Video
Introduction
It is a famous Korean BBQ restaurant and its signature dish is Hanwoo beef. The most recommended part are shoulder butt and hanger steak.
continue reading
Opening Hours
Today
11:30 - 16:30
17:30 - 22:30
Mon - Sun
11:30 - 16:30
17:30 - 22:30
Public Holiday
11:30 - 16:30
17:30 - 22:30
Public Holiday Eve
11:30 - 16:30
17:30 - 22:30
*Takeaway until 20:30
Above information is for reference only. Please check details with the restaurant.
About Reward Scheme
返工咁辛苦，放工梗係要同朋友食好嘢啦！放工約咗朋友去屯門市廣場食 《 炑八韓烤》🔥逢送多款韓式前菜，包括酸蘿蔔、涼拌豆芽、泡菜、薯仔蓉、酸青瓜、胡麻汁沙律菜🥗🌟免費無限添加🌟🔸芝士粟米䊢 - 芝士🧀燒得有少少焦香，半溶狀態撈埋一粒粒香甜嘅粟米食🌽 😋🔸泡菜雞蛋 - 香辣🌶️泡菜混合雞蛋漿，味道非常match🔸鹽蔥牛舌旨味套餐🔹鹽蔥牛舌薄切牛舌夠彈牙，配上鹽蔥味道，鹹香味突出，提升層次，🔹牛五花肉牛脂比例較重，非常搶火，要小心容易燒燶，可以夾着生菜一齊食，減少油膩感🔹梨汁雞腿肉把雞腿肉烤得焦香，皮脆肉嫩🔹秘制醬油豬五花豬五花肥瘦均勻，油花經過燒烤，感覺冇咁肥膩，秘製醬汁非常惹味🔹蔥蒜牛胸腹肉經過醃製過後味道濃郁，配上蔥蒜香氣四溢，咬落肉質比較有口感🔹芝士生蠔生蠔非常飽滿，浸在芝士醬內滾起便食得🔹韓式薯仔牛肋骨湯熱辣辣嘅薯仔湯，牛肉味道濃郁，牛肋骨炆得非常軟淋，薯仔🥔索晒個湯好好食🔸石頭鍋飯熱辣辣嘅石鍋飯，上面鋪滿有好多配料，客人可隨自己喜好加入辣醬份量撈勻來食🔸韓式紫菜飯多款唔同嘅燒肉，最適合配上韓式紫菜飯，加上燒汁一齊食🔸1杯薑橙熱飲🔸1杯玫瑰佛手柑熱飲兩款飲品都好適合冬天飲用，飲完暖胃又滋潤🥰
continue reading
傳統多款泡菜小食，無限填加任食。仲有人氣芝士粟米和烤蛋，滋味又邪惡🌟嚴選和牛豬梅花套餐高質和牛，雪花豐富，打卡吸睛。仲有大大塊牛扒，燒嘅過程，油脂吱吱響，入口豐盈香口，好嫩滑。配上韓式麵，爽口清新，好好味。仲可以包生菜和泡菜食，滿滿驚喜。仲有超多樣配菜，正。🌟薑橙凍飲+玫瑰佛手柑凍飲酸甜清新，完美解膩。為燒烤盛宴來一場完美的收場。這次用餐經驗，不得不讚服務的細心和專業，服務員見我哋唔太識燒，仲幫我哋，火喉控制滿分。讓我感受到韓式料理的熱情與創意，絕對值得再次回味！🍽️✨
continue reading
話說尋晚同我朋友又為左個可以無限添加嘅泡菜蛋同芝士粟米而走去食燒肉🤣咁啱見到佢哋有個新套餐，牛肉、豬肉咩都有d，啱晒選擇困難嘅我地，即刻叫咗個試吓😚🌟嚴選和牛豬梅花套餐🌟正價$598，會員專享$488個餐入面有和牛肉眼、韓式LA牛仔骨、韓國豬梅花肉同醬油豬五花；▫️和牛肉眼雪花分佈得好均勻既和牛肉眼足足有兩大塊，輕輕燒幾下就食得❗️鮮嫩既肉質+細緻既口感同濃烈既牛香 = 令人－食就停唔到🤣▫️韓式LA牛仔骨用左梨汁、醬油同香辛料醃製過既牛肉好入味，甜口調味深得我心😍▫️韓國豬梅花雖然佢厚切又大塊，但因為𠝹左花既關系，都唔會話好難熟😚燒到外焦內嫩，肉香肉汁爆滿哂個口就最好食，正👍🏻▫️醬油豬五花薄切嘅五花腩油香十足，入口甘香，就咁食雖然都幾好食，但係小妹更加中意用菜包住再加啲麵豉醬一齊食😚▫️韓式牛腱辣拌冷麵✨甜甜辣辣，令人無法抗拒🫶呢隻辣好似有魔力咁，用佢同水梨絲、牛腱絲撈勻爽身既冷麵，唔使幾分鐘就俾我哋清晒😝✨薑橙🍊梳打✨跟餐加配$20 酸酸甜甜既橙香清新舒爽，有埋微微既薑味，解膩－流‼️✨玫瑰佛手柑梳打✨跟餐加配$20玫瑰同佛手柑既香氣濃而不俗，清幽淡雅，令人好舒服💕🛑炑八韓烤📍屯隆街3號屯門市廣場2期1樓12&15-17A號舖#炑八 #炑八韓烤 #Meokbangbbq #韓燒 #燒肉 #韓國菜 #韓國餐廳 #韓國燒烤 #韓國料理 #韓牛 #無限添加爐邊蛋及芝士 #韓國直送食材 #koreanfood
continue reading
諗諗吓好似好耐冇去食燒肉🥩，過去一星期番工真係好疲累，一於Happy Friday同朋友食晚餐慰勞吓自己🥹樣樣都想試所以叫咗個套餐，有牛🐮、有豬🐷、有麵🍜同飲品🥤，可以省卻煩惱😆🥢嚴選和牛豬梅花套餐 $598-和牛肉眼🐂👀和牛雪花分佈均勻，肉質鮮嫩口感細緻-LA牛仔骨以牛仔骨用咗梨汁、醬油及香辛料醃製，令牛肉更加滋味-韓國豬梅花肉 🐷肥肉和瘦肉分布均勻，食落肉質有彈牙口感-醬油豬五花五花肉用醬油醃製，食落口感一啲都唔肥膩🥢韓式牛腱辣拌冷麵🍜辣拌冷麵食落甜甜辣辣🌶️，加上蔬菜絲增加口感，麵上的牛腱肉質亦好腍，食落好開胃🤤🍹薑橙梳打🍊薑橙梳打有橙肉，飲落好香橙味和微微薑味🍹玫瑰佛手柑梳打🌹佛手柑果肉很鮮甜，飲落仲有微微嘅玫瑰花香
continue reading
一坐底已經好多款前菜準備好，有泡菜，酸蘿蔔、涼拌豆芽，波菜等等，店員見食得七七八八就會幫手refill!芝士粟米漿- 滿滿嘅芝士配上粟米，半溶既芝士特別惹味！爐邊蛋 - 泡菜混入雞蛋漿，可以無限添加，食落好香口嚴選和牛豬梅花套餐配韓式拌麵秘制醬油豬五花，醬香濃郁，肥而不膩，入口即化，醬料好入味，估唔到又幾有驚喜 ！和牛入口即溶，牛脂豐富而且搶火，要小心容易燒燶，可以夾着生菜一齊食！套餐入面仲有菠蘿同埋菇類，放喺網上燒都可以過過口癮！韓式拌麵嘅口感彈牙，伴有泡菜同埋青瓜絲，不錯薑橙梳打&玫瑰佛手柑梳打兩杯嘢飲大大杯，有氣嘅梳打令人大快朵頤！
continue reading