遇見小麵 (荃新天地)

Open Now

Now Closed

遇見小麵來到荃灣，對於重慶菜我是受不了那份酸麻辣的口味，不過看到菜單有不辣的款式也就進去試試。店鋪面積大，座位闊落，樓底高，環境甚開揚。我來的時段是下午茶時間，人不多，進店後選了一個靠窗的卡座，可以望到商場的戶外中庭，感覺十分舒服。桌上四角都貼上掃碼下單的二維碼，即使四個不相識的人各坐一位都能準確下單，不會混淆。這店用掃碼點餐，然後線上付款，之後就等職員把食物送上給你。這種服務模式在國內是十分盛行，但對於我等喜歡吃完才結賬就有點不習慣。我點了一份下午茶餐，蔥油拌麵，脆皮大餃子，。拌麵來了，白白淨的麵條上有三款配菜，炸菜絲，木耳絲和青菜。我選走辣，走生蔥，所以這麵看起來十分素淨，圖片見到有花生的，不知為何沒給我。說到的蔥油，由於我只要油，就是醬油，全在麵條下面，用筷子從底部慢慢向上撈起就可以為麵條上色，不一會這碗拌麵就像樣了。麵條的份量很多，是一碗大麵。醬油的味道也適中，吃起來不糊口，不過鹹。脆皮大餃子，三大隻。餃身結實飽滿，外皮金黃，餡料內有馬蹄粒，韮菜，可惜肉是糊狀，所以吃起來感覺是粉團多些，但韮菜的氣味十分濃郁。每隻夠份量，吃完也飽肚。熱八寶茶，以茶包沖出來，水夠熱。味道微甜，聞到

小朋友開始放暑假了，帶住佢哋搵地方醫肚，嚟到荃灣荃新天地發現內地人氣重慶麵店- 遇見小麵，雖然要排隊等位，決定試吓。醒神陽光番茄麵小朋友唔食得辣，試咗佢嘅陽光番茄麵，酸酸嘅番茄香，加上彈牙嫩滑嘅麵條。原味酥脆雞排酥脆雞排外面脆卜卜，咬落口肉質鮮嫩唔太油膩，小朋友好快食晒。蔥油拌麵拌麵除了蔥油以外，還放滿不同配料，撈勻所有配料同麵一起一起吃，第一啖食到香濃蔥油味，之後食到其他配料，口感層次豐富。秘製脆皮半隻雞外層皮脆，咬落口雞肉嫩滑，每一啖都係脆口與嫩滑之間，性價比高。琥珀冰粉開頭以為會係好死甜嘅啫喱類甜品，點知食落口淡淡桂花香，冰粉彈牙爽口，配上淡花奶，每一啖都流連在香濃與絲滑之間，令我一試難忘。爆漿豆腐串（2 串）豆腐串配上微辣香料，啱晒鍾意食炸豆腐嘅我。安格斯牛肉串 （3 串）牛肉肉質鮮嫩，配上調味粉香口惹味。澳洲羔羊羊肉串 （3 串）羊肉串羊臊味唔太重，小朋友都食到津津有味。凍檸檬茶，檸檬味為主，唔會太甜，食完濃味嘢飲番杯檸檬茶醒神晒。總括而言，食物份量足，性價比高，唔使特登北上，近近哋落樓下都可以好抵食。

之前返大陸食過遇見小麵，但就未晌香港食過。今日早咗收工，行過見到間鋪都多人食喎，早少少食個晚餐先🤪我同老公各自叫咗一個套餐😛我就食 脆皮半隻雞麻辣小麵套餐，個麵都係麻辣湯底，我揀咗微辣，都超級惹味，上面啲花生同豌豆幾多下，麵嘅份量都足夠，配搭埋湯底，一啖接一啖停唔到口😄。至於隻脆皮雞，個皮真係好脆，肉質好嫩滑🤤，一啲都唔鞋，直程想追加嗌多半份雞。老公就食超級碗（多拼澆頭麵）套餐，因為佢比較肚餓，所以嗌咗呢個多餸，有牛𦟌、肉丸、豬大腸，真係超級大碗😂啱晒重口味嘅人士安格斯牛肉串正如佢形容所講係鮮嫩多汁，孜然味好香，調味超惹味。唔會好多肥肉，食完都唔會有罪惡感。好想追加多幾串😂檸檬茶食重口味嘅嘢，配搭返凍冰冰嘅檸檬茶真係好清爽，份量都幾大杯，我飲唔晒要拎走飲😅

今日去荃新天地行街，行到累時便找間餐廳吃飯。坐下後，掃枱上的二維碼下單。🔸紅碗豌雜麵這個是店鋪的招牌麵，可以選微辣/重慶辣/霸道辣。選了微辣，拌勻後每條麵沾滿汁，但又唔會太辣，配料豐富之餘麵條非常煙韌，花生脆口好想不斷加！🔸凍檸檬茶檸檬茶夠冰凍，茶味香濃，酸甜適中。🔸葱酥骨湯抄手抄手份量都幾多，皮都算軟身，加了青菜和滷蛋，每款加$5，骨湯味道濃郁，一口一粒抄手非常滿足！🔸茉莉凍凍酸梅湯酸梅湯味道酸酸甜甜，底部有啫喱，很解渴。🔸秘製脆皮半只雞雞的肉質頗滑，啖啖肉之餘味道酥香，很惹味。遇見小麵地址📍: 荃灣楊屋道1號荃新天地地下G30, G32 & G36

遇見小面喺荃新天地嘅29元下午茶餐真係幾抵食！麻辣小面湯底夠香夠辣，麵條煙韌，辣勁啱啱好，唔會太嗆。雞扒炸得外脆內嫩，肉質保持多汁，配埋酸梅湯，酸酸甜甜好解辣，飲落清新又開胃。環境方面，座位算寬敞，落單用QR code，方便快捷，等餐時間唔算長。以價錢嚟講，呢個下午茶套餐份量足，味道有驚喜，特別推介畀鍾意食辣嘅朋友！

入座後，掃碼落單，付款後，食物由店員送上。店內提供免費自助酙水、自助調料……每枱都有即棄筷子、牙籤、紙巾，都很貼心乾淨。價錢親民，份量十足，味道好。紅碗豌雜麵套餐 $49 加牛肉 $13自從係大陸食過，就有點掛念的味道，大前提是喜歡豆，所以個人特別鍾意呢個口味。有豌豆、花生、肉末、油辣子，一定要拌勻食。味道香辣不燥，香料味濃郁，加上豌豆的軟綿感，令人更飽足，爽滑麵條沾滿濃郁肉末同香料，每啖都好滋味。加左牛肉更有肉感，嫩腍好味。超級碗套餐 $69 多拼澆麵材料好多，有滷蛋、軟骨丸子、肥腸、牛展……當中的軟骨丸子超正，口感有咬口，啖啖肉。雖然睇落好紅，但不算辣，只係帶點麻，味道好。串燒 $19 （3串牛，3串羊）香料味夠重，好味，牛肉連少少肥肉，味道正，香口惹味。羊肉只有微微羶味，好岩我地口味，只係份量偏少。白玉厚椰乳 套餐加$3超級濃椰奶味，香滑可口又甜，白玉爽嫩滑，增加口感，必飲。凍檸檬茶（套餐）味道幾好，但偏酸，有鮮檸，夠哂凍。網上付款，方便。

好少嚟荃新天地食嘢，今次專程嚟試吓呢間內地過江龍餐廳 - 遇見小麵😃見佢性價比高，下午茶好平好抵食！老麻抄手份量意外地多，起碼有十幾粒，一大碗雖然紅噹噹，但唔太食得辣嘅朋友仔可以放心，揀微辣嘅話係真微辣，唔會辣到變孖潤腸😆安格斯肥牛小鍋冒菜香辣火鍋好豐富，原來有薯粉同飯，等我仲額外加咗份安格斯肥牛同肥陽，太多嘢食😂肥牛真係幾肥幾嫩，肥腸食落都肥美彈牙。酥脆雞排幾邪惡但好好食！外層脆卜卜，咬落去雞肉好嫩滑😎。琥珀冰粉個人覺得冰粉好好食😋清涼爽滑又彈牙，甜度適中一啲都唔死甜，食完辣嘢食佢過下冷河超正，即刻解辣！📍遇見小麵（荃灣店）🏠楊屋道 1 號荃新天地一期地下 G30, G32 & G36 號舖

成日經過都見到呢個位人山人海，仲成日有人係入口位排隊等。終於搵到機會去試試佢食返個晏！自助落單想快食午餐都好方便，餐牌基本上係湯麵加小食再加嘢飲，味道當然係離不開酸辣麻辣，不過最出位嘅係價錢，下午茶最平28蚊就有交易🤝，唔怪之得每次行過都咁多人食咗川味酸菜牛肉麵同金碗酸辣粉份量夠多夠飽，唔會因為平而俾得少嗌咗微辣都已經好夠辣！兩個麵食有啲酸菜炸菜另外有個自助位可以再加啲醃製配料一齊食老麻抄手好足料，辣辣哋好開胃，仲加咗個爆漿豆腐串係外脆內滑嘅，有少少紅油係面層不過唔會好辣大熱天時叫咗 2 杯凍飲消暑解渴凍檸檬茶酸微微好解辣！ + 茉莉凍凍酸梅湯有少少茶凍啫喱口感勁豐富！

內地人氣重慶小麵品牌「遇見小麵」🇨🇳🍜 黎左香港啦😆 價錢拍得住內地甘抵食 吾洗特登北上都食到😌脆皮半隻雞陽光蕃茄湯麵 $56雞皮金黃酥脆 而雞肉醃製入味🍗 湯底酸甜開胃 湯麵份量十分足夠飽肚🍜➡️ 另外+$5 要多左份青菜 同+$4 加配埋飲品「白玉厚椰乳」安格斯肥牛小鍋冒菜 $53湯底麻辣濃郁🍲 用上口感嫩滑既安格斯肥牛🥩 鍋内仲有吾少蔬菜同豆製品同薯粉 配料豐富 滿滿既飽足感😌➡️ 另外+$6 轉左套餐 包埋白飯同凍檸檬茶 再加左+$5 滷蛋🥚鍋巴土豆 $16用上優惠價錢加購😆 土豆外酥內軟 麻辣鮮香🥔

星期六同朋友喺荃新天地行街，見到依間餐廳超多人排隊，超受歡迎！原來下午茶時間，勁抵食！雖然要排隊，但係員工做嘢都非常有效率，好快就可以入座。淨係睇餐牌，已經非常吸引，價錢仲相當經濟實惠！紅碗豌雜麵配料好豐富，超足料，認真將佢哋攪拌均勻，每一啖麵都可以食到唔同嘅配菜，滿滿澱粉質真係很能夠俾人好幸福嘅感覺！小辣嘅口味，容易入口，就食得最開心！朋友就揀咗蔥酥骨湯抄手個湯清澈得來又幾好飲喎👍🏻👍🏻抄手份量亦都唔惹少，外皮唔會太薄或者太厚，係幾清新輕盈嘅午餐選擇我哋仲叫咗秘制脆皮半隻雞，因為見到隔籬枱嘅小朋友食得超開心，所以都忍唔住！外皮非常香脆，香氣撲鼻，而且仲有滿滿肉汁，唔會太乾身，非常推薦！作為一個澱粉控，我仲叫咗一份鍋巴土豆，配埋茄汁，真係超級正！外脆內軟！

荃灣荃新天地新分店，餐廳環境開揚，簡約舒適午市套餐價格實惠，還包飲品，食物選擇多樣，有湯麵亦有拌麵我哋兩個人叫咗一個炒手（唔辣），一個招牌小鍋冒菜（麻辣湯底），再加多個串燒，連同2杯飲品，人均$75，已經很豐富清湯炒手外皮薄彈，內餡鮮嫩小鍋冒菜食材豐富，麻辣湯不算太辣，餸菜吸收湯汁更惹味羊牛雙拼串燒肉質鮮嫩，不柴不乾，口感好好整體感覺美味實惠，餐廳以自助下單，就算排隊入座都算快，而且下午餐低至 $29 連飲品，更抵食！

荃灣友注意！想食香辣川菜又怕天氣太熱？不如就嚟呢間遇見小麵嘆住冷氣開餐啦，仲有多款必試招牌👇 🍲 醬香滷牛肉小鍋冒菜 濃郁醬香滷牛肉🐮浸透麻辣湯底，配料爆多！熱辣辣一鍋超滿足～ 🍗 秘製脆皮半隻雞 脆卜卜雞皮🔥咬落卡嚓聲，肉質嫩滑多汁，點埋孜然粉香到震！ 🍅 陽光番茄牛肉麵 每日熬製番茄濃湯🍅酸香開胃！牛肉大片軟嫩，麵條吸盡湯汁超正～ 🍹 茉莉凍凍酸梅湯 解辣神器！酸梅湯冰涼透心💦加入茉莉花香同爽口凍凍，一口消暑！ 🥥 白玉厚椰乳 濃厚椰乳💯口感順滑到震！配埋煙韌白玉丸子，甜度剛剛好～ 🍢 串燒拼盤（羊肉串*3+牛肉串*3） 即烤上枱香噴噴🔥羊肉惹味唔羶、牛肉嫩口多汁，孜然香料半肥瘦勁過癮！ 🌶️辣住歎冷氣！地道川味+人氣小食大滿足

#chuchu食在荃灣📍 遇見小麵 嗰日係荃新天地行街聞到好香嘅辣味，原來最底嗰層開左遇見小麵！好大地方～💡下午茶仲抵食！抵食過好多茶餐廳！—————————————————————❣️ 安格斯肥牛小鍋冒菜 $53好大煲！連埋個火爐上，熱辣辣！有好多配料，好似金菇、豆卜，豆皮，魚腐等等！仲有啲紅薯粉係底，夠飽！揀咗陽光蕃茄湯底，係好天然嘅番茄味，酸甜開胃岩哂🐷呢啲唔食得辣嘅人！安格斯肥牛油花好靚，好嫩，都有好多舊，牛味好濃！▫️ 肥腸（微辣） +$13加咗豬大腸！好出色，好入味！✨ 小鍋冒菜 +$6 套餐有白飯同嘢飲.❣️ 蔥酥骨湯抄手套餐 + 飲品 $42雲吞皮好滑，好似大陸嘅小雲吞，骨湯味道又濃，一粒一啖湯！.❣️ 金碗酸辣粉 $19勁抵食！酸辣粉係$19一碗，湯底夠酸好開胃，紅薯粉滑捋捋好煙韌！面頭好多芫荽好香，仲有炸黃豆！✨食得辣一定要試！.❣️ 蜂蜜柚子茶 （套餐）❣️ 白玉厚椰乳 +$17白玉厚椰乳飲落好夠椰香味，仲有滑捋捋白玉啫喱，仲可以解辣🙈.💬 超抵食！平靚正！—————————————————————不專業評分👅好味指數: 9/10 💰性價比: 9/10👍🏻推薦: 8/10 —

人氣抵食川菜國內人氣好勁嘅重慶菜品牌遇見小麵，由上年開到嚟香港，依家香港嘅商場都食到喇。上年已經食過其它分店。今次荃灣荃新天地分店我好鍾意，因為佢店面好大，樓底好高好開揚，雖然枱與枱之間都幾近，不過都可接受。同朋友食飯傾偈嚟呢度感覺比較舒服唔焗促。餐牌都幾多選擇。下午茶餐真係好抵食。有炸雞，麵和飲品。今次同朋友叫咗2個套餐。紅碗碗雜麵，招牌菜當然要試試。麵上面好多配料，炸碗豆，花生，好多榨菜同肉醬，同麵和麻辣油撈埋一齊食，辣得好惹味😋。揀咗微辣，都會愈食愈辣。麵好彈牙，吸哂辣汁好正。麵嘅份量都好多。愈食愈過癮。川味酸菜牛肉麵麵質感似上海麵，份量都算多。牛肉味道正常。小酸辣。袐製脆皮半隻雞呢個大推必食😍😋上枱都幾有份量。皮燒得好香脆，味道調得很惹味。啖啖肉好正。羊肉串一份（3串）好重孜然味道，好濃好惹味。食完一口再一口。喜歡食串燒人士嘅至愛。我同友人都叫咗檸檬茶，唯獨茶唔係煲嘅茶底，有啲美中不足。

經過荃新天地～遇見 ‘遇見小麵’ 立刻進去吃吃看，座位闊落舒服，服務員態度好友善喔🤎番茄湯麵配脆皮半隻雞酸香番茄湯底🍅麵條彈牙🌀脆皮半隻雞🐔外皮金黃酥脆🔥肉質嫩滑勁 Juicy🤎蔥油拌麵麵條掛滿住香蔥同醬油🥢香氣撲鼻💨🤎蔥酥骨湯抄手雲吞皮滑到呢～骨湯味道濃郁，一口一啖湯🙂‍↕️美味👍🏻🤎澳洲羔羊羊肉串串燒惹味得嚟肉香好出，配埋孜然粉食好夾！🥢遇見小麵（荃新天地店）📍 地址：楊屋道 1 號荃新天地一期地下 G30, G32 & G36 號舖 （中庭花園旁）#遇見小麵 #重慶地道美食 #紅碗豌雜麵 #金碗酸辣粉 #荃灣美食 #拌麵 #番茄湯麵