Video
Exit D1, Lai Chi Kok MTR Station, Exit D2, Lai Chi Kok MTR Station
continue reading
Telephone
22178866
Introduction
It is a popular Taiwan night market themed restaurant, and the shop name is inspired by the Taiwan area code “+886”. It serves traditional Taiwanese dishes like braised beef noodles. Besides, you can enjoy chicken hot pot in an all-you-can-eat style with Taiwanese flavour here.
continue reading
Additional Information
室外露天位置可容納50人, 適合租用舉辦任何活動. 詳情可直接聯絡餐廳查詢
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
About Reward Scheme
平時好少寫食評，但今次食完覺得真係伏。價錢唔平，叫左肉燥飯，我老公話味道一般，但我覺得可以話係十分唔好食之餘…仲唔太乾淨，直頭係唔想食落去，奶茶亦好淡好淡，大家睇路至於點解會有咁多正評，我真係百思不解
continue reading
D2係一個🐶寵物友善商場🐶，裏面嘅餐廳當然大部份都可以比寵物入啦😆，其中呢一間捌捌陸台式料理就係擁有一個大露台嘅餐廳，今日就帶咗細佬🐶過嚟食飯，佢哋呢度有個一人火鍋，等我哋又試吓先🍱台灣肉燥飯套餐 $88 :呢個套餐就包一杯嘢飲，我就嗌咗鹽酥雞肉燥飯，佢嘅份量適中，唔算太多，鹽酥雞都比想像中普通😩，冇乜特別，食落都係偏腍😩，冇脆口嘅感覺，滷肉就比較少，亦都唔夠香，整體就超一般😒，嘢飲就配咗珍珠奶茶，茶底比想像中淡，冇驚喜😩😩🍲台式一人火煱 $88 :一人火鍋，佢有幾款可以揀，我就揀咗（美國頂級肥牛，鴨血，蜂巢豆腐，蔬菜，稻庭烏冬），當然啦呢個價錢唔要求佢有幾好食，份量真係偏少😩😩，肥牛得五片，口感算正常，其他嘅食材就超級一般😩🍠黑糖地瓜條 $38 :原本都對呢款小食有信心，但嚟到嘅時候係失望嘅，賣相同份量都係唔理想😭，地瓜都係腍嘅，冇咗嗰種外脆內軟嘅感覺，其實環境算唔錯，細佬都玩得開心，但係食物質素方面就有待改善🧐
continue reading
有一段時間活躍係荔枝角，呢間係呢區我最愛既食肆之一，食左好幾次，但我依然唔太專業，掛住食，都冇好好影相分享比大家😅環境❤️❤️🤍🤍🤍講真，真係好求其，一堆木枱、櫈，我黎過幾次，坐過唔同位，有張枱爛爛地，有張搖既，櫈都坐得唔舒服，佢最好係有室外座位，可以比想享受大自然同陽光既客人，但如果熱天，就邊張枱都會熱，因為係極度扯風，個門口又長期唔閂實衛生❤️❤️🤍🤍🤍員工大多係比較年輕既男士，所以細心同愛乾淨方面應該稍弱，每次執台都有好快手咁去抹，只係塊布感覺都唔係乾淨，次次坐低張枱都‘’立痴痴‘’🫥餐具都係。。筷子都好殘舊。。應該唔係故意做出黎既老式情懷吧？😶🌫️服務❤️❤️❤️🤍🤍原因同上，效率好快，快手快腳，快出餐，基本禮貌都有，係cool左d既，不過我ok既🥰青春、活力既帥哥啊💁♂️💁♂️💁♂️不過就真係有點粗心大意，衛生、服務、態度都麻麻，入座都係叫左聲隨便坐就算食物❤️❤️❤️❤️❤️老實講，餐牌唔豐富，選擇唔多又唔夠彈性，純粹係想食台式飯而試，點知一試愛上我食過佢鹽穌雞、醉雞、魯肉飯、佢仲可以揀小食，配埋杯飲品，食飽飽鹽穌雞唔係我食過最好食，但合格👍醉雞個人超級鐘意，調味真係剛好，酒味咸味好平衡帶d甘香，又唔會有苦味。魯肉既肉同配菜配搭均勻，口感相互，汁緊貼住每樣食材，調味剛好，配上白飯，簡直一流，口水都流🤤🤤但飲品就……太甜，揀少甜就變左溝水咁淡而無味。。。價錢就。。。其實我覺得有d貴，只不過佢d食物係值呢個價錢既，其他就。。。拉左個curve啦…仲有，希望餐牌多樣化少少，可以加錢附加多樣主餐既餸／白飯／小食，小食增加幾樣，絕對可以增加每張單既總價，或者整d輕量餐，有客人試過好食，之後就會愈點愈大份嫁喇！絕對有信心😎總括：肯定會再食，個調味完全合哂我河車
continue reading
牛肉麵嘅牛肉夠腍都好入味。個酸菜魚好好味。就係個魚片真係有啲小得滯。冬瓜茶就好甜。整體嚟講都唔錯。但係埋單仲要收+1，但全程冇理過埋單都係自己行埋去真係唔明白。
continue reading
話說想食台灣菜，行過見到，見咁大間舖，餐牌食物選擇又好似唔錯，於是幫襯吓，幫吓香港飲食業打打氣。一去到，自己揀位坐，自己落單，點完啲嘢食，發現原來其實係有下午茶，於是同店職員講，問吓係咪其實有下午茶？一臉唔願意嘅樣子喺部機度篤篤篤，完全冇答過你問題。就叫你返埋位。到啲嘢食嚟到，我完全未試過食一碗牛肉麵係冇味道，我初頭以為自己未覺有問題，就連隔籬位啲人都話點解啲嘢無味，既然係咁，我就試吓嗌多樣小食睇吓會唔會好啲，於是又用手機落單，落完單，想攞多個碗仔同朋友share，完全冇招呼，要自己行出去問佢，個店員竟然答都冇答，手指指向另一邊，思好似話叫我自己攞咁，最後有個姐姐攞俾我，然後我行返埋位之際，佢同我講個小食冇，幫我取消。都已經開始食到一肚火之際，上埋杯奶茶，我未試過飲一杯奶茶係得奶味，少少茶味都冇，即係其實我飲緊杯牛奶，結果我決定埋單走！臨走之際，我聽到隔籬枱話爭杯嘢飲，嗰個店員大大聲走去同個客講：嘢飲要等㗎，我真係覺得好大官威囉，我俾錢來食嘢，仲好似係我錯咁！我真係想講嘢食唔好食，我都覺得算數，可能會有失準，下次有機會整好啲，可以進步，但服務態度係咪真係要咁差，唔知以為我爭佢錢咁！仲好意思收服務費，如果舖頭覺得咁樣做生意係冇問題，請繼續，我真係放長雙眼睇吓你係咪咁生意興隆，所以唔好怪人哋寧願北上消費，連自己基本嘢都未做好，一味淨係識得賴！我見個餐牌又話有雞煲有呢樣嗰樣，你整好啲基本嘢先再講啦！2025年度最垃圾餐廳！
continue reading
You may be interested in