LAB ZERÕ

被招牌刨冰吸引而嚟嘅雲朵主題Cafe，夏天食刨冰真係好爽🧊😙🔸多芒小丸子 $108甜甜芒果夏天食好正！氣球咁大個芒果牛奶冰🍧啱晒二人share食～冰刨得好細緻，基本上入口即溶。芒果醬配牛奶冰加埋甜度啱啱好。入面仲有粒粒芒果肉同小丸子，感覺似食緊以前許留山嘅芒芒小丸子嘅放大刨冰版💛🔸慢煮封門柳玫瑰醬意粉 $138封門柳睇落幾靚，食落有牛香不過可能凍咗有啲韌。玫瑰醬似係韓式辣醬加忌廉，微辣有奶香幾好食😋🔸櫻花蝦帶子明太子忌廉意粉 $128擺盤幾精緻，櫻花蝦味幾香～ 可惜明太子味唔係太出😶雖然只得兩粒帶子，勝在都幾大粒，彈牙煎得唔會過熟。加埋木魚片滿滿日式風味～🔸芝士黑松露薯條 $68薯條外脆內軟，入面薯肉滿滿果款～厚厚一層芝士拉晒絲好邪惡🧀️ 加埋黑松露勁香🩶🔸凍朱古力 $46男友嘅凍朱古力幾香濃。🔸凍焦糖鮮奶咖啡 $46唔記得影嘅凍焦糖鮮奶咖啡，甜甜焦糖香配咖啡幾好飲。Cafe樓底夠高空間感大，配合雲朵主題適合不過，座位都幾闊落。一早訂咗枱準時到唔洗排隊，我哋食完離開出面已經排晒隊～🫢咁啱撞正G-Dragon生日月，佈置都以GD為主題，如果我係佢嘅fans會希望餐廳播返GD嘅歌會更切合主題🤫員工服務都好好，當日係我男友生日，多謝店員配合幫我放蠟燭響刨冰上️🎂☺️整體食物環境服務都唔錯，會為咗刨冰再嚟💛🐾貓奴足跡🐾🌐LAB ZERÕ (尖沙咀)📍尖沙咀金巴利道68號地下B號舖…查看更多

尖沙咀多好嘢食，今次搵到間餐廳又有西式嘢食，又有冰食，味道同裝修都好好，整體好值得推介！………………………………………………芝士忌廉耳朵粉 ⭐️⭐️⭐️⭐️芝士同忌廉味都好濃郁，個汁好creamy，耳朵粉軟硬適中，口感好好，濃味得嚟唔會好滯，好好味，推介！蒜醬封門柳滑蛋-酸種麵包 ⭐️⭐️⭐️⭐️⭐️封門柳幾嫩，幾有肉味，用鹽同蒜醬調味得啱啱好，配埋滑蛋、酸種麵包一齊食，好味！避風塘薯條 ⭐️⭐️⭐️⭐️⭐️薯條炸得外脆內軟，炸蒜味加少少辣，好惹味。開心果杜拜朱古力 ⭐️⭐️⭐️⭐️份量超多，面頭超濃味，一路食落下層原來仲有開心果做嘅餡料，底層唔夠味嘅地方仲預左一兜朱古力醬比你加落去。………………………………………………尖沙咀食嘢都唔平，Lab Zero 位於金巴利道，離開最繁忙嘅地段少少，所以價錢相對算係抵食。不過餐廳嘅服務就比較有”特色”，裏便係有侍應嘅，但係餐具、水都係自助服務，而店員係唔會同你講，呢方面真係值得改善一下。…查看更多

約個fd子同事食飯，佢竟然係我未到嘅時候，walkin去左間cafe坐低食野，咁我無理由，唔痴野食架嘛😂😂😂芝士黑松露薯條薯條份量好多，黑松露醬都好多，呢個飯前開胃菜會唔會大份左少少，芝士醬比黑松露好食，惹味，好似仲有另一款醬，下次再試🤭黑松露應該有切碎菇粒係入面增加口感，唔係唔好食，只係有對比有傷害菠蘿咖啡湯力（凍）其實我真係好少飲咖啡，但唔計mocha，呢杯我又覺得好特別同幾好飲，菠蘿味重，但同時唔會遮左咖啡香，咖啡都唔苦，少少嘅酸味幾易入口cafe環境好fancy，純白色主調加雲朵裝飾，根本就打卡聖地🤣🤣…查看更多

Lab zero 餐廳位於尖沙咀 ，係近年非常受歡迎嘅食物網紅打卡點 。由於人氣極高，預約時常需排長隊，充分體現出佢喺本地美食界嘅獨特地位。餐廳嘅環境優美，設計風格現代且別具匠心，特別係其宛如漂浮嘅雲 裝飾，不斷輕盈移動，營造出寧靜而夢幻嘅用餐氛圍，令人感到身心舒暢。喺食物方面對品質要求極高，菜式多元且充滿創意。佢哋嘅刨冰 特別受歡迎，層次分明，口感柔滑細膩，每一口都蘊含豐富嘅味道，清甜不膩，完美詮釋夏日消暑嘅極品。此外，其他菜品均以新鮮食材製作，味道層次豐富且平衡，精緻嘅擺盤更添視覺享受。Lab zero 已成為我嘅固定飯堂，每隔兩三個禮拜必定光顧一次。無論係與朋友聚會抑或個人獨享，呢度都能提供高質素嘅餐飲體驗。…查看更多

整體上感覺佢嘅味道仲好味過大熱門刨冰店sharishari？！排隊排咗接近一個鐘但完全冇後悔！真係超級好食，先講佢嘅開心果糖不甩刨冰，唔會死甜，真係食到好真材實料嘅開心果味，開心果入口即溶，濃郁嘅開心果，慢慢喺個口度擴散，入邊嘅糖不甩份量好多，超級煙靭有咬口，又完全唔會有麵粉味同開心果刨冰配埋一齊好正，成個刨冰唔單止有糖不甩，仲竟然有綿滑嘅開心果雪糕，個雪糕好有驚喜同埋比較優質，連雪糕都好用心好重開心果味，仲好似識拉絲咁，開心果迷即係我食到啲咁重開心果味嘅刨冰真係勁開心！然後就係杜拜朱古力開心果刨冰，佢一半係黑朱古力嘅味道，另外一半就係開心果嘅味道，開心果嘅味道就係開心果糖不甩刨冰嘅味道，黑朱古力偏苦比較適合一啲唔鍾意食甜嘢嘅人，但上面嘅餅碎有啲難欣賞，一直都覺得杜拜朱古力嘅餅碎應該係開心果味，但佢嘅餅碎好似冇乜味，有少少怪，我認為就咁食開心果味會好過杜拜朱古力味。成間餐廳氛圍都係比較夢幻風格，佢哋嘅燈用咗雲朵嘅造型，位置都算舒適廣闊，適合同朋友一齊聚餐。…查看更多