大圍小館

Open Now

Now Closed

出品水準較以往差，名大於實，第一叉晚市退步好多，籠仔蒸牛肝菌茄子上菜已不夠熱，味道一般，疊羅漢大多河粉，煎麵梘水好重，係一缽蒸魚腸較為突出，冰花蛋球仲差過普通麵麭店，絲苗白飯就唔錯，鉄觀音茶都係一般。

今次來到大圍小館吃晚市，先點必食之選<第一叉> HK$188，厚切叉燒，是選用梅頭肉同麥芽糖燒製成，放上枱之後店員會搽一層柚子醬，然後再用火槍燒一燒，即埸有視覺享受，燒完之後可以令叉燒外皮更加香甜脆口，口感係外脆內軟，肉嫩多汁，近入口即溶，完全不會令人感覺油膩，好有口感。<陳皮豆豉鮑魚煲> HK$368店員說是即叫即煮，時間會比較耐一點，所以會建議早一點叫定，只有4隻鮑魚，質感新鮮，味道不錯，不過肉質可能煮熟過少少，但影響不大。<薑米蒜香籠仔蒸蟹飯> HK$388原隻蟹在上面非常吸睛，拍完照之後店員會拿走原隻蟹拆殼，這點非常貼心，不用自己費力拆殼，蟹肉肥美鮮甜，雖然飯裡有些少蟹肉，但美中不足的是飯完全沒有香葉蟹味，就是普通炒飯味道，只是蟹肉可以略為加點分數。最後還有每人一碗桃膠紅棗糖水，也是加分位。整體來說，地方環境不錯，因為沒有訂位就直接walkin，幸好可以直接坐下來吃，不過就有限時，所以吃的時間算是剛剛好，不能慢慢品嚐，因為是米芝蓮星級餐廳推介，所以價錢是中上，菜單選擇性不算太多，好多都是以多人份量提供，如果是4位以上選擇性會比較多

大圍小館 總結：好食 同朋友屋企人食飯揀呢間係唔錯嘅選擇 呢間野其實都出咗名好多年 係沙田區 但就一路都係最近先嚟試 因為佢要book😂佢應該係一晚做兩轉生意 都幾多人 個場就冇話好細嘅咁講返食物先 佢出名嘅叉燒試咗 睇相都見到 燶變叉燒 肥瘦適中 有厚度 唔係薄身 燒出嚟肉質鮮嫩多汁 肥而不肥不膩 面頭有啲菠蘿醬 跟住用火槍燒佢 咸甜永動機！所以同平時嘅叉燒唔同唔係普通嘅蜜汁味 係帶有一點果香食飯一定要叫碟菜 叫咗竹笙芥蘭頭 好食唔苦幾鮮甜叫咗蒸魚雲 但係佢係成嚿魚頭咁上 你可以當叫咗碟魚頭lol 都好食嘅 荷葉蒸蟹飯 大大隻肉蟹配上荷葉香嘅飯 不錯價錢就偏貴啦

絕對唔會有下次，餐廳有位戴眼鏡男夥計十分冇禮貌，態度極差，不停催我們落單，問乜冇乜。由於家人對某些食物敏感，所以要問清楚，佢顯得十分不耐煩，只有不停催，我們每點一個order，樣樣都話冇，用好差嘅態度話再唔落單連其他都冇。價錢又貴，份量又少，食物質素一般，完全唔合理。叉燒一份得幾嚿，又肥又唔好食，盛惠$188，茶錢每位$28，埋單二千幾蚊完全唔知自己食過乜，只係知道自己同家人食咗一肚氣，簡直貼錢買難受。

今日母親節特登訂枱，想同母親大人試傳說中的第一叉。早一日已經whatsapp定餐廳，問是否需要預訂叉燒，餐廳覆”唔需要訂”。 去到叫叉燒，話賣晒，跟住叫雪山叉燒包，賣晒，九菜餅，都係賣曬，本身想最後先叫沙翁，見咩都冇就提早第一碟未食已經叫定…as expected，都係賣曬。同經理客氣甘講有啲失望，因為真係特登前一日問定有冇需要預訂佢哋唔需要，點知除咗叉燒仲有三樣最想試既都無。自己食都算，仲今日特登帶母親大人黎。同個個都提早一個月訂座，食物份量無理由預算得甘差。好失望。以後唔會再黎lu。

以前嘅大圍小館係要排好長龍，冇得book枱💁🏻‍♀️ 依家居然有得book🤔 睇嚟真係少人食咗🤔宮廷荷花酥$48 - 賣相精緻，酥層分明，有啲似好鬆嘅鳳梨酥💁🏻‍♀️第一叉（五件）$188 - 濃邊厚切，肉香四溢，上梅頭及麥芽糖燒製🤪嚟到再加鳳梨醬，再燒一燒，會有酸甜口感🤓 佢燒完之後會再幫你分開細細嚿，值得食嘅🤗大口金磚（午市）$68 - 係球體嘅蘿蔔糕，外面有鹹蛋黃，連唔中意食蘿蔔糕嘅家姐都話好食🤪甜梅菜肉餅飯$65 / 三色腸$52 / 眼淚奶黃包$38 / 醬王鳳爪$33 / 蜂巢炸芋角$48 - 正常發揮冇咩特別睇落去單價好貴，但原來大中小點價錢好正常，六個人食到好飽都係$704，人均消費$120都唔使‼️ 絕對有驚喜💁🏻‍♀️

2022 米之蓮必比登推介- 得獎店家的共通之處是相對價格較為平民化的餐廳，甚至是街頭小吃 🏆唔知係勾魂叉 定 第一叉 😂😂 $188上枱時先掃上菠蘿醬，再火炙表面，令叉燒表面變得更脆口。可能菠蘿醬有少少酸，令整體甜度平衡；黑豚肉質鬆軟、juicy，口感充滿驚喜📍鮮山葵海蜇頭 $98海蜇頭大大隻又超爽脆，有別於食開嘅開胃陳醋味，小食加上新鮮即磨嘅山葵點綴，營造wasabi嘅獨特辛口味道📍蜜薯和牛粒 $258冇其他餸咁‘整色整水’，但牛柳粒香軟、炸蕃薯條炸得非常鬆脆，下次都會再叫📍濃魚湯浸砂爆肚腐皮津白 $228‘遮遮’話魚湯唔好嘥，要飲埋👍🏻 可以慳返唔使叫多個湯📍乾炒和牛河 $168炒得非常乾身，碟底冇油架食完飯仲有糖水送桃膠紅棗雪耳糖水，非常足料 要講一講泊車，第一次試用門口代客泊車服務 $80/一餐飯咁計但由於附近街邊車位泊到滿晒… 又驚抄牌代客泊車都係唔錯嘅選擇

大圍小館是一家位於大圍站附近的傳統粵菜餐廳🍽️。他們以供應高質美食和用心服務而聞名，並榮獲米芝蓮必比登美食推薦🌟。無論是午市的經典點心，還是晚市的粵式小菜，都讓人垂涎欲滴。在這裡，你可以感受到紅燈籠和桃木窗框的傳統氛圍，同時也有充滿藝術氣息的壁畫。大圍小館堅持以合理價格提供量足味美的菜式，為食客帶來無盡的驚喜和滿足😋。無論你是喜愛點心還是傳統粵菜，這裡絕對是一個值得光顧的餐廳🥢。<荷芹炒臘味-時令菜> $169 評分: ⭐⭐⭐⭐🥬🍖口感細膩，風味豐富！荷芹的清新香氣與臘味的鮮美融合，每一口都散發出濃郁的臘味味，讓人欲罷不能！🌿🔥😍<酥炸紫蘇伴鮮拆大閘蟹粉 - 時令菜> $238 評分: ⭐⭐⭐⭐⭐🍤🦀絕對是一道令人垂涎欲滴的美味佳餚！🌟 薄脆的紫蘇搭配香濃的大閘蟹粉，口感豐富又融合。👌🔥 這道菜結合了酥炸的香脆和大閘蟹的鮮美，絕對能夠滿足你的味蕾！😋💥<鮮拆缽仔大閘蟹飯- 時令菜> $468 評分: ⭐⭐⭐⭐⭐🦀🍚 給你滿滿的蟹肉享受！😍🔥 每一口都能感受到大閘蟹的鮮甜與滋味，配上香噴噴的飯粒，絕對讓你回味無窮！🌟🥢<第

今日係第三次去呢間大圍小舘飲茶，食物水準較之前差，蝦腸啲蝦好重雪味，叉燒加咗啲醬汁再燒，食落好膩，燒賣又實又冇嚟味道，煲仔雞飯啲雞又係劣質雪藏貨👎👎 其他啲點心真係好一般！食完埋單，5個人約$1000，侍應問有冇老人卡，話可以免一位$20茶錢，我出示樂悠咭但侍應話唔得，要黃色果張長者卡，我話香港政府已經分階段叫長者將長者咭換樂悠咭，而我已經65歲以上，咁即係一樣啦！而遲啲所有長者都祇係持有樂悠咭！侍應同我講話要問吓，轉頭拎咗張單嚟，茶錢計足，咁我問剛才我嘅疑問即係點？你都應該俾咗個答案然後先出單吖，佢跟住話叫部長來，部長話係公司規定一定要用黃色果張長者咭先有效！茶錢都係要計足！講多無謂，碌卡找數走人，講真，我又唔係至在果多少茶錢，但感覺間舘有咁嘅offer俾長者，都係想令大家happy啫，但依家反而令客人有唔開心嘅感覺！綜合，香港仲有大把食肆，呢間唔會再幫襯！

今日一行五人嚟到大圍小館晚餐，6:30去到大概餐廳八成滿，坐低嗱嗱臨叫餸叫咗叉燒，燒鵝茄子同埋鵝腸，上叉燒燒鵝之後我哋嗌飯，侍應竟然話冇晒飯，要煲！我係頭輪竟然都冇晒飯？碟茄子又細到無倫。食到7:15，侍應已經同我哋講要last order，仲上埋張單俾我哋。簡直係催命符，7:20上埋糖水，7:30埋單走人！我哋以為好多人等緊，點知出到去冇人等飛，冇人龍，點解要吹住我哋走呢？埋單大概$1000，4碟餸。老實講，你唔講米芝蓮我完全食唔出。又坐得迫，難怪港人要北上！

這家米芝蓮食肆，之前已想試但一直訂不到枱，今次可能因為是平日，所以就能訂到。我們只有三個人，所以也沒有預訂懷舊菜，因為懷舊菜份量也不少。這次也是到場時才點菜，叫了砂鍋蝦頭膏炒飯、腐乳炒蝦球、鵝腸、叉燒。砂鍋蝦頭膏炒飯色、香、味也好，我最喜歡這個，腐乳蝦球的蝦好大隻同爽口，雖然是用腐乳炒但不會太鹹，叉燒是這店的招牌之一，所以一定要點，肉質好腍，是半肥瘦那種，喜歡食半肥瘦叉燒就最啱，鵝腸也不錯。餸菜上齊后還有糖水送的，糖水不是一般的紅豆沙西米露，而且桃膠紅棗糖水，好有誠意。這裡的茶錢比較貴，要$28/位，長者出示長者咭可免長者茶錢。

見啲評語都係好壞參半，本身都無咩期望，只係一心想試吓個叉燒，點知….嘩真心好味，可以再番去食。首先講個叉燒，原本見到得5件，心諗有冇咁巴閉俾得5件，點知原來係好大件架，5件等於一個例牌。上枱後服務員會係你面前掃啲鳳梨汁再用火槍燒，燒到少少脆咁，食嗰時其實係甜甜哋但又食唔到鳳梨味，但味道係ok，最緊要係啲肉好淋，咁厚都咁淋真係好勁，真心欣賞。個黑胡椒蟹炒蘿蔔糕好新穎，隻蟹算大隻，啲肉好鮮嫩，完全唔乾，400幾蚊抵食。金沙鮮魷魚好熱好新鮮，絕對唔係番炸。今次因為得兩個人去食，唔試得多餸，下次要大斑人去先可以試啲特色菜。另外要提下啲服務，見好多人批評佢服務差，但我哋今次去又唔覺，反而覺得佢哋服務員人數好夠，成餐飯都有人幫手加水換碟好主動，禮貌都好好。唯一可以改進少少就係，7:15（我哋食6:00，應該8:00要還枱）就問你有冇野要加，感覺有啲啲催你落單，但都明白嘅如果有野加，上得菜嚟食得嚟就會夠鐘。最後仲有糖水送，真係十分十分滿足。

服務很好叫左义燒，啫啫生菜煲和蒸蟹飯义燒好似慢煮完再焗，煮過耐，口感完全唔得，食落好似湯渣啲豬肉咁，义燒外面的味道還可以籠子蒸蟹飯的蟹鉗不知為何很重亞蒙尼亞味，😰，一吸啲肉，幾乎嘔出嚟！幸好其他部位還可以，炒飯同啲蟹嘅味未能融為一體🤷🏻‍♀️⋯⋯生菜煲唯一可以，不過煲大菜小，如果一圍枱就唔夠食！送左個糖水 - 腐竹白果，正常，冇特別

門口掛住幾排紅色燈籠，非常吸睛，餐廳裝修中國風，座位闊落舒服，店員好有禮貌沙翁超巨型，係店中名物，外層有點兒厚度，食落酥脆鬆化，內裡軟綿綿蛋味濃郁，層次分明，雖然表層灑滿糖霜，但比並非想像中咁甜火麻仁糕有年糕feel，咬落煙韌，有火麻仁味道，食一件都好滿足陳皮鯪魚肉腸，粉腸粉皮滑溜，質感唔黏口，鯪魚肉鮮甜，重陳皮味，幾特別配搭不錯嫲嫲芥蘭粿，粿皮晶瑩通透，包住滿滿蝦同芥蘭粒，非常新鮮又足料，口感豐富

My third visit to 大圍小館 and the food here continues to surprise and delight! We ordered four dishes for four people: stir fry king with dried seafood (惹味海蝦干小炒王), char siu (第一叉), black pepper crab with turnip cake(干煸黑胡椒蘿蔔糕蟹), and fried rice with lard (豬油炒飯).First up was the stir fry king, and what a dish to start the meal! Every ingredient was cooked to perfection. The flowering garlic chives had just the right crunch; the dried squid and dried shrimp were chewy and crispy all at once. All these e