順。越南牛肉粉

Open Now

Now Closed

昨天去沙田，這裡是連接幾個商場，日曬雨淋都冇有怕。見到好運中心全新裝修完，商場變得更明亮，途經 "順。越南牛肉粉"，款式吸引，很不錯 ~餐廳新開，地方很闊落，牆上面有花朵及雀鳥圖案，設計雅致時尚，環境舒適亮麗。下午茶餐種類多，有湯粉、傳統撈檬、法包、米飯、街頭小食、飲品，好多越南特色美食。順化湯檬    $68依碗有齊三款，分別係牛腩片、牛肉丸和扎肉，牛腩片炆至軟身，都有少少咬口，牛味香濃 ; 牛丸爽口彈牙，中間好juicy，而扎肉就係越南最地道嘅食品，當然要試一試啦！湯底用上牛骨煲至多小時，所以牛骨味重，清甜唔口渴，檬粉順滑吸收左湯汁，甘甜美味，份量亦好足，成碗食完之後，好飽肚，性價比高。街頭生牛肉湯粉    $56牛肉好嫩滑，在碗內時半生熟，有咬口，肉質鮮嫩，入口鮮甜有肉汁，配搭辣椒、青檸等香料味道特別清新，湯底香氣撲鼻，就連河粉吸湯都好出色，每啖都鮮甜可口。蒜蓉牛油雞翼    $28外皮炸得很脆口，牛油味很香濃，加了蒜蓉味道更惹味，肉質不乾，有肉汁，不錯。西貢脆春卷    $22春卷炸至外脆內軟，餡料有豬肉、紅蘿蔔、木耳、粉絲等，配備生菜，用來包住春卷一齊食，可減輕膩的感覺。薄荷

今日又去咗沙田搵食，好運中心裝修咗之後多咗好多唔同嘅餐廳，突然間想食越南嘢，就同媽媽去左「順」度下午茶。叫左2個下午茶餐+追加小食+餐飲：（1） 順化湯金邊粉 $68有燻蹄、牛腩、牛丸，超級豐富。分題唔會好鹹、牛腩夠腍、牛丸咬落去彈牙多汁，個湯都夠濃味，份量都好大碗！（2） 河內蕃茄蟹湯檬一拎到埋嚟就飄過超級香嘅蕃茄味，試咗一啖湯，除咗濃濃嘅蕃茄味仲有淡淡嘅蟹香。扎肉好好味，半隻小蟹啲肉唔會好散，兩粒蝦丸彈牙好味。媽媽食咗讚不絕口。（3）春卷 （跟餐$22）熱辣辣，外面脆脆，入面多料，放咗蘿蔔絲用生菜包住，再點埋汁，一流！！！（4） 蒸粉包 （跟餐$28）粉包皮唔會太厚，入面好多肉碎，大大嘅一舊好滿足。（5） 話梅鹹柑桔水唔會太甜，都唔會太鹹，又唔會俾好多冰沖淡晒柑桔水。（6）老薑蜜辣中帶甜，第一啖飲落去有老薑嘅辣味，但係飲真啲又會有蜜糖嘅甜味，熱辣辣超級暖胃。食完之後媽媽話下次經過好運中心想食越南嘢都會再encore！！

好運中心都裝修得7788，餐廳開始進駐。今次試呢間越南野，內部環境幾光猛，新淨。🌟特式綜合牛肉湯檬粉🌟食越南野唔少得點牛肉🐂，呢款牛肉湯麵有多款牛製品：肥牛、牛丸、牛腩片。加埋經典調味材料：洋蔥、蔥花、芫荽、九層塔。牛肉十分嫩滑，肉質好好。🌟法式牛柳粒配米飯🌟牛柳粒大概7成熟🥩，可咬開唔會un，外層燒得帶焦香味😌配上特式蛋餅，主要由粉絲同木耳整成，幾特別👍🌟話梅咸柑桔水🌟出面餐廳好少有得叫，要去呢啲東南亞食舖先叫到，味道夠哂味，飲完好滋潤呀～

沙田友又繼續去好運中心品嚐新餐廳，看到餐廳門口的餐牌，菜式選擇都很多，所以今次就去到〔順．越南牛肉粉〕吃越南菜，最近炎熱的天氣總讓人覺得食慾不振，越南料理特色有很多酸甜辣的味道，這個天氣吃，真的比較清爽開胃。【生牛肉牛肉丸湯河】(HK$82)先呷一口湯頭，湯色清牛肉味道適中，生牛肉是薄切款式，比普通的肥牛少脂肪，而牛丸彈牙爽口，牛味濃而有肉汁，蘿蔔很軟淋，越南河粉亦份量十足，配搭洋蔥、青蔥、芽菜、炸蒜片及九層塔，亦可以自行加入辣椒及青檸調味。【順化香茅豬扒撈檬】(HK$78)順化香茅豬扒炸得好香脆，撈檬分量很充足很多，加上青瓜絲和蘿蔔絲有很慷慨的份量，而配搭甜酸蘿蔔絲、花生碎、蔥花、炸蒜片及九層塔，檬粉加上越式撈檬精髓的酸甜汁，店內的酸甜汁調較得剛剛好，帶輕微辣味亦不會很酸，令整碗檬粉口感清新亦很醒胃。【西貢脆春卷】(HK$55)春捲炸至金黃熱辣辣，外層非常香脆，很欣賞是炸得一點也不油膩，內裡包著的蔬菜餡料很豐富亦填得滿滿，蘸點泰式酸甜醬，很香口美味，個人推薦。【街頭蓮藕蝦餅】(HK$70)一客有4件，用兩片蓮藕夾着蝦膠，煎得很香脆，蓮藕及蝦膠很厚入口爽爽脆脆，伴碟有甜酸蘿蔔絲及生菜絲

裝修明亮檯櫈都超新淨坐得舒服特色綜合牛肉湯檬粉$88綜合即係有牛丸，生牛肉、牛腩片牛丸彈牙有肉汁牛腩片好稔入味😍粉麵可揀河粉，檬粉或金邊粉西貢三色撈檬$92撈檬汁檯面長備自己想落幾多隨心（胡椒豬肉串，蝦餅，扎肉）好少見呢款組合扎肉口感好特別食落有咬口似有軟骨嘅口感胡椒豬肉串外皮香見食落微甜小朋友實鍾意加埋蘿蔔絲、青瓜絲、生菜絲同花生碎撈埋酸酸甜甜嘅汁好開胃本身想叫埋小食不過粉麵嘅份量好足所以太飽試唔到🤣

今日小朋友學校假期，放假唔使返學， 我囡囡就話要去沙田恐龍公園玩， 玩完已經下午茶時間，諗住係新城市廣場食埋， 不過都幾多人， 於是行咗去好運中心附近睇吓有咩食.見到d 間越南餐廳裝修唔錯， 位置寬躺， 下午茶價錢都幾經濟， 一於試吓.香茅雞扒金邊粉： 都幾大碗， 份量多， 同小朋友share 都夠食， 雞扒煎得好香脆， 啖啖肉， 唔鞋口， 肉質鮮嫩牛油果青蘋果沙律： 個source 酸酸甜甜， 好開胃， 小朋友食唔停， 個沙律都好豐富， 有核桃， 提子乾， 青蘋果， 牛油果， 蕃茄仔，健康之選滴漏咖啡： 香濃咖啡味， 飲完好提神

喺沙田行完街，夜晚想食返啲清新少少嘅野食，就決定食撈檬，今次食咗西貢三色撈檬～西貢三色撈檬嘅三色係指蝦餅、扎肉、胡椒豬肉串，成塊蝦餅一開三，炸得啱啱好，唔會太油太燶，蝦餅咬落幾彈牙，就咁叫一份小食都唔錯🍤扎肉比我預期中好，有時啲扎肉比我嘅感覺係似火腿，但係依款加多咗啲豬皮豬耳，所以多咗啲爽脆嘅口感，更加有特色🥢至於胡椒豬肉串有兩串，表面整得幾脆身，有少少似香腸，味道偏濃，連埋檬粉一齊食會好啲～

2pm 就開始下午茶時間，價錢親民擺盤色彩繽紛，唔hea，性價比高，可以回訪 🍴加一服務費：✔ ✿ 法式牛柳粒配米飯 $73 感覺比港式的調味較甜牛柳粒軟淋入味，一點也不韌，非常好送飯 ✿ 順化香茅豬扒撈檬 $56好大碗，撈檬汁係檯面自己任加多青瓜、蘿蔔、生菜絲，清新，食完覺得飽但唔膩豬扒半煎炸感覺，不過不失，唔鞋不過唔算juicy ✿ 加配小食• 清沅蒸粉包 +$28• 西貢脆春卷 +$22大推蒸粉包，個皮好滑好似河粉內餡飽滿，八成係肉碎😂另有蘿蔔+木耳 春卷個餡有啲唔同，似餃子餡，鍾意香脆嘅就揀春卷個人冇特別鍾意煎炸嘢，所以更鍾意蒸粉包👍 ✿ 餐飲• 青檸紅茶 (熱) +$0• 香茅鮮橙汁 (熱) +$0餐飲有誠意，較推薦香茅鮮橙汁

之前同事同我提過d 個越南餐廳嘅下午茶幾扺食， 同埋份量唔少， 質素都唔錯， 介紹我去試吓, 今日工作冇咁忙， 終於有時間出去試吓.唔使排隊, 地方好闊落, 坐得好舒服。下午茶都真係唔貴， 約$5x －個餐， 包－杯飲品， 還可用優惠價加小食一客.街頭生牛肉金邊粉: 大碗， 生牛肉都多， 同午餐份量差唔多， 加埋少少辣椒仔，正蒸粉包： 個粉皮好薄身， 絕對係皮薄餡多， 多到－口就爆餡滴漏咖啡：必叫，超香咖啡味，食緊等佢慢慢滴， 食飽剛剛好

經過開沙田好運中心果頭，見到呢間食越南嘢嘅餐廳，一於入去坐低食下越南嘢，幾鐘意佢個餐牌設計好顏色豐富，仲有圖片睇方便有選擇困難症嘅我🫶🏻._.🐖| 會安烤豬頸肉 |🐖果然無點錯，豬頸肉肉質腍身到不得之了，連友人都大讚豬頸肉腍身又唔鞋口乾身，仲要燒得好香，好夠味，跟配咗隻辣醬汁可以點，想辣啲增加刺激口味可以點，不過我覺得唔點都一樣咁好食👍🏻.🥑| 牛油果軟殼蟹米紙卷 |🥑米紙卷包嘅材料豐富，加埋軟殼蟹顯得更大舊，清爽啲配菜絲加埋香脆哪軟殼蟹，多重口感，中和返炸軟殼蟹啲油膩感👍🏻一碟六舊大大舊好滿足._.📍順．越南牛肉粉📍沙田橫壆街1-15號好運中心3樓3007號舖

平日晚估唔到都幾多人，想坐獨立卡位都要睇吓運氣，發現有下午茶餐牌真係幾抵食，可惜今次只能食晚餐先～生牛肉牛肉丸湯河粉 $82牛肉丸係一口size，食落好方便😂而且咬落都juicy有啲似振興嘅感覺，牛肉片唔韌份量都多，屬中上水平香茅豬扒湯河粉 $72豬扒意外地大份，同碟豬頸肉差唔多size，咬落juicy，外面微脆，調味都重配埋清清地嘅河粉夾住食就岩岩好，呢個CP值高～會安豬頸肉 $90厚切大大片肉質都keep到淋，不過小食來說都唔算平😂馬拉盞通菜 $78辣辣地炒得幾惹味，撈飯就正了總結：整體算係中上水平嘅越南菜，質素對得住價錢，大家可以一試～地址：沙田橫壆街1-15號好運中心3樓3007號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️價錢：⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

今日經過見到沙田好運中心重新裝修， 多咗好幾間新餐廳， 去咗試其中一間， d 間餐廳食越南野， 地方寬敞， 環境亁， 裝修光亮，坐位舒服.我到達時差10 分鐘到2 點， 職員好好話我知2 點有下午茶， 價錢優惠d , 所以我都等多陣先入座.蒸粉包: 即蒸， 上枱熱辣辣， 皮薄， 大件，爆餡得黎啖啖肉， 就咁食同沾酸甜汁都－樣好味河內蕃茄蟹金邊粉： 非常足料， 蟹幾新鮮， 香濃蕃茄湯底，金邊粉好入味， 同埋都算大碗， 物有所值青檸紅茶： 下午茶送一杯飲品

今次去沙田好運中心食越南粉下午茶，裝修精美，有卡位，傾計唔會太嘈，價錢畀午餐便宜，食物份量一樣，抵食生牛肉牛腩片湯。金邊粉生牛肉軟滑，牛腩片軟得來有口感，塊塊都肥瘦適中，湯底夠熱夠清，可煮熟生肉，唔肥膩，好正宗 🥰河内番茄蟹。金邊粉第一次食蟹粉，蟹有半隻，好新鮮，湯底重番茄，好開胃，好鬼正 😆春巻(2件)小食炸春卷炸得好香脆，裏面嘅餡都好豐滿，配合埋酸酸甜甜魚露汁食更加好味和唔肥膩 😋老薑蜜(熱) & 牛油果沙冰薑蜜重薑，蜜糖健康，還有一根香芧，養生必選沙冰細軟，甜度適中，顏色好靚，好好飲

📍 順。越南牛肉粉近排，好運中心一帶開左好多新餐廳，試一試呢間新開既越南菜😝🐷順化香茅豬扒撈檬 $78香茅豬扒幾厚身，亦都好大塊同煎得香脆！外層食到焦脆既口感同淡淡既蜜糖味～加上魚露汁一齊食，味道酸酸甜甜勁開胃！🐮街頭生牛肉湯金邊粉 $75牛肉既份量相當多😇切得幾薄身，上枱係半生熟，漸漸地變成全熟👍🏻而湯底係用以牛骨熬製而成，飲落牛味重！配料有九層塔、生洋蔥同芽菜，增添口感～🐤蒜蓉牛油雞翼（4件） $65雞翼炸得香脆，金黃色好吸引～食落有肉汁，唔會乾爭爭👍🏻牛油既奶香味同蒜蓉嘅香味互相融合，幾惹味～📍 順。越南牛肉粉 (沙田)沙田橫壆街1-15號好運中心3樓3007號舖#沙田 #好運中心 #順越南牛肉粉 #越南 #越南河 #香茅 #香茅豬扒 #撈檬 #生牛肉 #金邊粉 #蒜蓉牛油雞翼 #蒜蓉 #vietnam

下午茶時段, 見餐廳差不多座無虛席, 估計食物質素應有保証, 決定入座光顧。下午茶套餐1) 香茅雞扒撈檬 $502) 街頭蓮藕蝦餅 (2件) $323) 椰汁珍多冰 $124) all + 10%香茅雞扒撈檬份量不少, 雞扒有4大件, 每件約有1吋厚, 肉質不柴, 雞皮煎得香脆, 不油膩。伴有大量紅蘿蔔絲, 生菜絲和青瓜絲, 清新爽口, 加上花生碎, 口感豐富。檬粉爽身, 略嫌有點溫熱。街頭蓮藕蝦餅 (2件) 猶如三文治般, 由兩片蓮藕夾著蝦餅煎香而成。蓮藕入口爽脆, 蝦餅彈牙, 沾上甜酸醬, 甚為滋味。略嫌有少少油, 伴著生菜和酸蘿蔔同吃, 有助減膩滯感。椰汁珍多冰椰香滿滿, 冰碎如沙冰, 冰凍入心。面頭放上少量珍多, 軟硬適中。整體來說雖然份量偏少, 但有其吸引力, 是下次光顧還會再點的飲品。