泰濃麵 (樂道)

Open Now

Now Closed

湯底好有泰式風味，惹味濃郁😋推介試「卜卜蜆船麵」，一上枱就被嗰堆卜卜蜆山嘅份量震驚😳!!每粒肉都幾大粒，無沙幾新鮮✨👍🏻仲可以擇唔同麵底，薯粉比較夾啲。「青木瓜沙律」好爽口refreshing酸酸甜甜辣辣。🧾𝙞𝙩𝙚𝙢𝙨 𝙤𝙧𝙙𝙚𝙧𝙚𝙙: (⭐️3.8/5)•頂級安格斯牛肉船麵 $94 •卜卜蜆船麵 $94•青木瓜沙律 $49•泰式青檸梳打特飲 $29 📍泰濃麵 尖沙咀樂道7號嘉樂大廈地下A號舖

今晚同朋友心血來潮想食泰國嘢，衝咗去尖沙咀泰濃麵，一入店就聞到濃濃香茅同椰香，裝修仲掛滿泰國街頭風情畫，即刻有種穿越到曼谷嘅感覺～ 🍜 招牌船麵：頂級安格斯牛肉金邊粉- 深褐色湯頭濃到掛勺，飲落有淡淡藥材香同胡椒辛勁，朋友大讚：「同曼谷街頭食到嘅一模一樣！」 - 安格斯牛切到薄透，上枱時粉嫩半熟，浸熱湯後入口即溶，牛油香爆棚！仲有脆炸豬皮、彈牙魚蛋同清甜秋葵，口感超豐富。 - 金邊粉幼滑掛湯，索盡湯汁精華，朋友食到「嗦嗦聲」。 🌶️ 卜卜蜆冬陰功湯金邊粉- 冬陰功湯酸辣度平衡，椰奶香濃郁，仲有香茅同青檸葉提香，飲完唔會口乾。 - 大大隻蜆肉脹卜卜，鮮甜無沙，仲有鮮蝦同秀珍菇，海鮮控必試。 龍眼冰- 原粒龍眼肉鋪滿杯，甜度天然，碎冰口感消暑一流。 青檸梳打- 泰國樽裝梳打水+新鮮青檸汁，自己調製，酸爽解辣。 人均$100食到高質泰國味，船麵濃郁、冬陰功醒胃，難怪長期排長龍！

美國肥牛船麵呢度船麵可以選擇船湯，冬蔭功湯同清湯，我地就選咗船湯，個湯底好香濃，配埋金邊粉吸收湯底，唔錯，肥牛都幾濃牛味，唔算太肥，除咗肥牛之外，仲有魚旦，魚旦都爽口彈牙。泰式海南雞飯雞肉好嫩滑，仲要係無骨海南雞，啖啖肉，個油飯都好香，唔會太油膩，食落好夠味。泰式拼盤小食炸蝦餅-都幾大件，炸得好香口，蝦肉夠爽口彈牙炸雞翼，醃得好入味，咬落好juicy,雞肉好嫩炸芝士雲吞，外面雲吞皮脆卜卜，入面勁多芝士，幾好味。青檸梳打梳打水係泰國牌子，原樽比我地自己添加，青檸味好清新，唔錯。

🌟🍴 【 尖沙咀•泰濃麵 】 🍴🌟 📍 泰濃麵 (尖沙咀)尖沙咀樂道7號嘉樂大廈地下A號舖🍖🥟🍟🥚🍰🍲🍇 • 🥪🍓🍤🍪🍜🍡🍹 🍗 雞脾肉清湯金邊粉湯頭清甜，雞脾肉嫩滑多汁，份量十足！金邊粉吸滿湯汁，口感順滑，簡單卻滿足 😋。適合愛清淡口味的朋友！🥩 美國肥牛冬陰功泰式河粉冬陰功湯底酸辣開胃，香氣撲鼻 🌶️！美國肥牛片薄而軟嫩，入口即化，河粉Q彈有嚼勁，整碗充滿泰式風情 🔥，超推！🥗 青木瓜沙律爽脆酸辣，青木瓜條清新解膩 🥒，調味平衡，微甜微辣超開胃！當小菜或配菜都完美 👌。🐔 泰式鳳爪軟糯入味，酸辣醬汁滲入每寸雞皮，啖啖滿足 😍。愛酸辣的朋友絕對不能錯過，超級惹味！🧀 炸芝士雲吞外皮香脆，內餡芝士濃郁爆漿 🧀，一口咬下超幸福！不過略油，建議多人分享，解饞一流 😎。🥤 泰國香茅斑蘭梳打特飲香茅清新，斑蘭香氣迷人，微甜帶氣泡，超解渴 🥥！泰式風味十足，飲完心情都變好 🌈。🌸 泰式蝶豆花顏值爆表，藍紫色超夢幻 💜！口感清甜，帶點花香，飯後甜品好選擇，社交平台打卡必備 📸。🥟 炸豬皮脆口到停不下來！炸得香酥，微微鹹香，當小吃超棒 😜。不過吃多有點膩，建議點小份。🍙🥤 餐廳評分🥤🍙 🔥 餐

泰濃麵質素高🇹🇭每款都食得出店家落咗心機 價錢合理 食物水準穩定 下次再嚟都仲想encore✧ 頂級美國肥牛船湯泰式河粉（$74） 呢個肥牛船湯泰式河粉真係泰式風味十足 湯底用咗大量香料同牛骨慢火熬製飲落去又香又濃 帶少少辣同酸味好開胃 美國肥牛切得夠薄 燙一燙就入口即溶 肉味鮮甜 河粉軟滑又唔會糊口 每啖都夠哂滋味 食完暖笠笠好滿足 ✧ 海南雞飯（$69） 海南雞飯絕對係店內必試 雞肉嫩滑唔柴 皮爽肉滑 配埋醬汁 食落鹹香又帶微辣 油飯粒粒分明又有雞油香 好有層次感 到最後一啖都唔會膩 ✧ 原個泰國椰青（$49） 椰青新鮮開殼 入口好清甜 椰水夠多夠凍 飲落好解渴 食完主食飲返椰青即刻refresh哂連椰肉都滑滑地 食落自然味道 ✧ 泰式龍眼冰特飲（$29） 龍眼冰味道天然冇假味 每粒龍眼都新鮮爽甜鋪咗喺面頭同啲冰好融合加埋碎冰一齊食 好有消暑感覺

喺尖沙咀行街熱辣辣想食啲酸嘢過吓癮 喺iSquare隔離見到間望落唔錯嘅泰國野 俾佢個門口吸引住🥩頂級安格斯牛肉船湯配金邊粉🍜個湯底勁正宗超濃厚 配埋個金邊粉覺得自己返咗泰國 除咗佢嘅頂級安格斯牛之外 港式魚蛋好彈牙 而且佢仲有啲炸魚皮同蒜片錦上添花海南雞飯成碟雞都係無骨！呢個係非常加分 啖啖肉唔驚食到骨 食落去好嫩口白滑 而且好新鮮 加埋佢個秘製汁 酸酸甜甜 食過返尋味泰式鳳爪個鳳爪都係無骨！口味上有少少偏辣 如果唔食得辣嘅朋友就要注意 除咗辣仲加咗新鮮檸檬汁調味 辣得來非常爽口 做前菜一流原個泰國椰青食野點可以唔叫飲品 叫咗個原個椰青 椰青水好甜 啱晒夏天消暑解渴

今日同朋友去咗尖沙咀泰濃麵試吓佢哋嘅招牌粉.雞髀肉蒜湯金邊粉，一上枱就聞到超香蒜味！湯底好濃郁，帶少少椰香，雞髀肉煮到好淋，一啖咬落去啲肉就散開，仲要好入味。金邊粉滑溜溜，索晒啲湯汁，食落好過癮。 湯底仲可以揀冬陰功湯底架！另外叫咗炸雞翼，外皮脆卜卜，咬落去仲有肉汁，點埋佢哋嘅酸甜醬，真係停唔到口。飲品叫咗熱柚子蜜，甜度剛好，飲完成個人暖笠笠，好舒服。 整體來講，呢餐好抵食，份量夠大，味道又正，下次一定會再嚟試埋椰青

.今日喺尖沙咀做完嘢，突然之間好想食泰國嘢🙌🏻泰濃面真心好味😍 即刻同大家share吓今次食咗咩正嘢👇🍜【トト蜆冬陰公湯金邊粉】🔥一上枱就聞到香茅味！湯底係嗰種「酸得嚟又帶椰香」嘅balance🌴 飲落仲有啲蜆肉鮮甜味👌 金邊粉索晒湯汁真係嗦嗦聲咁食！最正係啲蜆同蝦好新鮮🦐🐔【泰式鳳爪】🌶️凍冰冰+爽脆脆=夏天救星❄️ 酸辣汁醃到入晒骨，仲要加咗勁多香草🌿 個汁撈埋青瓜絲真係停唔到口😋🥥【原個泰國椰青】💦成個椰青捧住飲超有feel🌴 清甜到同泰國嗰啲冇分別🏖️ 飲完仲可以刮埋啲椰肉食，夏天好過飲汽水啦！🍤【泰式炸蝦餅】即叫即炸熱辣辣🔥 外皮脆到好似食緊蝦片咁！咬開爆晒蝦肉彈牙到跳舞💃 點埋個甜酸醬真係無得輸📍 泰濃麵 (尖沙咀)尖沙咀樂道7號嘉樂大廈地下A號舖#泰濃面 #尖沙咀美食 #冬陰公控 #香港泰菜 #掃街mode

口淡淡想食d濃味d嘅麵，睇到呢間咁多like,於是一於去試吓！果然有咁多係有原因！雞🐓豬 🐽我和同伴各點了雞髀肉船湯河和黑豚肉船湯黃麵，個湯好香，一放底已經聞到，個湯係成碗野嘅靈魂！又香又濃，配什麼都可以！烚唐生菜配秘製腐乳醬呢個小朋友食都可以，甜甜地。泰式小食拼盤（蝦餅／雞翼／芝士雲吞）蝦餅酥趣唔會好油，雞翼外趣內嫩，但芝士雲吞我就麻麻，好似有d太膩。下次一定再來！我想試吓個芫荽山船河，仲有其他小食！

見此店的食評唔錯, 來到尖沙咀訧過來試一試 食物 : 頂級安格斯牛肉船湯金邊粉 $94 - 湯底好濃好正, 飲咗唔口乾, 牛肉唔係好大塊, 但肉質幾淋唔韌, 脆炸豬皮放湯好食, 兩粒魚蛋幾滑, 條秋葵幾特別, 金邊粉普普通通, 整體味道唔錯 飲品 : 泰式龍眼冰特飲 $18 (套餐) : 原價$29, 龍眼冰好足料, 有很多龍眼肉, 味道都幾濃, 唔會淡茂茂 環境 : 牆上有很多食物相片好有特式, 店內環境舒服乾淨 服務 : 店員有禮貌 費用 : $112 (無服務費)

今日去咗泰濃麵食泰國嘢！🇹🇭 真係好掛住泰國嘅味道呀！我叫咗碗トト蜆冬陰公湯薯粉🌶️🍜！冬陰功湯底酸酸辣辣，好開胃！トト蜆新鮮肥美，薯粉QQ彈牙，真係好正！朋友就叫咗個海南雞飯🐔🍚！雞肉嫩滑，雞油飯香噴噴，配埋醬汁，真係好惹味！我哋仲叫咗碟炸雞翼🍗！雞翼炸得金黃香脆，外脆內嫩，好juicy！飲品方面，我叫咗杯青檸梳打🍹🍋！酸酸甜甜，好解渴！朋友就叫咗支梳打水🍾！夠晒冰凍，好夠氣！

心思思想食返碗船麵，尖沙咀呢間泰濃麵係不二之選。選擇都幾特別同豐富，想食好啲可以叫 A5黑毛和牛，或者原隻波士頓龍蝦🦞～我就要咗頂級安格斯牛肉配船湯底 94真係頂級非常有有牛味，有成六七片牛肉尋喺湯底下面越食越有。湯底一d都唔hea，飲到胡椒味非常傳統，配料仲有泰國必食炸豬皮秋葵同芽菜跟湯。飲品叫咗杯熱薑蜜，有真。生薑蓉，飲完暖笠笠。難怪平日生意都咁好，當中仲受唔少遊客捧場！📍泰濃麵（樂道）尖沙咀樂道7號嘉樂大廈地下A號舖

【🍜SiamNoodles泰濃麵｜🛶滋味芫荽船麵】泰國船麵，就好似香港仔艇仔粉嘅泰國版！傳統嘅泰國船麵，就在往來曼谷運河嘅小艇上可以食到，用上豬肉豬骨藥材等材料製作出濃濃嘅湯底，色澤深，味濃而香，飲後不喉乾。加上魚蛋、肉丸、炸豬皮、金不換、蔥蒜等配菜，美味非常！.🤟🏻芫荽山船麵為芫荽山而來，見到大堆頭嘅芫荽超開心，將芫荽一下一下咁浸入熱湯中，風味特別！有蘿蔔、魚蛋，少量炸豬皮，湯味好濃香甜，加少少辣椒粉，更加開胃。豬皮好好食，要追加一碟.🤟🏻小食拼盤香茅雞翼、芝士雲吞、蝦餅蝦餅食落有咬口，蝦咪濃，蝦肉唔算好彈但有口感，整體出色！.🤟🏻椰青新鮮，鮮甜，刮埋椰青肉食無得輸！

泰國船麵係泰國街頭美食的經典代表。起源於曼谷運河上的船販,以濃郁湯底、豐富配料和獨特風味聞名!如果想食正宗嘅泰國船麵，喺尖沙咀樂道嘅呢間"泰濃麵"就係首推之一!呢度嘅船麵湯底非常濃郁，適合嗜濃郁者。而我同朋友今日就嚟咗食lunch。朋友就叫呢度最出名嘅船麵🍜雞脾肉船湯泰式河粉$52- 湯底冇令人失望，真係超級濃郁， 有喺泰國食船麵嘅味道!我就叫咗個下午茶套餐🍜雞脾肉冬陰功金邊粉$52+泰式鳳爪$28- 酸辣湯底好惹味，但唔算太辣，金邊粉同埋雞肉份量十足，再配埋個小食，午餐份量啱啱好!再叫咗兩🥥泰國椰青 $49@- 椰青超級清甜，我哋連入邊嘅椰青肉都食埋。嚟呢度一邊食地道嘅船麵再配椰青，真係一大享受!😋

真心覺得上班族要收藏一下這家餐廳~~這家泰國菜專門吃船麵，選擇很多，而且有不同的麵底可以選，如果lunchtime跟我一樣吃比較晚的話，等到下午茶時段大大碗船麵超抵食😍 絕對是打工人的福音😆🟣雞脾肉船麵想吃比較柔和的味道所以選了雞脾肉，餐廳上菜速度非常快👍🏻👍🏻 湯底很清甜，而且肉和配料份量頗多，雞脾肉有煎過香味口感都不錯，配金邊粉我覺得是比較合適的組合。🟣海南雞飯朋友前一天才吃完船麵所以選擇海南雞飯，賣相不錯，雞肉都很飽滿，油飯很香，雖然只有一款醬，但已經很足夠，很搭。🟣炸雞翼 🟣泰式鳳爪跟下午茶的小食很划算，適合開心share，特別是炸雞翼真的是即叫即炸，上桌的時候特別香，雞肉有滿滿的肉汁，沾一點甜酸醬吃更開胃🤤泰式鳳爪頗爽口，味道很到位而且偏辣，吃的很爽。🟣泰式香茅斑蘭梳打 🟣泰式青檸梳打特飲我們還點了兩款特飲，特別適合漸漸熱的天氣，解膩又解渴，自己比較喜歡斑蘭梳打，不會太甜，好喝～～～