越北牛肉粉專門店

Open Now

Now Closed

餐廳：越北牛肉粉專門店地點：西灣河太安樓菜式：越南菜餐牌：下午茶餐超多款，有湯粉、湯檬、撈檬、飯類等，包熱飲，凍飲加$3，可以以優惠價追加小食。順化香茅牛肉撈檬 $59 另加一香茅牛肉份量好多，整得脆脆地，好香口，味道都唔錯。伴有好多幼身檬粉，凍檬撈枱上魚露好正。仲有青瓜絲，生菜絲，酸紅白蘿蔔絲，薄荷葉，脆脆同蔥油，材料豐富，夏天消暑之選！越北招牌手切牛柳湯粉 $68 另加一呢款越北招牌手切牛柳湯粉係限量，大大碗熱辣辣上枱，手切牛柳薄薄地，已經加左黑椒調味，口感好嫩，又瘦。湯粉類可選河粉/檬粉。河粉好幼身，非常嫩滑，分量好多！配個清清地既牛肉湯好味道。配料有白蘿蔔一件，芽菜，洋蔥圈，金不換，蔥條同蔥花，加添口感同味道。另上青檸同辣椒比你。越式酸辣鳳爪 加$28 另加一越式酸辣鳳爪一共7件，好爽脆，配有紅蘿蔔絲，洋蔥絲，西芹，墊有生菜絲，味道酸酸辣辣，唔會太辣，好開胃。越式烤豬頸肉 加$28 另加一呢個越式烤豬頸肉係跟餐小食。豬頸肉一客6片，熱辣辣上枱，燒得外脆內嫩，好食呀。面頭加上脆脆同蔥花，伴有酸甜蘿蔔絲同墊有生菜，可解膩。水晶芒果冰沙 加$8 另加一水晶芒果冰沙係芒果冰沙面頭加上好

今日喺西灣河放工路過太安樓見到有間食越南菜嘅餐廳叫越北牛肉湯專門店之前食過印象唔錯而且仲繼續有下午茶供應就入去食啦✨越北生牛肉牛丸湯粉🍜🐮有生牛肉同埋牛肉丸上菜時見到仲係紅色嘅生牛肉🥩好快就俾啲熱湯灼熟🔥生牛肉有三大塊🥩塊塊都係手掌咁大似係牛板腱肉牛丸係有好重牛味嘅牛筋丸湯粉面頭有好多䓤🧅🥬好睇之餘又好有青草味啲䓤有舊白蘿蔔墊底🥕白蘿蔔索哂湯嘅鮮味，又掛湯河粉煮得剛剛好🍜份量亦好多，食極都仲有🤟🏻湯底鮮甜，食完碗麵都唔會口渴😋✨越式酸辣鳳爪🦴🐔🌶️鳳爪有八隻🤟🏻仲有好多沙律菜伴碟有紅蘿蔔絲，紅洋蔥絲同埋芹菜絲🥕🧅🌶️食落好好掛汁💦成碟菜酸酸辣辣好開胃👍🏻鳳爪食落爽脆唔霉✨熱奶茶☕️🧊奶茶茶味濃典型港式奶茶味道👍🏻餐廳位置闊落枱枱櫈櫈亦好乾淨侍應態度真係幾好誠懇有禮👍🏻👍🏻仲好有笑容性價比甚高🤟🏻會繼續幫襯

越北牛肉粉專門店西灣河筲箕灣道57-87號太安樓地下G23號舖經開太安樓，老友推介特色越南菜，環境舒適，食材新鮮，入去嘆下先。😽越北火車頭河粉+招牌手切牛柳檬粉新鮮配料有手切牛柳、生牛肉、牛展、牛肉丸和白蘿蔔，口感煙韌，爽口彈牙，肉汁豐富。加炸蒜、香蔥、洋蔥、芽菜和香葉提升層次，湯粉又香又滑，配鮮甜牛骨湯，好味道！😍越式烤豬頸肉外層香脆，口感煙韌，肉汁豐富，香氣四溢，推薦！😋峴港炸蝦餅煙韌彈牙，鮮味十足，鹹度適中，加酸辣醬 效果更佳！😽凍鹹桔水醒腦提神，冰底夠凍，飲完好舒暢。😸凍奶茶口感順滑，甜度適中。😉越北牛肉粉專門店 環境舒適，食材新鮮，侍應服務態度好，回頭率高。😎🤘🏻

明明 Open Rice 寫10:30閂門，個趕住收工嘅經理 9:30 pm 叫你埋單。佢讕係有唔同方法俾錢，當你話要俾八達通，你又要由座位跟這趕住收工的經理去櫃檯。咁樣嘅服務，你作為消費者，會點揀？

餐廳：越北牛肉粉專門店地點：西灣河太安樓菜式：越南菜餐牌：下午茶餐超多款，有湯粉、湯檬、撈檬、飯類等，包熱飲，凍飲加$3，可以以優惠價追加小食。越北生牛肉湯粉 $56 另加一越北生牛肉湯粉大大碗熱辣辣上枱，牛肉多片，真係粉紅色上枱，肉質都好嫩，唔會太肥。湯粉類可選河粉/檬粉。河粉好幼身，非常嫩滑，分量好多！配個清清地既牛肉湯好味道。配料有白蘿蔔一件，芽菜，洋蔥絲，金不換，蔥條同蔥花，加添口感同味道。另上青桔同辣椒比你。越北招牌手切牛柳湯粉 $68 另加一呢款越北招牌手切牛柳湯粉係限量。手切牛柳薄薄地，已經加左黑椒調味，口感好嫩，又瘦。越式烤豬頸肉 加$28 另加一呢個越式烤豬頸肉係跟餐小食。豬頸肉一客7片，熱辣辣上枱，燒得外脆內嫩，好食呀。配另上既甜酸汁更好味。面頭加上脆脆同蔥花，伴有酸甜蘿蔔絲同墊有生菜，可解膩。越式酸辣鳳爪 加$28 另加一越式酸辣鳳爪一共6件，好爽脆，配有紅蘿蔔絲，洋蔥絲，西芹，墊有生菜絲，味道酸酸辣辣，唔會太辣，好開胃。水晶芒果冰沙 加$8 另加一水晶芒果冰沙係芒果冰沙面頭加上好多水晶珠。芒果味唔會太假，口感滑溜而食到粒粒脆水晶珠，特別！椰汁紅豆冰 加$8 另加

見完客同朋友喺附近食埋個晏先走呢間餐廳嘅食物都幾多選擇，員工忙起上嚟都好好服務，讚👍🏻✨越北四寶飯有香茅豬扒、香茅雞翼、扎肉同蛋餅，香茅豬扒烤至外焦內嫩，雞翼烤至金黃，香氣四溢，蛋餅入面有多種配料入口豐富✨越南咖啡豬軟骨飯咖啡醃製嘅豬軟骨，風味獨特，口感爽脆下午茶仲可以追加小食✨越式酸辣鳳爪鳳爪入味，脆嫩可口，酸辣又開胃✨馬拉盞通菜帶有微微辣味同香氣，口感爽脆，送飯一流～✨凍奶茶茶味芳香清純，飲落唔會澀

越北牛肉粉』品牌創立於2 0 1 5 年, 各分店以舒適環境、殷勤服務、高品質出品及大眾化價錢服務顧客群。公司管理層及出品團隊會不定期遠赴越南及東南亞各地搜羅正宗的優質食材, 而中央廚房同事亦非常注重食物的生產流程, 以最新鮮的食材, 高規範的食品衛生, 力求為顧客提供既優質又安全的食品。凍冰冰想試下越式火鍋 門口就大大個餐牌星期日晚好多人排隊，近排少的見，可能太凍個個都唔想洗煮飯洗碗。吹左半個鐘頭風等位，入到去就話無火鍋。咁就應該門口拎走去或者寫清楚啦。真係處理得好差。

買完六合彩就過咗嚟食嘢啦，所以係緣份😂😂但係性價比真係幾高👍🏻🐷 燒豬頸肉撈檬🍜豬頸肉外脆內嫩，燒烤得恰到好處，散發著誘人的香氣。搭配細滑的檬粉，特別是在淋上特製的醬汁後，味道更是層次分明，酸甜適中，回味無窮！越北三寶湯河粉🍲湯河粉的湯底清淡卻鮮美，搭配豐富的配料，包括香脆香茅豬扒、炸雞翼和扎肉，讓整碗湯粉色香味俱全。🥥椰汁冰🧊飲品清爽可口，椰汁的天然甜味搭配冰塊，讓人感到無比舒爽🫚熱老薑蜜🍵 也讓我印象深刻。這款飲品溫暖心腸，老薑的辛香與蜜糖的甜蜜相互融合，喝上一口，整個身體都感到暖和，特別適合寒冷的日子。

今日黎到太安樓發挖美食。 下午茶好抵食越北火車頭（生牛肉，牛腱，牛肉丸）（ $68 ）每次食越南粉必點的一道河粉，湯底用上多款材料熬製異性，味道非常鮮甜，帶有牛肉香氣，河粉上有著鮮嫩薄切的生牛肉片，彈牙的細小牛丸和牛展。配上香葉金不換，芽菜丶青檸丶辣椒等香料調味，增加層次和豐富口感。越北炸春卷（ +$20 ）春卷外脆，䐄料豐富。 三色鹹檸七（+$8）鹹檸七飲得多， 第一次見有三款檸檬的飲品，包括檸檬、青擰和鹹檸檬。層次感豐富， 好飲。

越北牛肉粉專門店西灣河筲箕灣道57-87號太安樓地下G23號舖經開西灣河，老友推介地道越南菜，環境舒適，食材新鮮，入去嘆下先。😽越北三寶湯河粉面層放了炸蒜、香蔥、洋蔥、芽菜和香葉，慢煮牛骨湯鮮甜冇味精，湯底畀我清曬。河粉吸收了湯底的精華，又香又滑。雞翼、豬扒和扎肉醃得夠入味，大滿足！😻胡椒豬肉法包法包爽脆煙韌，牛油香慢慢滲出，配料有新鮮青瓜絲、甘筍絲、粉絲、辣椒和胡椒豬肉。豬肉口感煙韌，肉汁豐富。咬中辣椒，辣度提升，好暢快，推薦！🤤越式蒸粉包即叫即蒸，皮薄餡靚，餡料新鮮，醃製得恰到好處，面層有炸蒜和香蔥提升層次，配酸酸甜甜的醬汁，好開胃！😍馬拉盞灼通菜通菜新鮮爽口，馬拉盞調味恰到好處，鹹度適中，好惹味！😸熱滴漏咖啡咖啡味濃郁，將煉奶攪勻，又香又滑，甜度適中。😋椰汁仙沙冰椰汁香濃，冰底夠凍，飲完好舒暢。😁越北牛肉粉專門店 環境舒適夠地道，食材新鮮湯底正，侍應服務態度好，還會再來。😎🤘🏻

今日和朋友睇完戲，佢提議去太安樓地下越北牛肉粉專門店醫肚。下午茶時段有好多實惠下午茶餐，所以店坐滿捧場客，好不熱鬧。我們叫了一份法式牛柳粒紅飯，雖然係下午茶餐，但份量好足，夠兩個人分享。個飯新鮮熱辣賣相吸引，食落都好好味。個飯炒得好，有蕃茄味，開胃，不油膩，飯口感佳。牛柳粒有肉香，無渣，好食。有塊旦餅內有粉絲肉碎木耳有特色。推介!這裏牛肉河出名，所以不可不吃招牌越北火車頭湯粉。這越式湯粉湯頭清甜，河粉香滑，生牛肉，牛展，牛丸和配菜白蘿蔔都好食。每個餐可優惠價配一份小食。我們叫了兩份小食。越式烤豬頸肉有水準，肉香有咬口，愈食愈想食。香芧雞翼有肉汁，調味佳，好食。特飲加$8超值。我鐘意椰汁紅豆冰，香甜。朋友欣賞佢杯酸甜的芒果沙冰。吃飽飽大滿足人均消費$102，不用加一，性價比高，推介!

OT完剛好係太安樓附近收工，就當然約埋同事食埋個晚餐先返屋企，同事就帶左我去越北食個越南菜。餐廳光線好足，空間感都大，所以坐得都係舒服嘅。食物方面都有好多選擇，有湯麵、飯、小食…仲有得一人火鍋添。我地叫左兩個湯麵套餐，先嚟升級左兩杯特飲- 薄荷青檸梳打同埋三色咸檸七。兩杯飲品都唔錯，解渴一流。同事就嚟一碗 越北生牛肉湯河，係店中招牌之選。同事話個湯底味道濃得嚟又唔會咸，半生熟嘅牛肉夠嫩滑，而河粉都好滑身，亮點就係加少少魚露酸甜汁一齊食，即刻令到整碗湯河升級晒，酸酸甜甜超開胃。我就係蕃茄蟹肉扎肉蝦丸湯檬，濃郁嘅蕃茄湯底已經好吸引我，入口仲好鮮甜，而入面仲有鮮甜嘅蟹肉、彈牙蝦丸同埋有咬口感嘅扎肉，再加埋爽口嘅檬粉，唔我口味…大愛。

呢間越式餐廳我哋經常都去食晚餐，今次我媽又襯我返學期間同爸爸去呢度嘆個下午茶先雞絲扎肉湯河粉河粉好幼滑，清湯底唔會過鹹，加上幾索湯汁嘅雞肉絲同本身帶調味嘅扎肉，整體味道唔錯法式牛柳粒紅飯份量對於下午茶嚟算多，牛柳粒面有黑椒調味,肉質有少少鞋口但係咬開有Juicy牛肉汁，飯粒將茄汁完全吸收大頭蝦膏通菜超香蝦膏味，通菜夠爽脆香茅雞翼炸得啱啱好，雞翼皮脆肉嫩，不過唔係好聞到香茅味椰汁紅豆冰成杯都白雪雪椰汁沙冰將杯底紅豆差唔多覆蓋晒，同時將紅豆味壓下去，不過都係好飲嘅越南椰汁冰咖啡咖啡酸味好出，椰汁提供咗醇滑感同香甜味，同時唔會柔化咖啡獨有嘅酸味

今次黎到西灣河食越南野，下午茶時間好多人幫襯，等咗一陣就有位喇， 下午茶餐都有好多唔同嘅選擇，有湯麵，飯，小食，所有套餐都會配嘢飲越北四寶飯四寶飯有香茅豬扒，香茅雞翼，扎肉，蛋餅， 一個飯有曬四款越南小食，啱曬我呢啲鍾意食小食嘅人 😆，豬扒同雞翼炸得好香脆，扎肉同蛋餅就好軟熟，尤其是蛋餅裏面有粉絲和唔同嘅材料，好得意越式沙嗲。牛肉牛肉丸湯粉今次見到有沙嗲湯底，咁就一於試下，好夾喎，好似沙爹牛肉咁，啲牛肉就好嫩滑，梗係正過啲鮮牛啦，牛丸就彈牙，湯底又正 🥰河內炸春卷 & 豬頸肉小食加配咗春捲和豬頸肉，兩個小食都炸得好香脆，豬頸肉仲大大快 😊熱老薑蜜 & 水晶芒果冰沙熱老薑蜜薑味很重，仲有蜜糖好滋潤芒果冰沙上面有啲好似魚子嘅水晶好得意， 芒果味濃鬱，甜度適中

西灣河有3間同一集團，揀咗越南茶，個下午茶餐都算抵，如果叫粉麵類。燒牛肉撈檬，份量算幾多，粉同肉都足夠，而且味道幾好。椰汁冰+$8，相對就一般啲，正常啦。朋友唔餓就叫咗個唔知咩嘢係海防肝醬小法包，應該係超迷你先唔，啲醬多到呢，又唔知咩味，食緊啲咩，個包就夠脆，唔建議試，叫返正常餐質素有保證。椰汁凍咖啡+$8，衣期興嘛，都有椰汁同咖啡味，正常咁囉。朋友上次食過西貢咖哩牛腩湯粉，話十分好味，推薦，所以再來。