Video
Telephone
61888270
Introduction
With a unique decor that blends Japanese elements, this teppanyaki restaurant uses fresh, high-quality ingredients. The omakase offers a range of price options, catering to different budgets, making it an excellent choice for dates and celebrations with friends.
continue reading
Opening Hours
Today
11:30 - 02:00
Mon - Sun
11:30 - 02:00
Above information is for reference only. Please check details with the restaurant.
About
About Reward Scheme
大埔呢間位置好唔顯眼嘅地方食鐵板燒，睇嚟係做開街坊生意佢地都有廚師拍板，二人餐都食到好夠飽。首先前菜有三格小碟，有涼拌洋蔥，夏熱天時食佢消暑開胃又抗菌。中間係牛油果蓉拌刺身多士，果肉同魚肉完美混合，互不搶味。第三格係三文魚籽魚肉刺身，有啲柚子味點綴，新鮮又醒胃跟住有生蠔食，經過微炙嘅蠔肉，輕輕鎖住內裡嘅鮮香，再加三文魚籽做topping，可以加埋wasabi同黑魚籽一齊，極cream極鮮呢個set嘅湯好特別，係畀一碗蛋汁，仲有蟹籽同醬汁打完卡就打勻佢，有咁勻巡得咁勻巡，就會獲得綿滑蛋湯一碗之後就到男主龍蝦火辣登場，廚師喺鐵板上料理龍蝦火光熊熊，坐喺鐵板前嘅食客絕對感受到嗰份熱情，之後就好有鑊氣咁上碟龍蝦啖啖彈牙香濃，更有大量蝦膏喺裡面，菇同帶子都燒得好嫩好香食完龍蝦，中間嘅小插曲係鵝肝多士，多士之上有兩大塊激厚嘅鵝肝，油香濃郁，加上中間嘅醬汁，成件多士可以當蛋糕咁食有溫度有態度又何止龍蝦呢？仲有牛肉都好猛㗎用牛肉包住一堆燒蒜粒，有燒香之餘又有口感，仲可以試吓點鵪鶉蛋汁，更加滑口之後仲有主食炒食一碗，同樣係充滑鑊味，啖啖有金黃焦香，最正嘅係，有一塊極厚極鮮甜嘅海膽瞓喺炒飯之上，太誘人喇食完炒飯勁飽，就嚟一杯柚子雪糕，果味超突出，清香無比，呢個次序又安排得幾恰當，食完消滯又滿足
continue reading
仔仔考完試緊係要帶佢食餐好啦🥳事源我地好鐘意開盲盒關係，決定訂呢間位於大埔由廚師發辦既鐵板燒$1288/ 2位✨煙燻三文魚卷沙律配上聖女果同龍珠果酸酸甜甜，夠晒開胃✨法國生蠔超級肥美飽滿，配上三文魚子入口即有鮮味及淡淡海水鹹味，另外旁邊有Wasabi、清新嘅檸檬同魚子醬自由配搭，正！✨蟹籽、白松露溫泉蛋賣相已經吸引，Mix完後食落口連仔仔都大讚，話似飲緊忌廉湯✨澳洲龍蝦師傅用了龍蝦膏和加拿大海膽做醬汁，龍蝦肉質結實爽口彈牙，旁邊還有北海道帶子，上面有一層奶油味噌cream (大埔店限定）和三文魚籽，呢個配搭好特別✨厚切鵝肝多士鵝肝多士食過不少，但第一次配上雜果汁和蛋白檸檬忌廉，好似食緊甜品咁✨A4和牛卷五成熟燒得剛剛好，鎖住肉汁牛味濃郁，卷入炸蒜、蔥等配料入口香脆，伴碟蔬菜相當豐富有: 珍珠筍、意大利黃瓜、泰國蘆筍BB等等✨蟹籽、三文魚子海膽炒飯超有誠意的炒飯，除了鑊氣十足粒粒分明，面頭鋪滿咗蟹子、北海道三文魚子同馬糞海膽，每一啖都嗶波彈牙又脆口既感覺✨雪葩柚子、菠蘿及檸檬酸甜酸甜，解膩醒胃最後，提提大家因為性價比極高，記得要預先訂位呀
continue reading
端午節假期訂了龍亭吃廚師發板，這天吃的是特別菜單。金龍梅酒，有菊花和玫瑰花瓣點綴，喝下味道酸甜，梅香適中，清新花香停留在口腔，十分適合夏天消暑。北海道煙三文魚特色沙律，有聖女果和龍珠果拌碟，味道酸酸甜甜很清新，配煙三文魚的鹹味，非常有特色。法國生蠔配三文魚子，可以拌著魚子醬，和wasabi一起吃，把西餐變成日式風味。生蠔十分肥美又creamy，微微海水味，後調香濃。白松露魚子醬三文魚子溫泉蛋，拌勻一起吃，感覺就像喝忌廉湯，是微溫的，吃到魚子醬的鹹香，又有蟹子的脆卜卜口感，好過癮。澳洲龍蝦，蝦頭膏可以拌牛油多士吃。龍蝦肉切粒，以蝦頭膏和自身肉汁炒香，不加任何調味料，非常鮮香又爽口。帶子拌奶黃忌廉黑松露，可以拌龍蝦肉一起吃或者淨吃，最特別是奶黃忌廉的香甜味道，原來配帶子更能突出鮮味。黑松露冬菇，冬菇本身帶清香，拌黑松露吃，調出鹹味，和冬菇香氣混為一體，簡單又特別。熊本縣A5和牛薄燒，配鵪鶉蛋漿蘑菇，可以把蛋漿拌入和牛一起吃，wasabi配和牛也是第一次試呢！薄燒和牛捲著蒜蓉和蔥花的香煎，惹味又香口，夾著蘆筍吃，更能提升鮮味。蔬菜伴碟有意大利黃瓜、翠玉瓜，是西式與日式的fusion。鐵板野菜炒飯配三文魚子蟹子海膽，野菜炒飯炒得十分乾身有嚼勁，很香。海膽新鮮，香甜得不得了，三文魚子、蟹子脆卜卜口感，拌入炒飯一起吃，讓口感層次豐富。檸檬柚子菠蘿雪葩甜品，是自家製的特色甜品，吃完香口的炒飯，來個清甜的柚子味雪葩，又有菠蘿汁香甜味道，很清新。二人埋單加一$1298，廚師發板來說，算是性價比之選，怪不得全場滿座，一定要提前訂位呢。
continue reading
精緻「法·日fusion菜」廚師發辦、渡過慶生鐵板🔥火焰起舞·嚴選海鮮及高質牛扒👦🏻廚師發辦（🪄9道菜） $980沙律✨刺身✨前菜✨海鮮✨✨牛薄燒✨炒飯✨甜品✨🥗黑魚籽、中華沙律、三文魚卷沙律菜配龍珠果、甜黑醋汁🦪法國生蠔～日式點綴珍貴黑魚籽和黃金三文魚籽，海水味爆燈💡伴Wasabi✨前菜～蟹膏、飛魚籽、溫泉蛋攪拌鹹鮮分明，粒粒口裏爆✨海鮮✨🦞澳龍兩人一隻，龍蝦頭灑上黑椒芝士濃濃的，內身嚿嚿爽彈炮製Sauce （🇨🇦加膽、蝦頭膏、蝦腦）配多士 三食法 好滋味🥢香煎日本北海道帶子～肥美帶子、奶油、三文魚籽伴伴味噌醬 三文露湯菇，別有風味🥓和牛薄燒蘆筍（五成熟）🥒伴菜珍珠筍、意大利黃瓜、翠玉瓜，欣賞鐵板上既火焰 💥揀咗五成熟，和牛卷住幼蘆 bb脆嫩多汁，可以與蔥蒜一齊食🪿鵝肝多士～鵝肝既脂香與吉士、菠蘿汁配搭酸甜口感Creamy中解膩🥄鐵板椰菜炒飯～面頭色澤黃金光鮮三文魚子、飛魚子鹹鮮、撈起粒粒分明🎂生日呈獻升級甜品🇫🇷法式可麗餅儀式感滿滿配上自家製柚子味雪芭及圍繞日本十勝紅豆🫘點綴埋一啲🌸食用花打卡療癒🍺麒麟啤～大大杯
continue reading
聽朋友講，大埔有間鐵板燒性價比好高，今日lunch 就同老公過黎食下。店舖坐位唔多，好在我哋被安排坐係梳化位，一啲都唔會覺得迫。煙三文魚沙律面頭有中華沙律加魚子醬，中間包住沙律菜，下面有黑醋，旁邊有聖女果同龍珠果，入口酸酸，甜甜，好開胃。刺身生蠔配日本馬糞海膽，可以配以魚子醬或者Wasabi食，生蠔隻隻都好大隻又夠厚身，入口好鮮甜，馬糞海膽口感綿密夠creamy。日本蛋配以白松露、魚子醬、魚子，職員話攪勻食味道會好似忌廉湯。入口有咬口的魚子蟹籽，加上好香的白松露同埋日本蛋味，又真係有啲有口感嘅忌廉湯感覺。香煎鮑魚配魚籽馬糞海膽，鮑魚口感彈牙，醃得夠入味；煎帶子配魚籽馬糞海膽，帶子煎到生熟程度剛剛好，配埋中間有層味噌醬，好夾；黑松露蘑菇，黑松露更加突出蘑菇嘅香味。鵝肝多士，鵝肝同多士中間夾左層秘製cream，食入口似芒果醬，帶點酸甜，夾埋一齊食會冇咁膩，呢個食法幾新穎。和牛薄燒，我哋叫左5成熟，配菜有露筍，粟米仔，翠肉瓜，鵪鶉蛋蘑菇，個蔥蒜味好正，炒得好和，加埋個和牛香味，冇得輸呀！蛋包炒飯，上面有魚籽加馬糞海膽，炒飯底有少少酸梅汁，好似糖醋汁味道，炒飯粒粒分明，炒得好有鑊氣。花膠藥膳燉湯，一上枱就聞到好香藥材味，花膠好軟腍，飲完覺得好暖胃。手工雪芭，今日係菠蘿檸檬柚子味，入口唔會太甜，仲有啲回甘嘅檸檬苦澀味，夏天食感覺好好。除咗個前菜沙律，基本上每一道菜都有海膽，仲要俾得一啲都唔吝嗇😍😍鍾意食海膽同魚籽嘅朋友真係唔好錯過。要大讚呢度啲職員服務都好好👍👍
continue reading