古琴雅苑 (QRE Plaza)

Open Now

Now Closed

古琴雅苑將京菜精緻化，烤鴨水準出眾，夏季套餐亦巧妙結合時令元素。環境雅緻帶中式禪風，適合家庭聚餐或商務宴請。夏季推出的夏日嚐鮮二人套餐$708/2位津白雲吞湯清淡開胃的湯品，雲吞內餡鮮美，搭配津白的清甜，適合夏季解暑。 烤北京填鴨半隻古琴雅苑以正宗京菜聞名，招牌「北京烤鴨」更是必試之選！烤鴨選用肥瘦適中的北京鴨，以傳統掛爐技法烤製，外皮酥脆如琥珀，肉質嫩滑多汁。師傅會即席片皮，搭配薄如蟬翼的甜麵醬, 青瓜及京蔥，入口油香豐腴卻不膩。乾煸四季豆經典川菜風味，豆角煸炒至微焦，搭配肉末和辣椒，鹹香微辣，能平衡烤鴨的油膩感。 上海粗炒麵濃油赤醬的上海風格，麵條粗韌有嚼勁，搭配蔬菜和肉絲，飽足感強。杞子桂花糕清涼消暑的結尾，桂花香氣淡雅，枸杞增添養生感，甜度不高。評分：★★★★☆（4.5/5）

灣仔京菜之選環境裝修優雅 坐得舒服而且經常轉新餐牌 最近夏季餐牌都好吸引!🌟烤北京填鴨古琴雅苑既烤北京填鴨師承北京「全聚德」選用上乘北京填鴨 再以傳統掛爐烤製每隻烤鴨都係新鮮出爐 鴨皮烤至金黃色經由烤鴨師傅會大展刀工即席片鴨皮脆肉嫩的烤鴨配上自家製既薄餅皮,青瓜,哈密瓜,京蔥蘸埋秘製既蜂蜜黃梅醬同京醬 口感層次十分豐富👍🏻🌟古琴鴨肉炒飯炒飯粒粒分明 加上鴨肉炒咸香味十足💯🌟上海炒年糕煙韌軟糯既年糕搭上香濃醬油風味年糕吸收醬汁後特別香甜呢間長期都好多人想試嘅話記得一定要book咗位先🙌🏻

上星期約左朋友敘舊，想喺灣仔揀間中菜食吓，搵咗古琴雅苑試下佢哋嘅烤北京填鴨，真係一個幾好嘅選擇！餐廳環境又唔錯，好適合家庭或朋友聚餐👍🏻開茶果陣我哋揀咗荔枝玫瑰茶，清新可口，茶香中帶有荔枝、玫瑰嘅芬芳，又幾特別，飲落去非常舒服😚餐廳做緊推廣優惠: 烤鴨二食，我哋揀咗優惠價$299嘅烤北京填鴨半隻＋古琴鴨肉炒飯🍽️首先，片皮鴨鴨皮金黃酥脆，配上青瓜、京蔥、哈蜜瓜作為主要佐料，尤其哈蜜瓜味道清新，喚醒味蕾！京醬同祕製蜂蜜黃梅醬就以甜味提昇鴨香，搭配薄薄嘅餅皮，食落去每一啖嘅味道層次都非常豐富，推介！另外個鴨肉炒飯一啲都唔馬虎，色澤金黃，粒粒分明，炒得恰到好處。鴨肉切成細細粒，肉質鮮嫩，搭配香葱同其他配料，整體味道非常均衡。每一啖都有鴨香，十分不錯👍🏻我哋另外仲加咗一籠小籠包，共六粒，即叫即蒸，皮薄餡靚，咬開仲有豐富嘅湯汁瞬間湧出，味道濃郁，肉餡鮮嫩，有驚喜！古琴雅苑嘅北京烤鴨絕對值得推薦，食物味道非常出色，亦係一個適合聚餐嘅好地方！🍽️ 古琴雅苑灣仔皇后大道東202號QRE Plaza 19樓

今日同朋友一齊想食北京填鴨，第一時間就諗起「古琴雅苑」的北京填鴨，因烤鴨都是新鮮出爐，即席片鴨，令人垂涎。原來他們都會不定時轉換餐牌，這回的夏季套餐餐牌，更有2人/4人套餐，真係一早預訂定坐位先得！意大利黑醋骨以黑醋的焦糖香制作醋骨，外層焦香、內裡鮮味，提升肉味層次之餘又減輕油膩感，讓人齒頰回盪。烤北京填鴨（半隻）金黃酥脆的外皮配上肉質醇厚，充滿鴨脂香的烤鴨，搭配煙韌的餅皮、京蔥、黃瓜、哈蜜瓜、蜂蜜黃梅醬、京醬等，包裹甜酸爽口的配料，解除油膩感之餘，口感層次豐富，難怪成為一道出名的名菜。開水白菜白菜簡單般的奉上，湯色澄澈，但就有著鮮而不鹹的鮮香感，而白菜吸收高湯後，爽脆不爛，清雅淡然，散發微妙鮮香。最後套餐還已包加一服務費及茗茶收費，真係可以現價結帳。

古琴雅苑喺灣仔地鐵站隔籬，行幾步就到，超方便！而家訂座四位起，6歲或以下小朋友仲免費送一份兒童餐，帶小朋友食飯真是一個好選擇！餐廳環境雅致，服務貼心，菜式正宗又創新，值得一試！我哋點了以下菜式：津白雲吞湯湯底清甜，雲吞皮薄餡靚，蝦肉彈牙，入口即化，暖心又開胃。意大利黑醋骨排骨軟腍入味，黑醋酸甜濃郁，食落啖啖肉，超滿足。招牌烤北京填鴨（必食！）鴨皮脆香，肉質嫩滑，配薄餅同甜醬，味道絕到想encore！風味松子魚魚肉煎得金黃鮮嫩，外皮香脆，口感層次豐富，配上甜酸醬，令人回味無窮。農家醬爆牛肉牛肉嫩滑，醬汁濃郁惹味，鑊氣十足，配飯一流！乾煸四季豆四季豆炒得爽脆，微辣香口，越食越開胃。古琴鹹肉菜炒飯飯粒分明，鹹肉香氣撲鼻，簡單但好食到舔碟。無論朋友聚會定家庭飯局，古琴雅苑都好啱！快啲book位試試，唔好錯過咁好味嘅美食！

朋友好中意食北京填鴨，今日我哋放假就去食，見佢有做父親節優惠，性價比高，呢度環境坐得幾舒服，晚市10分多人，座無虛席。瑰荔堂皇呢一個茶好香荔枝味道，配埋北京填鴨一齊食，可以減低個油膩感。上海雲吞湯雲吞粒粒都非常之大粒，個皮好薄，入邊餡料非常之多，湯底鮮甜濃郁加上蛋花非常幼滑。北京填鴨半隻佢哋嘅配料都好多，有青瓜，哈密瓜，京葱，黃梅醬，甜麵醬等，北京填鴨個皮烤到非常之香脆，肉質嫩滑，油香豐富，肥瘦適中。另外有個鴨油酥，非常香酥。小籠包皮薄餡靚，一咬開爆哂汁。

北京烤鴨鴨皮香脆得嚟帶少少果木煙燻香，包埋薄餅、青瓜同甜麵醬，每一啖都係完美嘅組合。另外，鴨皮仲可以沾砂糖食口感酥脆，而且油香十足，一試難忘。而且半隻分量非常多，性價比一流，十分推薦！蟹粉撈麵麵條煙韌彈牙，蟹粉香濃又冇腥味，醬汁掛麵嘅程度剛剛好，每一啖都充滿層次感，絕對值得一試。餐廳環境優雅，氣氛非常適合一家大細或者朋友聚餐。服務員態度好有禮，服務周到，令整個用餐體驗更加加分。佢哋仲有推出父親節套餐，菜式選擇豐富，套餐價格比散叫更加划算

父親節一定要帶爸爸去吃點好的，這次選擇了古琴雅苑的父親節套餐，真的很划算，因為套餐價格已經包括了茶錢和加一！烤北京填鴨這道菜是他們的招牌，配料的賣相一流。半隻鴨子已經讓我們吃得飽飽的，肉質鮮嫩，皮脆可口。 冬瓜鴨湯湯品清甜可口，非常好喝，讓人感覺清新舒暢。意大利黑醋骨與平常的糖醋排骨有很大不同，使用意大利黑醋增添了獨特風味，味道更加出色。環境寬敞舒適，非常適合家庭聚餐。整體用餐體驗相當愉快，強烈推薦大家快點帶家人朋友來試試！

.今日同朋友做完嘢，特登去咗灣仔揀咗呢個超抵食套餐歎茶歇腳！✨ 一上枱就俾個 意大利黑醋骨驚艷到～半例份量啱啱好，排骨外層掛滿濃稠黑醋汁，酸甜開胃得嚟仲帶微微焦香，肉質鬆化唔黏牙，送飯一流！🍖🔥 烤北京填鴨（半隻）*絕對係主角！鴨皮烤到琥珀色，脆卜卜似玻璃紙，皮下脂肪化開咗，蘸少少砂糖入口即溶🦆💥跟嚟嘅 鴨卷餅*自己動手包，熱辣薄餅夾住青瓜絲、京蔥同鴨肉，甜麵醬一刷，咬落層次爆棚～（單點$48/份都值得encore！） 開水白菜清甜解膩🥬💦，湯底睇落清淡但飲落有雞湯鮮味，白菜燉到透心軟，正好平衡返濃味菜式。 前菜小碟係爽脆醃蘿蔔同辣木耳🌶️，酸辣醒胃，等上菜時已經清咗半碟！ CP值高嘅抵食組合，黑醋骨同填鴨有水準，環境舒服啱傾偈，會再嚟encore！ #飽到晚飯都慳返 #鴨控必試 😋@zithergarden 📍古琴雅苑 (灣仔)灣仔皇后大道東202號QRE Plaza 19樓#古琴雅苑 #北京烤鴨

老友生日，諗住食餐好，點知沒一樣滿意。餐廳環境可以，坐得不算迫，但服務態度一般，姐姐全部無笑容，坐下叫了許久沒聽見過來下單。食物味道差，應該不會再光顧了。今天吃了淡而無味的醃篤鮮（198），湯似溝了白開水，不似脆鱔的蜜汁脆鱔（118），只有甜味，還有點腥味，皮厚過公仔點心又無湯的南翔小籠包（85／6隻）,味道正常份量少的四喜烤麩（82），送的紅糖湯㘣有燶味。失望。比較正常的唯一是大碗花菜（128），但價錢太貴。,一句話不值。

今個母親節，我們選擇了位於銅鑼灣的中菜館，餐後還可以在利舞臺附近散步。選了一個價位為$1398的四人套餐，這個套餐的份量實在過於豐富。北京填鴨鴨肉皮香肉嫩，帶有少許鴨臊味，味道不錯，但鴨皮略顯不夠脆，整體感覺有些油膩。不過值得一提的是餅皮相當煙韌，並提供大量的配菜，如青瓜絲、京蔥、哈密瓜、砂糖和京醬等供自行配搭。意大利香醋骨排骨略顯炸得過乾，質感一般。南翔小籠包小籠包的外皮薄，豬肉餡料多汁，味道相當不錯。古琴鹹肉菜炒飯炒飯粒粒分明，較為乾爽，但最後因為太飽而不得不打包。總結而言，我只能形容這間餐廳的性價比高。如果自稱片皮鴨為招牌菜，則無法稱得上出色。

在這次的用餐經歷中，古琴雅苑為我們呈現了一系列精緻的美食，每道菜品都彰顯了中華料理的獨特風味。母親節和父親節都有優惠套餐，可以帶埋爸爸媽媽黎慶祝。北京填鴨半隻這道菜的外皮酥脆，肉質鮮嫩多汁，搭配特製醬汁，味道層次豐富，讓人一口接一口。填鴨的香氣四溢，十分誘人。小籠包小籠包的皮薄透亮，內餡鮮美多汁，咬下去時湯汁四溢，讓人驚喜。這道經典的點心在古琴雅苑的演繹中，毫無疑問地展現了廚師的高超技藝。上海粗炒這道菜以鮮嫩的時蔬和香噴噴的肉類為主料，口感豐富，味道鮮美。粗炒的手法保持了食材的原汁原味。高力豆沙香蕉作為甜品，高力豆沙香蕉的組合令人耳目一新。酥脆的外皮包裹著香甜的豆沙和香蕉，口感層次分明，甜而不膩，完美地為整頓飯畫上句號。

成日都聽到古琴雅苑嘅片皮鴨好唔錯 今日終於都有機會試到喇灣仔分店係樓上舖 樓底好高 環境清幽中式雅緻裝潢 座位闊落幾舒服嚟緊母親節仲有唔同嘅套餐 多人嘅話可以直接嗌套餐 仲有個預訂9折優惠玫瑰荔枝茶 $18@玫瑰味好香濃 荔枝好香甜清新 飲落清甜得嚟又解膩餐前小碟 $18醃蘿蔔大大碟 酸酸地唔會太濃味 爽脆開胃烤北京填鴨 (半隻) $235師傅會即場切片皮鴨 半隻份量都唔少 片皮鴨外皮烤得好香脆 肉質細嫩肥瘦適中 餅皮鬆軟夠薄另外仲有碟鴨皮一口酥 香脆可口喺度配料都好豐富 由青瓜絲 大蔥絲 密瓜絲 蜂蜜黃梅醬 京醬 白糖 醬汁同配料仲可以免費添加瑤柱蛋白炒飯 $122炒飯飯粒炒得夠乾身 蛋白味香濃鬆軟 蝦仁爽口彈牙 瑤柱絲份量充足 整體味道唔會太濃配搭片皮鴨食都唔油膩南翔小籠包 (6件) $85小籠包上枱熱辣辣 外皮夠薄 咬落去湯汁好豐富 鮮味十足

揀咗古琴雅苑食中菜，book咗枱但都唔滿，五人叫咗個set，因為openrice book，所以送咗個拼盤，有4小碟，但可惜我唔食酸嘢。之後有薰魚，我怕酸，都冇試。有個湯，但落咗芫茜🌿，可惜我又唔食。上海粗炒，有食，一般。set冇甜品🍮有啲失望。侍應好快收走哂餘下食物，趕收工。可簽卡

QRE Plaza 係合和中心對面，朋友生日想食北京烤鴨，所以揀咗古琴雅苑。餐廳位於19樓，景觀開揚，望到翠綠山景。而且裝修雅致大方，播著古典悠閒的中式音樂，非常放鬆。✨️我哋嗌咗個二人餐，有半只北京填鴨。店員首先奉上鴨皮一口酥，是鴨烤得最薄脆的部位，食落果然酥脆有鴨香。兩個人食份量算多，鴨皮烤得很脆，肉都算多，不會很肥膩，配上青瓜，大蔥，蜜瓜及填鴨醬，用薄薄的餅皮包著食，十分滿足又不油膩。✨️套餐包了2款前菜，肴肉配雞絲粉皮，雞絲粉皮混著芝麻醬很香，粉皮亦很彈牙。肴肉不會太咸，入口即溶。✨️另外還有一碟開水白菜，湯很清淡，突出了大白菜的清甜，感覺能掃除油膩，很健康。✨️我哋另外還點了南翔小籠包，熱辣辣，一咬即刻有肉汁噴出來，皮薄餡多。💖不得不讚那壺桂花烏龍，除了香味還滲著點點甜味，今餐真的是味覺與嗅覺的享受。