Video
Opening Hours
Today
12:00 - 23:30
Mon - Sun
12:00 - 23:30
Above information is for reference only. Please check details with the restaurant.
Recommended Dishes
🥑 原創牛油果乳酪奶昔 HK$46・味道：叫咗微甜，真係好重牛油果香，而且夠熟冇青味～加咗乳酪成件事refreshing咗好多，稱唔上清甜因為真係純純正正嘅牛油果味，掂！不過作為0甜波我會suggest半糖，會吊起更多牛油果香！・口感：完全唔會厚重／膩，幾surprise！🥭 芒果乳酪奶昔 HK$42・味道：芒果味都幾香，雖然唔係呂宋芒但都幾sweet，係濃郁蜜香嘅甜唔係清甜，唔知有冇人get XD・口感：幾清爽解渴！❤️ 紅火龍果乳酪奶昔 HK$33・味道：紅火龍果味夠出，好香甜，冇青味！飲到唔少火龍果籽，飲得出至少係半個鮮榨火龍果・口感：清爽解渴！🍫 薄荷巧克力乳酪奶昔 HK$42・味道：薄荷朱古力味唔甜，夠清涼。朱古力碎好多，而且係黑朱古力，苦苦地咁同薄荷好夾～・口感：同上！🫐 藍莓香蕉乳酪奶昔 HK$47・味道： 反而藍莓味比香蕉味蓋過晒，冇乜記憶點，有啲可惜～・口感：同上・・・・・・・・・・・・・・・・・・・・🤰性價比：高～🤰9衝度：9衝～🤰結論：整體嚟講非生果味好飲過生果味XD
continue reading
嗰日做嘢經過旺角，諗住買杯廢水過下口引🫢就見到呢間主打乳酪奶昔嘅舖頭，我同同事一人一杯，分別試咗原創牛油果乳酪奶昔同埋芒果乳酪奶昔😗見到佢招牌上面主打牛油果奶昔就試一試，味道比我想像中特別，口感滑溜得嚟又唔膩🤤牛油果嘅香味好濃郁，配合住乳酪嘅酸甜，令人每一口都感受到幸福。店員建議我揀少甜，飲落去牛油果嘅綿密感同乳酪嘅味道融為一體，非常creamy，加上有少少沙冰嘅口感，好消暑🤩貪得意試咗同事個杯芒果乳酪奶昔一啖，呢款飲品同樣好有驚喜😍新鮮嘅芒果味道清甜，每一啖都feel到滿滿嘅果肉，配搭埋酸酸甜甜嘅乳酪，超滿足！個人私心更加鍾意芒果呢一款😚整體嚟講雖然價錢比其他手搖店略貴，不過飲得出使用咗高質素嘅食材，而且比較健康，都值得一試嘅～
continue reading
今日去咗More Yogurt試咗杯「巴旦木牛油果乳酪奶昔」，真係有驚喜！一入口就飲到濃郁嘅牛油果香，仲有啖啖新鮮果肉，口感綿滑得嚟又帶啲沙冰嘅清爽，完全唔會太膩。 佢哋用咗新鮮牛油果打成沙冰，再加入乳酪同巴旦木，味道層次好豐富。乳酪嘅微酸平衡咗牛油果嘅油脂感，而巴旦木嘅香脆更加分，飲落去每一啖都有唔同嘅口感，好過癮！甜度亦剛剛好，唔會太甜，飲完都唔會覺得口渴。 整體嚟講，呢杯奶昔真材實料，健康得嚟又好味，絕對係夏日消暑之選。如果你鍾意牛油果，一定要試吓！唯一挑剔嘅係價錢有啲貴，但為咗咁高質素，偶爾獎勵自己都值得！
continue reading
平時返大陸成日經過會見到，但係因為喺大陸會去食其他餐廳，所以成日想留肚就冇嗌黎飲，今日喺香港得少少時間，又唔想坐低食，點知喺旺角就經過呢一間😍即刻勁心動，因為感覺好健康仲好飽肚添，仲要呢啲天氣咁悶熱，飲沙冰類真係勁爽🧊。🐒巴旦木牛油果乳酪奶昔(大杯)💰$52🐒BOOM雜莓乳酪奶昔(中杯)💰$39首先一定要試佢哋嘅招牌啦，飲完一杯飽嘅程度係真係好似食完一餐飯咁，因為佢明一杯係有一個牛油果🥑另外巴旦木原來係一種杏仁，堅果同牛油果真係好match，杏仁碎飲落仲會增加咗口感另外都嗌左杯新產品，因為感覺好抗氧化，成杯都係雜莓🍓如果接受唔到牛油果嘅人都可以試呢一啲水果類嘅乳酪🍼如果夏天飲一定好正
continue reading
每逢假期前夕，食完晏都會想買杯下午茶飲下，感覺會開心啲，可以好好咁迎接假期，今日就揀咗又健康又清新，位置又極方便嘅MORE YOGURT藍莓牛油果乳酪奶昔 - 牛油果味好濃郁，估唔到同藍莓又幾夾，飲落有食緊牛油果蓉嘅感覺，又帶藍莓香同口感，幾有層次，面頭仲有層滿滿嘅牛油果，好似食緊甜品咁，大滿足玫麗士多啤梨乳酪奶昔 - 經典款式，士多啤梨味酸酸甜甜好開胃，同乳酪奶昔嘅配搭襯到絕，清涼解渴，同樣有滿滿嘅士多啤梨肉兩杯乳酪奶昔賣相都好吸引，紅紅綠綠咁好醒神，鮮果足料，份量十足，好飲又抵飲大大個signature牛油果公仔，店面乾淨簡潔又光猛，位置好方便，喺正豉油街中間常駐飲品嘅選擇都唔少，仲推出咗幾款創新嘅甜品，連周邊商品都有，絕對係有誠意又有心思嘅飲品店
continue reading