甜甜辣辣，好有特色。第一次試就愛上，下次嚟一定仲有叫。 蜆肉份量好多，一個人食真係爽，新鮮美味，仲好肥美，真係無法自拔，食到停唔落嚟。而且蜆肉涮進湯後，鮮味更加濃郁！ 飲品檸檬梳打帶有淡淡檸檬香氣，飲落唔會膩，酸酸甜甜，好解渴！因為今次係一個人食火鍋，所以叫得唔多，下次一定要叫多啲人嚟，試更多唔同嘅菜品。
continue reading
朋友啱啱放工，去附近食花膠雞湯，補一補身。我哋兩個都好鍾意時不時去米走雞飲湯，味道鮮美！尤其係花膠雞湯，湯底香濃醇厚，又唔會油，味道啱啱好。就連花膠都夠新鮮，彈牙有嚼勁，好美味，整體嘅口感同味道都好！饅頭炸得外脆內嫩，咬落去好香甜，再配啲甜奶一齊食，令人回味無窮。令我意外嘅係牛肉涮花膠湯嘅味道居然咁美味。牛頸脊嘅肉質優質，食落去細嫩多汁，仲保留咗牛肉獨有嘅香氣。仲有蝦仔都好新鮮，好有嚼勁，涮咗花膠湯之後，蝦仔嘅肉質變得好鮮美。朋友仲叫咗梳打，係檸檬口味，味道唔會太酸，仲帶有梳打嘅香味，飲住清涼解渴！
continue reading
冬陰功湯酸辣嘅口感超級刺激味蕾🤤經典嘅泰國料理之一，食落去酸酸辣辣嘅仲帶有一絲甜味，無論係配搭任何火鍋食材都可以完美結合👍🏼特技雪花肥牛粉紅色澤睇落就超級吸睛🤩輕輕涮煮後，肉質細緻油花均勻，每一塊牛肉都散發出豐富嘅肉香同油脂嘅甘甜，每次打邊爐必點🥰青花椒牛舌牛舌嘅肉質紮實，煮熟咗之後油脂融化，可以嚐到牛舌嘅彈性同鮮甜😋冬陰功嘅香辛風味同青花椒特有嘅清新麻辣感令整體口感更加豐富😍精品拼盤哈哈蝦中寶～師傅自己研發嘅創意丸子，蝦滑鮮美十足，再加上蟹籽點綴，喺嘴裡爆開嘅顆粒感十分特別🤩黑松露手打鮮墨丸～新鮮墨魚手打而成嘅墨魚丸，加入咗黑松露令整體味道十分突出，非常惹味👏🏼竹笙墨魚滑～墨魚滑鮮滑Q彈，同竹笙互相包裹一齊煮熟，味道更加豐富✨竹蔗茅根呢杯飲品真係深得我心！竹蔗嘅甜味清爽唔膩，帶住自然清新嘅甜味，茅根嘅加入令呢杯飲品回味略帶微苦😍好好飲！
continue reading
邊個話小朋友唔食得雞煲🤣🤣我哋早幾日就搵到間就連小朋友都食到嘅雞煲！而且餐廳仲推出左新套餐，大人小朋友都啱食！齊齊食到飽飽，大滿足呀！套餐真係超抵呀，$768就有齊曬雞煲嘅食物！而且每樣仲有得揀，平時食開雞煲都係辣為主今次就黎個小朋友食完一啖就要求再食嘅黃金芝士雞煲，多重芝士🧀，濃濃芝香，唔好話小朋友鍾意，就連大人都好想食呀！呢個套餐足足四個人份量！🥢前菜酸辣無骨鳳爪、涼拌海蜇木耳絲前菜揀咗呢兩款夠曬開胃，無骨鳳爪係爸爸最愛！涼拌係我好鍾意食，酸酸地夠曬香，而且海蜇同木耳都好爽脆！🥢煲類「可揀兩款」🧀黃金芝士雞煲🧀呢個係重點！小朋友一聽到芝士🧀對眼係發曬光，每一件雞肉都好滑溜，濃濃嘅芝香味，真係有好多層芝士，溶入雞肉真好濃香！雞肉仲要無乜骨，小朋友食落啖啖肉呢！🔥火焰麻辣雞煲🔥麻辣雞煲係必點，今次仲搞搞新創意，黎個火焰雞煲，又好打卡又夠濃厚香味，多莞茜嘅雞煲食落真係好香呀！🥢配料我就揀左4款配料，有雪花霜降Prime牛板鍵，濃香牛味嘅牛板鍵，一啲都唔鞋，吸收曬麻辣味及芝士味，勁正呀！仲有五香鮮牛肉係專為小朋友而設，滑溜嘅鮮牛肉小朋友唔擔心咬唔到，配搭芝士🧀真係好夠味！另外仲有驚喜發現，就係點左爽滑豬頸肉，除咗好爽脆仲有醇厚嘅豬肉香味添呀！仲有點左手打五寶拼盤，小朋友就最愛魚丸同牛丸，我就水欣賞個墨汁墨魚丸好濃烈墨魚味！🥢蔬菜一盤過嘅蔬菜雜菇拼盤就最好，唔洗諗唔洗揀，有3款菜類及菇菌類，放入雞煲吸收曬啲精華！🥢必食見人地有介紹呢個巨型水管響鈴，係純手工即炸，黎到小朋友已經搶食，我就放入芝士雞煲吸下啲芝士🧀先入口，熱辣辣又脆又濃！🥢主食食完雞煲仲有啲精華點算？我哋就order左最吸味嘅出前一丁及辛辣麵，真係連味粉都可以唔洗加，超入味呀！飲品🥤食雞煲又點少得飲品？套餐好細心可以揀嘢飲啦！我地就揀左1.5L嘅竹蔗茅根清清熱氣，大小朋友都可以飲！🐥米走雞 (渣甸中心)(香港)地址: 香港銅鑼灣渣甸街50號渣甸中心25樓
continue reading