斗滾 (寶輝閣)

Open Now

Now Closed

啱啱嘅星期六男朋友帶咗我去食佢同同學聚會嘅放題打邊爐 - 斗滾,主打HK$298無限時飲食1️⃣招牌大亂斗 :任食雞煲,仲有大中小辣選擇同可以加牛腩~咁多間雞煲任食之中覺得佢哋呢個雞煲做到半麻半辣,牛腩又炆等好淋!!仲可以任食🤤🤤2️⃣海鮮盛宴: 用蒜蓉粉絲底蒸出嚟嘅時令海鮮,冇得輸😍3️⃣養生燉湯 : 大概7-8款供選擇🍲芫荽皮蛋湯🍲鮮茄薯仔花甲湯🍲冬瓜花膠瑤柱清湯🍲養生烏雞燉湯🍲乳鴿燉湯🍲香甜椰皇雞🍲清湯安格斯牛腩🍲清湯涼瓜花聯雞🍲足料佛跳牆（需預訂）4️⃣任食手切牛頸脊: 燙涮5-6秒,一變色就要夾起!!勁香濃肉香😍 宜家只要係social media留言仲可以食埋黑豚肉添😍😍另外,public area 仲有30款以上火鍋配料~雀巢雪糕同椰汁雪燕放題(男朋友就話d 雪糕糯米糍好搶手😆)除左15款普通飲品,鍾意飲番杯既朋友都可以留意番由即日起至2025年7月31日仲有Asahi，Hite，Somersby提供添!!!!.好難想像298可以有咁多野食😂😂大癲😂😂

同老公去咗佐敦間斗滾打邊爐,,之前都食過其他分店,覺得唔錯😋今次去這分店地方幾大,環境闊落！第一式>惹味雞煲先上雞煲,揀左BB辣,分4次炒,洋蔥、紅蔥頭、芫茜及惹味醬汁爆炒後香氣撲鼻,雞肉嫩滑好惹味,仲可以追加雞,真係食到飽!第二式>海鮮盛宴一大盆蒸海鮮,裡面有鮑魚、帶子、蝦、 蜆同元貝,真係色香味俱全!最正中間仲有啲烏冬,吸收咗所有海鮮嘅精華,食落去口感特別好,南非鮑魚及大大隻聖子,彈牙鮮甜,簡直係海鮮愛好者嘅天堂！第三式>火鍋到打邊爐啦,佢哋有好多種湯底可以選擇,真係滿足到各種口味!揀咗佢哋嘅瑤柱冬瓜蜆湯底,,記得先飲湯•再火鍋！湯底果然好鮮甜！最令我驚喜手切牛頸脊係任食!牛肉質素超高,切得薄薄地,肉質鮮嫩,每一口都令人陶醉,真係一流！豬豚肉大大塊都係任叫任食！第四式>配料、飲品、生果、甜品自助區仲有好多其他嘢食可以拎,除了丸類,蔬菜類,竟然有白鱔食得出佢哋好新鮮,口感非常好!真係唔可錯過,仲有多款以上罐裝飲品啤酒任飲及甜品椰汁雪燕 豆腐花 雪糕,雪米糍及多款生果任揀...真係飽到唔識講😂

🌟第一式：任食雞煲（5種辣度）有5種辣度選擇，由走辣到大辣，照顧不同口味。雞煲香氣撲鼻，醬汁濃郁帶微甜，雞肉嫩滑入味。🌟第二式：海鮮盛宴海鮮拼盤賣相吸睛，鮑魚、蟶子、扇貝、海蝦、龍躉片等排列整齊，新鮮度高。鮑魚彈牙無腥味，蟶子飽滿鮮甜，龍躉片厚切有口感。亮點是附贈的讚岐烏冬，滑溜彈牙，搭配海鮮精華非常匹配。🌟第三式：滋補火鍋（冬瓜花膠瑤柱鍋）湯底清甜滋潤，瑤柱提鮮，冬瓜消暑，適合現時悶熱天氣。自助區火鍋配料選擇豐富：蔬菜新鮮，丸類款式多（推薦手打墨魚丸），魚類有鯇魚片、鱔片等。飲品櫃選擇多，由汽水至茶類齊全，牛奶雪糕和雪米糍為中場小歇加分。 🌟甜品：新鮮水果＋椰汁雪燕水果當日為西瓜，哈密瓜，火龍果，芭樂，柑，清甜解膩；椰汁雪燕足料，微甜不膩，作為結尾恰到好處。 🌟第四式：打卡送任食手切牛頸脊及黑豚肉社交媒體打卡即送牛頸脊及黑豚肉，牛頸脊油花均勻，涮8秒嫩滑無渣；黑豚肉肉香濃郁，兩者質素比一般放題肉類高，值得一試。 🌟以分階段上菜營造儀式感，性價比高。雞煲香濃、海鮮新鮮、火鍋湯底用心，加上打卡送高質肉類，適合朋友聚會。

斗滾是一間位於佐敦的港式火鍋和雞煲餐廳，以任食雞煲、火鍋放題及蒸海鮮拼盤聞名。餐廳主打招牌大亂斗雞煲，提供多種辣度選擇，雞肉嫩滑多汁，香氣四溢。除了雞煲外，還有鮮美海鮮拼盤（包括鮑魚、花蛤、扇貝、龍躉和海蝦等），養生燉湯和手切牛頸脊火鍋肉品供應，配料豐富以滿足各種喜好。餐廳環境適合親友聚餐，且不限用餐時間，CP值高，非常受歡迎。佐敦分店空間寬敞，設有包廂及大型座位。晚市價位約每位260至300港元。斗滾的雞煲是餐廳的招牌招牌菜，主打任食雞煲，有五種辣度可選，從較溫和的辣度到麻辣都有，客人可以依喜好挑選。雞煲的雞肉嫩滑多汁，香氣濃郁，餐廳還會附上煮法指引，建議每2分鐘揭蓋拌炒一次，炒四次後即可享用。雞煲可無限追加，讓食客盡情品嚐。雞煲內通常會有腐竹等配料，腐竹吸收了湯汁，風味十足，是雞煲的常見好搭配。整體雞煲口味濃厚，辣味和鮮香恰到好處，既開胃又滿足，是斗滾放題中的重點之一，特別受歡迎.此外，斗滾的雞煲是全套放題中的第一部分，之後還有海鮮拼盤、養生燉湯和手切牛頸脊火鍋，整體用餐體驗豐富海鮮拼盤是其放題套餐中的第二部分，主打新鮮且豐富的海鮮組合，雖然不是任食，但分量隨每桌人數而定，十分豐盛

好耐無食過麻辣雞煲$298（只收現金）食完雞煲後食海鮮（14人食，每人每款有一隻）再有不同湯底，任食火鍋食到好飽選擇多，又有甜品，生果，糖水第一次行廟街的夜繽紛

今次去咗斗滾食飯真係超級滿足！🤩 佢哋呢個「4合1」模式，一次過食到雞煲、蒸海鮮，飲湯同火鍋，真係勁豐富，大滿足！🌶️麻辣雞煲：食火鍋前梗係要嚟個開胃菜啦！個雞煲麻麻辣辣，香氣撲鼻，雞肉嫩滑又入味，索晒啲醬汁精華，真係令人食指大動，食到停唔到口！🤤🦐蒸海鮮：食完雞煲，就到新鮮熱辣嘅蒸海鮮出場啦！鮑魚、鮮蝦、帶子樣樣齊，海鮮全部都超新鮮，蒸完之後鎖晒啲海水鮮味，唔使點任何醬汁都已經好好味，食到原汁原味嘅鮮甜！🦪🍲火鍋放題：清咗個胃之後，就到火鍋放題環節啦！湯底選擇多，我哋梗係要飲返啖鮮甜嘅海鮮湯底先啦！自助區配料選擇勁多，除咗一般嘅丸類、蔬菜，仲有好多特色配料任你攞！🍮自助區驚喜：最正係佢個自助區仲有水果同椰汁雪燕！椰汁雪燕清甜滋潤，食完咁多嘢飲返碗真係冇得頂，為成餐飯畫上完美句號！💯

舊同事極力推薦呢間，於是就係試吓啦！斗滾四式：首先係雞煲（雞肉係嫩滑嘅）；跟住蒸海鮮 （每款都大大隻，好鮮味）；再之後飲雞湯（本身唔鍾意飲湯都飲咗三碗）；最後就用嗰煲雞湯打邊爐 （火鍋配料都好多好齊、飲品嘅選擇都多）$268 120 分鐘，有咁多嘢食，其實好抵。我哋佢之前都冇做足功課，唔知有咁多嘢食🤣。因為收咗工先去，去到得返個半鐘，職員都將個時間控制得好好，喺有限嘅時間入邊，食晒個餐入邊嘅嘢，下次真係要encore慢慢嘆。

佐敦斗滾位置幾方便易去，火鍋$300有找定位鮮明，2小時任食，跟著四重奏步驟，準備好就開始！.步驟1️⃣雞煲有計時器提醒，分4次炒，自己落手體驗感十足！食完可以再添！雞煲醬汁調較得好好味，我係第二三炒時再加入水魷、牛柏葉等材料，更覺滋味！.步驟2️⃣蒸海鮮店員切好晒，用荷葉墊底蒸海鮮，海鮮新鮮鮮甜，墊底嘅烏冬超入味，食過翻尋味！.步驟3️⃣靚湯底我揀咗蕃茄薯仔湯，再加入蜆、豆腐等自己鍾意嘅配料，完全帶出湯嘅清甜。.齊全火鍋配料供客人自取，我欣賞芝士牛丸、豆腐卜、皮蛋、鱔片、芝士牛丸等等.步驟4️⃣牛頸脊斗滾出名牛頸脊任食，油脂含量低，重牛味，食得多都唔覺有負擔，仲有秘製牛汁，更覺風味！.飲品選擇都好多，啤酒仲有不同牌子，日本品牌都有！.水果甜品甜品有我最鍾意嘅椰汁桃膠，超好味！水果有原隻橙、香蕉，荔枝，我食咗兩個芒果，好香甜！.呢間好食，要定期嚟滾呢！

無諗過一間餐廳可以滿足哂三個希望，因為斗滾既打邊爐係有哂三款野，🐓雞煲、🦐蒸海鮮、🐄打邊爐～  一坐低,店員會問食咩辣度既雞煲，今次揀左中辣，為確保新鮮雞,個雞煲黎到需要隔兩分鐘就炒一次，一共炒4次。非常方便, 而已分量都好多，足夠咁多人食～中辣真係非常惹味，愈食愈辣，啲洋蔥都好鮮甜。✨食到咁上下，店員就會問可以上蒸海鮮未，不過如果覺得再想食雞煲,可以食完海鮮再食返雞煲，好快蒸海鮮就上，有鮑魚、扇貝、蝦同烏冬，鮑魚肉質好爽口，而且扇貝好大粒，烏冬吸哂海鮮汁。但海鮮只可以上一次，好快食完就可以決定再食雞煲定食打邊爐。所以決定繼續打邊爐，出面有好多火鍋配料選擇，每碟啲份量都岩岩好，食完再拎，唔會浪費～只外🐄手切牛都好新鮮，本人比較鐘意食牛頸脊，而個湯底非常鮮甜，中和左岩岩食雞煲個辣～ 仲有好多飲品選擇，飲啤酒既人就最爽～平日斗滾一至日都好多人，如果唔想咁多人，八點半打後黎都係一個幾好既時刻，而且呢到既店員禮貌同服務都非常好同好細心，呢個價錢可以食到三種唔同既野，仲可以係邊到搵呀？

訂了枱8點半去到登記，等了30分鐘再問下幾時到我可以話唔記得我，然後食鷄煲收起等海鮮拼盆再等了30分鐘，問他說漏單，到比錢埋單收了錢又再等30分鐘又再問他竟然唔知。完。永不再去。垃圾級

最近我同朋友去咗佐敦一間食雞煲同打邊爐嘅餐廳，呢個地方好大，有飲品自助區，有打邊爐自助區，我同朋友叫咗幾樣嘢同大家介紹一下。麻辣雞煲呢個雞煲可以任加同揀辣度，我哋揀咗BB辣。呢個選擇啱啱好夠味。雞煲仲可以無限追加。海鮮盛宴呢個真係一定要打卡，拼盤入面有鮑魚、蟶子、扇貝、海蝦、龍躉、花蜆同埋烏冬。每樣海鮮都新鮮到爆，仲用咗好夾海鮮嘅蒜頭調味，烏冬佢吸晒所有海鮮嘅精華，食得出海鮮嘅鮮味。滋補火鍋佢有好多種唔同嘅滋補湯可以選擇，我同朋友揀咗花膠冬瓜瑤柱清湯，湯好好飲，而安格斯牛腩真係出色，肉質軟嫩，牛味重，完全唔會因為攞嚟煲湯而變韌。甜品：椰汁雪燕呢個椰汁雪燕真係好足料，每一啖都有滿滿嘅雪燕

一次過滿足幾個願望❣️由西環食到嚟佐敦 就係鍾意一次過食到雞煲、蒸海鮮同打邊爐☺️首先雞煲上檯嘅時候係生嘅店員會提示每2分鐘炒一次 煮8分鐘就可以食啲雞真係勁滑溜 而且麻辣味濃郁 最鍾意有埋啲豆卜同埋秀珍菇 吸汁一流海鮮盛宴🦐🐠鮑魚、蟶子、扇貝、海蝦、花蜆、龍躉每一樣海鮮都勁鮮味 蒸到恰到好處中間仲有讚岐烏冬吸晒海鮮嘅精華 同埋濃郁嘅蒜香味最後就係打邊爐啦 打邊爐之前店員都會再問多次想唔想食雞煲不過打邊爐嘅配料已經好豐富款式超級多 而且乾淨企理仲有海蝦任食添另外仲做緊打卡有牛頸脊任食你食嘢之前真係確保個肚要有空間當然出邊仲有好多飲品供選擇連生果都有㗎～

岩岩嘅星期六男朋友帶咗我去食佢同同學聚會嘅放題打邊爐 - 斗滾,主打HK$298無限時飲食1️⃣招牌大亂斗 :任食雞煲,仲有大中小辣選擇同可以加牛腩~咁多間雞煲任食之中覺得佢哋呢個雞煲做到半麻半辣,牛腩又炆等好淋!!仲可以任食🤤🤤2️⃣海鮮盛宴: 用蒜蓉粉絲底蒸出嚟嘅時令海鮮,冇得輸😍3️⃣養生燉湯 : 大概7-8款供選擇🍲芫荽皮蛋湯🍲鮮茄薯仔花甲湯🍲冬瓜花膠瑤柱清湯🍲養生烏雞燉湯🍲乳鴿燉湯🍲香甜椰皇雞🍲清湯安格斯牛腩🍲清湯涼瓜花聯雞🍲足料佛跳牆（需預訂）4️⃣任食手切牛頸脊: 燙涮5-6秒,一變色就要夾起!!勁香濃肉香😍 宜家只要係社交平台留言仲可以食埋黑豚肉添😍😍另外,public area 仲有30款以上火鍋配料~雀巢雪糕同椰汁雪燕放題(男朋友就話d 雪糕糯米糍好搶手😆)可能想像$298都可以冇限時飲，食咁多嘢都真係幾癲😂😂

🍽️斗滾4式 $298/每位第一式💥招牌大亂鬥招牌大亂鬥雞煲有5種辣度，我哋覺得bb辣就啱啱好，惹味得來又唔會太搶😌雞煲嚟嗰時係生嘅，經過8分鐘嘅烹煮，雞肉非常嫩滑，配料爆得好香，仲要任食，超級正🤤第二式💥海鮮盛宴有鮑魚、扇貝、海蝦、蟶子等多種海鮮🐟，非常豐富！海鮮好鮮甜，中間嘅烏冬仲吸收晒啲鮮味🤩第三式💥滋補火鍋有多達9款湯底任君選擇🥰我哋試咗冬瓜花膠瑤柱清湯，味道清甜，大家記得先飲湯，後打邊爐😌餐廳有30款以上嘅配料，仲有10款飲料，新鮮水果，同自家製椰汁雪燕，我哋食得非常滿足😚第四式💥手切牛頸脊🐮只要喺社交平台like同留言餐廳嘅post，就可以享用任食手切牛頸脊同黑豚肉，抵到爆😍牛頸脊色澤鮮紅，牛味香濃，黑豚肉都好有驚喜另收加一服務費味道😋 8.5/10性價比💰 8.5/10環境🔎 7.83/10服務🫶🏻 7.46/10打卡指數📸 8.2/10٩(˃̶͈̀௰˂̶͈́)و 推薦指數🥰 8.1/10

平時食開西環分店，今次試佐敦新舖，環境更大更新淨✨最平$268就食到「斗滾四式」： 1️⃣ 任食雞煲：自選辣度🌶️，雞件不過不失，勝在香辣入味2️⃣ 巨型海鮮拼盤：有鮑魚、扇貝、開邊海蝦、龍躉片，平時係另一間食有蟶子（仲要超好味🥹），今次就冇比到啦，唔知係之後都冇定只係當日冇 3️⃣ 養生燉湯：強推烏雞湯!!超入味濃郁，連湯帶肉清左半煲 4️⃣ 火鍋任食：IG打卡送手切牛頸脊，配料選擇都唔少，肉類選擇就冇咩啦‼️週末極旺場，book枱個陣店家講明只預留個半鐘比我地食，咁短時間要清哂咁多真係有啲難度🙂‍↕️，兩條友食到好似難民咁，結果我地趕到火鍋個part只係食到一塊牛就比人收哂啲碗筷話夠鐘要走😅，建議一定要book位同埋做時間管理大師😂