Video
5-min walk from Exit B3, Tsuen Wan MTR Station
continue reading
Telephone
54887124
Introduction
It attracted people by its big burger with juicy beef. The milkshake there is special too, which is worth to try.
continue reading
Opening Hours
Today
12:00 - 21:45
Mon - Sun
12:00 - 21:45
*last-order: 21:00
Above information is for reference only. Please check details with the restaurant.
今日出山攀完岩，夜晚要補充體力近近哋喺荃灣嘅 食嘢！設有戶外位置，可以chill一chill，店內環境舒服😌🍔型男漢堡 Aussie Burger $72 流心太陽蛋好吸引🤩🤩 切開蛋汁流入牛扒度🤤 厚厚漢堡牛扒濃郁牛味🍖仲有紅菜頭，蕃茄🍅煙肉🥓流芝士🧀沙律菜🥬 層次感豐富嘅burger Combo = 正價飲品配薯條🍟或細沙律薯條+$6轉薯格🟧 薯格份量都幾多！脆卜卜好香口！🍝芝士煙肉卡邦尼扁意粉 Cheese & Bacon Carbonara $80 扁意粉厚實彈牙又好掛汁！滿滿醬汁帶有濃郁芝士味🧀 配搭煙肉🥓什菌🍄 以正價叫飲品，會送蒜蓉包🥖☕️Dirty $40 🌹Rose Latte $37 即沖咖啡暖笠笠，有埋靚靚拉花✨ Latte帶有玫瑰香氣🥰 🍗水牛城雞翼 4隻 $45每隻雞翼都脹卜卜啖啖肉👍🏻👍🏻 呢個水牛城醬一啲都唔辣，入口酸酸甜甜咁，開胃之選！🍰是日巴斯克芝士蛋糕 半價$20 原價$40 ，消費滿$90，就可以半價$20 換購一件！ 🍎今日喺蘋果巴斯克！大大件蛋糕🤩份入口滑順芝士味濃，中間有蘋果肉，蘋果巴斯克好少見✨ 加上咁大件蛋糕，好抵食🥰
continue reading
店名：轉角‧見地點：荃灣西樓角路202-216號荃昌中心昌寧大廈地下66號舖1.松露蘑菇漢堡 $75漢堡包配料有漢堡牛扒，炒雜菌，松露，芝士，同靈魂人物藍莓醬，漢堡煎得啱啱好，入口有肉汁，加上雜菌，松露，芝士，混合上藍莓醬，別有一番風味；漢堡包驗身，配上肉汁，藍莓醬，芝士，正👍👍2.喇沙海鮮蝴蝶粉 $85喇沙味重，配料有珍珠帶子，青口，鱈魚，檸檬，車厘茄，大家可以先食原味，跟住再落檸檬，喇沙味嘅辣度就出嚟，食到後面會一路辣爽一齊黎，蝴蝶粉軟身，海鮮好食😁3.巴馬火腿Pizza $85Pizza係酸種pizza做餅底，有巴馬火腿，沙律菜，Mozzarella，個人覺得巴馬火腿較為濃味4.巴斯克芝士蛋糕 $20，開心果多士 $25（超過90蚊就可以叫一款，180蚊就有齊二款）甜品好有驚喜，首先巴斯克蛋糕半溶化，有果肉嘅餡，混合上嚟好好食，半融化嘅質地好正；開心果多士即叫即製，多士用開心果醬做餡，表面放上雪糕，再灑上花生，切開咗將兩者放入口，冰火享受，但切記快食，因多士新鮮即製，雪糕較快溶化，咁就食唔到一冷一熱嘅口感結帳時，店員提及現時做緊午餐時段消費滿$90或以上全單8折優惠👍👍總價$290
continue reading
前（22-3-2025 Sat）晚，同老公落街食晚飯，我哋諗食邊間，我又想食薯條，老公話食意粉，但我哋要留肚食蛋糕，我哋先去森美睇，見到晚餐都唔平，而且都有生意，所以唔食喇，嚟好耐冇見嘅呢間啦，喺門口睇睇menu，意粉都係$80.00，經濟啲，於是入嚟食，我哋坐最後嗰張四人枱，睇咗menu，發現有新品，就係$50.00嘅開心果西多士配雪糕，只要消費滿$90.00，就可以半價$25.00換購一客，老公就度掂要$37.00嘅熱薄荷朱古力咖啡，同$85.00嘅炸魚薯條，咁就夠啦。而我見呢日我哋冇食菜，於是要$58.00嘅煙三文魚沙律，同$45.00嘅特濃花生奶昔，咁就以$25.00要埋開心果西多士配雪糕。落完單，店員都即問開心果西多士配雪糕係咪後上？我答係。之後嘢食就到嚟，先嚟嘅係熱薄荷朱古力咖啡同煙三文魚沙律。見到煙三文魚沙律面上有芝士碎，煙三文魚味道唔算重，沙律醋好味，而一路食，見到有一粒粒嘅嘢，好似係蕎麥。3分熱薄荷朱古力咖啡，味道唔甘亦唔太濃，暖咖啡中飲到少少薄荷嘅涼，不過如果有茶匙會好啲。3分之後特濃花生奶昔到嚟，一杯滿滿的，重有一舊喺面上，幾襟飲，花生味係濃嘅。5分之後炸魚薯條都到嚟，見到有兩件炸魚，而佢哋寫明，魚係用藍鱈魚柳，我先食薯條，佢外脆內軟，唔錯。5分而炸魚柳呢？外脆，魚肉都算幾新鮮同滑，正常冇問題。4分食完後我哋就叫店員上開心果西多士配雪糕，等咗一陣就到嚟，睇見舊雪糕好大舊，老公一切開，就有綠色漿流出嚟，我哋要快食喇，西多士裡面固然有開心果醬，佢唔太甜又唔算太濃，個雲呢拿雪糕好冰凍，真係唔怕溶，不過佢哋俾個茶匙我嚟舀流出嚟嘅漿食會好啲。4分環境：寬敞，冷氣舒適，座椅好似換過新嘅。其他：佢哋都有$40.00嘅芝士蛋糕，同樣消費滿$90.00，就可以以半價$20.00換購，唔知呢個係咪半熟芝士蛋糕，但由於我哋冇食力，所以冇叫，或者下次記得嘅時候試吓。抵食係2.7分2022年1月5日刊登嘅呢篇：https://www.openrice.com/zh/hongkong/review/yeah-%E8%A6%81%E7%88%AD%E6%B0%A3-e4294586
continue reading
之前係荃灣附近工作,都有特登過黎食,因為佢平靚正兼大份🤭清明假場近近地捉左男朋友過黎比佢見識下🤣👑開心果西多:跟餐加$25就可以食到,切開爆漿程度滿分🤤🤤仲有雲呢拿雪糕球~有冰火交融嘅感覺🤭超級抵食❤️🔥❤️🔥✅喇沙海鮮蝴蝶粉(HK$85):本身擔心喇沙底有啲辣~不過好好彩地只係得椒麻既感覺,我幾鍾意🥰而且海鮮量幾足,至少有三隻青口✅型男漢堡:HK$72):隻流心蛋好搶鏡🤭✅芝士辣肉腸Pizza(HK$78): Pizza 係長方型款式,都幾大份,男朋友食完飽左7成
continue reading
🍰🍔 轉角·再遇見✨呢間係食過唔錯嘅漢堡，今次叫咗一個經典漢堡同炸魚薯條，見到滿90蚊加20蚊就有件焙茶巴斯克蛋糕，就都叫咗件試下 。經典漢堡個餡有漢堡牛扒、芝士、酸青瓜、蕃茄同沙律菜，雖然係最普通嘅漢堡，正正因為咁先食到個廚師整得好唔好食😎包皮軟熟，漢堡牛扒受熱均勻，煎得啱啱好，有牛味。美中不足嘅係個漢堡擺盤需要改良下，可以整得再吸引啲😻如果你想素肉，可以加$10轉😊炸魚薯條炸得通透，炸醬粉包住魚嘅厚度適中，如果可以大碟少少就仲好添🙈甜品就一絕🥰巴斯克蛋糕🍰易整難精，但佢做到入口融化，焙茶味濃，但唔苦👍👏Joyfoodstop心動值：💓💓💓💓/5轉角‧見(香港)地址: 香港荃灣西樓角路202-216號荃昌中心昌寧大廈地下66號舖電話: +852 54887124
continue reading