壽司郎 (佐敦薈)

Open Now

Now Closed

再次點了焦糖布甸，結果還是失望，它看起來很漂亮，很完美，打卡一流，但味道和質感都不合格。首先焦糖味不夠突出，實在吃不太出來，不行，而且布甸本體也沒甚麼香味。還是吉之島的焦糖布甸比較好吃，或者自製的都更好吃，這不好吃，因為除了味道不好外，質感也不好，固凝物太多，吃起來不覺得滑之餘，它是實的，厚重，但不濃郁，不好吃，不建議點。最不喜歡還是它旁邊的忌廉，是現成唧出來即食那種植脂忌廉，不好吃，質感也不好，單純為打卡或裝飾漂亮一點而已。

今天去了佐敦薈壽司郎, 排隊人數並不算多, 取票後10分鐘左右就有枱, 反而在手機Apps睇其他分店至少都有幾十張枱等候。坐低後必點三文魚壽司, 但相比之前感覺好似你之前略欠新鮮, 之後都有叫其他的期間限定壽司, 總算都不錯。又點單到送餐, 時間都係大約10分鐘內左右, 都算快捷, 反而再埋單後, 只收現金、信用卡或八達通, 反而現在香港最盛行的香港支付寶及微信支付都沒有, 因很多食店都有這兩個支付, 呢點真係要改善一下。

見人講一排，我終於試到壽司郎四月嘅新品。有伏有唔伏，有幾款可以推薦👍🏻👍🏻🐂 A5和牛西冷 $27 推薦指數：❤️❤️❤️❤️/5 入口軟滑 脂肪和牛味濃郁 食完個口都仲有一種和牛嘅味道令人係想再叫多一碟 （但俾貧窮限制🥲）🐟吞拿魚三味 $39推薦指數：❤️❤️❤️/5 包括有：黑鮪中吞、藍鰭赤身、藍鰭吞拿魚蓉但最出色都係黑鮪中吞係拖羅嘅質素，入口軟滑，滿滿嘅脂肪其餘兩碟就中規中矩～ 🍨 Hangdonyo 浪漫雪芭 $38推薦指數：❤️❤️❤️❤️/5本身諗住水怪主題嘅雪芭都係得個樣但結果出乎意料地好食波子汽水糖同啫喱，加上cream同雪糕口感同味道都幾夾唔會係好似一般壽司郎嘅雪芭得啲cream嘅感覺而且附送嘅掛杯公仔都好cute 就算我唔係水怪咪都覺得幾正

壽司郎係我平時最愛食嘅壽司店，今期壽司郎嘅新品唔錯，有壽喜燒汁牛肉，鍾意食壽喜燒嘅你一定要叫！另外好多人想食嘅炙燒鵝肝都返嚟啦，今次每人食返兩件先😂🤤🤤特盛帆立貝都好鮮甜，另外甜品意大利芝士蒙布朗蛋糕都出奇地好食，好似Tiramisu！仲有$17.3件三文魚快啲嚟食啦😍😍

佐敦壽司郎唔算大，真係睇下有幾多張飛等，廿幾個number,都等左40分鐘時間，所以一多人等已經可以唔駛揀呢間了。大路野正常， 三文魚類別包埋火灸三文魚，三文魚腩都算係正常既味道，口感正常，唔可以話係特別吸引既。反而叫左蟹三味真係比較失望，蟹肉味道好淡，完全無少少鮮甜既味道，至於口感肉質真係好一般，好一般，好一般，食落口一啲都唔吸引。至於蟹膏叫做正常dddd.蟹肉忌廉可樂餅感覺蟹肉唔夠多，忌廉就夠哂多了。整體黎講，蟹三味好失望，其他都叫算係正常既。。

1. 特大珍寶蟹棒天婦羅味道: 8/10 ⭐️性價比: 9/10 🌟推薦: 9/10 🌟蟹棒天婦羅新鮮炸起，比想像中大好多，好租好大條，飽肚之選👍🏻 雖然不是用真蟹肉做的，但蟹味重，值得一試🤤2. 蟹肉忌廉可樂餅味道: 7.5/10 性價比: 7/10推薦: 8/10 ⭐️可樂餅外脆內軟🤤 新鮮炸起，入面流心，好好食，推薦食😋 但無咩蟹肉味🥲 扣左少少分3. 蟹三味味道: 7/10 性價比: 6/10推薦: 7/10 蟹肉鮮甜，三款蟹壽司各有特色，但味道沒有太特別，偏貴🤔 可以一試

壽司郎 期間限定 燒鵝肝平時好少食壽司郎，見到咁多人等位 （甚至乎無得等位)都怕左。難得今日早收，無乜人就拎飛。等左一陣，未夠六點已經有位😬期間限定: 炙燒焦糖鵝肝壽司$17 咁平唔叫對唔住自己。今晚個綠茶甜品都好ok 丫

兩母子的浪漫😌阿仔話想食壽司, 就去咗壽司郎排隊😃都幾多人等位！食物質素的確唔錯！炙燒三文魚腩同炙燒芝士三文魚係必食, 要再encore, 特選吞拿魚腩好鮮味；天婦羅亦都好脆口, 仲order咗咗個焦糖蕃薯, 不過覺得甜得滯. 整體嚟講一定再有下次！！

就算, 已經過咗我哋嘅壽司郎狂熱 好耐 好耐 好耐, 我哋都仲係會 keep 住 最少每星期嚟佐敦分店一次~唔使等位嘅時段 同我哋夾啱晒, 真係緣份黎呀~!每次, 都必叫 (一人一碗) 牛肉肉烏冬, 打個靚底先~ 推介: 記得加七味粉 我哋都覺得 會即刻好味好多啊!!!跟住就係兒童餐之選, 再叫大量熟食同埋佢哋嘅心水壽司, 當然唔少得 壽司郎最出色嘅甜品! 黎做個完美嘅結尾啦~ 呢間分店嘅同事們, 都係超級親切友善的, 每次都係食得開心又自在呀~

我個人最鍾意嘅壽司店 一定係壽司郎 一個月平均都要食一次 一陣唔食都會掛住 我去壽司郎主要都唔係食生嘢 都係最鍾意佢哋嘅熟嘢同甜品🥹不過每次都要排超過一個鐘 所以我哋都會攞完飛之後去行街 用佢哋網上嘅Apps就可以睇返幾時差唔多到我哋 🙈最鍾意佐敦呢間分店 因為覺得最可以保持到質素以下就係我每次嚟都必食嘅item❤️炙燒芝士三文魚❤️炙燒羅勒鮮蝦❤️蟹柳壽司❤️炸蝦天婦羅❤️壽喜燒牛肉❤️薯條❤️三文魚❤️抹茶芭菲

【油尖旺區】【壽司郎】大家都知我盡量唔寫集團式經營嘅食肆，但係好似壽司郎呢啲，我唔寫，大家會以為我真係未食過，哈哈。不過我又真係少食，難得食一次就寫吓啦。同朋友去自費食，朋友叫咗個 $40 嘅「下午茶SET」要「三文魚盛合配烏冬」，佢食晒，佢話可以。其他嘢都係 share 食，但 $10 嘅「梳乎厘魴鮄天婦羅」得一件就我食啦，okay 嘅。紅碟 $12 嘅叫咗「蟹肉松前漬海苔包」、「三文魚腩、炙燒三文魚腩」壽司、「特盛蔥花吞拿魚軍艦」同「卡達拉娜」，幾樣嘢都正常，後者個甜品係特價，係唔錯嘅。銀碟係 $17，叫咗「烏賊」壽司、「大吞拿魚腩海苔包」、「特盛小柱天婦羅軍艦」、「大切黑鮪中吞拿魚腩配蔥花吞拿魚蓉」壽司，都幾抵食嘅。而 $22 嘅「壽司郎經典布甸」同 $27 嘅「特選大吞拿魚腩」壽司其實都對得住價錢，後者唔知做乜係兩塊嘅。我叫多咗碗 $34 嘅「濃厚海膽拌麵」嚟食，呢個價錢都預咗唔會太高質素，但性價比係 okay 嘅。仲有食 $19 嘅「茶碗蒸」，正正常常啦都係。飲品我飲 $8 嘅「100%蘋果汁」，幾好飲。埋單 $304，都明白佢點解喺香港會咁受歡迎，係幾高性價比嘅。。。（地址

每次想食壽司，第一時間都係諗起壽司郎，屋企附近本身有鮮選壽司，不過都執晒。-而家食壽司郎都冇之前咁多人，晏晝12點嚟到都唔使排隊可以直入，就算一個人都會被卡位你，坐得舒舒服服🥰-每次嚟一定要叫天婦羅蝦，因為佢係即炸，嚟到嘅時候熱辣辣好好味。呢度嘅魚生質素一向都唔錯，不論三文魚定油甘魚嘅油香都好重。早排佢仲有大拖羅嘅優惠，10幾蚊就有件大拖羅配吞拿魚肉，性價比超高。-呢度仲有好多壽司都仲收最平$12碟，果然平靚正👍🏻

今晚試咗好多唔同款式，過程其實覺得都算新鮮，不會覺得有那一款霉了，味道也很正常，但是後我就有啲肚痛...希望只是單一事件吧講返食物，最正真係大拖羅，入口即溶，完全同其他款式不能比較、超正另外炙燒系列都唔錯，輕輕一燒就令刺身的油分逼出來，吃落口更加嫩滑和香口！

屋企 / 公司 / studio 附近, 加加埋埋食咗數唔清咁多次, 雖然有時會唔記得帶印花卡, 但係大公仔都換咗幾隻了…可想而知 對我地黎講 sushiro 有幾咁飯堂… 通常都會叫個烏冬打打底先…跟住就會開展幾輪狂風掃落葉嘅壽司…然後食埋甜品…焙茶蛋捲 係我嘅至愛~ 嘻嘻近排 發現原來有下午茶餐, 咁撞啱時間梗係要試吓佢啦…下午茶餐以外,再輕輕配返其中一啲平日會食嘅壽司們~ 再輕輕配返個抹茶蕨餅甜薯~2個人大約三百中, 係平過平時小小嘅, 不過我地下次都係會散叫, 因為可以完全食返自己想食嘅壽司款式呀嘛~

原本去試對面街壽司，但真係唔好食，即刻轉場。好彩今日唔算多人。等左一陣就有得入坐。由於之前已經食左少少唔好食既壽司，所以嚟到叫得唔算多野食。叫左：黃金脆薯 - 呢個絕對無得輸，加埋梅酒係絕配梅酒 (含梅子) 仲要有兩粒梅子特選中吞拿魚腩 - 個人最愛。17蚊，魚有魚味。對面街22蚊，魚有膠味。炸軟殼蟹壽司 - 大件炸軟殼蟹，正極上海膽包 - 正常發揮油甘魚壽司 - 正常發揮日本真鯛三貫 （賀港隊奪金）多一件壽司郎基本上質素真係唔差，唔駛等太耐就更好。