Video
10-min walk from Exit B2, Wan Chai MTR Station
continue reading
Telephone
26203288
Introduction
It features contemporary Cantonese cuisine with a creative twist to serve dim sum and traditional dishes, such as those themed around the 24 solar terms. The decor is elegant, featuring 16 private dining rooms suitable for business gatherings and banquets.
continue reading
Opening Hours
Today
11:00 - 15:00
18:00 - 22:00
Mon - Fri
12:00 - 15:00
18:00 - 22:00
Sat - Sun
11:00 - 15:00
18:00 - 22:00
Public Holiday
11:00 - 15:00
18:00 - 22:00
Above information is for reference only. Please check details with the restaurant.
About Reward Scheme
Offers
Recommended Dishes
久違了的好友再茶聚，生活話題多不勝數，選個寬敞寧靜的食府才可以不影響他人，他人也不影響我們。食府空間感強，裝修時尚淡雅，只可惜大廳沒有𥦬戶，略嫌美中不足。友人生活習慣健康，食事必以蔬菜先行，因此浸菜苗便成了頭盤。菜苗色如翡翠口感鮮嫩，鮮竹倒是未完全浸泡和煮透，口感乾硬。蜜汁叉燒溫熱軟嫩，價錢亦十分公道，是近期吃過的叉燒中的佳品。鮑魚酥外型討好，上枱之時鮑魚酥仍然燙手，而且汁水豐盈，令人躍躍欲試，鮑魚的口感雖與鮑魚名店出品相距甚遠，但甘香的鮑汁彌補了不足，非常可口。館子的點心基本是三件一籠，但食客可按人數加多點心的件數。野菌粿包得小巧精緻，粿皮以蝶豆花染至微藍，十分吸睛，餡料粒粒分明，口感清爽。蝦餃是水平出品，筍尖的香味與蝦仁的爽彈俱備，無不妥也無突出之處。石榴牛肉球名字漂亮，然而內涵就是普通的山竹牛肉球，口感與味道不錯，但質素只是平平。紅米腸的粉皮軟中帶彈，內餡的蝦春卷香脆之餘，蝦仁亦十分爽甜，不喜炸物的閨蜜也吃得津津有味。糯米包屬懷舊點心，平時較少出現，因此立即下單。糯米包一向是平價點心，因為材料都不是貴價食材，但這裏的糯米包並不便宜，以價錢論質素，出品低於預期。
continue reading
「合和軒」 係12月開張嘅合和酒店𥚃面嘅中菜，餐廳走低調平實風，唔係走奢華富麗堂皇嘅設計，配埋柔和嘅燈光，座位闊落環境寬敞，坐得自在舒適；位置算方便，由合和中心行過去合和軒午市套餐 $268有4道菜，包括3款自選前菜/點心、湯、主菜同甜品前菜 /點心拼盤有3組選擇，每組有三款唔同嘅前菜/點心我就揀咗蜜汁叉燒/蟹子燒賣皇 /蜂巢帶子荔芋盒蜜汁叉燒係佢哋嘅招牌菜，外面少少焦𥚃面肉質嫩滑嘅，蜜汁唔會過多過甜蓋過肉味💯蟹子燒賣好飽滿扎實，蝦嘅比例好足料😋蜂巢帶子荔芋盒外面好酥脆，𥚃面荔芋超級滑，咬落完全唔覺得油膩💯湯•羹有2款選擇瑤柱海皇豆腐羹瑤柱同蝦勁多，好足料，食落完全唔覺漿口同飽滯👍🏻菜膽花菇燉雞腳材料雖簡單，但個湯好清甜👍🏻主食雞絲韭黃煎麵麵煎得夠脆，個汁味道剛剛好，又唔會太杰💯魚香茄子炆伊麵伊麵唔會太腍，魚香茄子唔會勁濃勁重味，茄子有咬口唔會煮到過腍，好味😋甜品陳皮蓮子紅豆沙芋圓、懷舊芝麻卷2樣都好味，紅豆沙有恰到好處嘅陳皮味，甜度適中；芝麻卷夠濃夠滑👍🏻所有食物唔花巧，超高質，呢個午市套餐抵食，服務殷勤，就算餐廳坐滿人上菜速度都唔慢，啱啱好，感覺良好嘅餐廳除大堂座位外，仲有十幾間包房，絕對係家庭聚會又或者商務飯局嘅好選擇，推薦💯
continue reading
由籌備建成到開幕足足花了 40年的「合和酒店」，之前已來過西餐廳，品嚐性價比高的自助午餐和晚餐。今趟中午來酒店的中菜廳「合和軒」，就是品嚐行政總廚 伍偉國 Larry 特意撰寫六道菜的午市套餐，網上訂購 HK$305 / 位，毫不猶豫，自費訂位，再次感受中菜出品的滋味。「合和軒」整體裝修典雅卻不拘束，座位寬闊，來吃飯感覺挺舒服，和朋友邊吃邊傾偈，也是賞心樂事：）「前菜薈萃：合和黑毛豬叉燒、筍尖鮮蝦餃、蜂巢帶子荔芋盒」中午食點心，我很喜歡這種拼盤，可以不用嗌成籠咁多粒，也可品嚐不同款式：叉燒用上西班牙黑毛豬梅頭肉，燶邊蜜汁夠薄身，肥膏位爽口不油膩：加上叉燒用了玫瑰露去提香，不錯的開始：芋角有驚喜！芋蓉用人手搓成欖形，包住帶子炸到金絲蜂巢狀：外鬆脆內軟糯，完全唔油膉，手功之作：筍尖鮮蝦餃以籠仔上，小巧精緻，皮透見橙紅蝦肉，筍粒爽脆無渣，蒸得剛好唔穿皮：「太白花菇元貝燉雞湯」上枱熱到燙手，湯色清可見底，完全已去油份，全是精華：大頭原隻太白花菇：飲落先嚐到老雞鮮的醇厚，尾段滲出元貝甜及菇香，花菇厚肉，侍應說是傳統隔水燉足三粒鐘的功夫所做，飲完是很舒服的感覺：「甜麵醬腐竹炆鱈魚」很對胃口的小菜！銀鱈魚切塊起骨先輕煎鎖肉汁，腐竹走油至微脆再炆，放京式甜麵醬及蔥段同炆：食材吸盡醬味既保持豆香，平衡做得不錯，這是我欣賞的：鱈魚油潤配醬汁微鹹帶甜，送飯一流，啖啖肉無骨，大人細路都該會喜歡：「上湯杞子浸菜苗」，簡單見功力，用火腿老雞熬的上湯，莧菜軟，浸到碧綠入味：杞子預先浸發至脹卜卜，咬落清甜感覺養生，上湯帶有少許芡汁質地，飲埋正好清一清味蕾：「脆火腿肉鬆炒絲苗」，這度好吃！炒飯控必試 Larry 師傅的手勢。飯粒分明乾身，秘訣是要在於用冷飯猛火快炒，煮功的表現。金華火腿茸炸到脆口，加肉鬆鹹香雙重奏，蔥花、蛋絲增添口感，帶鹹鮮，食到底都無油，惹味之作：「奶香合桃露湯圓、懷舊芝麻卷」香港人吃甜品的最高境界就是「甜品唔會太甜」，某程度上也反映了現在食客開始注重健康及口味的轉變，這兩個甜品甜度亦剛好。「奶香合桃露湯圓」合桃磨吃得出是生磨，幼滑起沙，少許奶香平衡了堅果澀味。芝麻湯圓流心，皮薄唔黏牙 ：芝麻卷這少懷舊「菲林卷」，黑芝麻味甚濃，冰凍上枱不甜膩，是個清新的結尾。整個套餐中午對我來說是非常之飽足，服務也滿意，在酒店享用這休閒午餐，挺寫意。以這價錢，三百多食到酒店級手工菜，分量對男士剛好，女士可能食唔晒炒飯。環境清靜適合傾偈，侍應收碟換碟夠密手，值得來翻兜 XD
continue reading
💎三文魚子碧綠龍蝦粿 108.00龍蝦肉上有幾粒三文魚子 龍蝦肉質咁比較淋同鬆散下面係裝飾量嘅蟹粉同彈牙蝦💎筍尖鮮蝦鲛 85.00正常彈牙蝦餃💎蟹肉菜苗餃 85.00多咗少少菜同蟹粉嘅減量蝦餃💎蝶豆花野菌粿 58.00冇味菇餃💎生煎鮮蝦腐皮卷 58.00個皮比較油唔夠乾身 餡有韭黃蘿蔔同蝦💎鳳凰叉燒腰粉 78.00正常叉燒腸💎黃金凉瓜鍋贴 108.00全餐最有味嘅一碟餸蛋黃非常邪惡個餡就係蝦同涼瓜幾香口幾好食不過食一嚿就夠曬了💎炭燒金磚腩肉 168.00冇味燒腩仔得三點芥末💎一品砂鍋炒飯 268.00有蝦蟹粉帶子瑤柱飯都乾身不過又係冇乜味有可能因為我點曬啲招牌 而咁啱大部份招牌嘅餡都係用蝦蟹粉製成 食極都係呢幾味 好悶 比較少調味感覺為咗收貴啲而係咪都加蝦加蟹粉份量係夠四個人食得飽食物嘅好味程度對唔住佢嘅價錢可能係食環境地點啦
continue reading
前日經朋友推薦呢間係灣仔合和酒店既新中菜一去到裝修簡單，燈火通明 唔會好似出面其他新式中菜咁暗 枱與枱之間好闊 唔會有一種好迫促既感覺👍👍👍一坐低已經有服務員問茶同時仲向我哋推薦左好多唔同菜式，仲冇催我哋落單，由於第一次去 我地問左好多問題 服務員都好好耐性一一為我哋解答💪🏻我哋叫左3款菜加一個炒米粉，所有食物整體上都好好唔會等好耐，上菜嘅時候啲餸菜都係熱既。食完埋單既時候服務員仲問我哋有冇意見👏🏻成餐飯都好好，見到佢哋有好多房，如果中意私隱度高 呢度絕對係一個好選擇👍👍👍
continue reading