順。越南牛肉粉

Open Now

Now Closed

早幾日同朋友去沙田行街～夏天日日都熱到過分~胃口都相對變低～但野食始終係要食～行經見到有間越南餐廳~同朋友四目相對~嗯～係哩間啦~~我叫左生生肉配牛腩河～清爽冇負擔～又好味、又解喝(有湯)又唔大負擔~配埋熱飲話梅咸柑桔水(幾熱都係要養生～飲少啲凍野~-)一流～ 朋友就叫左順化香茅豬扒飯配椰汁珍多冰～佢好快趣就成碟清曬～但好在我有叫佢比我試小小～(同朋友出去最開心係食野可以大家交換試下-)一流呀食完好滿足~又可以繼續行街啦

今次叫咗下午茶嘅扎肉蝦餅撈檬，以為下午茶餐會係輕盈啲，其實同正常份量差唔多，扎肉入面見到粒粒豬耳，口感好好，蝦餅亦都夠彈牙，兩樣嘅質素都唔錯👍下午茶餐可以加配一款細份小食，蒜蓉牛油雞翼嘅蒜茸味雖然唔係好出，但係牛油非常香，而且炸得香脆！飲品嘅選擇幾有特色，唔係普通檸茶檸水嗰啲，而係青檸梳打、鹹柑桔水依類特飲，而且有幾款係唔需要加錢嘅，冷熱都得，依杯凍老薑蜜嘅薑嘅辣度同蜜糖嘅甜度夾得啱啱好，仲有香茅嘅清新香氣，跟餐嘅免費飲品令人喜出望外🍹

今日要去science park 工作。本來想起有一間豆漿舖，想去試下。上次因為外面有10幾人在等待入去，所以便過了來這間。想不到的是。。。今次想去試下間豆漿舖，點知又有很多人在等。所以便過了這間。。。看回食評，上次都是這樣可能沙田柚特別鍾情豆漿話說回來，這間的食物是ok的。不過無想過，這麼快又寫這間的食評。今次試個撈檬，個味道清了小小，可以在味道上重手一點。在賣相上，它是可以的。今次彩蛋是城門河，沙田柚個個都知。基本上，城門河將沙田分成兩邊，一邊是火車站，而另一邊是第一城。那些年間，小弟都在城門河上，好熱血地在颱風下練艇。這樣才是青春過

今次去咗沙田好運中心嘅#順越南牛肉粉 ，呢間越式餐廳以正宗越南味道聞名，所以我同朋友特登嚟試下佢哋嘅招牌菜。同大家分享下我哋嘅體驗。香茅雞扒撈檬呢個#香茅雞扒撈檬 真係一絕，香茅雞扒烤得外脆內嫩，味道非常濃郁，帶有陣陣香茅香味。撈檬啱啱好彈牙，配埋新鮮嘅蔬菜同特製醬汁，味道非常清新爽口。每一啖都充滿住香茅雞嘅鮮味，令人回味無窮。🥗🍗🍜🍜（4.5分）越式蒸粉包呢個#越式蒸粉包 外皮薄而透明，內裡包住豐富嘅餡料，有蝦、豬肉同香菜。每一啖都可以感受到餡料嘅鮮味同外皮嘅彈牙，配埋特製嘅魚露醬汁，味道更加突出。呢個蒸粉包真係非常有特色，好味到不得了。🥟🥟🥟🥟（4分）凍越南滴漏咖啡飲品方面，我哋試咗#凍越南滴漏咖啡 ，呢杯咖啡真係非常濃郁，帶有獨特嘅越南咖啡香味。冰凍嘅口感非常清爽，加埋少量嘅煉奶，味道甜而不膩，非常適合作為飯後甜品。☕️☕️☕️☕️（4分）總結來講，呢次順越南牛肉粉嘅體驗真係非常滿意，食物味道正宗，服務貼心。如果你鐘意食越南菜，呢間餐廳絕對值得一試！

順．越南牛肉粉 - 沙田沙田橫壆街1-15號好運中心3樓3007號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：順化香茅牛肉撈檬 $58，街頭蓮藕蝦餅(2件) $32，話梅咸柑桔水 (跟餐)順化香茅牛肉撈檬：這家餐廳的香茅牛肉撈檬真是令人大開味蕾！牛肉的份量非常多，每一口牛肉都嫩滑多汁，香茅烤製得略帶焦香，有著濃郁的牛肉香氣，非常美味！😄😄😄街頭蓮藕蝦餅：彈牙飽滿的蝦餅夾在兩塊蓮藕切片之間，頗有心思！蝦餅的蝦肉口感十分嫩滑，帶有濃郁的海鮮味道！蓮藕的脆爽與蝦餅的鮮嫩融合在一起，十分惹味！👍👍👍話梅咸柑桔水：話梅的酸甜和咸味與柑桔的甜度和清新口感非常搭配，使這款飲品兼具了酸甜、咸味和清新感，為味蕾帶來一種新奇而愉悅的層次感！😍😍😍

近排間中都會去沙田，好運中心全新裝修後多咗好多食肆，商場變得更明亮，經過見到 "順。越南牛肉粉" 都好想食，就入去試吓啦！地方間隔都唔錯，幾闊落，牆上面有花朵同雀鳥圖案，好有東南亞熱帶風情，令人舒適寫意。下午茶餐種類繁多，有湯粉、傳統撈檬、法包、米飯、街頭小食、特飲等，好多越南特色美食。特色綜合牛肉湯檬粉     $68                        綜合牛肉粉有三款分別係生牛肉、牛腩片和牛肉丸，生牛肉好嫩滑，牛腩片炆至軟身唔韌，有少少咬口，牛味香濃，牛肉丸爽口彈牙，中間有肉汁，湯底用咗牛骨熬出，牛骨味重，飲落清甜唔口渴，河粉順滑吸左湯底，甘甜美味，份量都多，好足料。香茅豬扒湯檬粉       $62依碗揀湯檬粉，檬粉爽順，吸湯都好出色，湯底香氣四溢，啖啖都好鮮甜，香茅豬扒外香內軟，肉質鮮嫩，香茅味突出，食完成碗好飽肚，有水準嘅越南粉。蒜蓉牛油雞翼       $28                            雞翼外脆內嫩，肉質唔乾有肉汁，食起嚟好香口，牛油味突出，加埋蒜蓉味道就更惹味。西貢脆春卷       $22春卷炸得好香脆，餡料滿滿，仲有塊大大片嘅生

路過食個下午茶，雞扒撈檬連加一 $55蚊有野飲。烤雞扒皮脆肉嫩，粉麵份量聲稱與非下午茶相等，吃完也是飽飽的，女仕應該吃不完了。這竟然是香港能吃到的餐廳嗎？ cp 值高不後悔。只擔心日後質素能維持嗎

今日出咗去沙田睇醫生， 睇完醫生已接近2⃣️點，有啲肚餓，就係附近搵野食，經過見到d 間餐廳2點剛剛开始有下午茶，價錢又唔貴，食物賣相都唔錯， 就入咗去試下.餐廳環境衞生乾淨， 位置寬躺，座位舒適，職員有禮貌，上菜算快，整體感覺幾好.生牛肉湯河粉： 生牛肉新鮮， 份量算多， 唔鞋口, 麵淋身， 湯底唔會好咸， 清清地，好適合我d 位病人👍👍蒸粉包： 下午茶餐另加$28， 抵食， 有二大件， 多餡， 皮薄， 滴漏咖啡： 加$12 可𨍭， 正宗越南咖啡，飲完好提神

餐廳位於好運中心，沙田火車站行幾分鐘就到，餐廳岩岩新開無耐，環境都好乾淨企理，裝潢都幾別緻，有充滿藝術感既牆畫和格仔鏡，大大增加左空間感。街頭生牛肉湯河粉（$75）生牛肉經滾熱既湯底慢慢灼熟，半生熟令口感豐富有層次感，牛肉味保持濃郁之餘肉質鮮美粉嫩，牛肉味同時亦有滲入湯汁，令湯底更加鮮甜可口。素扎肉撈檬（$65）素扎肉雖然主要用麵粉製成，但味道一點都唔覺得素，口感爽口Q彈，幾適合素食人士，除左檬粉外，配料還有胡蘿蔔絲、青瓜絲、蝦米、蔥油、生菜等，食落意外清新消暑。珍多冰（$30）椰汁味濃郁，外觀裝飾有心思，打卡一流。

今日有需要入中文大學。原本想去石門試試那邊的美食。不過，在看youtube 時，看見有人介紹好運中心有新的裝修，從小便在沙田長大的我，都想看看裝修完之後的好運是什麼樣子。個咖哩不錯，好香茅。有d似st paul (HKU對面)的後門飯堂外賣，有一定水準。雞排好熱氣，所以很好。而且個drink，有香茅又有薄荷葉，不錯不錯。今次彩蛋好多方面可以寫。不過，不是每個沙田友都知道的，便是劉天王從前都有來過好運拍電影的。如果你想看看，hints 是和玻璃有關

沙田好運中心重新裝修，特意同老公去行吓，不經不覺到了下午兩點左右，途經順，越南牛肉粉餐廳，於是就入去食下午茶。餐廳裝修清雅，座位舒適。扎肉蝦餅撈檬$62大大碗的撈檬，有三片扎肉，三片蝦餅，紅蘿蔔絲，青瓜絲，羅勒等，非常豐富，涼涼哋的檬粉再加埋酸酸甜甜的魚露，開胃醒神，最啱夏天食。河內香茅燒春雞配咖喱汁、米飯 $66雞肉嫩滑多汁,外皮焦脆,而且仲帶有芳香四溢嘅香茅味道!配埋香濃滑順嘅咖喱汁,同埋Q彈嘅白米飯,簡直是無可挑剔嘅組合!春卷$22春卷薄脆酥香,內餡餡料充實, 非常美味可口。蓮藕蝦餅$32蓮藕蝦餅,蓮藕新鮮爽脆，加埋彈牙嘅蝦餅，好好食!凍話梅鹹柑桔水同凍老姜蜜 跟餐$0凍話梅鹹柑桔水酸甜可口,十分消暑;至於凍老姜蜜,就帶有一股溫和嘅薑香,非常清新舒服!

行街街去沙田新城市或好運中心一帶，無論打風落雨或酷熱天氣都冇有怕， 行到腳仔軟又肚餓更加冇有怕，今次行到好運中心見到呢間食越南菜嘅店舖，餐廳環境坐得舒服，亦有好多卡位，最緊要係有下午茶添😋🥢生牛肉牛肉丸湯粉$62生牛肉上檯時夠哂粉嫩，牛味濃香，質地軟腍得嚟亦有口感，牛丸爽彈juicy，河粉幼滑，加上九層塔及洋蔥絲嘅加持並配上青檸角及辣椒粒，夠哂惹味🥢順化香茅豬扒飯$58大大塊豬扒，煎得夠哂香口，香茅味亦夠濃，並配上乾蒜及香蔥油非常惹味，仲有兩塊特色蛋餅，裏面有木耳絲及粉絲🥢街頭蓮藕蝦餅$32兩片蓮藕中間夾住蝦膠，口感有層次，爽脆得嚟又帶Q彈🥢蒜蓉牛油雞翼(兩隻)$28極濃香牛油味，同時亦有蒜香味，炸得好脆☕️越南老薑(跟餐+$0)薑味夠濃，甜度剛好☕️青檸紅茶(跟餐+$0)清新解膩

1. 食材搭配:除了主料牛肉,金邊粉還常與各種香料和蔬菜搭配,如香菜、青檸、芝麻菜等,為口感提供清新與層次。有時也會加入牛肉丸或炸豆餅等配料。2. 口感特點: 金邊粉的質地很細軟,搭配牛肉的嚼勁,營造出軟硬搭配的細膩口感。湯汁通常會保持清亮透明,但香味濃郁,可能有香菜、八角等調味料的芳香。3. 地域特色:這道菜源自越南,但在東南亞許多地區都有類似的吃法。不同地區可能會有一些細微的口味調整,比如湯底的調料會有所不同。4. 營養價值:牛肉和金邊粉都是優質的蛋白質和碳水化合物來源,可以提供豐富的營養。加上蔬菜的纖維,這道菜可算是一頓營養均衡的餐食。5. 烹飪工藝:製作這道菜需要一定的烹飪技巧,如控制湯汁濃郁度、把握肉質嫩度等。用心烹製的金邊粉牛肉湯可以體現出美味的層次感。

成就解鎖🎉🎉今次跟住喺新界東嘅朋友搵食，發掘沙田好味道😂。街頭生牛肉湯檬粉 $56生牛肉鮮紅粉嫩，非常大塊。搭配埋青檸同紅椒，散發陣陣香氣❤️非常足料，食完非常滿足。煲仔咖喱牛腩配法包 $63賣相像普通咖喱牛腩，但味道卻非常有驚喜。牛腩份量不少，非常入味。最正是咖喱汁，香濃得來帶點點辣味，味道剛剛好，我同朋友停不了手🤣。法包非常大條，不是一片片，而係一整條😍😍鍾意用包點汁食嘅朋友，完全滿足你嘅需要。蒜茸牛油雞翼（兩件） $28蒜蓉牛油味非常突出，香氣十足，雞翼非常大隻，我同朋友食到舔舔脷😋。烤豬頸肉（半份）$38彈牙又爽口，份量非常多，配上甜酸雞醬，十分惹味😋😋。越南老薑蜜、薄荷青檸梳打飲品非常特別，特別係越南老薑蜜，超級有特色。飲得出陣陣薑味，但又不會搶喉，青瓜帶點小清新，感覺非常之好。下午茶真的十分超值，款式多，價錢相宜，真的是一個不錯的選擇。

下午在沙田工作完，約了朋友食early dinner。到步時還未夠六時，還可以叫下午茶餐。下午茶選擇很多，飯，湯粉，撈檬都有，還有越式法包。越式傳統街頭法包之前吃越食法包都是掃街時邊行邊吃，難得可以坐在餐廳舒舒服服又優雅地吃，當然要點一客。法包烘得很鬆脆，札肉加上豬肝醬，口感和味道很特別又搭配，芫茜、青瓜和蘿蔔絲等現菜更增加了口感和味道的層次。烤豬頸肉撈檬豬頸肉烤得很香，亦很厚切，能吃到陣陣的焦香味道，肉也醃得很惹味，我和朋友吃到停不了口。下午茶餐還可以追加小食，加了蒜蓉牛油雞翼及馬拉盞通菜。以下午茶的價錢，吃到豐富又美味的early dinner，開心開心