賣撻

Open Now

Now Closed

今次介紹小店係：賣撻My Tart今次幫襯係朋友介紹，朋友提到賣撻 My Tart 剛剛由西九龍中心搬遷到沙田石門達利廣場啲新工場，短短一段時間，已經成為該區的人氣烘焙店之一。由擁有20年烘焙經驗的師傅主理，選用優質食材（如意大利開心果醬)，係深水埗去區可以搭286C，坐幾個站就到石門，當日走個陣就選搭地鐵，店鋪好近石門站，穿過好多野食京瑞廣場一二期，行2-3分鐘已經到達，非常就腳，佢地signature嘅冰袋隨處可見。近排好多餅店都大推開心果，見佢哋有開心果撻同蛋糕，我係愛撻之人必選撻底，用料十足，採用100%意大利開心果醬，搭配岩鹽焦糖忌廉，低溫烘烤果仁粒，口感濃郁且帶鹹甜平衡，賣相又貴氣又吸引，同老闆傾過傾知道，做撻底部分係有助外送，唔會到客人到時成個蛋糕散哂。老實叫得撻底係比較脆硬，切勿用一般膠刀，因為膠刀難一刀切到餅底，我就用匙羮，由頂層開始一層層去慢慢嘆，品嚐每一層味道，頂層部分喺開心果忌廉加上開心果碎，第一啖食落去就體驗到一陣好清開心果忌廉味，唔會好太甜又唔太膩，而且開心果味道好出，依一啖自然想食第二三啖，中層切開係炒香啲開心果醬，口感同味道好有層次，滑順嘅開心果慕絲，鬆

估唔到有美食沙漠🏜️之稱嘅馬鞍山有一間咁高質嘅手工蛋糕小店「賣撻」，每件蛋糕🎂甜品都係全人手用心製作，蛋糕或者撻品選擇眾多，仲有多款人氣口味，開心果、夏威夷果仁同近排大熱嘅薄荷朱古力口味都有🤗🤗完全係升職慶祝、散水餅、回禮🎁party cake 嘅好選擇😎除咗一人份嘅蛋糕🍰外，哩到仲有放大版嘅5吋家庭分享size 嘅蛋糕🎂今次我就一早預訂了人氣打卡之選 - 富士山一嚿雲 。薄荷朱古力撻🗻🎂拎蛋糕個陣真心靚到嘩咗一聲🤭蘋果綠色嘅富士山🗻造型超級吸睛👀 記得要放埋手工製棉花糖再打卡📸📸外層薄荷cream 包覆添入面5層嘅內餡🥰朱古力碎、薄荷朱古力慕絲、海綿蛋糕、薄荷啫喱，每一層都有驚喜❤️每一啖都食到多重口感，先係脆身嘅黑朱古力碎🍫，再嚟係軟綿綿嘅海綿蛋糕，最後係食落唔會過甜反而薄荷啫喱嘅薄荷好出，仲有一陣清新嘅感覺🥰最出色就要數牛油皮曲奇撻底，牛油味香濃而且撻底十分鬆化💯💯雖然價錢上唔算平，但無論係賣相定味道都相當高質，值得一試，回頭率💯💯下次要試埋個開心果千層撻😎😎

今日朋友生日，有朋友推介石門這一間蛋糕店。每天自家製造。在眾多款蛋糕內揀了朋友最愛的開心果口味。其實開心果蛋糕都幾難搵。開心果戚風蛋糕（5寸）（$360）好可愛，又好食和好似Jelly Cat的開心果戚風蛋糕。餅面舖滿了大量粗粒的開心果碎及香滑非常香濃的開心果忌廉和岩鹽焦糖忌廉。內裡有三層鬆軟開心果戚風蛋糕，中間夾住香脆焦糖的開心果碎和細滑的開心果吉士忌廉，Yumyum！happy birthday my friend

為左慶祝週年紀念，終於俾我物色到一間令我鍾意既蛋糕店估唔到沙田有間隱世手工撻，手工蛋糕店毫不猶豫地簡左開心果戚風蛋糕蛋糕仲可以簡可愛表情餅面佈滿粗粒開心果碎，有口感之餘食起上來十分滿足外層擦一層食用花香滑開心果忌廉，切開內層有一層層濃厚開心果忌廉及鬆軟開心果蛋糕中層有香濃開心果吉士忌廉Cream 一啲唔膩，忌廉細滑，香濃，足料，甜味恰當店舖仲有唔同size 撻訂造，迷你撻size都有，仲有手工蝴蝶酥，最難忘係粟米湯味，好特別全部made in Hong Kong

一直都好支持本地小店，所以每次朋友生日都一定會喺網上訂蛋糕，今次就訂咗呢間用夏威夷果仁撻出名嘅cake shop不嬲都好鍾意食夏威夷果仁今次竟然全個蛋糕以夏威夷果仁為主題，成個蛋糕都超級真材實料，除咗表面見到真係有夏威夷果仁之外，裏面嘅內涵層層都好有驚喜，而且係用唔同嘅夏威夷堅果做出嚟，嘅配搭非常之出色，無論係最表面嘅cream有加入夏威夷果仁，中間有焦糖夏威夷果仁碎，夏威夷果仁粒粒吉士，岩鹽焦糖忌廉，最出色一定係佢哋招牌嘅撻底，牛油香之餘仲非常之鬆脆，整體甜度都好適中，同朋友大家都好鍾意，下次一定要試埋佢哋其他款式

屋企人生日，想食特別d既蛋糕，上網見到「賣撻」評價好高，就訂購富士一嚿雲試試。 首先，做型已經好靚，食之前加上綿花糖雲，打卡一流，連紅白藍保溫袋都好靚，又可以影多幾張相。🤭 薄荷朱古力好清涼，完全唔膩，曲奇撻底真係好好味，酥脆可口，我最鍾意。 已經推介比好多朋友，一定會再幫襯，試其他口味。老闆親切有禮，拎撻時仲請我食蝴蝶酥，好開心！😆 平時食蛋糕大家都怕肥，要切細細件，今次竟然大家食左都想encore，下次要買大個d. 第二日仲帶朋友去買現貨，細撻款式都好多，花多眼亂，朋友買左兩款，食過話要試埋其他口味！

小朋友生日媽媽準備咗My tart「香濃開心果撻」之前已經食過「賣撻」夏威夷果仁撻，太好食！所以今次encore🥰呢間店出名手工製撻，撻皮超香牛油味🧈仲有層朱古力醬，開心果撻賣相超靚，好岩打卡📸面層係creamy開心果忌廉😍加上開心果碎，中層係海綿蛋糕及開心果醬，口感同味道好有層次！蛋糕仲有紅白藍保溫袋pack，超特別！😉

朋友介紹呢間樓上舖有多款不同口味的蛋糕🍰早兩天預訂咗同家人慶祝的生日蛋糕🎂呢款焦糖夏威夷果仁蛋糕賣相吸引🤩從材料和風味都好特別 外層奶油好柔滑，帶點淡淡的香甜，口感輕盈；焦糖的甜味與微微的苦味交融，增添了蛋糕的層次感；夏威夷果仁帶有酥脆的口感，與奶油和焦糖的柔滑形成鮮明對比，獨特的堅果香氣使整體風味更加豐富；蛋糕底部柔軟，保留了濕潤感，與奶油及焦糖的搭配非常和諧。簡單的鮮花裝飾增添視覺美感，也為整體帶來一絲清新的味道。總體而言，這款蛋糕在口感和味道上都非常平衡，既有甜美，又有堅果的香氣，食落好好味又滿足😌

✨賣撻（石門）社交平台時不時見人地食呢個蛋糕講到好吸引 自己平時食開都係連鎖店多～見大家對呢間蛋糕店都讚不絕口 近排開心果又大熱咁就買翻個開心果撻同屋企人一齊食😆撻面灑上開心果碎 成個賣相都好吸引🥳撻皮好酥脆 忌廉部分食落又唔會好甜膩 同埋開心果味道好出 成個撻都好有層次感 紅白藍保溫袋好有香港情懷haha開人果撻都咁出色好想試埋佢其他口味😛佢地仲有mini撻 /5吋/6吋/8吋選擇架😆▫️鋪頭好近石門站 行2-3分鐘已經到達 非常就腳✨開心果撻✨🥧 招牌香脆撻底🎂 開心果海棉蛋糕🟢 低溫烘烤開心果仁粒粒🥣 開心果吉士忌廉🟤 焦糖開心果果仁粒粒🏔️ 喜馬拉雅山岩鹽焦糖忌廉💚 開心果裝飾忌廉* 選用意大利100%開心果醬 *

石門有好多隱藏在工業大廈的寶藏小店，依間「賣撻」就係由網店做起嘅人氣烘焙店有五、六、八吋撻選擇適合生日慶祝另外也有迷你版，做散水餅/升職餅一流（要預先2-3天預訂）🌟香濃開心果撻外型用開心果忌廉整到好似箭豬咁😆切開係炒香的開心果、滑順嘅開心果慕絲、鬆軟的海綿蛋糕，層次分明又口感豐富！開心果味唔係香精嗰種假，甜得恰到好處，不會過甜，所以用上這麼多忌廉都唔會太Heavy，連平時唔太鍾意甜食嘅朋友都讚不絕口我最鍾意底層嘅曲奇撻皮，散發住濃郁嘅牛油香味！個撻皮整得咁buttery 咁香脆，難怪小店個名可以叫賣撻！🔴⚪️🔵另外佢嘅包裝袋採用紅白藍設計，好有本土特色，拎去送禮一啲都唔失禮！

賣撻已經成為my favourite tart, 每逢有朋友生日慶祝就會訂呢一間主打手工蛋糕餅撻嘅舖頭，佢嘅蛋糕有別於一般傳統蛋糕店，老闆以前做咗20幾年酒店蛋糕師傅，不停去鑽研整餅嘅技巧，創作咗好多賣相精緻唔同口味嘅特色蛋糕。店舖嘅蛋糕有別於一般蛋糕嘅底層，會以曲奇餅底做底層，鬆脆且有牛油香味，每一款嘅內層更加係非常之有層次。今次朋友生日，知道佢係開心果控，就訂左款五吋size嘅香濃開心果撻，頭層佈滿打到超creamy嘅開心果忌廉加上開心果碎，中層配上海綿蛋糕及開心果吉士，底層就有超香牛油味脆卜卜嘅餅底。每一口都帶出不同層次及口感。

開心果控必食 「賣撻」係小編朋友介紹的一間餅店，小編朋友大力推薦佢哋開心果撻，令我都忍唔住想試吓。開心果撻賣相超靚，好岩打卡！面頭仲灑左啲開心果粒，增加口感口味方面一如小編朋友所講非常平衡，層次豐富得來，不會互相搶味。開心果忌廉吉士的果仁香和喜馬拉雅山岩鹽焦糖忌廉的焦糖芳香意想不到地夾，亦係平時少見的組合。招牌撻殼亦可見店主的一番心思，搽上黑朱古力，比其他店用白朱古力的成本更高，同時亦為整體帶來一點苦澀，令開心果撻口味更豐富。

🌟✨ 在工業區的隱秘角落，藏著一間不太顯眼的小店，卻是撻界的寶藏！這裡是「My Tart」，一人工作室的老闆兼師傅，對撻的熱愛與堅持，讓每一口都充滿故事。🍰💖📍 位於沙田安麗街18號達利廣場18樓，這裡的撻不僅僅是甜品，更是一種藝術。師傅用心選擇每一種材料，從入口貨到手工製作，無一不透露著對品質的追求。雖然價格可能讓人認為小貴，大size畢竟也要三兩佰元，但當你品嚐到那份用心的質素，便會明白這一切都是值得的。💎今天我點了開心果千層撻，香濃幼滑的開心果味在口中綻放，搭配香脆的撻底，每一口都是幸福的滋味！😍✨ 這份撻的外貌精緻得讓人不忍心下口，真想問問老闆，您是不是處女座或天蠍座呢？🤣每一個撻都是一份心意，這裡的每一口都讓人感受到那份熱情與專注。來到「My Tart」，不僅是品嚐美味，更是體驗一段甜蜜的旅程。💫我特意叫老闆拎咗個撻出嚟 唔好入盒住，畀我喺佢啲靚靚裝飾前面影下相先其實呢間小店有好多好值得大家影相打卡嘅地方添呀，仲有蝴蝶酥同埋其他產品賣，價錢都唔係太貴 ，下次我都會試下佢嘅蝴蝶酥📍 沙田安麗街18號達利廣場18樓1812室 (石門)#生日蛋糕 #手作甜品 #升職餅 #散水餅 #

姨甥女生日🎂上次聖誕食過My tart嘅開心果撻好好味，今次就買佢另一個王牌，夏威夷果仁撻慶祝佢生日🎉🎂堅果の后•夏威夷果仁撻🎂🥧手工香脆甜撻殼🎂雲呢嗱籽海棉蛋糕🟠焦糖夏威夷果仁粒粒🥣夏威夷果仁吉士忌廉🏔️喜馬拉雅山岩鹽焦糖忌廉🌸夏威夷果仁繡球花造形忌廉🔘夏威夷果仁裝飾裙邊🌼食用花同🍫logo裝飾靚靚繡球花造型，切開有12 layers，忌廉有焦糖味，食落唔會膩，海綿蛋糕鬆軟，夏威夷果增添口感，撻底塗左層朱古力，所以保持到鬆脆，堅好食👍🏻我今次買5吋size，佢有mini/5/6/8吋，mini size 啱晒開party/婚宴/散水餅/升職餅架📍賣撻沙田安麗街18號達利廣場18樓1812室超近石門站

🗻有個朋友超中意富士山，搵左幾間，見到呢個富士山好可愛，蘋果綠色的富士山，上面仲有一舊雲，十足我個frd🤣就决定訂呢間。🗻舖頭好方便，石門站出口去到舖頭都唔洗5分鐘，上到去有個叔叔開門，好貼心，問我地去的地方遠唔遠，預備埋冰袋俾我地。🗻個蛋糕真係好靚好可愛，食之前放舊雲落去，切開係薄荷朱古力饀，有薄荷朱古力慕絲，薄荷啫喱，朱古力碎同埋朱古力海綿蛋糕。🗻食落個薄荷朱古力味好濃郁，薄荷味好清新！再加埋個香脆嘅餅底，食得出係好用心嘅製作！