和牛燒肉一郎 (百誠大廈)

Open Now

Now Closed

真係唔知喺邊度搵到咁平嘅任食燒肉放題，仲係要有自助沙律菜菜加飲食肉嘅套餐都只係下午$98，另外冇加一收費。尤其是對於做完gym同埋運動之後嘅人要食多啲肉同蔬菜黎講。呢一個價錢真係冇咁多餐廳做到。$98可以任食75分鐘，而$148就任食120分鐘。 咁當然如果話質素的，一定係接受到未至於去到好差。唔鍾意食肥豬肉的話其實都有得選擇。我自己習慣只係食一餐，只吃食下午呢一餐都已經夠晒。希望呢一間舖頭仍然繼續做呢一個優惠。🥺題外話佢啤酒放題都係+58🙈

和牛燒肉一郎（是一家日式燒肉放題餐廳，主打高質和牛，值得一試！雖然燒爐較細，需頻繁換網，略影響節奏，但食物質素過得去，整體體驗不俗。放題提供鹿兒島A4和牛，牛舌薄切爽脆，牛里脊油花均勻，入口柔滑，壽喜燒壽司更是驚喜，醬汁甜香惹味。海鮮如赤蝦和帶子新鮮，惟部分評價指海鮮質素稍遜。特色「燒肉新幹線」送餐快捷衛生，增添趣味。環境寬敞，木系裝潢帶日式風情，適合朋友聚餐。服務親切，店員會主動指導燒烤時間，住客享折扣優惠，性價比高。甜品如Häagen-Dazs雪糕為餐點畫龍點睛。雖然燒爐尺寸稍為制約，但和牛品質與創意菜式仍讓人回味，適合燒肉愛好者一試！

好多嘢都顯示冇，一坐低就覺得伏，焗住只可以叫果一二樣，但係啲肉仲衰過街市買既貨尾，自助區選項勁少，仲要燒汁好難食，我覺得食燒肉燒汁好重要，肉衰，如果汁好味都有得救下，我地2大一細，我基本上去陪坐。自家飲品又難飲，雖然話求其一個餐都要一百幾十，重點係我連1百幾十既質素都食吾到🤣🤣🤣如果下次免費，再比100我黎，吾係話148要食岀1000既質素，但係如果以放題黎講，本身食物選項吾多，之後質素又差，只能講浪費既不止係金錢，仲有時間。唯一好既我覺得工作人員都nice，而且上菜速度都快

環境闊落乾淨，坐得都算舒服，但餐廳設計上有點問題，某些位置行去自助區非常遠！在非常有限的用餐時間下，一來一回都無咗10分鐘。食物質素還可以，但以這個價錢來講非常貴，海鮮唔新鮮，唔建議點。用餐時間非常不足，而店員亦會不停來催你，差啲以為自己last order先入坐阻人收工。最後半小時，店員亦走黎建議我地加錢加時間，一邊食一邊被催。明白用餐時間有規定，但當時店內完全無客，理解但感覺非常不好。總結成餐飯，在壓力下用餐，食完唔開心，唔飽，唔好味，無服務無質素，唔會再返轉頭，唔推薦。

好正豆的牛肉店，味道喔有點鹹，我口味偏淡。門口牛肉超級漂亮。服務很好，應該來試下，交通便利，環境衛生，牛肉漂亮，推薦牛舌芯。自己自助燒烤喜歡熟度自己控制，背景音樂很舒服

第一次嚟呢間店食燒肉，店舖食物質素無因為做緊promotion而變差，肉類質素高，尤其是牛有好多選擇。只係沙律菜叫極都唔refill比較差之外，其他都非常滿意。值得嚟食~

唔耐之前，帶我爸媽同細佬嚟呢度食烤肉。整體體驗都好唔錯。👍🏼呢度係自助餐模式，嘢食任你食到飽。🤤入面嘅環境好靚，佈置得好好睇。嘢食同飲品都擺放得好整齊。我哋嗰陣決定攞Set D，有啲食物係另外加錢，但大部分都係無限食到飽。🥩🍗🍖第一份，我哋直接點咗和牛西冷，一大片肉放去燒，直接刺激我哋嘅味蕾，有好濃郁嘅牛肉味，味道都好正。仲點咗一盤五花肉畀唔太鍾意食牛肉嘅媽媽。佢哋嘅五花肉，份量好足，厚厚一片，食落好有口感，好滿足。我哋後來點咗牛脷👅，仲搭配香水檸檬。檸檬嘅酸味可以提升牛肉嘅層次感，整到更加好食。除咗檸檬嘅，我哋仲點咗蔥花牛脷，係鹽味嘅。唔同嘅味道但一樣好食。我哋仲上咗啲牛肉嚟燒。其中有生牛肉刺身🍣、牛里脊肉同牛肉壽司。一堆肉，放埋一齊，仲未開餐就整到大家流口水。每道都帶住濃郁嘅牛肉香味，咬勁十足。媽媽後面點咗啲海鮮🍤，都好新鮮仲要好大粒。入面有我鍾意嘅青口，好鮮甜，鮮美多汁。佢哋嘅海蝦都唔賴，好彈牙，口感好豐富。食物都好唔錯，我哋一家人都食得好飽好滿足。

訂咗位，去到先至話燒烤爐壞咗，冇得燒嘢食。淨係得返丼飯。真掃興，之前冇通知。之後仲見到有人入場，唔知道佢哋有冇得食。如果可以做好啲，事先打電話嚟通知，咁就唔使山長水遠來到冇嘢食

今晚想同朋友仔一齊Chill 下，傾下計，所以就去咗之前去過嘅「和牛燒肉一郎」食晚飯，呢度環境好有氣氛, 食物質素都好好 😋😋😋🔸Course E 🥩🥩🥩 可以一次過吃到黑毛和牛的12款，仲有日本和牛，澳洲和美國牛肉，可以由淡香至濃味慢慢燒，包括：🔺和牛牛肉角切：油花豐富，肉質嫩滑🔺和牛牛肋條：入口即溶，油脂分布均勻🔺和牛西冷：肉味香濃，油花相對比較少🔺牛肋肉：肉質柔軟，有肉味🔺牛里脊肉：好有咬口，越交越有牛香味🔺帆立貝：香氣十足，味道濃郁爽口仲有自助bar檯，自助沙律,雪條,雪糕冇得輸! 🍨🍨🍨食2nd round 都覺得好惹味🥩🥩今餐試咗多款燒肉，有牛有豬有海鮮，質素味道都唔錯！😋😋😋⭐️⭐️⭐️ 餐廳用咗無煙燒烤爐，食完唔會有油煙味👍👍👍 ⭐️⭐️⭐️ 平日晚市滿座，記得訂位。

最近同家姐去佐敦試咗呢間傳說中嘅和牛燒肉，果然冇失望！每一道菜都真係有水準，燒烤香氣四溢，真係心目中嘅首選燒烤餐廳呀!原條牛舌配香水檸檬🍋牛舌好爽口彈牙，加埋清新嘅香水檸檬，口感平衡又唔膩，幾特別嘅組合！生牛拖羅刺身 & 生牛肉刺身牛拖羅刺身切得啱啱好，油脂同肉質都幾細膩，入口順滑；生牛肉刺身口感又係另一種，清爽冇腥味牛舌三部曲：牛舌、特上牛舌捧、極上厚切牛舌鍾意牛舌嘅一定要試！普通牛舌夠爽口，牛舌捧又多層次感，厚切牛舌質感實在，一啖咬落好滿足！😋炸蝦 & 多春魚🐟🦐炸蝦好酥脆咸香，多春魚炸得啱啱好，食起嚟好香口唔會乾生牛肉壽司 & 生牛大腹肉壽司🍣壽司入口就係牛肉嘅鮮甜，飯量啱啱好，加埋牛大腹嘅油花，一啖入味，好正！甜品：菠蘿🍍食完燒肉之後嚟塊清甜嘅菠蘿，唔會太甜，啱啱好做個完美收尾總體嚟講，呢度嘅燒肉真材實料，唔會過於油膩，幾適合同朋友聚餐。燒肉同生肉款式夠多，CP值都唔錯，真係值得再嚟試！🔥

朋友生日要食餐好既慶祝吓，喺OpenRice搵吓有咩優惠券，見到呢間放題燒肉店人均$310就有6款黑毛和牛任食，好似幾抵～就決定試試佢🤓第一轉落單會有牌仔介紹係咩肉，可以試啱先再叫，雖然和牛嘅油花睇落幾靚幾均勻，不過食落肉味唔濃、油香都一般般，真係志在有和牛食吓🤣生牛肉壽司幾似魚生，不過都係試過就算😂冇咩特別味而且有啲薄💩特選薄炙牛里脊肉食落反而比和牛仲淋身啲，少少肥牛嘅感覺幾唔錯～好多款牛都切得薄得滯，冇咗個口感🥺所以我哋最鍾意嘅都係牛肉粒，啖啖肉得嚟又有油香😋雞肉豬肉都有好幾款選擇，最特別係雞頸肉，燒完好香又彈牙👍🏻海鮮方面有帆立貝、蝦、青口、蠔等等，帆立貝雖然唔大粒但都有彈牙嘅口感，以放題嚟講好唔錯，我哋都食咗好幾隻☺️熟食方面有自己出去夾嘅吉列蝦、炸雞軟骨，落單嘅有炸蠔、炸芝士、炸雞，主食有冷麵、拌飯和牛肉燥紫菜飯等等，選擇幾多、食落正常，係炸雞唔知點樣好似有層未熟嘅麵粉咁😂雪櫃有沙律同甜品，個人覺得tiramisu最好味😛唔會雪都乾曬硬曬，咖啡味幾濃～

難得有時間拍吓拖大家都掛住日本 想食好嘅日本燒肉所以揀咗呢間之前試過嘅燒肉店我哋試咗頂級放題套餐F。極上夏多布里昂，牛舌,牛舌拼豬五花肉，肉品滑溜，香味濃郁，一點騷味都冇！基本上一放入口就自然滑入口腔，又香又滑！雖然人多，但係份量絕無馬虎！仲要質素高。黑毛和牛六款就更加吸引，肉香四溢，口感鮮嫩，油花平均，切嘅厚度每片幾乎一模一樣！同埋點少得我哋超級鍾意嘅海鮮同埋菠蘿。海蝦，每一隻都好爽口，菠蘿係real fresh呀。仲有炸蝦炸到外脆內嫩，一定要趁熱食，咁就perfect。食物擺盤都非常講究，真係物超所值✨️。和牛燒肉一郎放題，真心推介俾大家，感受呢間餐廳嘅美食同優質嘅服務！簡直就係唔容錯過嘅選擇！

和牛燒肉一郎喺香港有幾間分店，系我食過目前為止和牛放題最正嘅餐廳. 喺呢度可以食到最正最新鮮嘅和牛各種部位，一定系我同friend 嚟食飯嘅首選！夏多布裏昂系我認為最高級嘅和牛。燒烤後鮮香無比，配埋醬汁，更加入味，真系好好食🤤每一款牛肉都好新鮮，都有自己獨特嘅味道，尤其我最鍾意入面嘅牛肋肉，好有彈性，味道好正！五花肉搭配牛舌簡直系一流！喺口味同口感上都附有層次，好豐富. 牛肉眼好軟嫩，烤嘅時候好香，而且肉眼嘅雪花好多，睇落去超惹味！魷魚可口有彈性，燒後嘅魷魚超香！蔥花鹽味牛舌彈牙又唔會腥。蔥花同鹽味充分咁把牛舌嘅香味凸顯出嚟，食得停唔到口，仲想再食！烤菠蘿香味十足，甜味更加濃！

上個週末，終於返嚟和牛燒肉一郎（佐敦）試返一餐熟悉嘅燒肉套餐。之前係別嘅分行試過，呢次係佐敦呢度食都唔失所望，質素同味道依然好穩陣。😊原條牛脷配香水檸檬：牛脷口感厚實，加埋檸檬嘅酸香，好清新，開胃唔過重味！海蝦：每隻都好彈牙又鮮甜，燒得啱啱好，少少焦香，輕輕加鹽就好味喇。特上牛脷捧：薄切嘅牛脷片，紋理細緻，入口即化，嚼落仲有肉汁滲出，鍾意原汁原味嘅朋友會鍾意呢道。牛里脊肉：份量啱啱好，嫩滑細膩，唔使加太多調味，簡單鹽味已經足夠突出牛肉嘅香氣。薄灸蔥花牛脷（鹽味）：呢款牛脷片比之前嘅厚少少，加上香蔥，增添咗獨特嘅鮮味，食落有層次感。薄炙牛里脊肉：只要火候掌握得好好，油脂均勻分布，肉質又細嫩又軟，唔會覺得膩。生牛肉壽司：清爽嘅壽司飯香加埋鮮嫩牛肉，微微帶脂香，體驗好特別！雪糕：最後嚟一啖雪糕，幫成餐燒肉餐畫上甜美句號，清新解膩。燒肉同配菜種類豐富，牛肉同海鮮嘅搭配好有變化，下次可能會再嚟試其他套餐！

到爆食咗一次，就念念不忘，一直都想再嚟呢度食第二次，今次就帶咗好兄弟一齊嚟呢度食和牛燒肉，真係好爽，我前訂咗2位一齊食呢度嘅Set F 放題，一次吃到過癮！［夏多布里昂牛肉］呢度既然有我想念咗好耐嘅牛肉。牛肉嘅質地滑軟，非常鮮甜，又冇腥味，完美符合我對牛肉嘅要求！［黑毛和牛］六款嘅牛肉部位任我哋揀，而且仲好新鮮！！！每一款牛肉都帶住自己嘅風味，配上濃鬱嘅牛肉味撲鼻而來，喺口中咀嚼，仲可以食到香甜嘅味道，真係太正喇！［牛舌同五花肉］除咗六款嘅牛肉，牛舌嘅味道都好正，食落去好彈牙，口感好豐富！而五花肉都好香甜，唔會油膩，同牛舌一樣彈牙！兩款都好好味！［海鮮］魷魚綁成只嘅，燒起嚟好香，仲好有嚼勁！仲有青口嘅味道十分鮮美，滋味十足，好食到連殼都想食落去！帆立貝嘅口感就比較Q彈，肉質柔軟，同魷魚有住明顯嘅對比，口感好豐富！［鹽味牛舌］好兄弟食得最多嘅就係鹽味牛舌。鹹味嘅牛舌食落去好香，唔晒沾醬就非常好吃！而且烤過之後嘅牛舌更加滑嫩，令人回味無窮！好兄弟好鐘意呢度嘅食物，仲約我下個星期再嚟！