Video
Exit D1, Lai Chi Kok MTR Station, Exit D2, Lai Chi Kok MTR Station
continue reading
Telephone
96783174
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
第二次幫襯，體驗感極差，樓面員工毫無服務意識，態度隨便+做嘢俹簁。本身帶朋友黎食過印象幾好，但係以後都唔會再幫襯，都唔會推薦朋友幫襯。今日接近2點抵達店舖，無咩人 直接搵咗張細檯坐低即刻點咗餐。途中無任何店員打招呼/同我有互動，佢哋自己傾緊計。等咗around 5分鐘黎咗一批人，雖然店內無人，但都容納唔到咁多人，個店員見我一個，就直接過黎，詢問我可否去同其他人搭檯。雖然唔想，但都費事為難人地，我就讓咗位。從我15:57落單一直等20分鐘都未有餐，遲過我入鋪頭嘅幾位唔同檯嘅客都食咗一半，我見係唔同嘅餐，就以為我個餐需要多啲時間，就無催單。但係！！！！店員陸陸續續開始同之前我讓咗位嘅批人上餐，佢哋一共6個餐，等唔夠10分鐘已經上齊(包括主食、湯、小食），其中都有同我嗌exactly同一個餐嘅人。直到嗰批人發現上多咗一個飯，店員都仲未意識到佢哋上錯檯之餘，係漏咗我個單。後來知道店員要求我轉檯之後，忘記了同我張單轉檯number。而且店員直接將多咗出黎個飯（係其他客人檯面擺咗一段時間），直接拎黎俾我。我聽到有其他店員細細聲講（唔肯定有冇聽錯）：佢點解會自己轉咗枱？其實間鋪好細，可見個店員完全冇留意舖頭入邊嘅情況，要求我轉檯嘅店員做嘢俹簁，自己做錯嘢都無俾我解釋，同事問佢嗰陣佢都好似無出聲，當咩事都無。到埋單嗰陣，我拍卡拍一半個收銀又走咗去忙其他嘢，抌咗佢一陣返嚟，佢好似啞咗咁 俾咗張收據我，乜都冇講，食飯期間留意到，成個樓面連基本打招呼都冇。呢餐飯食到我成肚火，員工幫老細倒米，唔會再幫襯。
continue reading
好姐妹愛食海南雞飯所以大家夾好時間開餐啦😍一人套餐：栢檔極品海南雞飯雞油香飯👍真係好好味👍肉骨茶餐（配絲苗白飯）排骨太瘦無乜特別一人套餐：秘方滷燒豬頸肉熱柚子蜜三個套餐👍
continue reading
話說之前鄰住買試過嚟幫襯過，特價又平又抵食！當時日日都撞無虛設～想搵個位都難！今日見天氣凍凍地，又過嚟幫襯，點知依家做返正價，$66肉骨茶配白飯（轉油飯要加錢），侍應上枱真係一碗肉骨茶加一個白飯，我都有少少詫異，份量少嘅！正常一個女士勉強可以，如果係男士的話，一定、一定、一定唔夠飽，之前嘅肉骨茶好大碗嘅！怪不得1:00食飯時間都咁少客，28個座位只有只有2人，老闆你真係要認真諗吓啦！以後都唔再嚟幫襯！
continue reading
Yeah今次去柏檔極品海南雞飯試咗佢哋嘅二人套餐，真係極品，值得俾5分！呢間餐廳好適合同朋友一齊聚餐，因為份量充足，性價比高，絕對唔會令你失望。❥ 麻香小雲耳呢個前菜清新爽口，雲耳口感脆嫩，麻香味道十足，開胃又好食。❥ 王牌無味精靚湯湯底清淡但味道相當濃郁，飲落去非常暖心，話晒係對身體好嘅選擇。❥ 海南雞海南雞肉質滑嫩，醬汁香濃，配搭雞油香飯，真係無得輸！米飯吸咗雞油嘅香氣，食落去口感一流。❥ 涵燒豬頸肉豬頸肉燒得恰到好處，肉質鮮嫩，味道濃郁，每一口都令人陶醉。❥ 細肉骨茶骨茶湯底香氣四溢，肉質軟爛，湯汁吸收咗香料嘅味道，十分入味。總體來講，柏檔極品海南雞飯嘅二人套餐真係好抵食，份量充足，味道絕佳，無論係聚餐定係約會都非常合適！如果你鍾意海南雞飯，一定要嚟試吓！
continue reading
食海南雞飯大家通常期待嘅都係食到滑嫩、有雞味、又唔會太肥嘅感覺-而舖頭係真係做到呢種效果，一路食一路驚嘆我自己都有朋友開海南雞舖明白都要處理食物絕對唔簡單所以都好欣賞店家嘅用心-再者叫埋肉骨茶簡直就好似蕃茄同薯條一樣嘅組合而且可以喺同一間舖頭食呢一個組合真係唔使再揀右揀，可以一次過叫！-另外最後有啫喱甜品都幾得意喺其他地方都冇㗎，我都鍾意個湯有一種返屋企食飯嘅感覺並且如果我住喺附近，相信會成日自己煮嘢食，嫌麻煩就直接過嚟叫外賣🥡🥢
continue reading