老馮茶居

Open Now

Now Closed

【油尖旺區】【老馮茶居】食過佢哋大埔店，覺得麻麻，不過之後凌霄哥同馬鮫哥約呢間，我心緒不寧之下就冇乜所謂。用 QR Code 落單，見到佢哋餐牌都好多錯別字，我尊重菜式名所以就唔修改直出，希望各位讀者明白。首先有 $8 嘅「茶介」，揀咗普洱嚟飲，正正常常，冇特別。我覺得 $38 嘅「老馮鮮蝦餃」同 $26 嘅「豉汁蒸鳳爪」幾好，而 $36 嘅「蟹子燒賣皇」、$26 嘅「古法牛肉球」、$35 嘅「咖哩蒸魷魚」同 $35 嘅「金牌魚翅餃」就略為失望，比較一般。反而 $32 嘅「蜆介鯪魚球」肉質幾實，個醬又香，我哋覺得唔錯。之後 $30 嘅「鮮蝦腐皮卷」、$38 嘅「懷舊蝦多士」、$23 嘅「香煎蘿白糕」、$35 嘅「沙嗲豬大腸」同 $28 嘅「古法千層糕」都冇乜特別，連埋馬鮫哥嗰杯 $18 嘅「凍檸檬茶」，埋單 $466。只能夠講，裝修係有情懷嘅，不過食物味道就唔算好大驚喜。。。（地址：旺角奶路臣街17號THE FOREST 2樓203-205號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：大埔區分店：1am1118#1amf

之前去過元朗同荃灣老馮，覺得都OK，今次來買旺角哩間比較新的鋪試下。系The Forest 二樓，算方便，裝修和寬敞比另外兩間好。服務(3分)- book左位，個40歲左右啊姐無乜禮貌- 其他後生伙計態度吾錯- 限時90分鐘，基本上OK，要吹水可能要搵其他，但點心鋪價錢，算唔錯。味道3分- 分量吾細-來老馮梗系希望食到老餅點心，咁都可以話吾少，好似  -沙爹豬大腸($35)     無臭味，夠”淋”,沙爹吾辣但夠香  -咖哩魷魚($35)    咖哩香得來吾辣，魷魚吾硬，  -牛腩腸粉 ($42)    - 比較少見，牛腩夠入味，吾黐牙，腸粉好滑  -糯米包($30)    除了形狀好似扁左D,味道都好似以前。  -蝦醬蒸腩仔飯($45)    哩個系貴小小，但腩仔分量夠，吾會太肥，蝦醬香得來吾咸-其他普通點心  -鯪魚球($26)    表面好似有D硬化，魚肉味吾夠   -牛肉球($26)      牛肉味吾夠，肉比較實   -蝦餃($38)     蝦吾夠爽，亦吾算大隻，但皮幾薄   -菜心($20)      中上水平抵食(3分)- 位置，裝修，環境，價錢加起來性價比還是不錯。-

老馮鮮蝦餃鮮蝦餃選用新鮮海蝦，手工包製而成🥳🥳🥳外皮薄透，內餡鮮嫩多汁🍤每一口都能感受到蝦肉的鮮甜，令人一試成主顧。蟹子燒賣皇燒賣皇以新鮮蟹肉為主料，手工包製😆😆😆餡料豐富，口感滑嫩。蟹子鮮香同肉質細膩相結合，令燒賣味道更加出色😋四寶滑雞扎四寶滑雞扎以新鮮雞肉同多種配料製作而成，口感滑嫩，風味獨特🍗🥙🫔非常感受到雞肉鮮美與配料的調和，令人食得津津有味🤓五柳炸雲吞炸雲吞外脆內嫩，選用新鮮食材手工包製🤟🏻✌🏻炸至金黃酥脆，充滿香氣，絕佳的開胃小食😎😎😎古法千層糕千層糕以傳統工藝製作，層次分明，口感柔軟😋😋每一層都散發天然香氣，十分滿足😆熱薑汁燉鮮奶新鮮牛奶同薑汁製作而成，溫暖舒適😌😚令人感受到薑微辣同奶香完美融合令人倍感溫暖🍵☕️芋蘑西米焗布甸焗布甸選用新鮮芋頭同西米，口感滑順，香甜可口🍯🍼🫘每一口都感受到芋頭天然風味，搭配香濃奶香，十分完美😋

已經係第四次嚟到老馮茶居聚餐，呢度無論講食物質素或者服務我覺得都做得好好講到食物有幾款係我特別鍾意同埋想推介畀大家：馬拉糕、章魚肉餅飯、蝦多士、酥炸芋角、蝦餃、燒賣、 鵪鶉蛋燒賣，以上呢幾款都係我嘅至愛誠意推介畀大家可以去試吓講到服務我留意到老馮茶居裡面有好多年青有活力嘅員工，見到佢哋每一個都非常勤奮，就算幾忙都好都係笑住做，見到食客呼叫亦都係馬上回應，十分讚老馮茶居環境寬敞適合一大班人去聚餐，而且地點非常就腳，喺旺角已經有一間

呢間點心店有好幾間分店，咁啱到旺角做嘢，一於lunch 試下佢。 入座/等位：平日中午十二點幾黎，都已經滿哂人。要攞飛仔等，咁啱四人位有人食完，等左五分鐘左右。 等嘅期間，可以寫定食咩。 環境：我會形容為半開放式空間，基本上成間店係無“牆”嘅。 都係一啲印左傳統店鋪嘅裝飾，應該係想營造露天大牌檔feel 嘅餐廳。感覺空間感幾好。 食物：鮮蝦腐皮卷，$30。 好脆同埋入面嘅肉係實嘅，食落唔空虛。牛肉腸，$28。 腸粉底食落唔會有工業膠感，就算放涼左都唔會變厚底，感覺到係新鮮整。肉都好好，唔會有一種一般牛肉腸嘅“腥”味。時菜，$20。 無咩特別，正常。 魷香肉餅飯，$39。好香，飯唔會太乾，十分適撈豉油同肉！ 肉餅都唔會過咸，成個醬油肉餅同飯配合得好好。 黑椒牛仔骨，$38。牛仔骨正常。 老馮鮮蝦餃，$38。皮唔穿有汁有滿足感，完全做到哂，無令我失望。 蟹子燒賣皇，$36。 食落豬肉份量肥瘦適中，我本身好鍾意呢款有嚼口但唔油嘅肉質。總結：我覺得呢間CP值係高嘅，特別放係旺角呢個地段。但多人黎食就真係要早啲攞位。

去開荃灣 老馮茶居 ，今次嚟到旺角 ，當然都試下啦，睇下乜嘢唔同。 正如我的標題所講，可能呢度租貴，所以要加一。喺地圖去搵原來我都兜咗幾個大圈，問街坊點紅點綠終於嚟到。不過原來呢度 ，就唔係好似荃灣咁， 呢度 係唔收查錢㗎。食咗個荃灣冇得食嘅 芋蓉 西米布甸， 30蚊有啲失望 ，好似冇乜料，味道真係唔敢食第二次。20蚊灼生菜又 okay 喎，做得好過荃灣。我多口問下夥記，係咪每一間老鳳都係差唔多？ 有一位阿姐話，佢哋基本上點心都係真係差唔多。 但係呢度性在打卡點多同埋啲位冇咁窄

🟡茶介每位$8，店內嘅裝潢充滿懷舊氣息，有舊時香港嘅舖頭設計，讓人彷彿回到從前充滿故事嘅年代，無論係同朋友聚會，定係獨自一人享受一杯茶，亦都係一個好好嘅選擇🤤🥰🌿環境：4.5/5🔔服務：5/5🌟推介指數：5/5

自費呢間位於旺角嘅主打懷舊中式茶樓我覺得都幾唔錯嘅佢有好多各式各樣唔同特色嘅點心我哋亦都嗌咗糖水嗌咗鯪魚肉佢嘅牛肉球都係幾好食都係佢哋嘅主打嚟嘅佢個環境真係勁靚，好似去咗中國懷舊風味咁樣，所以我覺得佢哋都好有心思做得好靚環境好好我都覺得好唔錯嘅我都幾鍾意佢哋呢間餐廳㗎服務質素高叫識點就已經有得食好快已經有得食㗎啦唔使等好耐㗎佢哋嘅茶葉都係好好飲嘅好有味道好有茶味我覺得價錢唔錯呀都適合嘅如果有興趣食點心都可以揀

放工落樓下食老馮茶居，裝修懷舊，好多打卡位，又用公雞碗筷，紅膠盤洗碗碟，好有舊式茶樓嘅味道。飲茶蝦餃燒賣腸粉蒸飯，基本點心唔少得，雖然唔似酒樓有咁多選擇，但樣樣都有一定水準。點心當中竟然有鮑汁柚皮鴨腳扎，已經唔係好多茶樓有得食 竟然喺呢度搵到真係有啲意外。柚皮處理得幾好，極度入味，冇乜渣，鴨腳入味，腐皮入邊係包蝦滑，經過好推薦試下！另外，蒸飯都好足料，米飯都蒸得好靚，算係粒粒分明。仲有燉湯都唔錯，試晒兩款，個人推介椰子燉鱷魚肉湯，唔似味精湯，好足料，亦好夠味道，可以一試。無論環境，食物同服務都好好，下次經過我諗我都會再食。

Yumcha and dimsums go hand in hand & when we’re in 🇭🇰 we can’t not have some right! 🤗. We visited @oldfung_tea_house in @theforesthk the other day and loved the decor and nostalgia that this place brings. The food was reasonably priced and taste overall was decent. The fried prawn in bean curd wrapped in rice rolls was amazing - definitely a must try 🤤.It’s a great place to sit & catch up, plus you get to enjoy some great dimsums 😊...#openricehk #foodsafari #hongkong #hklife #hkfood #hkfoodie #h

今天到旺角FOREST新開的點心店吃午餐，此店確實讓人眼前一亮，不僅裝潢充滿香港懷舊風情，點心的質素也相當出色。全日供應多款傳統手點心，食材非常新鮮，即叫即製，而且價錢經濟，還有蒸飯、甜品、燉湯、飲品等。每一個角落都非常有特色，裝修行香港懷舊風情路線，座位闊落，空間感十足，我們立即瘋狂打卡。蝦餃餃皮非常薄，透亮且富有彈性，內餡的蝦肉新鮮爽口，份量十足。四寶滑雞紥口感豐富。雞肉滑嫩。老馮鯪魚球鯪魚球外層煎得微脆，內裡魚肉鮮嫩，口感彈牙。金牌叉燒包叉燒包的包皮鬆軟，內餡的叉燒肥瘦適中，醬汁香甜而不膩。鮮蝦腐皮卷腐皮炸得金黃酥脆，內裡的蝦仁飽滿多汁，口感層次豐富。香脆的外皮與鮮甜的蝦肉完美結合。招牌牛腩腸粉腸粉的質地滑嫩，牛腩燉得軟爛入味，醬汁濃郁但不搶味，非常特別的腸粉。蝦醬蒸腩仔飯蒸飯的蝦醬味道濃郁，腩仔肉肥而不膩，入口即化。米飯吸收了蝦醬和腩仔的香味，吃起來非常入味。最後，我們還叫了凍奶茶。估不到這間茶居還有甜品和凍飲呢。點心質素相當高，食材新鮮，味道傳統卻不失創新，價錢也非常合理。加上店內的懷舊裝潢，確實是一個適合打卡和享受美食的好地方。

朋友介紹，第一次去食滿心期待，我沒有驚喜不特止，點心味精太重😞，食完後我飲到六七杯水以上，懷舊款式款不太多，食物份量比少而且價錢昂貴，店舖裝修以懷舊做主題可以值得打卡嘅，但服務一般,因為場內有位，但沒有人理會沒有人安排入座直到我親自問職員才注意到你😔

早兩日經過旺角呢間{老馮},見裝修幾懷舊，幾有特色，所以今晚專登帶朋友來試試，打吓咭。我哋點咗幾個點心，一路邊食邊傾，我哋都覺得味道不錯。正當呢個時候，我夾起一件鵪鶉蛋燒賣，咬咗一口，發現呢件,原來係fortune 燒賣，因為入面夾雜住一嚿紙，於是叫服務員嚟睇吓，佢9秒9想拎走，我叫住佢放低等我影相先，佢都唔理，拎去俾店長睇，之後個服務員行返埋嚟問我出過定取消，我話取消啦，不過都想影返嗰碟燒賣，保障返自己，之後個店長黑晒面咁行埋嚟，話碟嘢掉咗，我同佢講，我之前有叫過同事放低俾我影相，佢冇理我，轉頭你話掉咗？黑面店長好唔願意咁，叫同事執返俾我影。（成個過程一句唔好意思都冇），本身都嬲嬲哋，不過諗住同朋友聚會開開心心食飯其他嘢唔理，純粹想要返張相做紀錄！影完，同朋友繼續食繼續傾，差唔多食完枱面d食物，個黑面店長又出現，衝埋嚟收晒我哋d筷子碗碟，我哋同佢講，我哋未叫埋單喎，佢話：你哋係咪仲要吖？我俾過套餐具你哋！嘩！佢係咪驚我哋搞事？而想盡快趕我哋走？本來諗住小事一宗，食完埋單走就算，但睇嚟長店好希望得到表揚！電視台我就唔會報㗎啦，幫你出篇負評表揚吓啦😡

Bookmark咗呢間一排，又有朋友介紹總店好食，見佢開咗去旺角咁方便就同老豆去試吓。嗌咗個芋泥包、千層糕同蝦餃燒賣。嘢食未上，第一眼已經見到個碗同隻羹未洗乾淨。之後第一籠上咗個千層糕，咬第一啖就見到未食嗰嚿有一條毛攝住喺中間。我驚自己睇錯，360度睇多次，好肯定係攝住喺個餡中間而唔係有條毛黐住喺側面。但因為係同老豆食，費事掃興，就叫員工換咗佢就算。不過食完今次無下次。為咗畀負評要寫多幾隻字，想補充籠燒賣等咗好耐都未到，要主動催單先有，上枱時仲要串一串客人；千層糕攝住條毛亦無主動話道歉，好彩我影咗幅相。

老馮茶居 - 現代茶樓的美味饗宴位於旺角的「老馮茶居」是一家新式的香港茶樓，這次我特別前來品嚐他們的各式點心，整體用餐體驗相當滿意。首先，蟹籽燒賣王的口感讓人印象深刻。燒賣皮薄而有彈性，內餡餡料豐富，搭配蟹籽的鹹香，讓整道菜式增添了不少層次。每一口都能感受到新鮮的海味，令人回味無窮。接下來的香煎蘿蔔糕則是另一道值得一試的美食。外脆內軟，搭配香葱的清香，吃起來口感極佳，特別適合搭配一點甜醬油，讓味道更加出色。老馮鮮蝦餃的蝦仁新鮮飽滿，皮薄透明，內餡的鮮香在口中綻放，讓人不禁想再來一籠。四寶滑雞扎則是將雞肉、香菇、臘腸等食材一同蒸製，味道十分豐富。另一道值得一提的菜是豉汁蒸鳳爪。鳳爪經過慢火蒸煮，肉質軟滑，搭配豉汁的香氣，讓整道菜色散發出獨特的風味。八珍糯米雞則包裹得相當緊實，米飯的香氣與多樣的配料非常搭配。除了主菜，甜品方面的紅棗糕和流沙芋頭包也非常受歡迎。紅棗糕軟糯甜美，而流沙芋頭包的流心設計則讓人驚喜，香甜的內餡讓人一試成主顧。最後，咖喱蒸魷魚和蔥花蝦米腸也各具特色，魷魚的香氣與咖喱的搭配，令人感受到不同的風味，而蝦米腸的Q彈口感更是讓人愛不釋口。整體來看，「老馮茶居」不僅在菜式上呈