梅花邨小館

Open Now

Now Closed

一直mark 左favourite 呢間，終於有機會去試.初頭諗住佢舖頭細細怕Sat唔方便book位，打電話問一問，佢都歡迎訂位，佢就講明有機會萬一有客都要搭枱，ok嘅.有好多嘢都想試，但只記得影一部分食物.必點 1️⃣-滷水鵝片-，滷水個味係甜鹹香平衡得最好，有豆腐墊底，豆腐鵝片都好入味.必點 2️⃣-蠔餅-，出面好多都貪方便全個炸，同埋一大層生粉係入面，佢好少生粉，生蠔都好足料，半煎嘅煮法，超正.必點3️⃣-豬紅韭菜-，平時少食豬紅，呢間真係好似喚醒我對豬紅嘅味道（亦都可能係我自己少食大驚少怪），佢個汁入晒豬紅，好味.韭菜有啲痴牙. 最後太飽食唔晒，我連汁都打包，返屋企加白蘿蔔再煮，一流！其他推介 - 沙爹菜心河，我見好多人都推介，都好食嘅，不過就無乜特色，我個人對沙爹唔係太好，覺得太濃味，但我都覺得ok值得一試.因為舖頭細，唔好太介意前後會有人少少掂到，服務員似做街坊生意個啲，有時輕鬆下笑下都無乜所謂！中段佢要求加人搭枱，位置上係無可能，完全100%阻檔出入通道，最後都平靜友善咁解決左. 我會再試其他食物，㨂平日去會方便啲.

omg my god this place serve very good and traditional chauchou food.the tofu is super soft and taste crazy.very nice quality. i seperately order 48$ of it.but the goose is normal , i cant feel any goose oil taste.the pork belly is excellent, so soft and juice. the bottom placed sweet vegie is good yum.lovely will come back.

weekday約朋友一起摸杯底，個friend介紹一間小炒。雖然訂左位，準時到門口，4位爭一位都唔畀入，晚市來講，不太接受。大熱天時要企街，有點掃興。好在個位仁兄都系遲少少。順利入座後，嗌極點菜都冇人理，侍應人數嚴重不足。幾味小吃都算正常，豬肚湯味道不錯，但薑蔥魚腩就麻麻。整體而言，未到出色地步。而且環境吵雜，唔適合聚餐，最好食完即走。

梅花村小館潮州菜是一家以潮州菜系為主打的餐廳。潮州菜以清淡、鮮美、清新為特色，注重原汁原味的烹飪方式，常以海鮮、蔬菜和豬肉為主要食材，口味清新爽口。梅花村小館潮州菜可能以其地道的潮州風味、新鮮的食材和精湛的烹飪技藝而聞名。如果你喜歡潮州菜，不妨去試試看梅花村小館潮州菜的特色菜品，或許會有意想不到的驚喜。

Lunch time同同事經過見到呢間餐廳冇乜人唔使排隊，於是就試吓🌟。餐廳似乎係主打潮州菜🍽️，不過午餐都有唔同嘅小炒、炒粉麵飯🍲。不過一場嚟到，都係試吓佢哋嘅招牌滷水啦🥘。鵝片腩肉河🦆：鵝片唔算太嫩，可能因為係湯河嘅原因，所以唔算好重滷水味👅。似乎朋友叫嘅鵝件會肥啲多啲油香🍗。整體味道還好👌，諗唔到食乜都可以試吓🤔。

今午妹妹帶我們到訪她之前常去的潮洲小館吃午餐，話說到訪人多，吃完便要走😁。所以11:40am便到，很快便安排入座，左右兩排放上幾張中國色彩木製的圓枱和圓櫈，牆上舖上中國壁畫，很有中國風味😄老闆娘都很親切地介紹食物，見她和常其他客人互動，大家都很相熟。💥鹵水豆腐 $45👉👉表皮一般，但內裡卻很滑溜👍💥招牌蠔仔肉碎粥(碗) $70👉👉一大碗充滿着豐富的紫菜肉碎蠔仔粥，飽滿的蠔仔，粥底也很鮮甜😋💥潮洲炒河 $65👉👉蝦,瘦肉,芽菜仔乾炒，調味適中，蝦味較淡，河粉卻炒得乾身又不太肥膩🤤💥黃金脆皮豆腐 $70👉👉外皮是淡黃色很吸晴，豆腐咬下去是外脆內嫩滑，停不了口，超棒👍是我吃過最好味的🤤整體菜色都很美味，下次會再回頭試試其他🤤值得一提黃金脆皮豆腐配上的甜酸汁好夾味。無加一🥳

男朋友之前睇YouTube有人介紹呢間 我哋就嚟試吓六點幾嚟到 已經滿座 等咗半粒鐘先有得入去食 仲要係搭枱✨滷水鵝片 $130鵝片份量都唔少👍🏻 肉質幾嫩 但略嫌滷水味唔夠可以再入味啲 下面墊底嘅豆腐都超級滑 讚👍🏻👍🏻✨沙嗲牛肉炒芥蘭 $95沙嗲味好香濃 牛肉都唔韌 唔鞋 芥蘭幾嫩幾甜嘅 唔錯😋😋✨煎蠔餅 $95我哋覺得最好食係煎蠔餅 煎到金黃色咁好靚 嗰邊脆脆地入邊好多蠔 好有蠔味😋😋😋✨鹹酸菜 $12前菜 酸酸地 唔係好鹹 🍺青島 $40總括嚟講食物都好好食 不過就要等位 同埋要搭枱 有啲逼 要趕住食味道❤️❤️❤️❤️❤️抵食❤️❤️❤️❤️服務❤️❤️❤️💔環境❤️❤️❤️💰晚餐人均～$185（唔收+1）

講起潮州打冷，我可能第一時間會諗起北角，今日嚟到相當近北角地鐵站嘅梅花村小館，店內壁畫相當豪邁奔放，唔知佢嘅滷水係咪一樣咁惹味呢？畀Menu上嘅鵝片鵝肝飯吸引，賣相平平，白飯偏濕軟，滷水較淡口，但佢嘅鵝片肉嫩而鵝肝鮮美，口感非常滿足，綜合嚟講值得一試。另外叫咗蠔仔粥，潮州粥嘅形式，冬菇、紫菜、方魚乾提供源源不絕嘅鮮味，而且蠔仔肉碎份量足夠，絕對畀佢海洋般嘅風味驚艷。唔少人食飯追求大大份，CP值高，但我哋覺得一餐食得簡單而隆重，足以令人回味萬分。嚟緊都會寫更多嘅食評，希望大家睇完follow我哋啦。

為朋友慶祝生日，有朋友推介這間潮州菜小館，於是訂了平日晚飯一張10人枱。小館面積不大，只放到大概4張4人枱及3張8-10人枱，似乎是家庭式經營，所以環境不算寬敞，而服務也不能期望太高。是晚我們叫了一窩胡椒豬肚湯、一窩蠔仔粥、10個小菜及一個甜品反沙芋。大家都覺得小館菜式水準都很好，尤其豬肚湯、鹵水鵝片、煎蠔餅、韮菜豬紅，而甜品反沙芋更是必食之選。豬肚湯的胡椒辣味十足，鵝片亦肉質嫰口。煎蠔餅雖只是一小碟，但啖啖吃到飽滿又大隻的蠔仔。反沙芋端出來則是熱度十足，甜味剛剛好(不像平時吃潮州芋泥那麼甜膩)，外脆而內裏則是很香很香而軟度適中的芋頭，令人回味，以後再來光顧，我必定會叫這甜品。菜式之中比較失望的是豉椒炒蜆用的蜆壳大而肉少，又由於我們叫的豉椒炒蜆及豉椒鵝腸用的配料及獻汁都差不多，所以感覺比較重覆。另外小館菜單沒有常見潮菜炸蝦棗蟹棗，只提供炸蝦丸，味道及口感都不比傳統的蝦棗。不過整體小館的質素仍是不錯的。

約左朋友仔食午餐，佢話想食潮州菜，於是我就帶佢黎呢度。佢話好肚餓，我話你想食乜就點啦，於是佢就放肆咁點咗四個餸， 一碗飯，真係好誇張，兩個小女子一個午餐食4個餸。🤪食潮州菜 ，鹵水鵝片當然少不了，煎蠔仔餅係招牌菜，梗係要食啦。欖菜肉鬆四季豆都好好食，最後一個，佢話好耐無食鵝腸，一定要食。😘四個餸一碗飯好快上齊 ，鹵水鵝片一啲都冇失望，鵝肉鮮嫩夠入味，加埋鹵水豆腐合哂胃口。蠔仔煎餅外脆內軟，點啲魚露味道鹹香鮮美，欖菜肉鬆四季豆，四季豆青青綠綠，欖菜肉鬆絕不馬虎，完全配合四季豆的味道，用黎送飯一流。👍最最最好味係豉椒炒鵝腸，簡直係天花板製作，鵝腸爽脆鮮味，加埋洋蔥鹹酸菜簡直係絕配， 兩個人食四個餸一啲都不多，加一碗飯剛剛好。埋單420蚊物有所值，這里的潮州菜冇得輸，老字號經得起考驗👍💯。

只有兩人，點的菜式不多，而且需要搭枱。如果是4-6人來，可剛剛好坐一席。地道的潮州菜館。點了鹵水鵝片，大大碟，皮薄肉多。𧐢仔粥，一碗的份量以足夠二人食。有𧐢仔、少許方魚肉脆，紫菜，沒有太多芫茜，挺適合我最沒有潮州菜特色的是炒津白，但也可口。全部份量剛好。搭枱的情侶點了欖菜肉碎炒飯，看來也不錯。記得要喝茶的，要叫伙記改不要水，改茶。一頓簡簡單單的晚飯，整體來講不錯。

去了很多次，每次有國內外朋友來香港，都會帶他們來吃，每次都點差不多的菜，鹵水鵝，豬紅，小炒皇，凍烏頭，炒飯等，百吃不厭，朋友也會提出再次來吃，非常好，下次來要點其它菜試試

凍魚係潮州菜嘅特色， 而凍馬友係其中最好味的。 馬友肥美， 用少少鹽醃下， 蒸熟凍食， 點啲普寧豆醬， 非常惹味， 這裏的廚師好手勢 ，成條魚骨起咗， 除咗肚腩有少少骨， 其餘係啖啖肉， 極之鮮甜， 魚油豐富 ，一次滿足一個星期嘅omega-3。我哋又點咗蠔仔餅， 啲蠔好鮮嫩， 用蛋漿煎到燶燶地 ，點魚露食， 香口又鮮美， 外脆內軟， 好味又飽肚。有魚有蠔，少咗啲菜同肉 ，於是就點咗個欖菜肉鬆四季豆 ，欖菜鹹鹹地， 配埋啲肉鬆爆炒香四季豆，用欖菜肉鬆嚟送飯 ，極之惹味。😋

平時常來晚飯，沒有堂食晚飯，外賣也好。本著環保之心，我會帶食盒買外賣。這裡的外賣一點也不馬虎，飯菜現炒現做，拿回家都是熱的，廚師也用心，我吃得淡，每次都要求菜要淡些，廚師都做到合口味，謝謝。

推介正宗潮州滷水店🙌🏻#梅花村小館 平時西餐煎鵝肝就見得多，原來滷水鵝肝係咁正架😍呢間餐廳嘅滷水好入味，鵝肝入口即溶，鵝片每塊都切得好均勻，肉質鮮嫩、夠晒入味！鵝腸好彈牙，底下仲有滷水豆腐，豆腐好滑嫩！果然唔錯！難得嚟到食潮州菜，點都要試吓一啲特色菜式，今次叫咗潮式糖醋麵，廚師將潮州麵煎炒成薄餅，點上砂糖同埋醋，咬一啖入口味道酸酸甜甜，食落口感覺幾特別，有驚喜！😋😋另外推介富豪炒飯，未食已經聞到好香，炒得好夠鑊氣！味道亦十分好食👍🏼👍🏼最後亦係我最愛嘅甜品😍😍反沙芋！我一口氣食咗5舊🤤🤤呢間嘅反沙芋一直係我最愛嘅其中一間！芋頭夠腍，外面一層糖衣夠晒脆卜卜，每次嚟都一定必叫😋呢間餐廳啱啱裝修完，環境唔錯，好適合一大班人打冷！正呀😋