PHI Coffee & Pancake (美孚新邨)

Open Now

Now Closed

Phi is quite full during lunch time. We came mainly to try their Kuromi themed menu. Although this is not one of the main promotion branches with many deocrations, still you can see Kuromi everywhere, even their menu. Overall the menu is marked up for this promotion but I think for the promotion, it is within reason.Both drinks were cute but I felt the flavors could be a bit stronger.Baku looked quite good here and the eggplants were added as Baku looked like it. However, "Baku" up till now I am

超級超級巨型menu哈哈哈整跌埋啲叉🫥🫥真係超大個menu😜松露奶油雜菌扁意粉（$102）貨很對版，有少少驚喜！✨而且佢竟然有煙呀！好少可cafe真係食頭十啖都係熱，太好👍🏽等嘢食嚟係耐咗啲嘅味道就真係好而且顏色都好有食欲～～✨甘筍就生咗啲，好硬仲有半舊大啡菇㗎，呢個價錢都算抵食👍🏽👍🏽經典英式伯爵茶梳乎厘（$158）呢間係專食梳乎厘比較出名😶仲貴過個pasta😂個梳乎厘係真係好軟熟有少少入口即溶唔係求其一嚿蛋糕就算試過食啲cafe啲梳乎厘都係一嚿蛋糕咁款伯爵茶味說實話就不夠面上有塊格仔餅 賣相好另外都提提大家！打電話book咗枱。但嘥氣人多起上嚟都係要等返1️⃣5️⃣分鐘而且你一食完一分鐘內就收咗你隻碟🌫️

已幫襯過好多次，今次收工又同朋友再黎食返個午餐我地叫左野菌扁意粉，芝士肉醬貓耳朵粉，蝦哈哈意大利飯，芝士肉醬薯條同藍莓醬pancake！全部味道都不錯，餐廳每次黎都keep到水準！藍莓醬pancake酸酸地幾開胃，唔會好濟不過唯一改善就係朋友留意到有位店員上餐具時手拎住食用位置放上，所以可以多加注意一下

因為見到有優惠劵買，又喺附近做嘢，所以去試吓。 買之前已睇過吓其他人的評語，亦對香港服務人員不抱太高要求。 普遍Cafe消費都偏高，但職員對客嘅態度真係一般，佢只係問我揀邊款主食、甜品、飲品，落單後，又唔覆單，只問咗梳乎厘係咪一齊上，我原來話唔係，點知佢大我話～要等廿分鐘，咁我屈服，依家叫埋。 竟然喺意粉上後2分鐘，就上個甜品真係嚇親！ 咁我咪即時拿拿淋食曬碟意粉，以免甜品走樣走質素喇。由於食得太快，未能慢慢享受cafe慢活嘅環境。食物質素唔錯嘅，但咁嘅收費，同提供嘅服務唔成正比囉～今次呃咗我廿分鐘，其實前後我都只係用咗廿幾分鐘就KO成個餐囉，同我想像中可以放鬆啲咁食個lunch相差好遠，有啲失望！

每次咖啡都係滿到瀉的、姐姐送來都好危險。上次早餐order了americano ，覺得麻麻。今次試試mocha，點知來了一杯又係滿瀉的、暖的mocha。早餐加一後差不多100元。希望有差不多的咖啡和服務的水平。

kurumi主題應該多是歡迎小朋友的，但兩個女職員，一個女經理見到小朋友就黑哂口面，態度差得很，差不多食了500元還要受她的態度和眼神的不滿，食物質素一般，賣相是靚的，但員工可以對小朋友友善一點

諗住帶個女去開心吓，因為佢係Kurumi粉絲，去到餐牌其實得嗰三四樣係Kurumi ，問個女侍應飯嗰一款有幾舊肉係咩肉？佢答我雞肉。跟住落咗一款飯，一個疏乎厘班戟，一杯橙汁同埋一藍莓沙冰(以上三樣都係Kurumi主題入邊嘅)嚟到個飯，個女完全唔感興趣，飯嘅味道好難食，好怪唔知係咩紫米啲friend嗰啲feel😵‍💫重點係配嗰三嚿係豬肉囉，唔係女侍應講嘅雞肉！都算啦，食落去係一浸豬臊味，個汁係好似平時鋸扒咁嘅蒜蓉汁，成件事勁怪。。。。跟住疏乎厘班戟，一般啦，食落去好濕，平時成日食疏乎厘班戟，但覺得呢間真係麻麻，跟住配咗一兜cream，滿心歡喜諗住疏乎厘班戟上面嗰舊係雪糕，點知係好似藍莓味嘅唔知乳酪定係cream。。。個女完全唔掂😣至於嗰杯藍莓沙冰，不過不失啦。。。。帶埋單四百幾唔知食過乜。。。。最後真心建議吓其實去食嘅都會小朋友比較多，既然做得主題，再多幾個款俾人選擇吓啦！同埋做返啲啱小朋友口味嘅食物什麼吧！最後想講女侍應嘅態度真係麻麻哋，兩個都係黑口黑面咁！

沙律得少少蕃茄意粉算正常味道綠野仙蹤意大利飯超級難食。。。。完全唔知食緊啲乜。。。。芝士炸薯條都算係正常 M記質素檸檬茶又細杯 味道又奇怪呢個set加一盛惠405蚊 完全唔值 被四舊水食垃圾

PREMIUM ORIGINAL SOUFFLE黃金比例·原味梳乎厘（$88）呢個梳乎厘鬆軟但實在，唔會好似食緊空氣咁，不會過甜。試咗一舊咩都唔加，第二舊只加楓糖漿，第三舊就是加cream同楓糖漿。我覺得咩都唔落係最好食，甜到剛剛好。加咗楓糖漿，口感濕濕地，但係就偏甜。而個cream就似雲呢拿味多過牛奶味。我本人鍾意重牛奶味嘅cream多啲，所以試完都無再點搽cream。凍美式咖啡（$36）味道偏苦唔酸，配上甜點係Perfect match！！解膩！！梳乎厘有三舊，食到1.5舊，杯咖啡已經飲到7788。如果咖啡再大杯啲就更理想啦。

間唔中放假都會同老公出去食甜品做下午茶今次去美孚呢間cafe係沖住梳乎厘而嚟🤭 呢度亦有意粉 意大利飯 全日餐等。 即叫即製關係，落單後大概等15分鐘🕒💮藍莓希臘乳酪梳乎厘賣相精美，份量落足本，超多粒藍莓再淋上果醬，配搭希臘乳酪＆雲呢拿雪糕，視覺同口感都滿滿幸福滋味！！💮石板街梳乎厘+$20 雲呢拿雪糕石板街口味唔單止淋上朱古力醬，又有oreo🫢又有朱古力片🫢又有朱古力碎🫢又有朱古力忌廉🫢老公表示好滿足🤣 之前喺其他餐廳食過梳乎厘只有兩件，估唔到呢度竟然有三件且厚身， 梳乎厘空氣感好強 ，基本上可以用入口即溶嚟形容，但始終足足有三件咁多， 所以當食到第二件已經開始飽 🤣 整體梳乎厘配料份量足同睇得出餐廳對每一款口味梳乎厘嘅擺盤都花心思設計過！

呢排餐廳做緊優惠，隨便落單一樣綠色食品或者飲品再係某個社交平台打卡tag餐廳名就可以免費獲贈一個梳乎厘，今日去試吓果然唔錯，梳乎厘好味，不過希望公司有推出優惠員工都需要培訓下同客人推廣下呢個活動

⭐️Lunch Set 1 ($138)雙重濃郁芝士肉醬意粉🍝🧀個人幾鍾意食呢個意粉，因為真係幾夠芝士，上枱嘅時候店員會即場磨厚厚嘅芝士喺意粉上面，而且肉醬調味惹味，加埋芝士同意粉食，真係幾唔錯，亦好邪惡😈士多啤梨慕絲梳乎厘（兩件)🍓🥞見呢度出名疏乎厘，所以就叫咗呢份試吓，賣相非常之靚，疏乎厘食落非常鬆軟，而且個蛋味，配埋厚厚帶甜嘅cream同非常甜嘅士多啤梨，真係幸福感滿滿🤩⭐️Lunch Set 2 ($138)綠野仙蹤意大利飯💚呢個意大利飯其實係用青醬炮製，上面有三粒煎得好香而且大大粒嘅帶子，不過我就嫌佢嘅青醬太淡味，如果可以濃味啲好似出面一啲青醬意粉咁就好啲，意大利飯口感都OK😝芝士肉醬薯條🍟🧀又係非常邪惡嘅小食😈濃濃嘅芝士肉醬包住熱辣辣嘅薯條，係幾好食🤤

呢個番茄辣蟹肉意粉配蜂蜜原味梳乎厘實在係絕配!首先,番茄辣蟹肉意粉好惹味!醬汁濃郁香滑,帶有微辣嘅辣椒芳香,又加埋鮮甜嘅蟹肉,好飽滿鬆軟嘅意粉,百吃不厭。而佐以清新淡雅嘅蜂蜜原味梳乎厘,軟綿滑溜,帶有淡淡嘅蜂蜜香味,成功中和咗辣蟹肉嘅濃烈味道,令整個餐點變得更加完美。總括黎講,呢個組合既平衡又豐富,味道層次精彩,絕對係一道別具特色嘅意大利菜。無論係一個人悠閒享用,定係同身邊嘅人分享,相信都一定會令人回味無窮,大推薦!

辛苦工作後就來嘆返個豐富午餐/下午茶依間餐廳都回頭左好多次了，餐廳環境舒適，適合同朋友嘆返個下午茶，重點佢又唔會限時食，趕你走主食方面特別欣賞佢既蟹肉意粉和明太子貓耳朵(忘記左影相XD)，甜品就唔洗講一定係佢既疏乎厘pancake

慶祝520～見到呢間有set就黎試下😍首先要講下環境，呢個真係幾別緻，見好多食客不斷食嘢打卡就知～而味道方面：貓耳朵同risotto都好有咬口，推！服務都幾好！