Street Bomber

Open Now

Now Closed

2025年7月25日晚上 ，點餐編號008 ，點餐雜果竽圓，漏了竽圓！！！在香港的生活壓力已經大，不能在承受更加多的時間成本和沉沒成本！！！ 另一個椰汁西米露的配方及比例則不錯。

社交平台上睇到佢哋嘅甜品，咁岩屋企人生日就即刻過去買嚟試下~​果然冇令人失望，四款招牌全部打入回購清單​🥭【5 寸芒果巴斯克流心蛋糕】​4 人份先至 198 咋！新鮮芒果堆到成座小山咁​唔係罐頭或者冷凍芒果，酸甜度啱啱好​蛋糕流心幼滑到驚艷，用嘅仲係新西蘭奶油同芝士​配曲奇餅底，好食~​生日仲可以攞免費插牌同閃燈架​【草莓焦糖燉蛋窩夫】​即點即整嘅窩夫外脆內軟，配埋自家制焦糖燉蛋真係正到爆！​滑捋捋嘅燉蛋加上草莓嘅酸甜，食落一啲都唔滯～​【灸燒焦糖巴斯克麻糬爆谷窩夫】​呢款好有層次感，烤到微焦嘅巴斯克流心芝士蛋糕​中間係會拉絲嘅麻糬，仲有脆香爆谷同窩夫係底！​【開心果軟心巴斯克】​開心果味超濃~​口感綿密單食或者配茶都好夾～開心果控一定要試下

適逢初二小編去人哋屋企拜年。冇準備禮物又唔想兩手揈揈，所以就去咗附近美孚新邨一間甜品店 @eat.nonsense 睇吓有冇啱嘅蛋糕，買上去分甘同味。發現佢哋而家做緊一個🙊🙊買四送一🙊🙊。非常適合多人聚會，而且味道款式夠多，總有一個啱你身邊嘅朋友。小編就試咗呢四隻味：開心果味（要咗兩件） 💚新年梗係要食開心果，而且開心果呢年咁紅，一定有好多朋友爭住要。佢嘅蛋糕中間都有軟心部份，所以食落去好Creamy，開心果味未至於超濃嗰種，感覺係同芝士各佔50%，所以佢嘅味道都幾平衡，唯獨是略嫌甜咗少少。怕太甜有鍾意開心果嘅朋友記得叫減糖嗰款開心果。烏龍茶味、鐵觀音味🫖🫖茶味不嬲都係小編最愛，因為食落冇咁膩。佢兩款嘅茶味都好香好濃，有茶嘅甘香味，而且唔係太甜，鐵觀音味小編感覺會清香少少。不過因為店家應該係加茶粉落去，所以食落去又冇開心果咁細滑。檸檬威士忌 🥃🥃呢款有啲驚喜，本身以為酒味都應該偏弱，但佢嘅威士忌味又幾香幾得出。加上檸檬嘅清香有少少似喺日本嘅high ball或者Lemon Sour咁。呢五件蛋糕小編大概買咗140幾蚊，除返開一件都唔使$30 。因為呢度嘅蛋糕平均都係$29至$38，就算

收藏左依間位於屋邨內既小店都幾個月 ，趁有時間又去開做facial 就行去試吓。 其實位置都幾隱世😅😅 係橋底位置 真係好易睇過龍😓其實店舖唔止賣蛋糕 仲有糖水 飲品 都幾多種類。 講番特登為巴斯克蛋糕而黎既我， 不得不說 是十分滿足🫶🏻 首先 menu 上有差唔多19-20款， 價錢還算抵！ 除左口味外， 大小都有得簡 ：細件、中型5寸同大型7寸 。最後簡左百利甜酒味（$38） 。 雖說係切件，其實都幾大角架！ 蛋糕幾軟身， 表面唔算太燶同脆身，但百利酒味超濃！ 中意酒既人會勁岩😋😋 芝士蛋糕唔算太漏， 真心勁好食！ 值得再試！

為咗同最喜歡開心果同巴斯克蛋糕嘅🐧🐧 buddy 慶祝生日，今次特登黎到美孚，購入集兩者於一身嘅開心果吉士流心巴斯克🎂 圓碌碌嘅巴斯克蛋糕上，佈滿紅潤可愛嘅草莓片和忌廉作點綴，造型討好又美觀❤️ 一切開可見內餡滿滿嘅吉士和開心果流心🤩🌟 真係好足料👍 食落每一啖都滋味濃厚😚 既有香濃嘅巴斯克芝士滋味，又有開心果嘅獨有堅果香氣😋 難得嘅係整體唔會過甜或者過膩🤭👍 真係好出色😍❤️ 店舖仲有二十多款嘅精選口味巴斯克可以㨂🤩 喜歡巴斯克蛋糕嘅朋友真係要試下🤭👍 🐧❣️ 只需加$18, 即可配埋波波禮盒、超靚靚嘅生日牌同埋閃燈🤩🌟 勁chill😘

【超絲滑、極流心巴斯克🔥 高達17款口味‼️ 母親節限定送打卡三寶🆓】推薦程度：●●●●●抵食程度：●●●●●———呢間save咗好耐，終於等到母親節飯，有個藉口俾自己一個大cheat day🥹 果然不失所望🔥 有切件/原個多達17款口味嘅巴斯克蛋糕😍 今次先試吓sweet sweet嘅朱古力味，融化一下媽媽嘅心💖 母親節限定，有「為搏母后一笑」嘅打卡三寶：⑴ 皇冠👑 + ⑵ 母親節插牌 + ⑶ 閃燈🆓 set up好晒成件事勁打卡✨ 勁靚！影咗好多靚相留念🥰🍰 巴斯克軟心（朱古力吉士)｜$168/5寸大癲‼️要大讚‼️超超超超流心🔥 一切開就係肉眼可見嘅流心🤤 好似整裝待發要蜂擁而出咁🌊 口感非常細滑，好似軟雪糕咁，一入口就要溜入喉嚨👅 中層嘅細滑程度我俾滿分💯 而上下層嘅全熟蛋糕平衡返膩感，亦帶嚟口感層次🙂‍↕️ 味道方面朱古力味香甜，但唔會搶去忌廉芝士嘅奶香味，覺得兩者平衡得剛好🙌🏻 可能未必適合鍾意好濃厚嘅朱古力控～ 但對於母親大人嚟講，唔太濃澀、唔太甜膩嘅味道就係最perfect池、無負擔✨

位於美孚新邨四期3號地舖的Street Bomber，主打外賣西式糕點。今次在WhatsApp 預訂了一個五吋的草莓巴斯克軟心芝士蛋糕（$198），再跟店舖確認訂單。當天，下班便去取蛋糕，回家和家人慶祝生日了。店舖在美孚地鐵站A出口附近，慢慢步行約三至四分鐘即可到達。店舖也提供少量現貨芝士蛋糕，可以即買即自取。芝士蛋糕包含生日牌和小燈串，令整個蛋糕賣相更為吸引，儀式感滿滿，特別適合愛美的女孩子。表面擺放了六件新鮮的士多啤梨，輕輕咬一口，味道十分香甜，可見店舖選取水果時有特別下苦功。表面還有清甜的藍莓粒和幼滑的忌廉做點綴。順便一提，餐廳標榜不採用成本較低，口感相對粗嚡的植脂忌廉。筆者也覺得這店舖的忌廉口感滑溜，奶味十分香濃。。將蛋糕切開，便可以清晰地觀察到中間的內餡。士多啤梨流心餡採用新鮮果醬及果肉，甜度適中，不會令人覺得太過膩。士多啤梨味道天然，感覺就如在士多啤梨園上奔跑和散步。外層的原味芝士蛋糕味道也不錯，軟硬適中，口感不會太過硬身。順便一提，一個五吋蛋糕適合三至四人享用。。外賣店還會提供其他小食和飲品。

Happy birthday cake、今次去了美孚買了芝士蛋糕回來食、要特別去到、因為聽人說很不錯，所以去試下啦😂是一種結合了濃郁芝士和香脆開心果的美味甜點。這款蛋糕的口感濕潤細膩，帶有芝士的香濃味道，同時又有開心果的香脆口感，每一口都能感受到芝士和開心果的完美結合，帶來滿滿的幸福感。這款都能為您帶來美好的味覺享受

💝又一個4月之星生日🎂呢個朋友仔係一個「開心果控」🎉我梗係要上網搵番個開心果蛋糕同佢慶生啦🎊我今年搵到呢間位置又方便我嘅小店📍先whatsapp落單📝然後再落去取蛋糕🎂超級方便呀👍🥳巴斯克開心果軟心蛋糕賣相好靚📸我訂左個5吋夠曬4個人食😋開心昧道好濃好香滑✅士多啤梨🍓同埋藍莓🫐味道都超甜💯蛋糕仲係低糖少油、無防腐劑、無植奶油🧈食得健康又放心❤️朋友仔好滿意呢🈵開心開心🥹🎂✨ 「巴斯克」開心果軟心 burnt cheese cake✨

這間高性價比的人氣巴斯克蛋糕，用料之餘，而且有多款口味選擇，5吋巴斯克蛋糕價錢由$128起，價錢合理！.新系列：🔸Custard雙拼軟心：朱古力、開心果、小山園抹茶、伯爵茶🔸新鮮生果：富士蘋果、草莓、藍莓以新鮮生果焗制，不用植脂Cream，而且採低糖配方，不含防腐劑，十分健康。.🍰巴斯克開心果吉士（5吋）$198我就食左全新Custard雙拼軟心巴斯克芝士蛋糕，我選了坊間較少有的開心果吉士口味😋尺寸剛剛好，而且賣相一流，上層有開心果碎。蛋糕外層焦香，入面口感綿密，芝士味香濃，還有開心果吉士流心，甜而不膩。

人氣巴斯克蛋糕店「Street Bomber」一向非常人氣，皆因佢哋出嘅蛋糕性價比超高，高質又價錢相宜，一個非常有份量落足料，五吋嘅蛋糕$200都唔使，最近佢哋推出全新系列口味，巴斯克 Custard 雙拼軟心及新鮮生果系列的Burnt Cheese Cake，其中有我最鍾意嘅開心果味，即刻要買來試吓「雙拼軟心」系列有開心果、小山園抹茶、伯爵茶 、朱古力 x 吉士口味，而「新鮮生果」系列就有富士蘋果、草莓、藍莓，新鮮生果焗制，「自家」特調新鮮果醬及果肉健康之選，蛋糕均不用防腐劑，不用植脂Cream，而且採低糖配方，食得安心又健康🧀▪️巴斯克軟心開心果（5吋）賣相一流，面層鋪滿香甜又新鮮士多啤梨和藍莓，芝士蛋糕外層焦香，內裏口感濕潤又Creamy，濃濃的芝士香，配合濃郁嘅流心開心果吉士醬，而且唔太甜非常好味👍🏻👍🏻

一直都好心思思想試吓呢間好出名嘅巴斯克蛋糕，之前聽朋友講食過都幾好食!!😆嗰日經過美孚見到新出咗焦糖燉蛋窩夫系列即刻要試下🙈😎🍮煉奶焦糖布甸忌廉窩夫 $26原來焦糖燉蛋窩夫系列係美孚店限定！想食嘅朋友記得去美孚先有啊🥰即叫即整，一拎到手熱辣辣仲好香🤪窩夫上面有個布甸，打卡一流🙌🏻對我嚟講食落甜咗少少🤏🏻個布甸口感幾滑溜🍮面頭仲有啲士多啤梨同waffle幾夾，酸酸甜甜🤓都幾大份建議同朋友一齊分享就無咁濟😋

又黎幫襯啦～上次試完芝士蛋糕，今次試紅豆窩夫❤️雖然窩夫算不上係真材實料，但係都有淡淡的蛋香，外脆。令人驚喜係紅豆餡🫘勁多加煉奶，又唔會超甜超值！推介大家糧尾啱哂！

不同口味和尺寸（5吋或7吋），價錢會有些出入（$128-298），但整體性價比非常高。而且可以即日買到原個裝，屬於last minute要買生日蛋糕的好選擇！原味甜度剛好，預訂生日蛋糕有閃燈生日牌， 也可以加錢配上士多啤梨裝飾～ 中間是偏固態的軟心，如果可以做到流心效果會更好。抹茶味足，同時芝士味也很濃。很期待之後再試試開心果味～相比之下， La V*n* 的 basque cheesecake 6吋原味 $398，但流心效果則做得比較好，地理位置比較方便港島人。但由於 Street Bomber 性價比實在太高，我已經由 ALa V*n* 粉轉成 Street Bomber 的忠粉了，也推介了給很多朋友～

經過呢一間小店見到好平，甜品控又要出動喇！見到佢有第二件平$10一次過買咗兩件原味正正常常，有蛋香，流心質感不錯百利甜酒味，酒味出色，出邊真係少有有酒味嘅蛋糕，唔知係個別原因， 呢件流心好似係實心咁濟平平哋經過食吓都無妨