新泰東南亞餐廳 (馬鞍山廣場)

Open Now

Now Closed

趁住天氣仲未開始太熱，就諗住去馬鞍山海旁行下，輕鬆下。行返商場嘅時候，見到有間泰國餐廳，入面都幾多人，諗住應該唔錯，就入去試吓。一入到去，店員都好親切咁用泰文同我哋打招呼，之後帶我哋入座，又幫我哋倒水，俾埋餐牌。座位都幾寬敞，連張凳都有啲心思，雕咗隻大象喺度。地下都幾乾淨，感覺唔錯。跟住就叫咗個燒西冷同埋蟹肉炒粉絲。本身想叫七成熟，不過侍應哥哥好專業，話驚我哋覺得太韌，建議五成熟就夠。燒西冷一上枱，果然冇介紹錯！五成熟啱啱好，啲肉幾嫩幾juicy，又冇雪味，唔會韌到咬唔開。佢哋應該燒之前醃過，所以除咗有肉味，仲有陣香料味，唔係死鹹嗰隻。跟住仲有啲酸蘿蔔同青瓜墊底，食到有啲膩嘅時候，食條酸瓜中和下，都幾開胃。唔使好耐，成塊扒已經食晒！佢仲有兩款辣辣地嘅醬汁俾你點，我比較鍾意佢個泰式醬汁，酸酸辣辣，幾似泰式生蝦醬嗰隻味。之後到蟹肉炒粉絲，一上枱已經聞到好香，啲粉絲仲熱辣辣咁冒住煙，一路食到尾都仲係咁熱！啲粉絲炒到幾乾身，唔會黐埋一pat pat。除咗蟹肉，仲有炸過嘅蔥，食落去都幾脆，仲有洋蔥、芽菜、青椒紅椒、泰國腸咁，撈埋一齊食，口感幾豐富，仲有鑊氣添！啲蟹肉都幾新鮮，冇腥味，會令人想再食

呢間泰國餐廳算係飯堂之一， 坐得舒服，菜式種類多，好多都試過，質素好穩定。 裏面嘅樓面廚師全部都係泰國人， 好似去咗當地餐廳咁， 菜式口味正宗。 仲有一個細節我覺得係比較好嘅， 就係會主動為客人斟熱水， 對於東方胃嘅我嚟講係一個credit。泰國青芒果沙律（$88)擺盤靚，材料好豐富，有泰國芒果絲、蘿蔔絲、洋蔥絲、花生、生菜等等。 泰國青芒果比泰國木瓜爽口， 而且水分多少少。 醬汁較多，係酸酸甜甜， 又辣辣地，係一道開胃菜。燒原隻魷魚（$128）原條魷魚白雪雪、脹卜卜咁，一睇就好新鮮。 魷魚切成一圈圈， 鮮味彈牙，每個圈圈都有泰式辣椒醬， 呢度辣椒醬係有少少籽嘅，有炒過，好香。 仲配咗泰式辣醬， 香辣同甜辣味混合得幾好。泰國街邊豬肉串（$88）呢個串燒係我最鍾意嘅一道菜， 一放低就聞到炭烤嘅味道， 真係街邊檔口炭燒嘅香味。 呢個豬肉串用嘅肉同沙爹拼盤係唔一樣嘅， 肉質比較淋，醃過嘅， 比較入味，出面又脆脆地有啲焦香。越式蟹肉炒粉絲（$118)平時食開泰式炒金邊粉， 今次第一次食呢個炒粉絲，口味比較清新。蟹肉多， 有鮮味，又加咗好多蔬菜，有生菜、芹菜、燈籠椒、芽菜、洋蔥，仲有香口嘅炸蒜同

泰式乾炒牛河 份量唔少，炒得夠鍋氣。河粉條條分明且滑溜彈牙，牛肉幾新鮮，鮮嫩多汁。加入好多蘿蔔、菜心、豆芽增添咗清脆嘅口感，仲有少少炒蛋碎，整體味道甜甜的，相當豐富。泰式蝦醬炒飯 炒飯炒得乾身，炒飯粒粒分明，經香氣十足，蝦醬係呢碟炒飯嘅精髓所在，濃郁嘅海鮮香氣滲透喺每粒米之間，鹹中帶甜嘅獨特味道。材料相當多，有好多類似臘腸，豆角，加入咗鮮甜蝦仁，彈牙爽口，再配上嫩滑嘅蛋絲同翠綠嘅蔬菜，仲有好多嘅煎蛋絲。旁邊仲有腰果仁同肉鬆，可以自行加上。

當我之前在尖沙咀的分店用餐時，深深感受到他們食物的高質量和正宗口味。這次恰好在馬鞍山工作用餐，決定去試下先。走進餐廳，首先映入眼簾的是友善且熱情的店員，他們全是來自泰國的服務人員，這讓我無比期待餐點的到來。我發現餐廳的環境融合了濃厚的泰式氛圍，寬敞舒適，讓人倍感放鬆。接下來，就讓我們一起來看看這裡的美味佳餚吧！肉碎生菜包🥬 $88這道肉碎生菜包是前菜中的亮點，配料新鮮，肉質鮮嫩，口感豐富。生菜包裡的肉碎調味恰到好處，帶有一點微辣，非常開胃。每一口都能感受到新鮮的生菜和豐富的內餡完美融合，令人食欲大開。巴東牛展🍛 $118這道巴東牛展給人一種濃郁的泰式風味，肉質軟滑，醬汁更是香氣四溢。牛肉燉得十分入味，與香米一同享用，令人感受到泰國料理獨特的層次感。每一口都能感受到牛肉的鮮香，搭配香料的香氣，更凸顯出這道菜的高質感。印度酥餅🫓 $42這款印度酥餅非常鬆脆，外皮香脆，內裡則柔軟可口，完美搭配一旁的醬料。酥餅的口感一咬下去便能感受到濃厚的香氣，搭配巴東牛展，不禁讓人流連忘返。是用餐過程中一個不容錯過的小點心。泰式菠蘿炒飯🍍 $138這道泰式菠蘿炒飯色香味俱全，菠蘿的果香與炒飯的香氣相得益彰，

位於馬鞍山廣場的泰國菜，已經屹立在馬鞍山多年，平日晚餐時段，未見滿座。這個椰子沙冰，雖然價值$78，但用了豐富，除了加入椰漿外，更將椰子內裏嘅椰肉加入一起打成沙冰，飲落去有淡淡椰子肉👍🏻我們叫了一下印度薄餅，（忘記了影相）職員非常細心，叫餐時提醒我們薄餅並沒有跟咖喱的，看看我們是否需要叫一客咖喱，我們便叫了這個咖喱牛肉，牛肉片的質素普通，有加入薯仔、洋蔥、青椒，紅椒等配料，而家咖喱汁亦比較稀身，整體嚟講咖喱普通這碟是泰國椰菜苗炒鮮菇，味道不錯，椰菜苗炒得入味，亦夠淋，份量較少這碟是泰式燒西冷牛肉，五成熟，上桌時像是七至八成熟，牛肉已預先切好，味道比較咸，而肉質不夠嫩滑還叫了一份串燒, 有豬、牛、雞各兩串，份量大，沙嗲醬亦出色👍🏻

店內設計亦很有泰國風格。入到去有少少好似去咗泰國旅行咁 環境空曠舒服 約人嚟傾偈 一流主打泰料理，款式都好多！泰式蝦炒金邊粉🧑🏻‍🍳用蛋網包著金邊粉，賣相靚靚😍金邊粉炒得好乾身，口感彈牙，甜中帶酸，蝦和花生碎，擠點青檸汁 酸甜酸甜好開胃🤤巴東牛腩另配印度酥餅🫓呢個巴東牛展個汁好正，牛展炆得好淋😝我哋仲點咗印度酥餅，點落啲汁到一齊食真係超好食同埋佢呢個印度酥餅 一食就知自家制🤹‍♂️唔係攞貨返嚟嗰啲一咬落去成嚿麵粉👍🏻👍🏻佢係好香脆！🤓如果叫巴東牛腩一定要配埋酥餅🍪我話嘅😆😆芒果沙冰🍧佢用嘅芒果好靚。應該都係泰國嘅靚芒果🥭飲落去完全係生果嘅甜味 🍎🍏唔係死甜飲得出係冇加糖水！

朋友搬咗入去馬鞍山，今日放假去探望一下，之後佢請我去附近廣場食泰菜，新泰東南亞餐廳裝潢好有泰國格調，地方寬敞坐得舒服，主打東南亞菜式，由泰籍廚師主理。午市套餐有多款選擇。泰式去骨海南雞飯：海南雞雞皮爽彈，雞肉嫩滑，雞油飯軟硬剛好，雞湯的味道都滲入米飯中，滋味十足，附送嘅冬瓜湯都好鮮甜。星洲喇沙蝦米線：喇沙湯底特別濃稠、椰漿富奶香、還帶點點海鮮鮮味，魚片、蝦肉、豆卜、麵條等吸盡蝦味濃郁的叻沙湯底，非常惹味！黃咖喱海鮮配白飯：黃咖喱濃郁惹味，海鮮沾滿醬汁再伴飯食，味道一流！套餐可以用優惠價購買小食，泰式炸蝦餅：蝦餅外酥內彈有嚼勁。午市套餐包指定熱飲，亦可加錢轉飲其他。雞、豬沙嗲串燒：特製沙嗲醬汁味道香濃，完全不辣，特別鍾意豬肉串燒，除咗厚肉，肉質仲好嫩好入味，配上帶甜惹味沙嗲汁，真係食過都會翻尋味！

今天我和老婆光顧了馬鞍山廣場內的新泰東南亞餐廳，這裡的氛圍令人愉悅，充滿濃厚的泰國風情。餐廳的裝修以鮮豔的色彩和傳統的泰國裝飾品為主，讓人仿佛置身於泰國的街頭。我們點了幾道招牌菜，首先是泰式干炒牛河，河粉炒得恰到好處，搭配上嫩滑的牛肉和新鮮的蔬菜，味道十分入味。接著是泰式明爐魚，選用了新鮮的鱸魚，外脆內嫩，搭配特製的醬汁，更添風味。我們還品嘗了泰式去骨海南雞，這道菜的雞肉柔嫩多汁，配上香滑的醬料，令人回味無窮。最後，豬肉碎生菜包則是另外一種口感，生菜包裹著香氣四溢的豬肉碎，清爽可口，非常適合配搭。整體而言，新泰東南亞餐廳不僅提供了美味的泰國菜，還有友好的服務，讓我們的用餐體驗更加愉快。如果你也對泰國料理情有獨鍾，這裡絕對值得一試！

放工好想食泰菜，一唸就唸到位於馬鞍山廣場2樓嘅新泰疫情前食過，估唔到幾年後味道都係咁好味，keep 到水盡。服務態度友善，待應大部分係泰國人。今日晚餐兩個人食，都叫左四個菜！食到勁飽1. 泰式蝦炒金邊粉數過都有4-5隻大蝦🍤，成個上菜賣相都好吸引！炒得夠乾身，我鐘意！面頭佈左一層煎蛋網令到成碟炒粉好有藝術感2. 沙嗲串燒串燒份量好足，啖啖肉！分別有牛、雞、豬….. 沙嗲汁好野味即叫即燒！個人最鐘意心雞！3. 鹹魚炒芥蘭依個菜炒得好有鑊氣，鹹魚爆炒帶出魚嘅咸香同鮮味但唔會好喊！好開胃！有驚喜！大家可以order!4. 泰式鳳爪沙律份量適中，唔會太辣，可以做開胃菜！環境同食物質素都有水準，唔怪得平日晚飯都有八成入座率！

餐廳環境好有温馨氣氛，舒服清靜，花香處處，靚靚 Thailand feel , 真喺以為已經 ✈️ 離開 Hong Kong 度假去了 !咖喱牛腱牛腱熱辣辣，又淋又滑，多汁好入味。咖喱唔會好辣！如添點辣🌶️🌶️將更刺激胃口呢！鹹度就啱啱好，印度薄餅就 fresh made, 外面脆卜卜，面軟軟滑。夾着牛，咖喱汁，細啖细啖咬落去，滋味無窮。是绝配之選！海鲜米線喇沙喇沙就好大碗，湯底好香,夠creamy，有鮮蝦味！好多餸：四隻蝦🦐及魚片，豆卜，半隻烚蛋。（可惜是魚片質素一般）米線韌度唔錯, 不過偏黏少少，如能改善，一定更好！雙色椰汁芒果糯米飯Mango 🥭 雙色糯米飯 dessert, 紫白橙颜色配合好靚，倍添食慾！芒果夠新鮮，糯米飯軟滑，口感甚佳。椰汁味好濃郁。🥥份量足夠，食得出唔係溝出嚟嘅罐頭椰漿。平時唔鍾意食芒果糯米飯，不過今次食咗幾啖，真係覺得好正！值得推介😋😋😋🥭。👏👏

馬鞍山嘅泰國菜最高質應該都係新泰喇泰式裝潢夠氣排 環境寬敞舒服職員大部分都係泰國人 真係好似去左泰國咁價錢都算貼地 人均200已經食到好飽身為馬鞍山人 我每個月都會幫襯幾次㗎嚟呢度我有幾樣係必食嘅 其中一個就係串燒火候控制得好好 豬牛雞都燒到充滿肉汁本身已經醃得好好味 再點埋偏甜嘅沙嗲醬超正泰式乾炒牛河炒得好有鑊氣 寬河粉好爽滑 份量大到三個人share就啱啱好飛天通菜炒得夠惹味又唔會太咸椰奶木薯就係我必食嘅甜品喇好少地方有得食㗎 所以每次去新泰都必叫味道偏甜 加埋椰奶好香 口感好特別 有啲似芋圓口感嘅蕃薯咁 推介俾大家

是日年初三，午餐時段嚟到馬鞍山廣場，之前食過呢間餐廳嘅晚市都唔錯，見到佢做緊午市套餐，就坐低試吓。午市套餐有一人餐、二人餐同埋四人餐。今次我一個人嚟，就叫咗一人餐。試吓泰式蝦醬炒飯。蝦醬炒飯比較油膩，不過味道都算唔錯嘅。宜家午市套餐$75（另收加一）有埋餐飲，性價比唔錯。餐飲我叫咗熱奶茶，奶茶就麻麻哋啦，茶有啲澀。餐廳環境都算唔錯，坐得都舒服嘅。服務態度方面，唔知係咪剛放完新年假，員工態度麻麻哋。明明都唔多客，宜家只係午市時段，都好似做到好攰好唔耐煩咁。

放假約埋朋友一齊黎呢間裝修都好泰式風情嘅餐廳試下，未食都比佢裝修吸引住。係泰式美食體驗中，呢四道菜各具特色。首先，青木瓜沙律作為開胃菜，當然係酸酸甜甜辣辣咁，重點係我認為佢嘅青木瓜好新鮮，好爽口。泰式蝦炒金邊粉，色香味俱全，蝦仁鮮嫩飽滿，金邊粉彈牙，而且份量十足。酥炸鮮蝦毛酥脆，呢個菜係我第一次認識，雖然係酥炸，但食落一啲都冇油膩嘅感覺，鬆鬆脆脆，非常好食。最後嘅泰式酸魚鍋我認為係招牌菜。濃郁的湯底融合了酸辣的味道，魚肉好鮮美，搭配各種新鮮蔬菜，不但可以暖身，而且非常飽肚，佢香濃嘅香茅同埋金不換嘅香氣，令到成個鍋都非常美味。總體黎講，呢四道菜品不僅展現了泰國料理的精髓，也帶來了味蕾上的極大享受。無論是開胃、主菜還是小食，每一道都讓人流連忘返。

今日趕時間上一路做嘢傾嘢一路食嘢，打電話話去咗呢間泰國嘢嗌定啲外賣，咁嚟到就可以直接拎 黎黎去去都係呢啲㗎啦 好少款㗎咋通常最緊要啱食，叫做每種都有少少唔錯佢呢個辣豬頸肉炒河依然出色，蔬菜同埋豬肉都好多！唔會太多油，而且辣辣地非常啱食！佢個河粉煙靭有彈性，係粗少少嘅泰國河粉我比佢7分不過佢個熱檸茶就差咗少少，檸檬唔算滑太香仲要勁孤寒淨係比兩片囉 個茶都唔係特別好飲 叫做健康啲，所以揀另外揀嗰個黃咖喱海鮮飯，唔記得咗影相🙈😛😛都係穩定嘅質素調味，不過如果佢啲海鮮唔係全部都炸過就好，魚柳嗰啲容易爛就話啫，魷魚同埋蝦佢都炸 可能雪貨冇咁新鮮，諗住炸完好味啲？跟餐有個泰式蝦餅兩件切成四舊，都幾大嚿，幾好味彈牙。

紀念日去晚飯。匯豐信用卡💳平日晚市優惠。 滿300可半價食麵包焗咖哩軟殼蟹。＜只需$124😃。抵＞晚市1>> 必食巴東牛展 $118此餸之牛展好諗， 個醬配飯或配酥餅超好味。真係無敵， 一定要試。大碟都有8-9舊， 唔會得幾舊。2＞印度酥餅 $42有點貴， 但配巴東牛展真係好夾。3＞日本南瓜焗海鮮飯 $158飯太濕， 海鮮少d.色澤夠靚4＞＞。［半價］。麵包咖哩軟殼蟹 $124半價的話， 超級抵不過咖哩水d, 太稀， 唔等香濃及杰。［個水如香濃d. 杰d, 又係無敵］總評。晚市食物比午餐好得多。 9分本人推介。＞＞巴東牛展真係無得頂