Video
2-min walk from Exit D2, Sham Shui Po MTR Station
continue reading
Telephone
36145562
Opening Hours
Today
11:30 - 23:00
Mon - Sun
11:30 - 23:00
Public Holiday
11:30 - 23:00
Public Holiday Eve
11:30 - 23:00
*last order: 23:30
Above information is for reference only. Please check details with the restaurant.
今日收工係深水埗食上海菜，嚟到呢間平價抵食人氣上海菜小店萬家村。晚市好多特價套餐，已經好抵食。阿媽出城，嗌個松子二人套餐佢嘆吓先～都係超抵食😳 $408包1自選冷盤+2點心+3湯+4主菜+5小菜+6炒飯+7甜品+8飲品，真係去邊度搵😂！陳醋木耳：以前菜黎講佢份量都好足，一大碟，完全唔小家。陳醋夠酸，帶有辣味同蒜香，食落好開胃又健康松子炸黃花魚：上碟時已經見到大大條黃花魚，賣相吸引，令人流晒口水🤤黃花魚炸得酥香，唔油膩。甜酸醬調味一流，松子份量都多。之前喺其他上海餐廳食類似菜式都要二百幾蚊一碟，味道都未必有呢度咁出色，價錢同質素都贏晒👍🏻小籠包（五隻）：小籠包皮一咬爆汁，經典上海味道，熱辣辣上枱最正招牌小炒王：韭菜花份量多，仲有蝦米、腰果等配菜，炒得鹹香有鑊氣，送飯一流。雖然比較多油，但過吓清水或飲杯茶就冇問題海鮮羹：羹湯清清地，口感濕潤，主要材料有火腿、蟹柳、蝦粒，味道淡中帶鮮揚洲炒飯：食到呢度已經好飽😹但炒飯份量依然大大個。飯粒分明，有鑊氣，夠晒誠意高力豆沙包（4隻）：特登叫咗走砂糖，豆沙餡唔算太甜🫶🏻炸蛋白外層軟熟，口感幾好，食完唔覺膩飲品：豆漿&汽水自家製豆漿唔會好甜，飲落順口，成杯飲晒都唔覺膩二人餐抵食之餘，其實三至四人食都好夠。份量十足，價錢親民，值得一試
continue reading
今日同爸爸告了深水埗搵食，通菜街這裏有多間不同的食店！今次見到這間以上海菜為主的餐廳，仲看到食客滿滿，所以便帶爸爸一試！坐低後，看過餐牌，有多款不同食物可以選擇。有可以單點的上海擔擔麵、豬扒湯麵、炒飯、炒年糕、小籠包、鍋貼、生煎包、全部上海特色的、有名的小菜及粉麵都一一俱全，完全是花多眼亂。之後看到有一款砂鍋雲吞雞套餐，價格相宜，而且包了很多款食物，所以最後我們決定點了這個套餐！首先套餐可以包了兩杯飲品，我們點了一杯豆漿，豆味香濃真材實料。另一客選了一罐汽水。套餐可以配上白飯或菜飯，我們點了菜飯！菜飯較為清新，而且有菜粒混在白飯中，吃起來帶點清新香氣。宮保雞丁，帶點點微辣的相當開胃！又超多粒雞丁！啖啖肉又惹味用來拌飯一流！仲有椒和腰果！相當有咬口！最欣賞的是這道菜式的醬汁，微辣香甜勁惹味和超夠分量的雞丁肉粒！招牌鮮肉爆汁小籠包，熱辣辣！皮薄餡靚又多汁！一咬下鮮肉汁一湧而出，熱辣辣的非常美味！這間餐廳的小籠包相當出色，價廉物美性價比極高。砂鍋雲吞雞¼隻！這個砂鍋雲吞雞都相當美味！熱辣辣的鮮雞湯，飲起來相當滋潤、清甜、雞味濃厚！配上了鮮肉雲吞，大大粒的雲吞皮薄而且滑溜溜的，中間鮮肉彈牙多汁。非常出色！另外仲有菜和雞件，雞件份量多的，啖啖肉超美味！食飽飽當然少不了吃上海菜特色的甜品！高力豆沙，糖粉鋪滿了高力豆沙外皮上，吃起來甜甜的。高力豆沙外皮熱辣辣的，帶點點煙靭，中間部份有滿滿的香甜紅豆。非常新鮮，而且熱辣辣，漲卜卜的高力豆沙超級美味！這間小店食物非常用心製作，而且價廉物美值得推薦。
continue reading
人來人往的店家，充滿姨姨們濃濃嘅人情味！個個人一坐底就可以落單，menu都唔使睇，就知道係熟客！🔶招牌鮮肉爆汁小籠包五隻$50每次食上海嘢都一定要叫嘅就係小籠包，今次呢個皮薄，入邊多汁，肉餡肥肉瘦肉比例啱啱好，優勝過好多餐廳！🔶蟹粉黃金炒飯$110有驚喜！嚟到個蟹粉勁多勁足料，我呆咗！面頭有滿漢嘅蟹粉，個飯用鹹蛋、蛋、蔥花炒成，啲飯粒粒分明，成日話食一間舖頭嘅炒飯，就可以睇到師傅嘅鑊氣同功架，呢間個師傅係有料到嘅！🔶回味麻辣口水雞$71雞肉嫩滑，唔會好肥！必須講佢個辣好正，唔係平時死鹹嗰啲，不過對於唔食得辣嘅人，可能會覺得偏辣！上面仲有搭配炸花生🥜🔶招牌回鍋肉$98呢道餸由五花肉、椰菜、豆乾、紅椒🌶️炒成，味道偏甜，怕辣嘅人可以一試！🔶高力豆沙（四隻）$54唔知有冇人同我一樣鍾意純粹豆沙餡嘅高力豆沙，入面無加香蕉，外面鬆鬆軟軟嘅空氣感，超正🤩而家啲小店食一間少一間，我哋真係要多啲支持，特別係啲好食，有實力嘅，唔可以俾佢消失！
continue reading
黃金週來到深水埗的福榮街看看，果然十分興旺😆轉左一圈，決定到上海萬家村小館食小籠包。雖然未排隊，但都全店滿坐，一走就有下一枱人入座，氣氛熱鬧。⭐酸辣湯點左兩份晚市套餐，跟餐可用優惠價加配酸辣湯，味道都唔錯，酸酸辣辣幾啱口味，仲好足料添，有筍絲、木耳絲、豆腐乾、蝦仁等，呢個價錢都幾大碗呀😋⭐四喜烤麩 & ⭐手拍小青瓜跟餐仲送涼菜小食，抵！⭐花雕醉雞麵先來客醉雞麵，上枱時已聞到好濃酒香，雞件入味嫩滑😋湯麵可選清湯、擔擔麵湯同酸辣湯，覺得清湯同醉雞較夾就揀左清湯，麵條有嚼勁，都幾好味㗎。⭐回鍋肉粗炒再黎有粗炒，有唔同口味揀，就選個店長推介嘅回鍋肉配撘先。炒得香口唔油膩，調味唔錯，再加上半肥瘦的五花肉真係幾好食🤤⭐鮮肉小籠包一籠有五隻，皮薄肉鮮，但湯汁唔算多，一口一件幾好味。⭐鮮肉生煎包最後仲有生煎包，個底煎得好香脆，但呢樣略為失望，包入面無湯汁🥺至少個包鬆軟餡料亦多，味道都唔錯嘅。⭐汽水 & ⭐豆漿跟餐仲有餐飲送，可揀汽水或豆漿。小店無加一，食咁多野都係二百幾蚊，抵食！
continue reading
最近去咗深水埗🚇買嘢，見到上海萬家村小館嘅松子魚🐟二人餐只係$408，包括自選冷盤、點心、🥣湯、主菜、小菜、🍚炒飯、甜品同埋飲品🥤，真係好抵食。冷盤我哋揀咗🥢四喜烤麩，係經典嘅上海🇨🇳菜式，烤麩吸晒甜醬油汁🤤，凍食好開胃✨。小籠包一籠5隻🖐️，皮薄餡靚，咬開爆晒湯汁💦，豬肉餡夠鮮甜，♨️記得要襯熱食。湯除咗有經典嘅🌶️酸辣湯，仲有海鮮羹🌊可以揀，稠度啱啱好，入邊有🐟魚肉、仿蟹柳同埋🍤蝦仁，而且分量十足👍又鮮味！招牌松子黃花魚🐟即叫即炸，魚肉切晒花🤩大大條，而且炸到金黃酥脆🔥，淋上酸甜菠蘿醬，🍚送飯一流呀。秘製話梅骨🍖入面嘅梅子醬味超濃郁，🐖排骨鬆化又入味，仲帶少少🤏焦糖香，食到我 lam lam 脷😋。揚州炒飯🔥鑊氣十足，火腿同埋🍤蝦仁粒炒得乾身，走青😂啱晒我哋呢啲揀飲擇食嘅人✌️。甜品我哋揀咗高力🫘豆沙，熱辣辣嘅蛋白球🥚外脆內軟☁️，流心豆沙唔會死甜，👏大滿足呀！個餐仲包咗飲品🍹，可以揀豆漿又可以揀🥤汽水，呢個餐真係好💰抵食呀。
continue reading
You may be interested in