霸嗎拉麵 (金巴利道)

Open Now

Now Closed

今日經過尖沙咀，見到霸嗎就諗起佢舊叉燒！為咗叉燒，就入咗去食😋★̆̈ 辛辣炙燒豚肉味玉拉麵 （$98）霸嗎舊叉燒真係好好食！佢嘅叉燒比較厚身，望落好似好肥膩咁，食落肥瘦均勻 🥰 表面用咗明火炙燒，有少少焦香，聞落好香，食落好多汁，肉質又好嫩滑！未試過喺第2間食過呢個口感，可惜只係得一舊🥹拉麵軟硬適中。辛辣豚骨湯底好濃郁，有少少偏咸，加咗辣之後，雖然豚骨味唔夠出，但食落好惹味又開胃。★̆̈ 羽根燒餃子（$35）餃子個底面煎到一塊過，一夾就可以分開啲餃，好脆，但係偏腍同埋食落味道一般般。

沒想到都中秋節了 香港一點秋意都沒有天氣還是很熱 決定跟朋友去吃冷面消消暑了大推尖沙咀這個沾面！！梅漬蕃茄🍅慢煮雞胸冷沾面一大個去皮蕃茄 美美的好像一個蘋果蕃茄是用梅汁去醃漬的，漬蕃茄酸酸甜甜冷冷麵條沾了超級開胃的蕃茄汁~冰爽清新，十分下麵！！好喜歡🥰雞胸嫩滑不柴 吃完之後真的回味無窮~朋友比較重口味🌶️喜歡吃辣的點了個中辛辣的炙燒豚肉拉麵這碗拉麵的湯底超濃郁 好真材實料麵條很勁道爽滑 不會太軟爛辣度恰到好處 不夠辣還可以直接加調料厚炙燒豚肉片焦焦香香 肉質鮮嫩~一大片好誘人！！肉食動物愛了店裡還有雪糕可以點 💰35一個有米雪糕 柚子 紅茶 綠茶雪糕我們要了綠茶雪糕🍵餐後再上茶味和奶香味濃 口感細膩香滑吃完拉麵再吃雪糕超級滿足～

今日同小朋友專登過海過嚟食呢間拉麵，見到有700幾個like,以為應該唔會中伏，點知極度失望。一入門口，道門已經好重，又冇自動開門功能，職員又唔幫手，到坐低點嘢食，小朋友唔食辣，諗住幫佢拉麵走辣椒醬，點知app入面冇得走辣，叫職員過嚟幫手，佢話幫我同廚房講走啦，我話幫小朋友嗌咗一碗先，佢跟住講咗句令我覺得佢冇乜禮貌，你淨係嗌咗一碗咋喎，我話我要時間再睇吓我食乜。之後我問佢，甜品係咪叫起，佢都冇乜禮貌回答，到嘢食嚟咗，湯底極難食！！！！同我平時食嘅拉麵唔同，唔似係平時嘅豬骨湯底味，真係唔知嗰700幾個like係咪做梅，經過今次之後，我完全將呢間嘢拉入黑名單，呢一世都唔會再食！！！

霸嗎拉麵假日通常都會排長龍，所以自己都係第一次食，平日夜晚8點開始都要等一陣，但都好快有位，環境清潔整潔，就算多人但都唔會太嘈雜今次係特登黎試佢地既期間限定，夏日清爽沽麵 🥢梅漬蕃茄慢煮雞胸冷沽麵一大個去皮蕃茄，超吸睛，仲有超濃蕃茄梅漬，一個餐絕對有兩個蕃茄的份量，十分大方，梅漬蕃茄的酸甜味，帶出雞胸肉嘅鮮甜，同沽麵結合得恰到好處，味道清新香濃，麵質彈牙不黏稠🥢雞叉燒辛辣雞白湯拉麵 – 小辛辣拉麵由湯底、麵的軟硬、配料等都可以自由選擇，啲辛辣嘅味道同雞白湯嘅濃郁，搭配啲豐富嘅雞叉燒，味道鮮美香辣，每啖都係驚喜，雞叉燒超級厚切，入味之餘又夠嫩滑🥢羽根燒餃子餃子皮薄餡多，煎得香脆，一口咬落去，餡汁噴出，點埋餃子汁更香濃🥢唐揚炸雞新鮮炸起，外脆內嫩，肉質鮮嫩多汁，再加上檸檬汁，味道更加出色🥢信州蘋果梳打清新嘅蘋果味同氣泡水交融，蘋果甜味突出，配拉麵可夠辣呢間拉麵餐廳嘅食物份量豐富，即叫即制，每一樣嘢都係新鮮現做，下次要再試其他湯底

最近天氣咁熱，經過見到餐廳有冷沾麵食，就決定入去試下。梅漬蕃茄慢煮雞胸冷沾麵酸甜醬汁與蕃茄相得益彰,好開胃又消暑。雞肉入味鮮嫩,麵條爽口彈牙，成個味道特別得黎又好夾👍🏻另外我仲加左雞叉燒同埋辛辣唐揚炸雞，雞肉外脆內嫩，肉汁仲保持到係炸皮入面，一啖咬落去真係好滿足。仲叫左個辛口辣餃子，呢款辛口辣餃子餡料爽滑多汁,辣度恰到好處,撲鼻而來的香料氣息讓人垂涎欲滴。餃子皮薄，一咬肉汁爆出，鐘意食辣既一定唔可以錯過！因為個餃子有d辣，我仲叫左個信洲蘋果梳打，啱啱好中和返個辣味，唔太甜，幾好飲！

吃得苦中苦...雖然知道係拉麵店，但突然想食飯，最終叫左個石鍋燒豚肉飯，旁邊叫左個拉麵。拉麵正正常常，係個份量少左啲。但個石鍋飯就救命啦，先上枱時已經聞到一陣燒焦既味道，我明食石頭鍋飯既人都會想食飯焦，但勢估唔到成個飯可以有三分一係燶咗既飯。我即刻問侍應攞多個碗，盡快拯救返未變黑既飯，但可惜既係無黑既飯都有陣陣既濃味，正是吃得苦中苦...最後結論，在拉麵店只可叫拉麵食. （個日坐bar枱，完全感受唔到冷氣。）

鋪頭：霸嗎拉麵地址：尖沙咀金巴利道26號地舖​💰292蚊/2位💰冇加一💰Order左d咩？​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ ​​1️⃣梅漬蕃茄慢煮雞胸冷沾麵 $88蕃茄係精粹，咬開又甜味，仲有陣梅味，好特別，撈埋冷沾麵一齊食，酸酸甜甜，又好清爽​2️⃣雞叉燒味玉辛辣雞白湯拉麵 $98辣湯底好開胃，拉麵彈牙，溏心蛋好香，雞叉燒皮滑肉嫩（係雞冇豬肉）​3️⃣羽根燒餃子 $35餃子皮煎得好脆，皮又薄，餡仲好多汁​4️⃣沙拉唐揚炸雞 $38炸得夠脆，唔拮口，雞肉仲保持好Juicy​5️⃣沖繩菠蘿汽酒 $18甜味夠出，唔太甜，唔澀，又唔太多氣，幾好飲​6️⃣可樂 $15夏天食拉麵飲可樂真係好爽​總結：冷沾麵味道幾特別，甜酸帶清爽，值得推薦

霸嗎拉麵係香港屹立咗好多年嘅拉麵店，做到咁多年唔係冇原因，今日係平日夜晚已經排晒長龍☝️☝️花雕雞卷藥膳雞白湯拉麵💯🔥採用濃郁的雞白湯為湯底，雞肉卷入麵條中，口感鮮嫩。而且花雕酒不論係湯底同埋雞肉存在感都非常之高，湯上面亦都放咗炸咗嘅京蔥增強口感👌🏻👌🏻味玉(溏心蛋)、味筍加咗拉麵配料, 溏心蛋係完美嘅牙膏狀，而且亦都夠入味味筍則能提供清脆的口感,冇渣，亦都非常入味✌🏻✌🏻✌🏻辣味唐揚炸雞辣味唐揚雞外酥內嫩,加上麻辣調味,口味十分誘人。除咗辣味之外，亦都有其他唔同嘅味。☝️☝️☝️食住咁熱嘅拉麵，飲番支Mitsuya蘇打水即時解渴，爽啊！

<炙燒豚肉拉麵+唐揚炸雞+汽水🍜> 💲108呢個套餐真係好抵 有一碗拉麵 一個小食再加一杯嘢飲🥰 炙燒豚肉拉麵嘅湯底濃郁😋 豚肉炙燒得啱啱好 香氣十足🤤 唐揚炸雞外脆內嫩 食落去好juicy一啖咬落去真係好滿足 整體來講 呢個套餐真係性價比幾高 推薦✨<辛辣炙燒豚肉味玉拉麵 🌶️> 💲98呢個辛辣炙燒豚肉味玉拉麵真係辣味愛好者必試🔥 湯底辣得黎都食到豚骨嘅濃郁 辛辣味道唔會太過強烈 豚肉炙燒得好香口 黎蛋亦都好入味 蛋黃好流心 夾埋拉麵一齊食 真係一流🤤<羽根燒餃子 🥟> 💲35個燒餃子真係好好味🤩 外皮煎得香脆😋 內餡鮮嫩多汁 一啖咬落去 好滿足🤤 配埋醋食更加美味😜 大家有機會一定要試試🥰

繼續生日飯快閃Lunch， 去左尖沙咀金巴利道霸嗎拉麵食碗麵。 Lunch時間當然座無虛席啦。朋友點左辛辣灸燒豚肉咪玉拉麵， 湯底香濃辛辣， 喺呢個悶熱天氣食個辛辣味出身汗， 不亦樂乎。灸燒豚肉， 肥大肉厚， 豚肉肥瘦分明， 加上灸燒完， 更加香口。麵身較硬， 合我口味。雞义燒雞白湯辛辣麵 - 雞义燒口感鮮嫩軟滑， 有入口即化感覺。雞白湯香濃膠質。 食一啖就可以感受到濃郁的雞肉香氣, 接著是湯汁的鮮甜,最後是微辣醬汁的辛辣，十分開胃惹味。

呢間拉麵舖平時排晒隊㗎，前個禮拜日見冇乜人排隊，所以就去試吓啦，入到去坐低招呼都幾好嘅，其實所有日本舖頭招呼都幾好😂 食物選擇都好簡單嘅啫，點咗個好出名嘅豚肉拉麵，拉麵煮出嚟嘅韌度就好好食，而且個湯都好鮮，好好飲，我係飲晒嘅，我仲記得個湯飲完之後，湯碗嘅底部呢係有個字寫住，「多謝晒。」可能我好少飲晒啲湯啦，不過我就唔係好記得邊間會有啲咁嘅，多謝晒碗底俾你睇。🤣🤣其他小食仲有煎餃子啦，炸雞啦味道就正正常常冇乜特別！

霸嗎拉麵位於金巴利道，正對面就係The One 商場，每次經過都見到有長長人龍排緊隊。好彩今日等咗5分鐘就有位👍🏻打開餐牌除咗基本嘅豚肉拉麵、雞白湯拉麵🍜外，仲有特別menu 花雕醉雞藥膳雞白湯拉麵，仲可以以優惠價加配小食添🤭花雕醉雞藥膳雞白湯拉麵🍜最鐘意試新嘢嘅小妹又點會放過哩個機會呢🤭雞白湯湯頭濃郁油脂亦較豐腴，湯底加入杞子、紅棗等熬製而成嘅藥膳湯，飲落更帶微微甜味，花雕醉雞卷吸埋藥膳湯頭食落更加甜😲肉質嫩滑嘅雞髀肉卷🍗帶點微微嘅花雕酒香氣，最特別嘅係面頭炸到相當脆身嘅牛蒡片，脆脆地好得意😎辛辣🌶️炙燒豚肉味玉拉麵🍜辛辣湯頭唔算太辣，炙燒豚肉選用了五花腩部位，肥瘦適宜，溏心蛋橙色嘅流心蛋黃超迷人😍拉麵仲可以自選口感硬度👍🏻👍🏻依家仲做緊優惠可以+$18加點不同口味嘅唐揚炸雞🍗我哋揀咗沙拉唐揚炸雞，沙拉醬令炸雞無咁乾身😆仲有日本直送雪糕🍦又點可以唔食埋呢🙈4款口味見米雪糕最新奇少見，米雪糕其實都係呍喱拿口味加咗飯粒嘅雪糕，食落口會咬到飯粒嘅口感🤗

今日係尖沙咀松本清買完野見到呢間霸嗎拉麵又近近地就決定試下 呢間拉麵店係主打濃厚湯底同自製麵條 裝潢走日本風仲掛咗d日式燈籠係度 感覺好似真係去咗日本咁雞叉燒味玉雞白湯拉麵第一次見拉麵店有雞叉燒 其實即係雞腿卷嚟 有2片厚切得嚟而且肥瘦相間 仲有好多蔥花 木耳 同味玉 即係溏心蛋 食落真係有流心! 雞白湯湯底好濃厚 好鮮嘅雞味特盛炙燒豚肉拉麵上枱個陣比個份量嚇親因為有成4大塊炙燒豚肉 呢款比起雞叉燒會多少少脂肪 所以油香味好出 仲有蔥花同味筍 啱哂食肉獸阿 朋友食完真係飽到上心口沙拉唐揚炸雞用優惠價$18就可以追加2件炸雞再配自選醬汁1款 揀咗炸物必配嘅沙律醬 雖然係追加嘅小食但都幾大舊下 雞肉食落好juicy照燒餃子 (5隻)餃子襯熱食仲好脆身 咬開仲有肉汁!

喺尖沙咀行完街想食拉麵，見附近有呢間霸那拉麵，見到餐廳裝修都幾日式，應該是幾好食同正宗。今次叫咗辛辣溫泉蛋蔥油豚角撈麵，我另外再加咗竹筍同味付。首先覺得好特別，平時拉麵通常都係湯麵或者沾麵，見到佢呢一個有撈麵嘅選項，所以今次就決定一試，味道啱啱好，唔會太鹹，辣得幾惹味，今次嗌咗中小辣，比起我平時食開三小辣嘅辣，但係都仲接受到。另外蔥油豚角肉質彈牙，有少少入口即溶嘅感覺，幾好食。朋友叫咗炙燒豚肉味玉拉麵，我試咗一啖佢嘅湯底，都食得出有鮮味，燒豚肉好香，幾肥美，好食。我哋另外亦都加咗個炒野菜，主要都係芽菜，幾爽口。我哋就冇嗌嘢飲，不過今次就叫咗兩個日本直送嘅雪葩，柚子電葩好清爽，白米雪葩有驚喜，食得出一粒粒米。

之前見這間拉麵店經常排長龍，今日經過發現沒太多人等，就同仔仔入去試下，我地叫左個2人餐，仔仔對個雞肉拉麵讚不絕口，話下次要帶埋婆婆來食🥰我就特別欣賞個炸雞，外間食過的炸雞只得個脆字，比較乾，但係佢地的炸雞係外脆內軟，最重要係咬落去時還是熱騰騰，如果唔係怕仔仔食唔落，我都想叫多一份🤣不過好食歸好食，真係好熱好熱，我同仔仔本身坐梳化位很熱很焗，我提出了調位，過了一會，有個女侍應見出面近窗邊有兩個位空着，便主動幫我地轉位，說那裏可能會涼少少，還幫我地把枱上的食物移到窗口位張枱，並說出不好意思，冷氣維修已經跟進緊，真係十分抱歉。🥰十分窩心，原來佢真係有放在心，打算幫我地轉位，雖然係熱啲，但我見員工們都做到大滴答細汗，我亦無再多加埋怨。埋單只係$248，食到仔仔捧住個肚走話好飽好好食🥰