Video
Opening Hours
Today
08:30 - 20:00
Mon - Fri
08:30 - 20:00
Sat - Sun
11:30 - 21:00
Public Holiday
11:30 - 21:00
Above information is for reference only. Please check details with the restaurant.
🐓 香烤嫩雞·香草燒汁·烤時令雜菜（$200）一上枱就俾烤雞嘅份量驚喜，烤雞皮脆肉嫩，加上係用慢煮方式烹調，完美咁將雞嘅肉汁鎖住，食落去完全juicy唔嚡口，時令雜菜方面有薯塊、翠玉瓜同紅蘿蔔，薯塊口感結實，翠玉瓜爽脆多汁，紅蘿蔔鮮甜，配上調味啱啱好嘅香草燒汁，正😄佢仲可以加$10升級做套餐包餐湯/沙律同飲品🧅 炸洋蔥圈（+$20）洋蔥圈份量頗多，炸得金黃香脆唔油膩，金黄嘅脆皮包住嘅洋蔥味道清甜而且洋蔥味香濃👍🏻🍽️ 忌廉白酒煮青口·薯條·香脆法包（$170）青口份量多，香氣撲鼻，每粒青口都飽滿鮮甜美味，忌廉汁份量多，加上酸酸甜甜嘅蕃茄，味道好開胃；香脆嘅法包就咁食略嫌少許乾身，蘸上忌廉汁一齊食啱啱好，薯條炸得外脆內軟唔油膩，佢仲可以加$10升級做套餐包餐湯/沙律同飲品🥗 餐沙律（+$10）佢係凱撒沙律，入面有蕃茄仔，麵包粒，凱撒沙律醬同生菜；生菜新鮮爽脆，蕃茄仔鮮甜多汁，麵包粒香脆🌽 北海道產甜粟雞肉豆乳濃湯（+$10）一上枱就已經閘到好香嘅粟米甜味，濃湯十分濃稠，而且有好多粟米粒，非常足料🥤期間限定冰茶佢其實係檸檬伯爵茶，飲落口帶有淡淡嘅佛手柑味同好溫和嘅檸檬酸味，非常清新同解膩🍇 青提梳打（+$12）青提梳打好夠氣，飲落口好冰爽之餘青提味道十足，而且甜度適中
continue reading
交通非常便利太古站一個馬路就到店內裝修非常新淨好光猛 整體感覺好整潔座位非常寬敞舒適完全可以傾密計happy hour套餐非常抵食兩杯手工啤加一大包薯條完全冇想像過港島區會有抵食優惠烘焙黑啤味道剛剛好容易入口 仲飲到麥味至於清啤麥味不濃 想傾計 唔想飲到醉醺醺 非常啱飲薯仔原隻切出嚟 仲見到薯仔皮完全唔油膩 傾下傾下坐到晚市 天婦羅軟殼蟹牛肝菌意大利飯份量非常多非常多 軟殼蟹大隻又香脆 個菌汁非常香濃 個意大利飯仲有米心㗎 有咬口好煙韌 喺香好少會食到有米心意大利飯 烤三文魚柳 普羅旺斯雜菜燴 奶油薯蓉 薯蓉非常香滑三文魚一啲都唔油非常香脆 配合個雜菜會酸酸 甜甜 非常夾 忍唔住+10蚊 配餐湯同埋咖啡 +20蚊 雞槌+20蚊 牛乳軟雪糕 非常香話同埋好濃牛奶味 愉快的晚餐晚市堂食唔太多人不過都幾多人外賣港島區非常舒適嘅西餐廳
continue reading
太古城有一種高貴優雅的感覺，朋友慶祝我的生日，邀請我來到太古城一間簡約雅緻的小餐廳。這間西餐廳主要提供沙律、漢堡餐、意大利飯/麵、甜品。有一角是沙律區，讓客人挑選各種新鮮的沙律。有些客人專門到店買一盒沙律，看來沙律很不錯，甚受客人歡迎。我們點了車打芝士安格斯牛肉漢堡·薯條餐、天婦羅軟殼蟹牛肝野菌意大利飯餐、濃厚芝士蛋糕和雜莓牛乳軟雪糕芭菲。兩款餐只需加$10就有沙律/湯及餐飲。車打芝士安格斯牛肉漢堡·薯條～車打芝士安格斯牛肉漢堡，包身鬆軟，內有溶化車打芝士、洋蔥圈、煙肉、安格斯牛肉。還有香脆熱辣辣的粗薯條，薯條份量多之餘，又配上兩款醬-酸甜番茄醬和鹹香濃郁黑松露醬，實在太好啦。這個餐加配了沙律和期間限定冰茶，沙律看似平平凡凡，只有沙律菜和沙律醬，沙律菜卻非常新鮮爽脆，很好吃。天婦羅軟殼蟹牛肝野菌意大利飯～天婦羅軟殼蟹炸得香脆可口，意大利飯口感煙韌，米粒吸收了牛肝野菌忌廉湯汁，米飯香滑濃郁。牛肝野菌QQ彈彈有咬口，真是很好吃。這個餐加配了北海道產甜粟雞肉豆乳濃湯和期間限定冰茶。濃湯充滿濃郁粟米香甜，粟米粒多，非常足料。濃厚芝士蛋糕～蛋糕充滿濃郁芝士味，餅身有點厚實，曲奇餅底，配搭焦糖拉花、藍莓和士多啤梨點綴。雜莓牛乳軟雪糕芭菲～牛乳軟雪糕配上雜莓醬、果仁和燕麥脆粒，賣相甚為吸引，口腔滿是濃郁香滑牛奶味。
continue reading
今日和好久不見的朋友相約在東區太古見面，揀了一間近地鐵站出口又在酒店對面的小店，裝修簡約帶點美式風格。我地點了兩個餐，追加湯品+飲品（另外一款係沙律+飲品）烤美國安格斯肉眼扒 •燒烤味薯條烤美國安格斯肉眼扒外焦內嫩，肉香四溢，油脂分布均勻。燒烤味薯條外脆內軟，撒上特製香料，配上健康沙律菜，令人垂涎欲滴。北海道產甜粟雞肉豆乳濃湯甜粟粒粒金黃，雞肉嫩滑，豆乳香濃，整體口感濃厚。吉列日本蠔. 蟹肉番茄忌廉意大利飯 日本蠔炸得外皮金黃酥脆，裏頭鮮嫩多汁，意大利飯粒粒分明，搭配上鮮甜的蟹肉和濃郁的番茄忌廉醬，口感層次分明。期間限定冰茶：冰爽怡人 菜單上還有其他不同的選擇，如：意粉、漢堡，其中有一個自選沙律，可以自選五款食材，相當吸引；有早餐、午市，亦有happy hour時間可以飲啤酒和吃薯條，非常適合放工去chill 下，好適合情侶和好友聚會。
continue reading
店舖鄰近太古地鐵站～一出對面就到，好方便！食物款式選擇多🤩！另外揀主食可以＋$10轉set，包是日餐湯同埋飲品～好抵👍🏻！𝑭𝑶𝑶𝑫𝑺1〉慢煮番茄肉醬溫泉蛋意大利闊條麵 $120 香濃嘅肉醬味唔會覺得佢係似茄汁味～味道清得嚟又唔會覺得佢太鹹！非常開胃！闊條麵口感啱啱好～ 唔會太硬，恰到好處！2〉燒烤三文魚柳.普羅旺斯雜菜燴奶油薯蓉 $170 （推薦🌟）三文魚柳皮烤到”咯咯聲”，超級脆口！奶油薯蓉好smooth～綿綿滑滑好好食！普羅旺斯雜菜亦都令體道菜昇華，同三文魚柳好夾啊！大滿足！3〉薯條 跟餐＋$20 （大推薦🌟）食落好有口感～因為條條薯條都好粗身好有薯仔味！就算唔點醬都一定出色！4〉法式龍蝦濃湯 跟餐＋$10 （推薦🌟）好濃郁！濃濃嘅龍蝦味冇得頂！仲要湯底都好豐富，每一啖都有蝦肉粒㗎～口感好豐富！5〉北海道產甜粟雞肉豆乳濃湯 跟餐＋$10 豆乳濃湯非常濃郁！唔會太水汪汪～雞肉味道提升咗湯嘅口感！再加上粟米嘅香甜味～令人回味！𝑫𝑹𝑰𝑵𝑲6〉伯爵茶鮮奶咖啡 跟餐＋$12 （推薦🌟）伯爵茶咖啡比例完美！非常之平穩～味道上唔會互相搶咗大家嘅味道！首先會聞到咖啡嘅香濃～然後再飲到伯爵茶嘅濃郁味道！7〉焦糖咖啡 跟餐＋$12口感香滑～焦糖味甜而不膩！咖啡嘅香濃都有係到～飲落順口絲滑！-
continue reading