T.Co (開源道)

Open Now

Now Closed

呢間t.co餐廳響觀塘主要食烤卷，外賣為主，我地叫左一份雞肉卷同雞肉飯，食物即叫即整，雞肉份量多而且肉質都幾香口，個皮都幾煙韌，即刻燒制既，而且可以睇到佢點整食得放心，入面仲有芝士，蕃茄，青瓜，洋蔥等配料好好味。 香嫩雞肉飯配有飯同醬汁，搞混一齊食好惹味，醬汁有沙律同另一款秘制醬，雞肉份量好多。午餐叫雞肉飯仲免費送飲品(只限觀塘分店)呢度既薯條係粗條薯條，仲有唔同既shake shake粉可以俾客揀，揀左粟米味，甜甜地又幾夾。

喺開源道鱷魚恤中心附近位置超級方便，勁容易就搵到。同事點左個香嫩雞肉烤卷 ＄45烤卷單買唔算貴，餡料超級多！見佢邊食邊漏汁邊跌雞肉😆搞到我心郁郁都想食～😍SoloCombo set好抵食～我點了大碗香嫩雞肉飯配薯條同飲品 ＄75薯條有shake shake粉可以揀，三選一Hot & Spicy, Sweet corn, Barbecue今次就揀咗Hot & Spicy～ 唔係好辣，大家都岩食～香嫩雞肉飯都係好足料！ 粒粒雞肉好香口😋 又唔dry～真嫩😂加埋配料蔬菜一齊食，好好送飯😆食完個飯真係飽左😂即磨咖啡買一送一優惠好吸引😍 返工需要一點能量～💪食lunch又多個選擇😆 開心

自從大半年前食過呢間烤卷之後，每次經過呢度都心思思，最近就真係走去再食返次。今次嚟到發現多咗好多人客，所以我哋都等咗一段時間先可以落單，但食完就覺得真係值得等。雞肉烤捲呢個烤捲保留到上次水準，雞肉烤得唔會太韌亦唔會好油，餅身都好夠薄。配料都係有番茄、青瓜、洋蔥；三種顏色嘅汁令個餡料味道豐富左。香嫩雞肉飯(大)呢個雞肉飯都依舊係好大碗，米飯橙橙黃黃好煙韌，蔬菜配料同埋三種醬汁都同雞肉烤捲一樣。今次我發現呢個飯嘅辣味似乎係來自啲雞肉，佢辣辣地幾得黎好惹味，真係值得一試。我哋仲另外叫咗個薯條，佢炸得幾香脆，絕對唔比麥當勞差。而且份量都算幾多下，我哋兩個女仔share都唔係太食得晒。飲品方面佢哋比大半年前多咗選擇，我哋今次冇叫咖啡，叫咗一支有氣檸檬茶同埋一包普通檸檬茶，食完咁多嘢飲返支真係感覺好爽。

🌯🍗土耳其嘢食真係好睇又好食我叫咗個雞肉烤卷🌯烤卷入面有嫩滑嘅雞肉、新鮮嘅蔬菜同香濃嘅醬汁，真係好豐富🤤 個卷皮好鬆軟👍🏻朋友就叫咗個香嫩雞肉飯（大）🍚🍗雞肉飯嘅份量真係好大，雞肉好嫩滑，飯粒分明，唔會太濕😋 我哋仲叫咗個薯條🍟🌶️薯條炸得金黃香脆，加上辣味Shake Shake粉，真係好惹味😋 辣辣哋，好過癮🌶️飲品方面，我叫咗杯美式咖啡☕️美式咖啡夠濃郁，好提神👍🏻 朋友就叫咗罐維他氣蘋綠罐🍏蘋果味汽水，甜甜哋，好解渴👍🏻

雞肉烤卷 🌮 $45一直都好鍾意食烤卷，今日就試咗佢哋嘅雞肉烤卷！佢哋呢度嘅雞肉已經切成細粒狀，更加入味又唔韌，加上烤卷嘅外皮都唔會太乾，整體都好出色！香嫩雞肉飯🐔（大） $55雞肉非常入味，配上蕃茄青瓜、幾款醬汁 同埋 薑黃飯，所有嘢都好夾，感覺仲幾清新添！而且份量都足夠，成年男人都食得飽嘅！薯條 配 BBQ味shake shake 粉🍟 $23佢哋嘅薯條非常厚切，咬開真係食到好多薯仔肉㗎！估唔到原來佢哋都有出Shake Shake粉，有三款唔同口味，我就試咗BBQ味，味粉唔會太鹹，味道恰到好處～美式咖啡☕️ $30維他罐裝檸檬茶🍋$10

最近見到T.Co嘅店越開越多，上次朋友又話好食，今日想買外賣即刻諗起佢☺️ ★̆̈ 雞肉烤卷 $45 烤卷個皮煙韌中帶少少甜味，入面有新鮮蕃茄、洋蔥、爽脆青瓜，再加嫩滑嘅烤雞髀肉、芝士、蒜蓉醬同香辣醬，味道層次好豐富，啖啖都超juicy，小心爆汁呀😋 ★̆̈ 薯條 $20 加咗辣shake shake粉（+$3），BB辣嘅程度，微微辣但非常惹味，薯條炸得香脆 ★̆̈ 期間限定午餐 $40 ✐ 香嫩雞肉飯 配料嚟講除咗芝士變咗做芝士醬，同烤卷係一樣啲料，但食落感覺完全唔同。原本以為咁多醬撈飯食應該會好膩，但佢用咗黃薑飯，一啲都冇膩嘅感覺，仲好開胃✐ 美式咖啡 即磨咖啡濃香又滿足

之前成日係觀塘嘅人氣ChaTraMue買奶茶，都會經過呢一間T.Co，今次一於買外賣返公司食下！果然很有驚喜！T.Co係菲律賓人氣嘅烤卷品牌，有唔同嘅套餐選擇。原來lunch同下午茶都有唔同嘅優惠，而且星期三會有活動66折，性價比高，非常抵食！觀塘嘅上一班族又有口福啦！今次我哋揀咗雞肉烤、香嫩雞肉飯（大）、shake shake薯條、維他氣檸茶及熱泡沫咖啡：雞肉烤卷 呢個烤卷味道好出色，烤卷內餡豐盛，雞肉超嫩又多汁，真係好好味！特別調味， 配上芝士、蕃茄、青瓜和洋蔥、沙律醬等配料，口感清新！正！香嫩雞肉飯（大）非常驚艷嘅薑黃飯，粒粒分明，非常香口！肉碎飯再加上青瓜片、番茄粒、洋蔥絲、蛋黃醬、沙律醬、芥末醬，好味又有滿足感！shake shake薯條粗身薯條，即叫即炸，新鮮炸至金黃色，非常香脆。一共有三隻shake shake粉可以選擇，BBQ粉 / 粟米粉 / 辣味粉，自己就揀咗BBQ味，非常惹味！飲品小食配上維他氣檸茶，可以解油膩感；而泡沫咖啡係上班一族嘅提神飲品，濃郁芳香，奶泡香滑！

T.Co (開源道) (觀塘)呢間香港都好多分店！菲律賓嘢食真系第一次食！估唔到味道幾好食 唔會太重口味
 —————————-—
🫶🏻雞肉飯黃姜飯份量都好多，烤雞好香口而且有好多配料：青瓜絲、蕃茄、洋蔥整體都好開胃又唔會太heavy🫶🏼大薯條有得簡BBQ粉/栗米粉即叫即炸，十分脆口，調味有淡淡嘅栗米味🫶🏻烤卷入面超邪惡！仲有芝士卷皮薄身煙韌，配料有牛肉、青瓜、蘿蔔絲同沙律醬。如果唔想食太油膩，呢個系唔錯嘅選擇🫶🏼咖啡做緊promotion 買一送一真系好平！
——————————————————

📍觀塘開源道63號福昌大廈地下A6號鋪

—————————-—————————-
Overall 💗💗💗💗

喺觀塘成日經過呢間烤卷店，都比佢誘人的香氣而吸引。今日好開心，終於食到！落咗order之後，職員就即刻整，確保新鮮熱辣辣。雞肉烤卷烤卷內餡豐盛，雞肉口感嫩滑，汁液充沛，搭配卷餅的香脆，整體味道好出色。香嫩雞肉飯呢碗飯嘅雞肉的份量令人滿意，特別的是用咗薑黃飯，米飯的口感柔軟糯滑。除了雞肉，還有新鮮的青瓜絲、洋蔥和蕃茄，恰到好處地中和了油膩感，整體感覺好清爽。Shake Shake薯條Shake Shake薯條有三種調味粉供選擇，我揀咗香辣味，薯條外脆內嫩，調味粉香氣四溢，讓人一口接一口。

之前同朋友喺旺角試過T.co 一直都覺得味道唔錯 所以今次經過見到，決定再食多一次 今次除咗烤卷同飯之外，仲嗌多咗個薯條，薯條即叫即炸，食落去好香脆，總共有三隻shake shake粉可以選擇：BBQ粉、粟米粉、辣味粉，自己就揀咗BBQ味，感覺好食過m記 KFC好多，大推！🤣🤣滋味烤雞卷、滋味烤雞飯，基本上配料都差唔多，分別在於carbohydrate，一個係薑黃飯，一個係烤卷卷皮烤卷卷皮食落去相對較甜，配埋烤過、醃過嘅雞肉粒，加埋啲青瓜、蕃茄、洋蔥， 醬汁一齊食，好正🤤🤤

一直以來都好鍾意食呢種牛肉卷，但係多數係食印度嘅kebah，原來菲律賓都有類似嘅卷，而且原來仲係連鎖店嚟，終於開咗嚟香港啦。佢嘅賣相同印度嘅好似，但係原來分別係菲律賓嘅呢種會比較細同埋比較多蔬菜，感覺健康好多。我就叫咗個牛肉卷加薯條，一拎出嚟已經聞到好香，而且咬落好多醬汁，牛肉都幾嫩滑，唔使加茄汁已經好好食。估唔到嘅係呢度嘅薯條都好好食，佢係新鮮炸出嚟嘅，而且係粗薯條，外脆內軟，點賣茄汁真係一流。另外我仲叫咗個雞飯，又係比較多蔬菜，感覺呢度嘅食物都好健康。因為我太飽，所以就叫朋友食咗一半，佢就話真係好好食，雞肉好嫩滑，感覺係新鮮雞，而且同醬汁好夾，食落越食越開胃。呢間菲律賓雞卷又平又好食，而且仲開咗好多間連鎖，好似旺角尖沙咀都有㗎，非常推薦大家嚟試吓。

🇵🇭清新快餐試T.Co！超人氣菲律賓過江龍，套餐有齊烤卷+飲品+薯條，食完唔會熱氣滯胃，抵食過連鎖快餐～ ⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑ 🌯 滋味牛肉烤卷 捲皮薄身煙韌，牛肉醃得香口，夾埋青瓜蘿蔔絲同乳酪醬，清爽唔油膩！ 🍚 烤雞肉大碗飯雞肉粒燒烤醬夠濃惹，撈埋個飯同埋D醬汁齊齊食落啖啖香，重口味之選！ 🍟 大薯條配BBQ粉即炸夠熱脆，調味粉係BBQ香料粉，算唔錯⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑ 簡評：食材配搭有心思，外賣套餐夠抵食，薄荷乳酪醬同自調辣椒汁係靈魂！快餐都有驚喜

觀塘返工最鍾意就係食呢個lunch雞卷同牛肉卷都試過，兩個嘅味道都係少少甜味，卷餅熱熱地再加上大量蔬菜建議走醬！！都好適合減肥人士食用另外平時肚餓可以試下雞肉飯或者牛肉飯第一次食薑黃飯嘅我竟然覺得有點驚艷係粒粒分明好有飯香但又唔會好似油飯咁油！配返一大勺肉碎都好飽肚又滿足食完完全唔覺得有負擔拌菜有洋蔥、番茄同青瓜如果加沙律醬就會更加滿足不過有減肥需求就建議走醬最欣賞間店就係有買一送一咖啡咖啡質素仲幾ok下！！

I was starving and needed something quick, tasty, and essentially easy to eat. This Filipino tuck shop could be your on-the-go saviour. Killer coffees, hot or iced; extremely satiating beef/ chicken wraps; flavoured rice with yummy salad and grilled chicken; and 100% hot and fresh French fries, with three choices of shake shake seasonings! Damn good when you are hungry! The wraps are their signature. It’s bursting with flavours: the smoky barbecue from the meats, the tangy salad dressing, crunch

早餐食得好飽，lunch想食得light d。見到呢間菲律賓超強人氣烤餅店，就一於試吓。今次點了薯條套餐和香嫩雞肉飯，整體口味不錯，特別是烤卷，令人印象深刻。香嫩雞肉烤卷的外皮烤至微脆，帶有淡淡的炭香，內裡的雞肉十分嫩滑，肉汁豐富且調味適中，搭配清爽的青瓜、蕃茄與醬料，味道平衡，口感層次豐富。薯條炸得金黃香脆，不會太油膩。熱泡沫即磨咖啡帶有濃郁咖啡香氣，泡沫細膩，口感順滑。香嫩雞肉飯的雞肉同樣嫩滑，飯的口感適中，搭配凍Latte，咖啡與奶香融合，整體不錯。