御 ‧ 家上海

Open Now

Now Closed

星期六晏晝，之前喺網上book咗十二點半，我哋被安排較入位置大圓枱， 餐廳望出去 算開揚，可以望見樓下溜冰場， 裝修走中式路線，坐得都舒服， 枱與枱排得比較密，冇辦法，香港寸金尺土😂。佢用qr code點餐，方便，同埋值得一讚係某啲菜式，譬如它原有四件，你可以按自己需要，按件加錢，加購幾件 ，安排夠flexible👍🏻 ，合大家庭眾會🥰。我哋今次7個大人一個小朋友， 嗌咗(exactly 菜色名稱唔多記得🤭): 香煎小籠包x2，雞絲澮湯麵，糯米燒賣x 2， 脆鱔， 奶黃酥， 酒釀丸子，高力豆沙香蕉，上海炒年糕， 雞湯蘿蔔， 豬扒湯麵 ，荔枝蝦球x 2， 春捲， 臭豆腐。荔枝蝦球賣相出眾💕，蝦肉彈牙，最有記憶點，另外高力豆沙香蕉，不太甜，合港人愛少甜習慣，而且出奇地不油膩，又鬆軟，俾人輕盈軟綿綿感💯， 臭豆腐細細粒容易食，口味係傳統港式，港產名物~街邊臭豆腐的感覺返曬嚟， 其他餸菜正常發揮，但香煎小籠包，就。。。。。個鐵板底唔多夠熱，唔知有咩用，莫非純粹for擺盤靚啲🤔🤫。侍應生有禮貌，做嘢快手，上菜夠細心 (唔會喺小朋友側邊上菜)， 要求剪開食物，佢都高效率地應我哋要求做到🫶。前菜每碟

為了慶祝婆婆大壽🎂特意揀選咗呢間上海菜，指定要房間有最低消費，預訂訂咗六點，大家準時到👍🏻頭盤揀咗幾樣嘢食，有拼盤，脆鱔等上海小食，頭盤小食味道算正宗，因為婆婆係上海人，佢覺得唔錯😋另外揀咗茶鴨，茶鴨唔算太乾，好香煙熏味，另外炸雞，好Juice，婆婆最鍾意食鰣魚，特登預訂咗條，婆婆教我哋食，首先要將啲魚鱗「選」咗先，我就覺得怪怪地🧐值得提吓個腌篤鮮，湯味道層次感分明，最重要啲筍唔會搶咗鹹肉嘅味，另外點咗客煎小籠包，感覺上比蒸嘅好味好多！當然最後一定要食豆沙窩餅🤭🤭

陪姨甥女去又一城溜冰，溜完冰肚餓，問姨甥女想食乜嘢，佢話想食上海菜，就揀咗溜冰場上面嗰間家上海，六點鐘左右，唔係太多人，姨甥女鍾意食楊州炒飯，簡簡單單嗌咗幾樣嘢，首先第一樣嘢嚟嘅係烤夫，味道唔會太濃,雞絲粉皮醬油味濃郁，跟住嚟個小籠包，小籠包裏面嘅湯汁，鮮甜好味，，跟住個楊州炒飯，唔會太油，姨甥女食咗三大碗.店舖環境唔係太光猛，俾人感覺幾舒服，樓面員工招呼，態度都唔錯，會主動清枱面，和主動加水，埋單有現金卷送

星期六大約六點前去到，見店內未有其他客人，便入去試吓。但係我哋兩個人都要被安排坐一張好細嘅枱，而且仲要限90分鐘。侍應人數算多，但係個個行行企企，掛住自己傾偈，要我哋叫佢斟茶先走過嚟，服務欠主動，而且有一兩個侍應外觀有欠整潔。食物上齊後，張枱根本都唔夠擺，食得頗為狼狽，而且食物質素一般，價錢亦唔算平。整體而言，客戶用餐體驗欠佳，難怪呢間店舖新開冇耐已經咁多負評😒早知入去前先睇吓OpenRice先。有時都明白，點解啲人成日話北上消費！

喜歡這裡的環境，靠窗可以一路欣賞溜冰，一路進食午餐，今日叫咗上海粗炒，小籠包，一個人食剛好，首先上海粗炒味道啱好，唔會太鹹，最緊要係唔會好油，呢度小籠包有兩種選擇，一種就係傳統蒸，另一款就係可以鐵板做，我都係揀咗蒸，小籠包嘅湯汁，味道帶有濃郁嘅肉汁味，整體唔錯👍，最後忍唔住，都叫咗一客高力豆沙，呢度高力豆沙加咗香蕉，味道又唔差喎！！呢度有一款茶要值得推介，就係人蔘烏龍茶，陣陣嘅人蔘香味，令人精神一震

剛和侄女溜完冰，送完侄女返屋企，自己一個人無無聊行吓又一城，到19:00有啲肚餓，想食上海嘢，望吓食評有咩推介，見到有間御. 家上海，食評好，壞各半，就去呢間試吓，睇吓食評中嘅意見到底真假，首先點咗我最鍾意食嘅炸雞，同埋個鹹肉津白，首先炸雞賣相好靚，師傅好有用心擺設，第一啖食嘅一定係雞髀位，皮脆，汁水多，好味👍👍,另外個鹹肉津白，本身師傅做法，冇打芡，但食嘅感覺好好，才夠淋，而且呢湯水足夠，湯水有好濃郁嘅菜味，可以當湯飲，比之前食嘅傳統津白感覺新鮮😱👍，有驚喜。招呼方面。，整體嚟講唔差。員工會自動幫我哋加水，有樓面，亦會主動幫我換啲新嘅熱水，換碟，食完亦會問我要唔要甜品，整體服務，食物質素，都算唔錯。

蒸銀絲卷👉🏻 銀絲卷底部紙張黐住 完全搣唔開 ，而且銀絲卷完全沒有應有的包香味蜜汁火方👉🏻 用來夾中間的豆皮 完全咬不開，好像膠紙般 ，似炸了很久，火腿亦沒有味道 ，包皮亦都過厚上海粗炒👉🏻 味道還算正常金牌小籠包👉🏻 正常整體用餐體驗差 ，浪費時間 #家上海 #又一城 #香港上海菜

七時前進店不是很多人，先點前菜蜜汁脆膳及雞絲粉皮，再之後點了一份金牌小籠包及一個蟹黃大湯包，最後還不夠飽，點了一份砂鍋燉牛面頰肉。上菜的次序很奇怪，先上小籠包再上2款前菜，小籠包一上的時候要快吃，不然冷卻了便不好吃。餐桌不大，放滿了。店家明顯沒有想這個事情，雖然小籠包的味道不錯。脆膳是甜酸醋跟令食物沒有油膩的感覺。雞絲粉是值得一讚，有麻香味而且麻醬足夠。蟹王大湯包也是一個很好的選擇，湯底鮮味濃郁，值得一試。但最後那個燉牛面頰肉真是令我很失望，白蘿蔔的數目跟牛的比例是1：1，而且中間很多是牛筋。牛根是很韌很難咬斷，吃過這道菜牙齒有疲倦的感覺。因為是又一城的會員，所以最後的薑茶湯圓是免費贈送。#小師奶 #美食 #九龍塘

食物差-松子桂魚：魚肉勁乾鞋，像𡁻乾柴魚一樣。蜜汁火方：蜜糖稀到似蜜糖水，跟碟的蓮子乾身到像食花生。擔擔麵：花生肉碎唔知去咗邊，成碗花生醬味淨麵。奶油津白：奶油杰撻撻，完全冇菜味。今晚最好食的：餐前嗰碟仔花生小魚亁。環境差-側邊正正對住遛冰場，今晚不停大聲播住音樂，加埋埸內職員用咪廣播，嘈到呢，喺餐廳內根本不能寫意地交談，大大影響胃口，只有怱怱吃完埋單走人。總結：唔會再幫襯，即使佢哋有現金卷送！

跟好友到這裡慶祝生日！由進門口那刻已不妥，女服務員在安排一位客人留檯，我站在旁邊等候，女服務員走入餐廳不知做什麼，然後出來時竟然招呼比我後來的客人入座，我站在旁邊問為什麼不是招呼我先？然後她便帶我入座，途中，我將生日蛋糕交給那位女服務員，可惜她放在一張枱面，然後悔氣吩咐另外一個人去雪好，那時我已感覺她在把不滿的情緒發洩！由於朋友生日也算了吧！我們有七位朋友一齊食飯，所以點了七塊蜜汁火方，後來我竟然發現其中一塊包沒有夾着火腿，這是一個很大的錯誤吧，因為這道菜火腿才是重點，廚房竟然忘記了！最後侍應也吩咐廚房加返給我們。最後埋單的時候，那年青的男侍應又木口木面送來單據，他什麼也不說，我說茶位數目不對叫他更改，他連一句不好意思也沒有便出去改單。我以往也有幫襯這一個集團，服務是很好的，但這間餐廳的服務態度只是像茶餐廳般！如果在又一城這個商場俾中價價錢到這餐廳幫襯，只是得茶餐廳的招待，那便不對勁了。希望餐廳負責人可以管理一下所有侍應的服務態度及謹慎處理食物數量才出菜。雖然食物味道可以，但服務這樣，真令我失望！

一段時間冇去又一城，平時食開嗰間食肆已經轉咗做御•家上海了。平日7點walk in 都有位，服務就一般啦！皮厚，餡料肉汁唔夠多，牛肉味唔突出。餸酒小食，應該係炸黃鱔，蜜糖封住都好脆，略嫌甜咗啲，五款以醉雞最好食，酒香雞滑，燻魚大件唔多骨，同烤麩味道都比一般上海冷盤淡；海蜇粗身但唔夠爽口，所以有青瓜伴住；肴肉份量太少，普通唔吸引。雖然係一般炸子雞，但皮脆肉滑好少肥羔，淡淡煙燻味，配自家製醬油提升雞味。味道適中，唔太咸、少少辣，可能煮過火，肉較乾。

問題又再出現，今日幫襯買外賣，原本係要蝦子蔥燒海參，點知餐廳員工隻眼又有事，冇整到，原來整多左一碟鳳梨魚柳，變左一共有兩碟鳳梨魚柳，下次真係要係餐廳門口逐盒外賣打開檢查先得，最好叫埋餐廳經理簽名作實，好似寫手冊搵家長簽名咁。諗住塞翁失馬啦，點知問題又黎啦，兩碟鳳梨魚柳啲魚柳又係得啲粉，魚柳薄過紙，兼炸到又硬又乾，好似被轟炸完咁，有啲劫後餘生嘅感覺。各位做飲食業嘅可唔可以有啲良心，你見到咁樣都可以照放落盒俾人食？又係覺得外賣冇人即時見到就可以瞞天過海？餐廳如果你冇心做外賣，而且覺得堂食生意應接不暇的話，不如考慮吓熄咗部機，大大聲同人講我唔稀罕外賣生意。

放咗工嗱嗱淋趕去九龍塘又一城嘅「御．家上海」，同父母親大人食個晚飯。呢間餐廳環境優雅，裝修帶有濃厚嘅上海風情，坐得舒服又夠氣派。我哋一坐低就點咗幾道招牌菜，包括小籠包、醉雞同埋紅燒肉。小籠包皮薄餡多，一咬落去湯汁四溢，鮮味十足；醉雞酒香濃郁，雞肉嫩滑，入口即化；紅燒肉肥而不膩，醬汁入味，配飯一流。最驚喜嘅係見到餐廳有優惠，我哋仲訂咗個盤菜做節，份量十足，款式多樣，包括鮑魚、海參同埋花膠等，每一樣都煮得恰到好處，味道鮮美。整體嚟講，食物質素高，賣相精緻，服務亦非常周到，父母親大人都食得好滿意。如果你鍾意食上海菜，又想同家人食餐好嘅，「御．家上海」絕對係一個唔錯嘅選擇！

今日放假約咗啲朋友食飯，大家揀咗九龍塘又一城呢間家上海。五個人叫咗個四人餐。包括淮揚拼盤，炒蝦仁，椒鹽小黃魚，脆皮雞，四季豆，蟹肉炒飯同埋小籠包。每樣都好味，尤其小黃魚同湯圓。另外服務簡直係六星級，店員見我哋五個人仲主動提議幫我哋加一個小籠包，非常細心。久違的六星級服務令人非常感動。睇得出樓面係真正有培訓，值得支持。

Overall, the dishes are very oily.The 松鼠桂魚, the fish was small and was not freshly fried. As a result, the meat was hard and tasteless. It just covered with thick sauce.The 鹹肉炒萵荀絲, the salty meat was overly salty, and the flavor did not mix with the bamboo shoots.The 菜肉餛飩, came in a bowl of oily soy sauce garlic soup. Not sure how the soup should taste.The 脆煎灌湯小籠包, the skin was not properly cooked.