陳茶館芋圓甜品專門店 (黃埔天地第3期百寶坊)

Open Now

Now Closed

最近開心果真係hit到乜咁，所有甜品都離不開開心果，目前為止我都中過伏唔少，又貴又難食。今次我黎黃埔都係因為佢，成碗綠色野仲要有開心果碎真係超吸引！都唔平，要$52。我買嗰陣只知佢係開心果冇留意其他，直到食嗰陣先知原來佢有芋圓，真係滿足哂我。好驚佢好凍，因為生完B都盡量戒凍野但出奇地佢唔係冰凍嘅偏向室溫非常好！甜度唔係死甜，適中，係少甜版，開心果味都出嘅，不過再濃啲就perfect 喇。食開心果粒要小心啲，我啲牙肉俾啲尖尖位整到損左。唯一美中不足係佢啲開心果粒連埋衣一齊搞碎。$52貴左少少因為開心果嘅成本。整體好滿意同埋一定會再食，期待佢出多啲開心果嘅甜品。

紅磡舊區有一間開業幾年的新派糖水店，吸引了許多年輕人前來品嚐。最近在網上看到店裡推出了開心果甜品，但最受歡迎的還是店裡自開業以來一直暢銷的芋泥芋圓仙草糖水，價格非常實惠，只需$38。作為一個芋泥控，對這款甜品讚不絕口，每一口都讓我愛不釋手。芋泥同糖水唔會過甜，調味啱啱好。佢嘅芋圓、番薯圓、紫薯圓配方合好，唔會溝得太多粉，食得出裏面斤兩十足，份量好慷慨，每款都有至成十粒。 最緊要嘅影相超靚，打卡就啱晒

每一次经过这家店都好多人！实力认证！开心果糖水：真有开心果味，不光颜色开心果。好次到要把边边上粘住的开心果酱都刮干净。里面有雪燕丰富糖水的口感！芋圆一直都是那么优秀。后面两款都是店里一直常驻嘉宾芋圆芋泥控完全爱不释手呢

教會boardgame查經喺紅磡永恩堂，完咗大約1030行去黃埔陳茶館🍵得返外賣🥡，叫椰汁🥥桃膠三寶$42轉豆漿，門口等5分鐘就有，山長水遠搭地鐵🚇再轉小巴🚐拎到返屋企食，先覺得轉豆漿笨咗，因為屋企有百福豆漿，應該椰汁🥥底先啱。打開嚟食有芋圓桃膠小丸子🍡，三樣口感都煙韌正，食完皓飽

Bookmark咗好耐嘅呢間人氣甜品店 今次終於輪到我食喇😊◈ 開心果雪燕西米露 $52表面有勁多開心果碎❗️好重堅果味🥜材料有煙韌芋圓粒粒西米同滑溜雪燕 口感超豐富😋 但個人認為開心果再濃D會再好味D◈ Oreo芋泥鮮奶 （熱） $38芋泥質感非常綿密 味道香甜 甜度岩岩好 冬天飲完暖笠笠♨️但有d失望 Oreo味失咗蹤😱

我知道❗️我知道❗️陳茶館出咗呢個開心果雪燕西米露都一段時間，但係我一直都未有機會去～ 琴晚趁親子時間去開黃埔一帶，帶咗娘親去拜訪一下～ 星期六晚8:00去到已經大排長龍，雖然開多咗分店，但係黃埔分店依然有好高嘅人氣！➿ 開心果雪燕西米露 ($52)如卡仔所講，食完真係會開心㗎☺️ 好鍾意面頭嗰浸，加埋開心果碎一齊食都幾濃郁～ 雪燕冇咩味，但加埋煙靭嘅芋圓同埋西米，口感好豐富😆➿ 芋圓紫米羹 ($39)娘親就覺得紫米露嘅甜度相對高啲～

開心果雪燕西米露$52這款是西米露，加咗開心果碎果仁、雪燕和芋圓，唔好見到咁綠色以為好濃開心果味，係個羹有開心果仁一齊食就有開心果味😜整體味道偏淡，試一次就夠，個人覺得如果喜歡食濃味就可以不用試。

星期六下午到黃埔陳茶館，離遠已經見到要排隊啦～不過好快就有得入座，試下bookmark左好耐嘅開心果糖水，同埋最近新出嘅黑芝麻系列🤤🌟開心果雪燕西米露 ($52)糖水好足料，除左有雪燕同西米之外，仲有少少芋頭粒、好多芋圓同開心果碎！不過開心果味唔算濃，單飲糖水會比較有開心果味，但如果夾埋啲配料一齊大啖食，就唔太覺有開心果味🤣🌟黑芝麻豆乳大滿貫 ($50)呢碗糖水一樣大滿足，有粒粒碧根果碎、仙草、芋圓😋黑芝麻溝左豆乳，所以比較稀，唔會好似平時去中式糖水舖食嘅芝麻糊咁濃郁，整體唔會話食到好濟😌整體而言，糖水好足料，尤其係芋圓特別多，亦唔會整得特別甜，值得一試，不過堂食用餐時間得30分鐘，所以適合快食多啲～

呢度簡直就係我哋開心果控嘅夢幻天堂啊！！😍【開心果雪燕芋圓西米露】雪燕好似透明嘅水晶凍，軟綿綿、滑溜溜，芋圓粒粒飽滿彈牙，濃郁嘅開心果香直衝鼻腔，再混合著雪燕、芋圓、西米露嘅清甜😎【開心果牛乳】上邊有一層厚厚的開心果奶蓋，甜度就啱啱好，冇一般甜品嘅膩歪感反而令人越飲越想飲！牛乳+開心果呢個組合真係好美味，d開心果碎越嚼越香！🤤如果好似我咁對開心果味嘅甜品愛到死心塌地嘅話，呢間店就唔好錯過啦！🙌🏻🙌🏻

近期開心果熱潮盛行💚各式開心果甜品林林總總🌈而其中一款最高討論度的，竟是來自自稱芋圓甜品專門店的陳茶館😮其推出的開心果雪燕西米露由推出至今一直廣受好評🔥———————————————————————西米露質地比常見的濃稠🤏🏻雖然賣相十分翠綠但開心果味未算十分濃郁🤔幸好店家在表面撒上了新鮮開心果碎，補貼開心果味之餘亦為整體增添香脆口感👍🏻西米份量充足，口感正常，沒有煮得太爛👌🏻至於雪燕方面份量說令我相當驚喜🤩每一口都能嚐到雪燕的幼滑口感😚帶來的「拉絲」效果非常特別😇此外糖水中還有三色芋圓🍡size比常見的大，質感煙韌亦未會太硬😋不過個人認為芋圓與開心果味就未算太合拍😅另外亦同時點了陳茶館的另一款熱門糖水-黑糖珍寶仙草。芋圓、珍珠、小丸子全都質感Q彈😝軟硬程度適中，喜歡煙韌口感的絕對會感到滿足🤗仙草方面質地亦非常滑溜☺️完全做到台灣的正宗風味🫡但整體上這款甜品最大缺點是味道實在太甜😰連嗜糖的朋友都表示有點吃不消，相信未必能夠符合大眾口味🥶———————————————————————作為芋圓甜品專門店，陳茶館的芋圓的確十分出色👍🏻如果調味方面能更貼合香港主流的話，相信會更受歡迎💪🏻💪🏻

教會桌遊查經後搵宵夜，永恩堂行去陳茶館🍵，想試皓耐，見到新出既開心😃果雪燕西米露，全綠色，諗住叫嚟堂食，見入面都有皓多客，又有位，排喺個肥顧客後面，點知前面肥顧客買完堂食到我竟然話截咗單外賣🥡only🤬有d嬲🤬嗰時都係2225，見前面個肥顧客同朋友仲施施然返位等食，我就要攞外賣🥡由紅磡拎到返九龍塘仲要轉車上山，諗緊買唔買之際，最後都係買($51)，等咗5分鐘，仲要俾店員趕出店鋪外等食西北風，覺得個店員態度差🤬搞咗一個鐘地鐵🚇轉小巴🚐上山先返到屋企。打開嚟食，自己落開心😃果粒，攪勻，入面有大粒芋圓、雪燕同西米，皓杰，食落皓重開心😃果味，咬落開心😃果粒有口感，芋圓Q，加埋西米，皓飽，可encore

我地叫左3款甜品黑芝麻豆乳大滿🥲較稀身，芝麻味較淡，性價比一般。豆乳味太濃，應該係芝麻太小。開心果雪燕西米露❤另加珍珠 中意開心果既真係必點，雖然佢真係好綠，但真係有淡淡既開心果味，但記得食之前要撈一撈先，因為個底冇咩甜味，面果D就較甜，開心果碎如果可以再多D就更香口。但個黑糖珍珠就唔建議加了，太甜，冇咩黑糖香氣。木瓜桃膠雪耳❤正常發揮唔死甜。份量正常，木瓜香濃，最中意桃膠好有咬口，如果多幾舊更滿足🤗

呢幾日唔食得凍野唔清楚menu有咩係可以熱食叫自己睇問下可唔可能走冰但係個男侍應態度超無耐性超差仲要之後個人後過我黎order4碗都早過我有得攞冇下次就算好食都唔會再返黎上次都幾耐前黎都唔係咁唔建議黎食

16/10/2024📍陳茶館呢間糖水舖聲稱係芋圓甜品專門店 究竟係咪真係咁好食呢🤔仲食住個勢出咗開心果甜品 真係要試下🤓⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨開心果雪燕西米露（$52）開心果味唔算好濃 未去到開心果糊嘅程度 但加咗開心果碎就level up❗️成碗好足料 每一啖都食到雪燕同西米🤩甜度適中 食得好滿足🤤最驚喜係芋圓 比一般嘅更加大粒 仲好煙韌食得芋頭味同紫薯味🍠✨木瓜桃膠鮮奶（$38）桃膠嘅分量好多 好有咬口 鮮奶淡淡哋 甜度好低 配埋好甜嘅木瓜食就啱啱好 係相對健康嘅choice~不過啲材料唔似係一齊煮嘅 似係各自煮好再裝埋一碗 無咩心思⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$89（免收加一）呢度嘅糖水不過不失 如果嚟食嘅話推薦試下佢嘅芋圓 大粒又煙韌！推薦指數🌟：3.5/5📍紅磡必嘉街120號黃埔天地第3期百寶坊地下G12號舖

食完晚餐想搵間甜品店食，就去咗間bookmark咗好耐又幾出名嘅陳茶館，果然出名嘅都係要排隊，等咗一陣就入得。叫咗芒果系列嘅芒果芋圓西米露。佢唔會好甜，芒果都唔會好酸，有芋圓配搭就一流👍🏻👍🏻👍🏻