Video
2-min walk from Exit C, To Kwa Wan Station; 土瓜灣地鐵站C出口沿馬頭圍道向紅磡方向走兩個街口）
continue reading
Telephone
23331448
Introduction
Traditional restaurant provide Cantonese cuisine. All dishes are above standard. Customers can find their taste of memory.
continue reading
Additional Information
門口有多咪標 附近樂民新村有停車場
Opening Hours
Today
07:00 - 22:00
Mon - Sat
07:00 - 22:00
Sun
Closed
Above information is for reference only. Please check details with the restaurant.
About Reward Scheme
Offers
試咗喜滿樓懷舊宴嘅幾道小菜，性價比極高。首先講爵士燉湯，火候夠，材料足，好啱依家天氣。百花釀鮑魚係鮑魚𥚃面釀入彈牙蝦滑，口感非常。跟住試鎮店芝麻雞，雞肉嫩到爆，芝麻香好濃，咬落仲嫩滑。黑松露蝦多士都好有驚喜，黑松露味勁出，蝦多士外脆內軟，口感層次豐富。西蘭花炒龍躉都唔錯，龍躉夠新鮮。最後食甜品家鄉糯米糍，軟糯香甜，甜度啱啱好。整個套餐抵食夾大件，傳統風味好正宗，約埋朋友一齊食，下次仲想試埋其他餸！
continue reading
琴晚同成家陪阿媽去喜滿樓賀壽，呢間老字號果然冇失水準。頭盤芝麻雞拼風沙雞勁有驚喜。芝麻雞皮脆肉嫩，啲芝麻香到癲；風沙雞嘅蒜酥炸到金黃，咬落索索聲，佐酒佳品。油泡筍殼魚夠晒架勢，條魚成隻手臂咁長，外皮炸到透薄，雪白魚肉嫩到好似豆腐，阿媽直豎拇指話好味。最過癮係懷舊錦鹵雲吞，啲炸雲吞大過乒乓波，蘸埋酸甜汁仲有叉燒粒。蜜椒脆鱔球咬落香口，蜜糖甜同黑胡椒辣撞到正，連平時唔食鱔嘅細妹都搶食。壓軸招牌欖角骨香到離枱三米都聞到，排骨鬆化仲帶欖角鹹香。埋單人均二百幾，但睇住阿媽笑到見牙唔見眼，不枉此行。
continue reading
去土瓜灣喜滿樓試咗幾味，整體都滿意。芝麻雞即叫即炸，熱辣辣上枱！層皮脆到好似食薯片，啲芝麻多到瀉，香口到呢...送啤酒一流呀。梅子鴨係阿媽至愛，鴨肉燜得夠冧，啲梅子醬酸咪咪又帶少少甜，完全冇鴨臊味，最正係墊底嘅芋頭。懷舊菜古法焗魚腸，魚腸洗得超乾淨，冇腥味㗎，焗出嚟好似燉蛋咁滑，入面仲有脆脆哋嘅油條粒，可以加啲胡椒粉食。新菜都唔輸蝕，冬瓜蒸肉餅夏天食啱晒，冬瓜片又厚又清甜，中間嘅手剁肉餅仲有咬口，肉汁滲落冬瓜度。千絲蝦球賣相贏晒，大大粒蝦球俾金絲雀巢咁嘅脆絲包住，外脆內彈牙，點少少沙律醬，香口唔油膩。
continue reading
今次喺喜滿樓嘅用餐體驗可以話係令人極之失望🤬🤬夜晚去食，點咗三個餸，但足足等咗20分鐘先上第一款，第二個都要再等多5分鐘，最誇張係第三個，等到成碗白飯食完都未有，講緊係第二個餸過咗15分鐘之後都仲未有。期間問咗店員進度，佢好唔耐煩咁答一句「整緊」，完全冇打算去查證，連廚房都冇入過。語氣唔耐煩又冇禮貌，好似我哋問多幾句就係滋擾。再問收銀員，佢擺出一副不屑樣，同樣答一句「等等啦，餸係順住做」，語氣冷淡，好似我哋催單係做錯晒。整體感覺就係冇人真心想幫你解決問題，只係想搵機會敷衍你走。隔籬枱遲過我哋落單都已經有兩三個餸上枱，對比之下更加顯得問題唔係流程，而係佢哋根本冇認真處理我嘅單。餐廳唔止要食物質素好，服務態度更加重要。一間好餐廳係要令客人願意再返嚟，而唔係令大家食完只想走。揀餐廳嚟食之前，睇食評好重要，睇負評更加重要。一句講晒不可一不可再‼️
continue reading
超水準欖角骨：想不到以親民價錢便吃到水準很高的這道菜。最喜歡到不同中菜館點這道菜，因為很考功夫之餘又好吃，在家很難吃得到。欖角味很香濃，不會過嗆，而是酸酸甜甜的，很開胃，像小菜小館的專業味道，味道非常細膩，肉質有光澤，賣相又精緻。吃起來啖啖肉之餘骨位的肉特別的嫩，所以用一字骨是明智之選，大愛。這個醬汁也用了很多欖角，拌飯一流，單吶也不過咸，濃淡得宜，想不到不用去酒樓都吃到如此高難度兼好吃的菜色，令人喜出望外。
continue reading