ROYAL INN

今次嚟咗一間宮廷風餐廳Royal Inn，餐廳環境舒適又浪漫，而且設計得非常華麗典雅，充滿法國風情，仲有花園嘅裝飾，打卡一流！佢哋有二人晚餐 - 火焰牛扒二人晚餐，整個套餐非常豐富，一個套餐包含沙律、餐湯、意粉/意大利飯、主菜，套餐可以另外用優惠價加購法式可麗餅，及以半價優惠價點無酒精飲品！火焰牛扒二人晚餐凱撒沙律清新口感，仲有烤過香蒜麵包粒及香濃芝士片，係一道開胃前菜沙律！餐湯是日餐湯係南瓜湯，可另外加錢升級做招牌龍蝦濃湯 或 酥蝦龍蝦濃湯，我哋最後點咗一份南瓜湯同一份招牌龍蝦濃湯。南瓜湯味道香甜，口感絲滑細膩，而招牌龍蝦濃湯味道非常濃厚鮮香！蟹肉意大利瓜番紅花意大利飯係一道非常有賣相嘅義式燉飯，濃郁嘅香氣，裡面有好多蟹肉，每一啖都食到豐富嘅口感！搭配番紅花，吃起來多咗一點甘甜！主菜 - 干邑火焰牛扒 當中最有特色嘅就係呢份火焰鐵板，我哋揀咗平鐵牛扒8安士5成熟，牛扒肉質非常鮮嫩！首先侍應會係牛扒上面倒上白蘭地酒，然後會造成火焰牛扒，濃郁牛肉脂香立即蔓延過嚟，相當吸引！法式可麗餅 - 棉花糖朱古力法式班戟朱古力法式可麗餅餅皮軟嫩，加入鮮奶油、草莓、棉花糖和榛子朱古力醬，非常滋味！特飲

尖沙咀宮廷風Royal Inn Cafe，樓底好高配上大型水晶燈和圓形拱門，空間感十足。Openrice而家做緊推廣，可以用優惠價預訂歐式宮廷風二人下午茶套餐，包括1個3層架和兩杯$28或以下飲品，任何無酒精飲品仲可享有半價優惠。第一層係精緻甜蜜：開心果焦糖燉蛋：燉蛋質感好滑溜，帶焦脆口感。迷你鮮果撻：色彩繽紛既鮮果和香脆曲奇撻皮，令人無法抗拒。柑橘瑪德蓮貝殼蛋糕：入口鬆軟，牛油味濃郁，仲有啖啖柑橘香味。七彩馬卡龍：精緻又悅目。第二層係鹹點小食：巴馬火腿蜜瓜：咸香既巴馬火腿跟清甜既蜜瓜，味道好夾。蕃茄肉丸英式小鬆餅：鬆餅烤得外層超香脆，蕃茄肉丸酸酸甜甜，非常開胃。鴨肝幕斯配無花果：鴨肝油潤甘香，無花果清甜，完美配搭。第三層係海鮮小食：龍蝦牛油麵包：烘得鬆軟既麵包配上爽彈既龍蝦肉，味道一流。煎蝦蛋沙律多士：多士烘得外脆內軟，蝦仁煎得恰到好處，配埋蛋沙律，層次感豐富。北海道刺身带子薄片：北海道刺身級帶子非常鮮甜，跟魚籽既爽脆相得益彰。總結，食物高質又好味，擺盤精緻，最啱約埋閨蜜嚟High Tea打卡。

今晚同朋友去咗尖沙咀The ONE嘅Royal INN，試咗佢哋嘅火熖牛扒2人套餐$688，整體好滿意，環境同食物都高質，絕對值得再encore！ 首先，凱撒沙律新鮮爽脆，沙律醬份量剛好，唔會太膩；蕃茄濃湯酸香開胃，但略嫌稀咗少少，如果濃稠啲會更好。朋友加錢轉咗招牌龍蝦濃湯（+$38），超濃郁龍蝦味，飲到舔舔脷，抵加！ 主菜方面，*意大利煙豬面頰肉卡邦尼意粉*好驚喜，醬汁creamy得嚟唔漏，豬面頰肉咸香惹味，意粉煮得al dente，正至於重頭戲紅屋T骨牛扒（20oz，+$188），叫咗七成熟（Medium Well），上枱時火熖效果夠晒吸睛！牛扒外層微焦，內裡肉質juicy，牛味濃，伴碟嘅蒜蓉同燒汁都好夾。雖然近骨位有少少韌，但整體水準高。 飲品揀咗凍檸茶同凍檸水，正常發揮。甜品法式蘋果肉桂班戟為晚餐畫上完美句號，班戟軟熟，蘋果肉桂香甜暖胃，朋友大讚！小總結： 呢個套餐性價比高，款式豐富，服務亦周到，唯一係湯可以再濃啲。如果鍾意食牛扒同打卡，Royal INN絕對係尖沙咀好選擇！8.5/10分，會再嚟！

門口位滿滿花既裝飾入面係一種宮廷風既裝修～帶另一半黎慶祝紀念日成個環境真係加晒分我哋嗌左個火焰牛扒既2人Set Dinner餐湯、餐包、沙律、意粉/意大利飯、牛扒、餐飲～（可以優惠價$56 加埋甜品）但我地已經食得太飽所以最後就無加到甜品～餐包好出色～ 係香蒜包而且有烤過的～凱撒沙律新鮮沙律生菜配芝士碎面頭有d脆身既煙肉片～好正而且份量比我想像中大碟～蟹肉意大利瓜番紅花意大利飯滿滿蟹肉～ 汁好濃郁～大滿足！ 干邑火焰牛扒！！我地揀左平鐵牛扒5成熟～記住準備好手機錄影拍片😝因為上枱之後待應會過黎倒上酒即刻制造出火焰效果真係要把握時間影相拍片5成我覺得剛剛好～肉質好嫩而且好juicy配埋蒜粒食～ Yummy!!另一半表示食得滿足又滿意

👉🏻一直𝚋𝚘𝚘𝚔 𝚖𝚊𝚛𝚔咗好耐⋯⋯ 最近發現尖沙咀原來都有𝚁𝚘𝚢𝚊𝚕 𝙸𝚗𝚗✨一直行過都只係銅鑼灣嗰間～ 🔖趁週末同朋友試咗𝙲𝙻𝙰𝚂𝚂𝙸𝙲 𝚂𝚃𝙴𝙰𝙺 𝙵𝙻𝙰𝙼𝙱É 𝙳𝙸𝙽𝙽𝙴𝚁 𝚂𝙴𝚃套餐、試咗呢啲食物🥘 尤其是干邑火焰牛扒🥩賣相係非常打卡𝚊𝚋𝚕𝚎 。可惜甜品要加錢、如果唔係就會叫埋！✽ 凱薩沙律（𝙲𝚊𝚎𝚜𝚊𝚛 𝚂𝚊𝚕𝚊𝚍）✽ 是日蘑菇餐湯（𝚂𝚘𝚞𝚙 𝚘𝚏 𝚝𝚑𝚎 𝙳𝚊𝚢）✽ 酥皮龍蝦湯（𝙿𝚞𝚏𝚏 𝙿𝚊𝚜𝚝𝚛𝚢 𝙻𝚘𝚋𝚜𝚝𝚎𝚛 𝙱𝚒𝚜𝚚𝚞𝚎 + $𝟺𝟾 ）✽ 蟹肉意大利瓜薑黃花椰菜意大利飯（𝙲𝚛𝚊𝚋 𝙼𝚎𝚊𝚝 𝚁𝚒𝚜𝚘𝚝𝚝𝚘）✽ 干邑火焰平鐵牛扒 𝟾𝚘𝚣（𝙵𝚕𝚊𝚝 𝙸𝚛𝚘𝚗 𝚂𝚝𝚎𝚊𝚔）✽ 凍檸檬茶 📌𝐼𝑁𝐹𝑂𝚁𝙾𝚈𝙰𝙻 𝙸𝙽𝙽 地址：尖沙咀彌敦道𝟷𝟶𝟶號𝚃𝚑𝚎 𝙾𝙽𝙴 𝟷樓𝙻𝟷𝟸𝟷號舖 價格：$𝟼𝟾𝟾 𝚏𝚘𝚛 𝟸 𝚙𝚙𝚕💟可預先訂座

今日嚟到尖沙咀The ONE嘅Royal Inn，真係有歐洲宮廷風情✨✨，靚靚吊燈配埋粉白花藝，好似進入咗浪漫嘅童話世界📸🌸。環境夠chill，又有法式風情，真係舒服到唔捨得走😌。我哋試咗兩個set lunch，先講頭盤：- 磨菇忌廉湯：好濃郁，湯質滑淋淋，飲完一啖湯即刻暖晒胃。- 田園沙律🥗：新鮮材料包括青瓜、車厘茄同沙律菜，每一口都好清新爽口。到主菜部分：- 牛油香煎南美紅蝦手工闊條麵 🍤🍝：紅蝦肉鬆化，仲滲出咗濃郁芝士香，手工闊條麵煙韌吸晒番茄醬汁嘅精華，好開胃。- 燴安格斯牛肋條意大利飯🥩🍚：牛肋條炆到好酥軟，肉汁滿溢，仲有紅酒同高湯墩煮嘅醬汁滲晒意大利飯，每粒米都夠香濃。整體體驗好滿意，唔止食物美味，環境又正。🤩。Royal Inn📍尖沙咀彌敦道100號The ONE 1樓L121號舖

今日同朋友去咗尖沙咀The One嘅Royal Inn食晚餐，📸 餐廳嘅歐陸式裝修真係冇得輸，宮廷感十足！😌 職員都好有禮貌，細心又熱誠！💯我地叫左個二人晚餐Set Dinner 🥗凱撒沙律🥗呢個沙律啲菜都好新鮮，醬汁又夠味，作為開胃菜一流！👍 不過如果可以多啲煙肉碎就perfect池啦！🥓🍅是日餐湯 - 蕃茄湯🍅個蕃茄湯好濃郁，酸酸甜甜咁，飲落好醒胃！😋 🦀🐟蟹肉意大利瓜番紅花意大利飯🦀🐟呢個意大利飯不得了！蟹肉鮮甜，意大利瓜爽口，加上番紅花嘅香味，好夾！🤤 職員好細心，問我地想個飯要唔要煮得軟d，好sweet呀😍 🥩🔥干邑火焰牛扒 - 平鐵牛扒8安士🥩🔥又係我最鍾意食嘅牛扒🤣 火焰牛扒出場賣相出色，牛扒嘅肉質都唔錯，七成熟剛剛好，8安士啱啱好，唔會太heavy！🥩 🥞🍫加點甜品 - 法式朱古力班戟🥞🍫為食嘅我，緊係加甜品啦🤣法式班戟夠晒鬆軟，加上香濃嘅朱古力醬，內裏有棉花糖，簡直係甜品控嘅天堂！😇 不過食多會滯，建議兩個人share！🤝食完咁多嘢，梗係要飲杯凍檸茶解解膩啦！好滿足😍Royal Inn嘅環境真係一流，食物都算有水準，加上職員嘅服務態度好好，絕對值得一去！👍 😉

一直都好鍾意呢個集團嘅餐廳，因為每一間都裝修得好靚，而且總會有好多唔同嘅打卡位，最重要係價錢唔貴，好多時候聚會都會推介朋友去呢一間。不過尖沙咀呢間係第一次去，完全冇失望都係咁靚。我哋就叫咗個火焰牛扒dinner set，見佢價錢好平本身都冇乜期望，估唔到個火焰牛扒非常出色。而且一上枱嘅時候，侍應仲會將牛扒點火，又靚之餘又有有得打卡。我哋叫咗個五成熟，估唔到烹調時間啱啱好，而且牛味好濃，食落又唔會太硬，非常出色。呢個套餐仲有一個卡邦尼意粉同埋沙律同湯，我就認為個卡邦尼意粉都好出色，意粉食落口感好好，係比較硬嘅正宗意粉，而且調味都好足夠，本身唔鍾意食意粉都忍唔住食咗好多。

TST歐陸風情餐廳 ， 每一個幅牆都係打卡位🌼🌷🌹🪻Lunch menu 都好多選擇價錢方面都係一般TST既範圍 🐖 Grill US Pork Rib Eye $128.0 是一塊非常嫩的肉，肉質柔軟BBQ醬帶有甜味，並添加煙燻風味，讓肋骨充滿層次感，一層美味的焦糖化表層🦐Butter Cajun Shrimp Tubettini $108.0牛油香辣蝦蒜香忌廉手工戒指意粉 牛油忌廉提供濃郁的香氣，醬汁變得滑順，增添豐富的奶香味，新鮮的蝦仁好彈牙🔥 Long Black 🧊 lemon tea📌Royal INN The ONE1樓1121號舖

網上成日見到人推介呢間餐廳，今日終於約埋細佬去試吓佢哋嘅二人晚餐！一入到去就覺得環境好舒服，燈光柔和，仲有好多打卡位，難怪咁多人鍾意嚟。 首先上枱嘅係凱撒沙律，啲菜好新鮮，個沙律汁撈得均勻，鹹香得嚟又帶少少蒜味，連平時見到菜就擰頭嘅細佬都食到清晒，真係出乎意料！ 跟住係南瓜湯，味道正常發揮，不過我最欣賞反而係伴湯嘅麵包，外脆內軟，點湯食好正！ 主菜方面，卡邦尼意粉依然係我嘅最愛，忌廉汁濃到掛住晒每條意粉，但食落又唔會覺得膩，正！ 不過成晚嘅重頭戲一定係塊牛肩扒，上檯時淋D幹邑玩火增加氣氛，肉味濃郁又有咬口！ 成個晚餐食落都好滿意，唔單止食物質素高，餐廳環境舒適，服務員態度仲好好，成日主動過嚟換碟同加水。下次一定要再嚟試吓其他菜式，聽講佢哋嘅甜品都好出色！

今日去咗The One嘅 Royal Inn先唔好講嘢食 淨係佢勁多花嘅擺設都已經好靚好吸睛 情侶/生日打卡一流食咗個 $688牛扒2人餐 加$48要咗一碗酥皮龍蝦湯好多人鍾意將個皮篤哂落湯 我鍾意將佢成頂帽拎起再搣嚟點湯食 咁先感受到佢個酥皮有幾鬆脆另外牛扒好有驚喜 因為餐廳會先淋啲酒上牛扒再點火🔥 令到牛扒表面有小小焦香可能個火好快就熄咗嘅關係 食落去都仲有小小白蘭地嘅果香CLASSIC STEAK FLAMBÉ - $688#凱撒沙律 #黑松露蘑菇湯 #酥皮龍蝦濃湯 （+$48位）#意大利煙豬面頰肉卡邦尼意粉 #平鐵牛扒 8安士 (5成熟 Medium）

宮廷華麗餐廳之約會，精緻驚喜料理，火焰牛扒華麗晚餐田園沙律爽脆之混合生菜，搭配小番茄，青瓜片和酥脆麵包粒，淋上酸甜開胃油醋汁～輕盈又解膩，完美打開味蕾！ 經典磨菇湯濃郁綿滑，香濃菌菇香氣～湯裡還有細碎蘑菇粒，增添口感，搭配香脆蒜蓉麵包，蘸著吃滿足火焰牛扒 重點之牛扒，威士忌火酒，瞬間點燃， 外層微焦帶炭香，切開是誘人的粉紅色～肉質軟嫩多汁，簡單搭配醬汁就很美味呢！牛扒也毫不馬虎，棒蟹肉意大利飯意大利飯滿滿濃郁海鮮香氣，口感豐富，而且很有咬口。蟹肉份量多，米粒煮得剛好，外軟內帶點咬勁～每一勺都能挖到鮮甜蟹肉清爽前菜到濃郁主餐，都很有水準，精緻簡單但講究料理風格！環境舒服，慢慢享受質感晚餐#尖沙咀美食 #牛扒 #海鮮燉飯

今日同老公去左間靚靚打卡餐廳食晚飯，餐廳以歐式宮廷庭園設計，充滿花花擺設，優雅高貴，女生必到之選。餐牌有散叫，亦有兩人套餐選擇。我哋叫左個火焰牛扒套餐，套餐有是日餐湯、沙律、意大利飯或意粉，仲有兩杯飲品。大蒜薯仔湯 ： 薯仔打成蓉，口感幾滑，薯仔味濃。凱撒沙律：羅馬生菜非常爽口，煙肉較薄脆，夠鹹香。意大利煙豬面頰肉卡邦尼意粉：蛋味好濃，口感creamy，煙豬面頰肉夠味，香口，意粉較廷身，整體夠味好食。干邑火焰肉眼牛扒 (+$68)：職員倒酒，然後點火，好有睇頭。牛扒7成熟，用酒燒過有微微焦香，口感厚實，咬落好多肉汁，唔韌，唔錯。凍檸茶：連隻杯都覺得好靚，係透明厚身花花杯 。而凍檸茶叫左少甜少冰，茶味道都ok。

一班朋友來晚膳，The One 地點就腳，超方便。最重要餐廳食物同環境，真心好OK，個裝修好靚，好令人放鬆，服務都好好，我哋傾成晚，冇話趕人走，成個體驗諗唔倒唔好嘅地方。生蠔新鮮之餘，鮮甜又帶啲海水味。冰菜做沙律我第一次食，原來咁好食，個sauce 做得好好，好回味。牛扒 juicy，煮得啱啱好，叫medium，真係medium，冇 overcooked。我好少寫食評，但真係好值得讚，要支持返香港食店，會再去幫襯。

因為上次到了銅鑼灣的Royal Inn，實在是十分喜歡這間餐廳，這次選擇了到尖沙咀的分店。相比於我之前在銅鑼灣的體驗，尖沙咀的裝潢和環境都有不同，也是讓我十分滿意。尖沙咀分店的裝潢布著典雅的風格，搭配白色的雕刻，讓人有置身於皇室的感覺。餐廳的外圍設計十分吸引人，特別是一個精緻的拱門和周圍的花卉佈置。拱門上懸掛著美麗的花環，搭配著淺藍色和白色的花朵，讓人一眼就能感受到春天的氣息。這樣的設計不僅營造出浪漫的氛圍，還成為了不少食客拍照打卡的熱點。另一邊的花卉的擺放十分用心，生動而富有層次感，讓整個入口區域充滿了生機，吸引路過的行人駐足欣賞。這樣的細節設計，展現了餐廳對於顧客體驗的重視，讓人感受到滿滿的心思和誠意。無論是拍照留念還是享受美食，這裡都是個理想的選擇。2人火焰牛扒套餐凯撒沙律 (Caesar Salad)沙律的新鮮感依舊，生菜清脆可口，凱撒醬的風味也十分出色，適合開胃。是日餐湯-南瓜湯今日的湯品濃郁順滑，搭配新鮮的麵包，十分暖心。干邑火焰牛扒 (Grilled Argentina Angus Beef Steak Flaming Cognac)這道平鐵牛扒做得相當完美，肉質鮮嫩多汁