御 ‧ 家上海

Open Now

Now Closed

新年假期最後一日嘅年初四去咗拜完車公廟，附近就喺圍方搵嘢食，最後揀咗御家上海。行過問睌市，6:00開始派位，6:30就入座。大約6:20去攞飛已經成個門口都係人，好彩最後都可以第一round就安排入座。因為唔太肚餓，ordered 豆腐,脆煎小籠包,黃魚煨麵,蝦球鍋巴。豆腐係炸過所以有少少油膩。食上海野小籠包一定要order。呢間餐廳有少少特別嘅係脆煎灌湯小籠包，其實係蒸小籠包再好似煎餃咁煎個底，小籠包入邊都好多湯汁。雪菜黃魚煨麵，清清淡淡，起晒魚肉，麵係我喜歡嘅少少煙韌感。乾燒蝦球鍋巴，比較辣同比較鹹，鍾意濃味嘅可能會覺得好惹味。每樣餸上枱都係熱。但可能假期好多人排隊，所以waitress and waiter 都好似趕住收枱上面啲碟。

好耐無食過上海野，大圍圍方有一間成日都排長龍，今日早早過去試一試，果然不失所望☺️✍🏼 蜜汁脆鱔 $98食到停唔到口，酸甜嘅醬汁，加上脆脆嘅炸鱔，上面再有啲炸薑絲，小食黎講我可以一個人食晒一碟😆✍🏼 金牌小籠包（六件）$58一啖食落個口度，肉汁四濺，要小心燙口！☺️✍🏼 麻香雞絲粉皮 $68粉皮嫩滑，麻醬質地調得剛剛好，唔太稀又唔太杰，加上應有嘅青瓜同雞絲～不錯✍🏼 東坡牛面頰肉 $198好好食！牛面頰肉炆到好腍好入味，加碗白飯就正！✍🏼 上海海參酸辣湯（每位）$58正常發揮，味道都係我喜歡嘅✍🏼 大上海牛肉餅 $52餅內滿滿嘅牛肉汁✍🏼 濃雞汁蘿蔔 $88呢個相對地無咁特別，可能食左道濃味嘅牛面頰先，所以呢道菜就淨係食到清清地蘿蔔味，不過蘿蔔都煮到好腍好多汁～✍🏼 脆煎灌湯小籠包（五件）$58煎小籠包，第一次食，又幾好食同埋幾特別！脆底裡面都係有香香嘅肉汁🤤不過要襯熱食，唔係就會比較肥膩✍🏼 豆沙窩餅呢個就全餐裡面比較遜色，皮厚左少少，不過佢勝在唔算太甜！總括而言，呢間上海野所有野都幾好食！會再黎試其他野。順帶一提，佢茶錢（有人參烏龍！）每位要$13 同埋有餐前小食（花生&炸魚毛）$15

年初二，睇完戲後，又係搵食時候。 在商場四圍行之餘，順便搵搵邊間唔需要排隊等好耐。 最後我們就決定試試「御 ‧ 家上海」。 餐廳裝修以木系為主，廚房是一塊大玻璃，可看到廚房內的工作。而座位有點密，不算太寛敞。 鐵板灌湯生煎包 底部色澤金黃，香脆，皮尚算夠薄、肉多，但略嫌較少湯汁，較失色。 上海菜肉餛飩 皮太厚，不知是否菜太細少，還是其他因素，好像不覺得有菜在餛飩內裡。 酸辣湯麵 開胃的酸辣，輕微的辣度，加上配料十足，拉麵吸收了湯汁，味道尚可！

圍方落成後大量餐廳進註，每間都非常吸引。御 ‧ 家上海店如其名主打上海菜，菜式精緻考功夫，成個體驗都唔錯值得一試!! 🧑‍🍳- 脆煎灌湯小籠包 HK$58小籠包另類食法!!小籠包底部有一層粉漿，煎後形成脆片，非常香脆!!餡料油香豐富，肉汁充足，非常好食!! 🐷🥟- 蜜汁脆鱔 HK$98 🍯🐟酸甜餐前小食!!脆鱔炸透口感鬆化，蜜汁及黑醋調味醬汁均勻沾滿每條脆鱔，味道香甜帶酸勁，開胃一流!!- 石鍋蟹粉河蝦仁年糕粒 HK$198 🦀🦐熱力十足蟹粉年糕!!熱得冒氣石鍋放入年糕粒，吸收蟹粉味道而且非常軟糯，香氣十足!!蟹粉醬加入大量蟹粉、蟹肉碎及河蝦仁非常鮮美!!- 醬燒茄子釀豬肉 HK$98 🍆🐷驚喜之選!!將豬肉夾入兩片茄子之間，肉味不突出，但兩片軟熟茄子夾著有嚼勁的豬肉，口感豐富多層次!!醬汁咸中帶甜，濃郁又惹味!!

讚 1 價位唔貴 之前仲有買一送一 幾抵 2 醉鴿入味 唔嚡 蟹粉蝦仁都足料 炒菜幾惹味 樣樣都正正常常唔差 3 環境闊落彈1 炸物類唔得 春卷油到食唔到 小籠包呢類點心都唔好味 啲肉根本係渣黎2 服務真係搞唔掂 漏單仲要催幾次

聽友人講圍方有一間上海館好難book 架，而家訂晚市起碼一個月後，聽完之後，心諗有冇咁誇呀！於是膽粗粗試下，又真喺好full booking .心想放棄之際，不於book中午睇下有冇機會，又咁好運有喎不過都要等一星期。言歸正傳，早一天已經有專人聯盟左我confirm 出席時間，並告知祇有＃90分鐘用餐時間今日同友人準時到達，場內環境彼大坐近窗邊位，外境是扶手電梯即時冇mood時間咁趕，好彩之前已經預先睇定想食既食物食物賣相~可以食物味道~一般服務態度~一般 咁既食物質素都要full booking

人氣No.1煙燻脆皮雞🐣 (半隻) ($198)的確有好香嘅煙燻味啊💨💨 除咗雞胸嘅部份 肉質都好嫩滑🐣 唔會好韌 食嘅時候仲有少少雞油同肉汁會流出嚟 🙋🏻‍♀️好鍾意個皮好脆啊😀😀但味道都幾鹹🧂 食咗幾舊就覺得好口渴🫠🫠金牌小籠包🥟 (六件) ($58)小籠包皮偏厚🧱 雖然冇咁易爛💔 但變咗口感會差咗❤️‍🩹同埋口感都偏粉😕肉比較老同埋「鞋」🙁整體黎講有啲失望 本身以為有6舊咁正💭但最後失望而回😭😭上海擔擔麵🍜 ($68)辣味 同花生醬香味都好足夠🥜但麵質就偏淋🍦 煮過咗時間⌛️ 如果冇咁淋會好食啲😔招牌十景揚州炒飯🍚 ($98)配料同普通揚州炒飯一樣 🙋🏻‍♂️🙋🏻‍♀️都覺得炒飯唔夠乾身雖然菜名寫住招牌🪧 但都真係普普通通😔🕵️餐前小食🍴 ($15)唯一一樣🙋🏻‍♂️🙋🏻‍♀️都覺得好食竟係係餐前小食🥠有芽茶 豆腐 木耳 酸酸辣辣幾好食 幾開胃😋😋🙋🏻‍♀️食唔停添啊

蟹粉小籠包話明金牌梗係要試下啦～ 啲皮夠薄，一咬落去爆曬汁，啲餡嘅味道啱啱好，配埋醋真係好好食淮揚五福拼盤 女兒紅醉雞滑得嚟有濃濃嘅就香，鎮江肴蹄啖啖肉，但一啲都唔肥膩，涼拌陳醋紅蜇頭食落好爽脆，至於蘇式燻魚同四喜烤麩個人就唔太中意食，感覺烤麩太甜，燻魚炸得唔夠脆蔥油開洋拌麵 咧個麵唔錯，用蔥油加埋蝦米拌令成個麵都好香。當然啦，用的油去拌麵就預咗佢會膩少少，飲多幾杯茶解下膩就好好有趣地有啲菜式係圍方咧間家上海先有，例如八寶蟹肉蒸膏蟹，蔥爆牛舌，酒糟蒸西湖白魚等，有興趣想試下新嘢嘅可以去圍方試下～不過比較多人，要預啲時間等位

圍坊自 2023年 7月開幕之後，都進駐咗唔少人氣食店，成日排哂長龍 [ 御• 家上海 ] 係其中一間。最近我食咗 2 次，2 次都為咗避開人龍，夜晚九點入席唔使點等枱。▪️雞絲粉皮 $68粉皮煙韌 ( 略嫌粉皮形狀較大塊)，我鍾意佢嘅花生醬，比較結身，花生味濃，醬面有啲白芝麻，混埋雞絲同青瓜絲，有層次，有口感。▫️淮鹽溏心燻蛋 (兩隻) $38貪得意試一試，正常燻蛋嘅味道，無特別驚喜，性價比好低。▪️淮陽五福拼盤 $248 五福 🍱有女兒紅醉雞、鎮江冰官肴蹄、涼拌陳醋紅蜇頭、蘇式燻魚、四喜烤麩，一個拼盤，有五重享受，當中我就最鍾意蘇式燻魚，真係好香口，甜甜地好開胃，好好食 ~ 大力推介♬▫️花雕酒糟三寶 ( 鮑魚 、大蝦、 豬手 ) $118呢個三寶冇得輸，鮑魚 • 大蝦 • 豬手，酒濃香醇，而且啖啖肉，完全令我沉醉於花雕酒香之中 ~ 大力推介♬▪️金牌小籠包 (六件) $58小籠包裏面有好多湯汁，肉餡大粒，上枱熱烘烘，肉汁滿滿，湯汁濃，味道重，味蕾大滿足。▫️蟹黃大湯包 (一件) $42呢個大湯包約手掌心咁大，店員會比支飲管你啜入面嘅湯同蟹黃，呢個玩法巧特別，味道鮮甜，油而不腻。▪️鹹肉火腿津白

星期六中午 十二點幾到達，要親身攞飛，有些唔方便，如果有網上攞飛會比較理想。 接近一點入座,等咗大約 20分鐘。店內裝修精緻，有一邊大玻璃，但係我哋坐得遠玻璃位置， 座位比較迫夾，室內較嘈吵，但服務員勤快，我哋三個大人一個細路， 嗌咗四樣嘢🤩 有: 脆煎灌湯小籠包 · 招牌十景揚州炒飯·手撕 鹹雞海蜇·金牌大排湯麵， 總共食咗五百幾蚊， 餐前小食15蚊，13蚊一位茶位， 性價比都ok😙。食物算多元化， 同埋都好精緻，味道不錯，有機會下次再嚟，試下其他菜式💖。

圍方開幕半年，最想試就係呢間餐廳，有網上訂座，非常方便。蜜餞火方：包好大塊，火腿味道不俗賽磅蟹：清淡而好味鍋塌豆腐：又係清淡而好味嘅菜色鐵板小籠包：肉有鮮味，家人表示好味過鼎xx蝦蟹炒飯：出色黃金蝦球：新年要攞好意頭，黃金笑哈哈，寓意非常好。咸蛋黃邪惡美味，只是有一點膩，蝦球有8粒，份量ok。

平日晚上到圍坊想吃上海菜，之前也吃過家上海，但是元朗分店，試試這個御家上海如何。當時已經差不多八點門外都開始沒有什麼人等候。拿了飛一直等候非常失望，每次都只嗌大枱B , C 飛 門外大部份人都是A飛2 人。真的不明白是否因為大枱會叫多些食物他們不拆開大枱比幾對2 人入。最後等了個半小時，真不快樂。食物質素好，那個牛粒炒飯很好吃，價錢也相宜。上海小排骨酸度不足排骨肉很硬及鞋口。😨蘿蔔酥及燒雞非常好吃 脆口皮薄。薺菜炒年糕，非常煙靭，值得一試。最特別是那個蝦丸，看上去好像荔枝一樣，上面是蟹籽總括來說，如果不是那個安排座位服務很差，也是滿意的一餐

很久沒見，終於可以一聚。謝謝遷就我在大圍開餐，大圍地膽選擇了上海菜。松鼠桂魚 $208賣相很美，感覺開胃。醬汁甜酸恰到好處，不會太濃，嚐到魚肉的味道。炸皮香脆，魚肉嫩滑。金牌小籠包（六件） $58上海菜不可不吃小籠包吧！這裡的小籠包新鮮熱烘烘，肉汁滿滿。麻香雞絲粉皮 $68我記得每次吃上海菜你都會叫，哈哈。這個真的是典菜，人人皆愛，麻醬香濃，粉皮煙韌。准揚五福拼盤 $248共有五款涼菜，包括女兒紅醉雞、鎮江冰官肴蹄、涼拌陳醋紅蜇頭、蘇式燻魚及四喜烤麩。每款均做得不錯，尤其燻魚，難得美味。醉雞入味酒又香，肴蹄肉香不膩。蘿蔔絲鰂魚湯 $158用上原條鰂魚烹煮，奶白色湯和蘿蔔絲清甜可口。原桶黑豆腐花 $68豆味香濃，入口順滑，加點黃糖更能提升味道。豆沙鍋餅  $52新鮮熱烘烘，外皮香脆，豆沙味濃。希望下次很快會再見，大家身體健康吃多一點。以上價格需另加一服務費

今晚同朋友食飯，對方黎呢度食過幾次，覺得唔錯想同我黎試下，仲早成個幾星期親自去到鋪頭book定位，結果前檯知客竟然話冇檯，感覺即時好差😒卒之坐底左之後，開左壺人參烏龍，但冇咩人參味，跟住叫左幾樣野食清滋小排骨排骨都幾腍滑，有啲仲有軟骨，酸酸甜甜幾開胃金牌小籠包湯汁非常飽滿，溫度亦都岩岩好可以整粒放入口，同時食到肉餡同湯汁，味道都幾濃郁濃湯砂鍋雲吞雞叫左半隻雞，雞湯味道唔算勁濃郁，不過飲落應該冇味精都ok，而湯入面都有唔少娃娃菜，正當我添第二碗時，就發現d雲吞隻隻都金蟬脫殼皮肉分離，都真係頗為失望！而中間係等雲吞雞上檯時，茶芥小食既花生白飯魚食得差不多，就問下refill係咪要加錢？侍應話「應該要，你等等⋯」跟住行左去，然後就沒有然後了🙃整體味道都尚可，可惜服務質素好影響心情，除非再有朋友想試，應該都不會主動來訪第二次👋🏻

家上海食左幾次都覺得幾好食，不過食飯時間一律建議大家及早等位🥲 如果唔係至少要等接近1小時🥲 到左食大閘蟹季節！咁岩就撞到有蟹食嘅菜單！【餐前小食】$15今次係涼拌青瓜木耳雞肉！幾好食😋蒜香同辣味都好出！【生拆蟹粉小籠包】 $198小籠包一定要趁熱食！皮薄多汁，配埋蟹醋食就真係無得輸！不過6隻嚟講價錢偏貴～【薺菜肉絲炒年糕】 $98正常普通上海式炒年糕，年糕嘅份量好多！不過薺菜食落好膩，反而配豆瓣醬辣辣地幾好食～