毛所樹樹

Open Now

Now Closed

來到長沙灣協和小學一帶， 這邊咖啡店選擇寥寥可數， 本想放棄卻沒有放棄下， 竟然讓我遇上了「牠」。是緬因貓！記得在旺角花園街寵物店， 偶遇了緬因貓便深深地愛上「牠」， 店員一再提示緬因貓體型龐大， 養牠定要經過慎重考慮。當遇上這家，可能是全港唯一有緬因貓的貓cafe， 也許就是我跟緬因貓的緣份使然，讓文迪看看是否能當牠的主人，結果發現緬因貓雖然體型龐大，但品性比想像中和順。 位置並不難找少有是地鋪的貓cafe， 與其說是貓cafe，格局箱更像一間純純的咖啡店， 空間感其實不是很大， 有不少二人或四人桌， 還有靠窗的吧檯。也許是空間狹小的關係， 貓咪在客人餐桌之間穿梭， 毫不客氣的， 對於貓咪愛好者來說就是拉近與貓的距離。也許是週末的關係， 未有訂位的我差點被拒之於門外， 店員表示有60分鐘的限時和低消$90， 這問題不大只想找個療癒空間， 沉浸於貓與咖啡的療癒時光。Rose Latte($45)沒有期待卻有驚喜， 首先拉花都幾對辦，咖啡香比較溫和， 帶啖啖玫瑰花香， 貓咖啡店來說是水準之上。泰式奶茶芝士蛋糕($48)比較普通，有三層的Layers，面層的芝士蛋糕是水準之內，蛋糕層不太嚐

長沙灣這間名為「毛所樹樹」的貓咖簡直是貓奴天堂！一進門就被20多隻巨型緬因貓包圍，每隻都像毛絨絨的小獅子。別看牠們體型是普通貓咪的2倍大，性格卻像棉花糖一樣軟萌——會用大腦袋蹭客人手心，躺平任擼時還會發出呼嚕嚕的震天響，治癒力直接拉滿！ 環境佈置成森林系風格，貓跳臺做成樹幹造型🌿，陽光透過落地窗灑在貓咪蓬鬆的皮毛上，隨便拍照都是雜誌大片。餐點更是驚喜：彩虹貓爪蛋糕🍰、三文魚貓臉鬆餅！特意設計的素食菜單超用心，香草蘑菇燉飯和藜麥沙拉🥗顏值味道都在線。 絕對是週末充電的首選地🌟！

座位勁窄，環境衛生麻麻。啲嘢食食完個口即刻生瘡，仲有勁頸渴，好味精。啲貓隻隻睇落冇精神，有幾隻仲有病，有眼疾，有流鼻水，有啲仲餵緊藥。員工感覺不太有善，尤其有一個大隻的女人。如果係貓cafe嚟講，不合格！不會再試。附近的話，去urban cafe好好多。

見食評話幾好就突登來幫襯下 喵喵好乖好親人 但比預期的喵不多 一眼望晒 食物水準真係好一般 如果對西餐有一定要求就會覺得佢哋出品比較hea 最基本牛扒已經唔掂D配菜仲好食 價錢亦偏貴 當然係香港做得地舖 想親民D都有點難 服務亦只算一般

今次同朋友去咗呢間貓Cafe主要想近距離接觸下緬因貓環境唔大，衛生情況都一般、服務態度也很一般，員工不太主動態度也沒有很好。不過如果齋講佢嘢食係幾OK， order咗兩個主食一個小食，真係要讚吓佢個「貓耳朵」，食晒成份都唔會覺得好油膩，味道啱啱好，口感好q彈。

今日落到青山道，竟然發現到一間好多貓貓嘅餐廳最重要呢間餐廳又有肉又有數的選擇正值我今日十齋日要食素，即刻走去試試一入到去，你已經俾好多貓包圍住隻隻都好溫馴聽話🥰🥰呢度有好多食物選擇，尤其是素食都有好多，仲會有素食午餐添我今日揀咗佢哋嘅星期三選擇，個意粉唔錯幾好食再加一件芝士蛋糕而且佢哋個花茶都幾好飲，好大杯嘅其實得閒走嚟呢度食吓嘢玩吓貓仔都係一個唔錯嘅選擇最重要呢度有一個服務就係比$10已經可以有一包貓貓嘅零食你就可以隨意喂你喜歡嘅貓貓…當你一攞起零食啲貓貓就會圍住你團團轉今日個經驗都幾得意，下次會再嚟

可能係全港最大嘅緬因貓Cafe😍 但係除咗緬因貓外，佢亦都有好多其他貓嘅品種，例如英短、扁面貓、布偶貓等等 好適合一眾貓奴到訪🥰 餐廳最低消費每人$90，另外限時90分鐘 非常足夠慢慢玩貓🐈另外啲貓都好有活力好親人、唔驚人，唔似得其他有啲寵物Cafe啲貓狗已經好厭世🫢 基本上擺個袋喺地下，佢就已經當咗喺佢張床😂 想走嘅時候拎返個袋都有啲難度🤣🔸經典炭燒「和牛」漢堡配薯條炭燒漢堡包外脆內嫩，幾有驚喜😆 和牛漢堡肉質鮮美，好重肉味，煎嘅時候鎖住晒啲肉汁🥰包身柔軟，配搭的生菜和番茄都非常新鮮，而千島醬亦都係好夾。至於薯條，外脆內軟，鹽味適中，真係食到停唔到口！🔸蘆筍藜麥燒牛肉意大利飯呢碗蘆筍藜麥燒牛肉意大利飯就更加健康。藜麥既口感彈牙，搭配鮮嫩既燒牛肉同蘆筍的清脆感亦為整碗飯增添咗層次。整體來講，呢道菜不僅視覺吸引，味道上也相當出色，適合追求健康飲食既朋友👍

第3次去貓cafe, 呢間感覺最高質。店舖服務態度好，食物質素高，貓貓很乖很親人。之前上網search過係緬因貓cafe, 長毛貓以為好惡好高竇，但隻隻都摸得，又幾乖。一入門口已經有鞋套機，十分衛生乾淨。場內有好多隻貓，同我地距離十分近，近到你坐佢隔離都ok。點了幾款食物，質素很好Margarita Pizza $68份量很充足，賣相很好😋味道也很夠味，好多芝士同香料Matcha Latte $24香濃的抹茶味，上面仲有拉花，好靚好高汁脆炸牛油果 $24有4件炸牛油果，很香口，不錯酥炸大啡菇 $39正常味道，都係即整的上菜時，店員還會貼心提示你先回座用餐，食完繼續玩貓。服務體驗和食物質素都好好👍🏼會再來訪

話說光頭突然話同我去貓咪Cafe於是喺網上揾咗呢間Menu睇落好多嘢食嘅試下晚市時間到步，一入去就有隻貓星人喺度「歡迎」我哋小食：脆炸牛油果、黑松露薯條主菜：卡邦尼意粉、肉眼扒飲品：榛子咖啡、茉莉花綠茶Latte資深😺店員為咗小食示範握手手呢度嘅貓店員可以自由到休息區放空，待遇好過出邊好多打工仔大家唔好打優休息中嘅貓貓啦~不過似乎有啲員工當正公司係佢屋企喎溫馨提示：請小心櫈下嘅陪食員小朋友有備以來貓貓玩得好開心~總括而言，以貓咪Cafe嚟講毛所樹樹Menu嘅食物種類同味道都超出期待店員會適時指導小朋友如何做個好貓奴係一間用心經營嘅舖頭值得encore~

今日我地去探大貓貓, 之後去過幾間唔同既貓cafe，呢間主題係緬因貓, 進店先要套上鞋套有消毒用品提供, 店內環境舒適, 貓既活動空間都好足夠, 見到店員都好錫D貓, 而貓貓們都好活潑😍今次我地試下兩杯唔同既咖啡 - ice mocha & hazelnut latte 兩杯甜度適中, 咖啡味濃👍🏻👍🏻食物就叫左夏威夷pizza &漢堡, 兩款材料都好新鮮, 牛肉漢堡 口感好豐富😋 肉汁好juicy, 而且薯條炸到夠晒脆身食唔停口😋Pizza就加左大量芝士, 加埋新鮮菠蘿去焗, 口感香脆.而且餐廳有多款素食比客人揀架👍🏻

呢一間貓貓café 特別之處係有好多緬因貓緬因貓身型偏大，但性格溫順，任摸任撩眼見亦唔會突然有大動作，所以好得小編心而且作為貓貓café，餐單選擇都唔少，重提供好多款素食🐈🔅經典炭燒（素）牛肉漢堡配薯條Impossible meat厚度十足，麵包脹卜卜配上甜甜地嘅菠蘿同芝士食落同普通burger其實好接近 🔅烤焗法國黃油雞配薯菜燒汁黃油雞雞味濃郁，帶有油香味烤焗令外皮有少少焦脆，伴上黑椒汁好惹味特別一提，薯蓉加入黑松露，意外驚喜 🔅三重朱古力muffin而焗熱後面頭嘅朱古力即變lava濃郁朱古力香味，而又唔會太甜🔅小山園抹茶鮮奶抹茶微澀，伴住鮮奶味道變得溫柔，好舒服🔅TGIF - Thanks God It's Friday蘋果汁混合tonic water味道清新清爽，TGIF

全港唯一緬因貓主題 Cafe，一個比大家抖一抖的喘息空間。貓貓超巨型，有1.1米長，以為會好惡，點知都係好平易近人。食飯嗰陣仲會坐係我隔離陪住我食，下次就算一個人嚟都咁洗驚好lonely ~食飯方面，主要係日/西式料理，質素都幾好。烤焗法國黃油雞配薯菜燒汁新鮮烤焗，需時20分鐘～熱辣辣，香氣撲鼻，肥美飽滿。雞髀雞胸肉質都不粗糙，保持肉嫩。柚子胡椒青囗扁意粉配忌廉汁忌廉汁帶柚子的清香和微辣味道完美融合，清爽而不膩，加上海鮮小青口，令意粉更豐富。最後，更點了甜品—檸檬桑莓流心muffin，鬆軟無比，清香可人 。飲品：WISH 紫夜星願&熱帶風情讓我擁抱夏日活力🌞前者係碟豆花X tonic X洛神花茶 X檸檬汁調配嘅特飲，以花香為主，飲完身體好似放鬆咗。後者以熱帶風情為靈感 ，fruity味突出，酸酸甜甜，又可以提升免疫力。同時，推廣素食文化，提供素食選擇，鼓勵更多人踏上素食之旅！

今次去既呢間貓cafe係長沙灣,餐廳好闊落,d貓好乖😍D貓好有特色,好大隻好高､又乖｡食物又唔錯｡幾啱去hea下❤️🇫🇷烤焗法國黃油雞配薯菜推薦呢個!雞肉異常juicy!好多薯菜,黑松露薯蓉超香｡🍝青口扁意粉配忌廉好多青口,配搭不錯🫐藍莓muffin估唔到甜度剛好!難得,好食👍🍹飲品好適合打卡📷餐廳好舒服，會再去👍🐱毛所樹樹 (長沙灣)🌍長沙灣青山道124-126號Spark City地舖

🌟毛所樹樹🌟位於長沙灣，係一家🐈貓Cafe☕，有🌿素食Menu提供！🌟毛所樹樹🌟嘅貓咪品種都幾特別，主打🐈巨大身型嘅緬因貓🤩，係出名聰明伶俐巨貓🐈！🍰巴斯克芝士蛋糕 - 丸久小山園抹茶 $65抹茶味嘅芝士蛋糕！🌶️避風煻雞軟骨 $88辣辣地幾香口，又夠脆！🍔Classic 炭燒「牛」漢堡配直薯條 $128純素嘅漢堡，採用Impossible Meat，疊到高一高！🍝扒虎蝦意大利飯配紅花汁 $138兩隻蝦都幾大隻，同埋煎得幾香！🍹TGIF $24星期五嘅特飲！

最近我去了毛所樹樹貓Cafe，這裡不僅有可愛的貓咪，還有好吃的食物，亦有不少素食選擇，是個放鬆的好地方！店內有型格的緬因貓和軟萌的布偶貓，絕對是貓奴天堂！烤焗法國黃油雞配薯菜（半隻）雞肉外皮烤得香脆，裡面卻是多汁的嫩雞肉，真是太好吃了。旁邊的黑松露薯仔蓉也是絕配，軟軟的土豆泥加上烤蔬菜，食肉之餘不會過份油膩。略嫌清淡可配上旁邊的醬汁，味道更濃更惹味。柚子胡椒青口扁意粉酒配忌廉汁柚子胡椒的味道讓青口變得清新，帶點檸檬味。青口肉質飽滿，而扁意粉的口感恰到好處，加上濃郁的忌廉汁，完全掛在意粉上，每一啖都有濃郁鮮味！三重朱古力流心muffin外層的巧克力蛋糕柔軟可口，內裡的巧克力醬流出來時，香濃得不得了，入口朱古力味濃。凍美式咖啡咖啡的苦味剛剛好，nutty風味，個人偏愛這味道。熱玫瑰鮮奶咖啡咖啡的香氣特別，玫瑰的味道和咖啡的濃郁融合在一起，加上拉花，味覺視覺雙重享受。