泰屋

Open Now

Now Closed

今日放工，心情有啲唔錯，於是決定同朋友去旺角食泰國菜。朋友推介咗一間餐廳，聽講環境唔錯，座位都幾舒適，最重要係餐牌選擇多元化，真係好吸引。。一入到餐廳，裝潢以木系和植物為主，感覺好自然、清新，令人有種置身熱帶雨林嘅感覺，整體氛圍好輕鬆，真係好適合同朋友聚餐。。餐牌上有好多選擇，從經典嘅泰式咖喱到新穎嘅創意菜式都有。最後我哋決定試下幾樣嘢，首先就係肉碎生菜包。呢個菜式基本係我既泰菜必點之選，生菜包住肉碎，口感清新，味道一流，每一口都食到滿滿嘅泰國風味。。跟住就係泰式青檸蒸原隻魷魚，呢道菜一上嚟就已經吸引到我哋嘅眼球，魷魚煮得剛剛好，肉質鮮嫩，配上青檸嘅酸味，真係好開胃！我覺得蒸嘅方法令魷魚保持咗原汁原味，完全冇嗰種腥味，反而係清新嘅海鮮味，真係好正。。最後，我哋試咗泰式蛋包金邊粉伴蝦。呢道菜就更加吸引，蛋包包住金邊粉，特別醬汁配上花生粒，裡面仲有大大隻既鮮蝦，味道豐富。每一口都可以食到蝦嘅鮮甜，加上蛋嘅滑嫩，真係好享受。。食完嘢之後，心情更加好，真係一個唔錯嘅選擇！餐廳真係值得一試，價錢應該算中低檔，但座位舒服，食物高質，下次會再同屋企人再試其他菜式。

呢個set lunch只有一碗紅咖喱加三片烤法包，份量真係極少，睇落都唔夠飽。紅咖喱味道普通，唔算好香濃，啲肉正常，配菜都係得幾舊broccoli同幾條青豆，感覺好hea。個感覺好似飲緊餐湯加幾件包。$58真係唔值，性價比低。環境乾淨，員工服務正常，份量麻麻。

旺角難得搵到價格非常貼地嘅泰國菜餐廳，環境舒適，午市套餐仲包括飲品，非常抵食。今日仲送上冬陰功湯，蕃茄味勁香濃，帶輕微辣味，超開胃。牛肉香葉炒公仔麵香氣滿滿，味道非常濃郁，牛肉、蔬菜等配料都非常多，咸香味突出。公仔麵炒得夠鑊氣，非常不錯。海南雞拼豬手飯賣相靚仔，一次過試晒兩款。雞皮油亮，肉質滑嫩，肥瘦適中，就算係雞胸部位都唔會感覺乾柴，豬皮都煮到軟腍，入口即化，醬汁味道帶甜，送飯一流。加$10升級三色椰汁冰﹕大熱天時飲番杯冰凍特飲。白色嘅椰汁冰底清爽微甜，椰香十足，中間加左三款配料，口感滑滑類似啫喱的物體，咬開中間又脆脆地好似馬蹄咁，非常好味。加$10升級珍多冰﹕東南亞嘅經典甜品，呢款椰香味更加濃郁，亦帶奶香味，珍多條口感Q彈爽滑，甜度適中，清涼解暑。

泰國地道感覺，親民好吃泰國菜 老闆親切！人氣滿分，很泰國又地道。 蟹肉煎蛋犯規級，厚度滿滿煎蛋，用筷子輕輕扒開，蟹肉多得像熔岩般湧出，旦煎得焦脆，內嫩滑狀態，蟹肉絲鮮甜，像是剛剝出來，蘸魚露辣椒，瞬間秒殺白飯 炒魷魚鑊氣十足，新鮮魷魚，混炒洋蔥，脆度堪比咬破海浪，辣中帶香，彈牙滿滿紅咖哩牛肉暴力美學燉肉，濃香紅咖哩，湯面浮滿邪惡椰奶油脂。牛肉肉汁滿滿，吃得到香濃味道！ 咖哩湯汁也被刮來拌飯。親民之泰料理，隱藏在泰國好吃味道

啱啱喺泰國返香港，已經又掛住泰菜了😂😂2個人點唔到太多，點咗黃金咖喱軟殼蟹，一早做咗功課，呢度嘅黃金咖喱軟殼蟹係招牌，黃咖喱好有椰香味，一啲唔會辣，原來蟹都算幾大隻，索晒啲咖喱，如果撈飯或者沾麵包就好perfect😆，但驚食唔晒，所以無點到。紅咖喱牛尾，都唔錯，紅咖喱都唔會太搶辣，牛尾都好多，好似食極都仲有咁，好抵叫😆最後當然要點返個甜品，芒果糯米飯係必點吧！泰國食嘅味道返晒嚟，暫時幫我止一止個泰國癮，滿足😌

同朋友喺旺角食完飯，搵間餐廳食坐低傾下套戲，朋友提議食泰國菜，我都好耐無食泰菜⭐️椒鹽魷魚鬚呢個份量有點偏小，但勝在炸得香口，魷魚鬚都好彈牙👍🏻👍🏻⭐️酸甜炸盲鰽酸酸甜甜，好開胃，呢個真係超推介！😋😋魚炸得好脆，而且好大舊魚肉，好好食！唔多骨，啖啖魚肉👍🏻👍🏻價錢又唔太貴，性價比一流！⭐️串燒沙嗲可以揀兩款，我揀咗牛同雞牛肉好食，好香好入味，雞就普普通通，下次可以試下豬😊環境幾好，服務都唔錯，好彩早咗入嚟有位，晏少少已經見到好多人

依日約埋朋友去旺角泰屋食下午茶，餐廳主打泰國菜，店內以木製傢俬為主，在環境中亦感受到具有泰國風情～ 自選咖哩          $58咖哩(青/紅/黃)、豬/牛/雞/鴨/牛腩/魚柳/雜菜、白飯/法包，各揀一款。選擇左黃咖哩牛腩配白飯，實在很配。黃咖哩汁辣度恰到好處，入面牛腩既肉質好嫩滑，加上有黃咖哩醬汁，與拌飯一齊食，微辣好開胃；仲有茄子做配菜，茄子吸收左咖哩汁，茄子中有咖哩味，食完又唔會覺得滯。乾炒泰國金邊粉        $55金邊粉炒得乾身，一啲都唔油膩，擠點青檸汁，味道酸酸甜甜，再混合一啲花生碎同辣椒碎，味道層次就變得更豐富啦！青檸梳打      (+$6)青檸檬味道酸酸地，加入梳打水後，梳打水即時變得酸酸十足，飲完可以解辣同解渴。凍阿華田        (+$3)跟餐飲品既阿華田，甜度適中，調配恰度好處，味道甜而不膩。

泰式素春卷🥙呢個真係好好食，咬落去既時候已經係好鬆脆好香！個餡係有木耳，菜，粉絲，紅蘿蔔呢啲健康食材，真係唔肥，呢個真係好推介！💕馬拉盞炒通菜 唔會炒到林哂，加埋啲惹味醬汁就好正了，不過炒得耐左。串燒沙嗲🍡一擺上枱已經聞到好香，真係令人食指大動，我地揀左豬同雞，啖啖肉，加上花生醬沙嗲汁，真係絕了。原個菠蘿海鮮炒飯🍍色香味俱全，俾左好多蝦同魷魚🦑啲飯又炒到好煙韌咁，味道酸甜可口，都係受歡迎嘅一款👍🏻芒果🥭沙冰真係好消暑解渴，唔酸，濃郁芒味，真係唔錯👍🏻又係好推薦！

又係要同啲朋友相聚，要搵間舒服，地址又方便，價錢又適中，服務又好的地方。所以推介比朋友泰屋。因為天氣熱每人先叫飲料；芒果沙冰我必叫，朋友話椰青透心涼。之後叫左4個餸，蝦餅每次必食😋。 之後再傾下計，又再叫多其樣野食。整體所有食物都不錯👍🏻

呢間係我不斷會幫襯嘅泰國餐廳，佢嘅食物味道好正宗，份量都幾多。💚滷水豬手$98滿滿一大盤嘅肉，豬手滷到好入味，肥瘦適中而且口感好夠軟腍，旁邊仲有粒蛋，底下仲有芥蘭。💚黃咖喱牛根腩$98第一次食佢呢度嘅咖喱！一上枱個賣相好吸引，令到我充滿食慾。呢個黃咖喱係唔辣嘅，甜甜地充滿椰漿味！牛腩都啖啖肉，而且炆到好軟腍，邊食變撈飯真係好Juicy🩷🩷。💚椒鹽魷魚鬚$78每一條魷魚鬚都充滿椒鹽味，炸粉不多，配菜仲有洋蔥同紅椒去炒，成個真係好香口。🍚白飯$16碗💚飲品：椰青$48💚甜品🍮：椰汁西米糕1件 $14每次嚟都要點返個甜品🍮，好足料之餘椰汁味好濃。

約咗朋友喺診所附近食泰菜，甫踏入門口，經過屏風同擺設，見到間舖頭環境好開揚。雖然仲係下午六點多，但已經坐滿晒，人氣十足。講到泰國菜，梗係要叫 青木瓜沙律！青木瓜爽口清新，加少少醋，做開胃菜真係非常合適。再嚟半打 沙嗲串，點咗雞同牛，火候控制得好，啱啱好熟，肉質彈牙，一啖都唔柴！冬蔭公湯同樣精彩，料足蝦鮮，每啖都充滿泰式風味，配料豐富，飲完齒頰留香。再加個 濕沙豬肉片河粉，每塊河粉都掛滿醬汁，雖然份量唔算多，但食完真係夠飽。仲要讚吓店員同店長，勤力又有禮，食得爽快又開心！#旺角#泰屋

吃出曼谷夜市靈魂！滿滿地道感的泰國菜而且水準都不錯！ 泰式煎蠔餅泰式煎蠔餅用鐵板上，上枱非常熱！蠔餅煎得金黃香脆，而且香濃惹味泰式粉絲雜菜煲配上滑滑粉絲，份量多惹味，彈牙粉絲，配雜菜煲很夾。雜菜煲是乾炒，粉絲入味，及帶咸香打拋豬這家打拋豬一上桌就聞到聖羅勒的胡椒辛香，肉末炒得粒粒分明，邊緣微焦脆，咬下卻爆出肉汁！醬油與魚露的鹹鮮恰到好處，辣度可選『小辣』到『地獄辣』，我選中辣—新鮮辣椒的痛感直衝額頭，但隨即被檸檬汁的酸爽拉回來。附上的流心煎蛋一戳破，蛋黃裏著米飯和肉末，罪惡感與幸福感同時爆表

😸屋企人補充生日飯🎂泰式珍寶拼盤 (蝦餅/魚餅/素春卷/雞中翼）：個人最鐘意香脆雞翼泰式蛋包金邊粉伴蝦：賣相吸引 金邊粉酸酸甜甜 好開胃😆蛋、爽滑蝦仁🍤配炒粉 滿滿既泰國風情咖喱牛尾 份量足肉汁嫩滑 咖喱🍛汁配個熱辣辣泰飯 正👍三色冰 不過不失 可以一戰😸Ps 旺角晚餐時段幾旺場 去既要早啲預訂唷🫶🏻😆

朋友想食泰國菜,進入餐廳，餐枱座位寬闊,亦好快安排好座位了。今日點了泰式炸蝦餅，泰式干炒河，清邁鐵板蠔仔蛋，酸甜炸盲鰽，星霞，椰青，鮮芒果糯米飯。泰式炸蝦餅-炸蝦餅香脆可口外皮脆中間彈牙。炸蝦餅有濃濃蝦味，再加上泰式辣醬真係正。泰式干炒河-炒得很香，雞肉味鮮，份量亦多。清邁鐵板蠔仔蛋-蠔仔大大粒，鮮甜可口。蠔仔加上蛋，蛋香味令到餸菜口感更加多層次。酸甜炸盲鰽-魚夠晒大條，炸得香口，魚肉爽滑外皮夠脆。酸甜汁醒胃加入菠蘿，三色椒，蕃茄更為豐富了餸菜。星霞-味道清爽，涼快的感覺。椰青-清新既感覺,椰子汁和椰肉令炎炎夏日飲完解渴。鮮芒果糯米飯-每逢吃泰國嘢菜都必點芒果糯米飯。芒果鮮甜再淋上椰漿，兩色糯米飯口感煙煙韌韌口感香甜可口。

位於旺角的泰屋是一家令人驚喜的餐廳，提供多樣化的泰國美食，尤其是泰式和越式風味的佳餚。越式湯底牛肉米粉是這裡的招牌之一，湯底清爽而富有層次，牛肉片嫩滑多汁，搭配柔軟的米粉，讓人一試難忘。冬陰公湯牛肉薯粉則帶來了濃郁的泰式風味，酸辣的湯底刺激味蕾，與牛肉和薯粉的結合恰到好處，讓人欲罷不能。午餐也有不少選擇，而且送餐湯及熱飲甜品方面，椰汁紅豆冰是一道清涼消暑的選擇，椰汁濃郁香甜，紅豆軟糯，冰涼的口感讓人倍感舒爽。椰汁鮮芒果西米露則將椰汁的香甜與芒果的清香完美結合，西米的Q彈口感讓整道甜品更加豐富。總的來說，泰屋不僅提供地道的泰式和越式美食，還有令人愉悅的用餐環境和熱情的服務，是一個適合與朋友和家人聚餐的好去處。