J.S. FOODIES (又一城)

Open Now

Now Closed

假日同朋友tea 一tea平時晚市都好多人等位今日五點左右去到等左10分鐘左右✍🏻法式焦糖班㦸 $139平時成日食梳乎厘pancake, 今次試返傳統個款有三層pancake 層層疊，中間仲有香蕉，士多啤梨同藍莓夾層Pancake 面有一層焦糖薄脆，甜甜地，pancake 係軟綿綿蛋糕感覺，外脆內軟～配埋啲忌廉同生果中和甜味，yummy~~✍🏻黑松露忌廉意粉 $139濃濃既黑松露忌廉汁，好creamy，意粉係我鐘意既偏硬身，更有嚼口✍🏻原味薯條 $45普通厚身薯條，脆卜卜原味到無乜味咁🤣✍🏻Stawberry Frappe $50✍🏻Green Tea Frappy $48✍🏻Vanilla Latta $42

農曆新年假期下晝去又一城飲咖啡食甜品，趁住時間比較早去嘗試睇吓會唔會唔使排隊，新一年好運氣唔使排隊就有位，坐低冇耐之後就見到開始有人龍出現。地點係其中一個優勢，就響九龍塘地鐵站出嚟又一城入邊，位置方面其實有少少隱蔽，如果本身唔知道或者冇去附近行開shopping未必會發現到，其實係一個唔錯嘅食飯地方，唯一係平時排隊嘅人真係唔少，所以今次好好彩。你都主打都係食pancake，一款係時令版去核車厘子pancake，另外一款就係朱古力pancake。基本上就係水準好穩定同埋好味，唔會太甜，亦都唔會太漏，加上幾個人可以叫唔同款一齊share嚟食更加好。咖啡方面個人覺得都係一般coffee shop嘅水準，絕對唔差，但係又唔算印象特別深。當然有部份飲品係唔錯嘅，但係真係冇試過好多，所以唔敢亂講

名過於實食物方面炸雞飯 雞又油又硬黑松露薯條 有一半都係凍唯一覺得最好食既竟然係肉醬意粉招牌疏乎厘pancake 應該最正常啦！一份原味，一份士多啤梨 ！士多啤梨黎先過原味，唔緊要，諗住等埋一齊影張相。等左陣未見有就問下個哥哥仔 。「請問我哋應該仲有一份甜品未到，可唔可以睇一睇？」「得啦！幫你睇一睇」一面不爽地回答如是者睇一睇冇左10分鐘 真係睇一睇。冇下文(到我地想再問另一個同事 換黎既反應係唔好問我，好忙，要走啦！既反應？) 再下一份黎到已經係10分鐘既10分鐘後。 正正因為我地有睇字知道要制作25分鐘所以一次過叫定2份 還是我地用錯字眼，睇完冇下文？假期本想同屋企人黎慶祝生日，知道無得訂台早少少拎位 ，4人枱都等左30分鐘左右，前面一直入2人枱 。🙄 有2人坐4人枱都算 ！如果真係好食的話30分鐘都等，但唔值得囉！另外環境唔算好出色。但個個員工都毫無生氣既？有種大家樂既feel。最有喜感既得返嗰位 我好忙要走啦嗰位哥哥仔得佢一個眼神上有比反應。☹️

之前食過flippers pancake覺得幾好食，然後發現原來呢間都係flippers集團嚟，所以又可以食下。夜晚8點幾先去到，唔洗等，坐吧枱。因為已經食咗晚飯，所以只係叫啲小食同甜品。士多啤梨藍莓香蕉班戟$129有三舊都算多，有啲餐廳得兩舊，不過我覺得中間啲cream可以再多啲，要點多d cream先好食。pancake一上枱已經好彈，好鬆軟，幾香蛋味。士多啤梨、香蕉、藍莓都甜，本身唔鍾意食藍莓都覺得好食，完全唔酸。酸忌廉黑松露薯條 $69好大pat黑松露同酸忌廉，另外都會有碟茄汁黑松露味道一般，酸忌廉唔錯，幾香不過唔太酸。薯條熱辣辣好香脆honey orange lemonade $38比想像中好飲，唔甜，啲橙肉好香，不過lemonade唔夠酸

我同阿囡跟朋友兩母女去又一城行完街街睇完玩具，梗係要醫下肚仔唔手！阿囡不停叫好想食食梳乎厘，於是就同佢嚟左呢間餐廳！好啦！【黑松露忌廉意粉】好香黑松露味，勁多唔同種類嘅菇菇，意粉彈牙！囡囡同佢朋友仔兩個食到停唔到口😍【海膽卡邦尼意粉】呢個大人食嘅！佢果海膽好濃，每一口都充滿海膽味，真係無得輸！【雙重碎朱古力Frappe】呢杯朱古力🍫好朱古力 我一口氣可以飲左半杯🤣🤣🤣【白朱古力宇治抹茶鮮奶】朋友話 綠茶鮮奶好飲，雖然有白朱古力碎，但係唔會好甜！【Flippers士多啤梨藍莓香蕉pancake】終於到阿囡最鍾意嘅梳乎厘😍如果佢可以比多啲cream會仲開心🥳

IT 而家唔至賣衫，旗下有好多間食市，同時間食物品質同賣相都好有保證，由其係又一城呢間，好有水準而且坐位好舒服🫶🏻Btw..而家好似興一邊賣衫一邊食野，或者一邊剪頭髮一邊係咖啡店～crossover 係大勢咁阿！· - - · - - · - - · - - ·🔸 蕃茄肉醬意粉 🍝$129🔸 士多啤梨藍莓香蕉疏乎厘🍓🫐 $128· - - · - - · - - · - - ·✨蕃茄肉醬意粉🍝，非常豐富既肉醬加埋蕃茄甜酸度好好，意粉係幼細好掛汁，所以意粉都真心好讚👍🏻👍🏻🥞個疏乎厘班戟非常好食🤤空氣感十足，食得出係用日本麵粉做出嚟，特別香同埋配料既水果好鮮甜，而家係士多啤梨好甜既時候阿🍓🫐🍌好鐘意呢個班戟，覺得會再encore 😋店員仲好好幫忙加水，唔怪之得係又一城既人氣食店阿！

呢間除咗甜品之外，正餐都唔錯特別係佢啲意粉平日有set lunch加$12有埋沙律/湯同嘢飲見到pasta吸引就試咗呢兩款黑松露忌廉雜菌意粉味道非常之濃郁有好多蘑菇,個汁Creamy得來唔會好水不過食得多有少少膩另外佢嘅清酒啲肉意粉都幾足料仲用咗好多蒜頭特別一提嘅係佢嘅意粉質地偏硬身鍾唔鍾意就視乎個人口味Apart from the soufflé, the restaurant has a variety of savoury food to choose fromOn the weekdays they have the lunch set menu which you can add $12 for a salad or soup, there will also be a free drinkWe picked 2 types of pastas as they looked deliciousThe mushroom one is creamy and full of favours and the clam one has a lot of garlic the clams

食過咁多間梳乎厘都係呢間最好食唔會好似食緊蛋咁，輕盈得來又有空氣感加埋士多啤梨、藍莓同埋香蕉好正兩個人食啱啱好😌😌Top 3 soufflé pancakes in town in my opinionFluffy, light, airyServed with strawberries , blueberries and bananas is bomb 😍😍Not a fan of cream but it’s great to have it shared with friends This is exactly what you need after stressing out from school 😋

入去個時入面都多人食緊野 好彩有位唔洗等排隊叫咗個 帶子忌廉蟹肉意粉都好食 正常野冇咩特別 份量都正常栗子pancake甜品先係主角 栗子+pancake都令人會大滿足栗子 合桃粒粒好好食😂😂

中午去咗又一城呢間西餐廳食lunch。之前見佢好多人等位，今日我哋12:30pm左右，見冇人等就入咗去😁餐廳唔係好大，不過乾淨，坐得都舒服。Lunch 冇sets, 所有野都係散叫。我哋叫咗以下兩樣野：✅Cheese burger🍔 $129轉咗要焦糖洋蔥🧅，好香。burger 🍔very juicy, 上菜時已經切開咗一半，不過一揸上手食都係散唒😅配薯條🍟，幾脆冇乜油，不過少少鹹。✅牛油果🥑配三文魚pancake $139牛油果好食，有配少少沙律🥗有3塊煙三文魚喺pancakes 上面。Pancakes 有2塊，都幾鬆軟，有配糖漿，食完都幾飽。鬼佬再加咗杯iced Americano. 2個人埋單$349（要加10% service charge的），lunch 嚟講係貴💰如果真係好想食pancakes 可以考慮嘅😏

星期六，午飯時段都多人等位。不過好多攞完票都冇等就走了，所以唔使等好耐就可以入坐。此店坐位唔多，有部分要面壁 😁 一兩個人想靜靜地，坐埋一邊都 ok 既。食物賣相靚，味道都幾好 😊 😍 黑松露忌廉意粉 😋😋😋好香黑松露味，忌廉好掛汁，真係好好味 👍😍 椰子馬蹄鮮奶 😋😋😋軟軟的椰子粒，清爽的馬蹄粒，兩種口感 👍加上鮮奶，稀身既，感覺好清新 👍😍 White X'mas Pancake❄️ 節日限定，見賣相吸引，就試一試裡面有兩層梳乎厘班戟，只有輕微蛋香 忌廉 - 除了滑，就是淡，冇香味，唔吸引內層有新鮮士多啤梨和士多啤梨醬白朱古力點綴，再配雲呢拿雪糕😊 可能第一次試這間梳乎厘，冇比較，但依款真係好一般。個人覺得可能士多啤梨醬帶酸，蓋過了梳乎厘的蛋香 🤔推介：黑松露忌廉意粉，椰子馬蹄鮮奶不過，下次會試吓其他款式班戟 😊

好鍾意食呢間嘅疏乎厘，即使係原味都已經覺得好好味，疏乎厘入口即溶，配埋大量嘅cream，好正😋😋仲有佢哋嘅肉醬意粉，簡單得嚟又好入味，意粉仲好彈牙🥰正！！

今晚同老友食飯，真係有種八七嘅懷舊感，話咁快，都係成日無得見面。八七啲八卦傳嚟傳去，笑聲嘅節奏就咁自然而然咁跟住我哋嘅食慾。今日我就嚐咗幾款讓我味蕾心花怒放嘅菜式蕃茄海鮮意粉 當我第一口將彈牙嘅意粉送入口中，真係俾咗我一個意大利嘅視覺饗宴。啲蕃茄嘅酸甜同海鮮嘅鮮美就咁交織喺一齊，意粉唔會太軟亦唔會太硬，啱啱好，好似老友嘅抱擁，暖意嘅同時又讓人感到舒適。意式芝士蛋糕黑班戟黑班戟嘅芝士蛋糕真係俘虜咗我心。蛋糕質地綿密滑溜，每一口都有濃濃嘅芝士香氣，同埋啲蛋糕底嘅黑班戟更係一絕。就好似食緊一片芝士嘅幸福感，一啖一啖都好像融入咗幸福嘅仙境。唔會太甜膩，令我回味無窮。

比個pancake吸引，所以決定去食，一開始叫咗個海膽卡邦尼意粉，食落好Creamy，每條意粉都掛滿汁！味道唔錯，但食到中間就開始覺得味道有啲濃，要不停飲水🤣之後再叫埋個法式焦糖班戟，三層班戟都鋪滿焦糖，好有層次感，十分有誠意👍，班戟唔會太甜，真心推薦😍

呢間一直係我既愛店，主食甜品都好好味😍滿足哂我！明太子醬北海道三文魚籽意粉 $158呢個明太子意粉真係世一，每次黎都必食😍個汁好濃郁好creamy ，加埋d三文魚子真係好夾！👍👍👍芝士漢堡$139，漢堡好多肉汁有濃濃既牛味，薯條熱辣辣。朱古力香蕉班戟$139，呢款薄pancake第一次試，都有蛋香味，但唔算好特別，都係疏乎厘pancake好食d。Flippers 原味班戟 $109，都係最愛呢款疏乎厘pancake，中間d cream 好滑奶油味濃濃。每次黎都必食😎😎店員主動幫我地加左好多次水，同埋都好有禮貌！