河內越式料理

Open Now

Now Closed

見到「河內越式料理」咁多分店 就知道一定要試試佢🤩 平日晚上6點左右到都幾乎滿座 少少期待😆忍唔住叫到成枱野食🤣兩個人唔過份🙂👍🏻生牛肉湯河粉 湯頭清切但好濃郁👍🏻 越式香料就係食極都唔厭牛肉呈上時都係紅紅地 口感鮮嫩👍🏻係會想瘋狂飲哂碗湯的程度🤣 👍🏻越式香茅豬扒檬粉 檬粉好爽口！！！ 豬扒新鮮煎起 熱辣辣 配埋香料好好食肉質都好juicy! 必點😍 跟餐小食 ：香茅雞翼 炸到個皮勁薄 新鮮炸起 雞肉都仲係好嫩 👍🏻 有冇人明白次次食親越南嘢都要叫香茅雞翼🤩❤️‍🔥跟餐小食：越式炸蝦餅 蝦餅啖啖肉 🥰 好濃厚蝦既鮮味 再配埋蒜片 增加風味 好食！ 芒果牛油果鮮蝦米紙卷😍 必點！ 超refreshing 既前菜！ 餡料勁豐富 有原隻鮮蝦 ！ 同埋勁甜既芒果🥰 加埋青瓜等配料鹹甜鹹甜好過癮👍🏻 仲要size勁大 一口係絕對食唔哂🤣🤣 最後以冰鎮凍奶茶作結😙 飲奶茶最緊要夠凍 ！ 茶底好濃郁 👍🏻 其實佢仲有好多越式料理 例如越式菠蘿海鮮炒飯 魚露炒河粉等等 我黎緊會慢慢試埋佢😍🤩

尖沙咀呢間「河內越南餐廳」真係幾有驚喜！最鍾意佢個「家鄉南薑豬手飯」，$75一碟份量好足。豬手炆到軟淋，咬落去骨同肉輕鬆分開，南薑味好突出，帶少少辛辣又唔會搶咗豬手本身嘅肉香，配埋白飯真係一流。「秘製招牌豬扒飯」同「順化牛肉蛋飯」都係$66，性價比好高。豬扒煎得外層微脆，入面肉汁超多，秘製醬汁有少少甜，好惹味；牛肉蛋飯就夠晒溫和，牛肉嫩，蛋滑，順化風味嘅湯汁淋飯，簡單但好暖胃。仲試咗越式豬頸肉，豬頸肉烤得好香，帶少少焦邊，咬落去脆卜卜，配埋魚露同青瓜，解膩又清新，十足越南街頭風味。店入面環境乾淨企理，坐得舒服，服務員都幾快手。尖沙咀咁嘅地段，呢個價錢同質素，真係值得再嚟！想食越南菜嘅話，呢間可以放心衝～

最近我去咗尖沙咀嘅「Ha Noi」，食咗啲正宗越南菜，真係好滿足！一入到去，環境幾好，差唔多坐滿。我試咗「極品牛三寶湯河粉」，呢碗湯河粉真係好食！生牛肉有牛味，啖啖都係肉，湯底清甜，味道濃郁，飲落去真係唔錯。配上啲香菜辣椒同青檸，味道更加提升，真係好正！接住我叫咗「越式炸蝦餅（細）」，呢個小食炸得金黃酥脆，蝦肉鮮嫩，咬落去好有蝦味，搭配埋佢嘅醬汁，味道更加出色。我仲試咗「河内特色綜合湯檬」，呢碗湯檬好豐富，有好多配料，雞絲，生牛肉，牛腩，好豐富。湯底清爽，呢碗揀咗檬粉，食落去唔會膩，唔同嘅配料搭配得幾好，但感覺河粉吸湯好食d,口感非常好。再有就係「越式炸春卷」，春卷外脆內嫩，裡面嘅餡料豐富，真係幾好味。飲品方面，我叫咗「青檸椀打」，清新又解渴，啱啱好適合炎熱天氣。最後，我試咗「鮮芒果西米露」，西米煮得啱啱好，芒果略嫌少，得幾粒，食完全杯都係椰奶，椰奶濃郁，飲落唔太甜。整體嚟講，「Ha Noi」嘅食物質素高，服務態度都幾好，價錢合理。已經幫襯咗幾次，係尖沙咀大推嘅一間平民好食越南餐廳，必試牛肉河粉！

河內越式料理是尖沙咀區受歡迎且口碑好的越南料理店，主打法式法包、河粉和多款特色越南小吃，味道正宗且份量充足。價錢合理，環境舒適。香茅雞翼湯檬：香茅清香明顯、雞翼鮮嫩入味、湯底酸甜鮮美、檬粉爽口滑順，搭配新鮮蔬菜和調味醬料，整體口感清爽且帶有微酸微辣的層次。越式河內三寶飯：豬扒炸得香脆又厚肉，扎肉爽口香甜，雞翼則多汁且香，味道層次豐富，配飯食一流。追加小食越式炸春卷餡料豐富，外皮用越南米紙製成，炸後薄而酥脆，不油膩，口感特別爽口。越式手打炸蝦餅炸得金黃不油膩，內裡蝦肉彈牙鮮甜。原份越式豬頸肉：肉質爽彈，加上蘸醬，吃起來清爽且十分開胃！凍鹹檸七味道甜中帶鹹，清涼帶勁，既解渴又滋味獨特。鮮芒果西米露味道是清甜、香濃且滑順，帶有鮮芒果的果香，極具夏日風味。

尖沙咀呢間「河內越式料理」真係好正㗎！啲staff又nice，會介紹唔同嘅菜式俾你～今次我叫咗幾樣嘢食，全部都好好味😋 首先係「河內特色伴檬粉」，啲檬粉好滑，配埋啲香草同醬汁，真係好fresh！之後叫咗個「招牌越式三文治」，我叫走蔥走芫荽，個包脆卜卜，入面啲餡料又豐富，正呀！「河內豬頸肉沙律」都好惹味，啲豬頸肉燒得好香口，配埋酸辣汁同蔬菜，好開胃！我叫走辣，覺得咁樣食到食材嘅原味～除咗呢幾樣，我仲叫咗「芒果牛油果鮮蝦米紙卷」，啲米紙好薄，包住芒果、牛油果同鮮蝦，口感好豐富！最後飲埋杯「越式青檸冰」，酸酸甜甜咁，perfect ending！我叫走甜，覺得青檸味更突出！總之呢，「河內越式料理」啲嘢食真係好掂，服務又好，真心推介俾大家！💖

今晚與朋友相聚，一起享受河內越式料理，這次的餐點可說是色香味俱全，帶來一場味覺上的享受。首先，越南小食拼盤可謂開胃之選，春卷配生菜的組合帶來清爽口感，香茅雞翼則外皮香脆，肉質鮮嫩，滲透著香茅的獨特芳香。越南扎肉紮實且富彈性，鮮蝦米子卷則用米紙包裹著蝦肉和蔬菜，口感清新，配上特製醬料更顯風味。手打蝦餅則外脆內嫩，每一口都充滿蝦的鮮甜。主食方面，豬扒撈檬是一道既飽足又清爽的選擇，豬扒經過細膩醃製和烹調，口感嫩滑且富有香氣，搭配爽口的檬粉，醬汁均衡地提升整體味道。而蕃茄蟹肉扎肉檬粉則融合了海鮮和越式風味，酸甜蕃茄湯底襯托蟹肉的鮮甜，與扎肉一同入口，層次豐富。飲品方面，綠豆冰清甜而不膩，口感順滑，令人回味無窮。鹹檸七則是越南飲品的經典之選，鹹檸的微鹹和七喜的氣泡感交織，帶來清爽解膩的效果。整體而言，這次的河內越式料理不僅讓人感受到越南風味的獨特魅力，也是一場美味又充滿交流的晚餐。每一道菜皆展現出越南料理的層次感，既有清新爽口的一面，也有濃郁鮮香的滋味，令人滿足。

越南菜是我喜歡的菜式之一， 因為蔬菜多 ，有魚露 ，有好多小食 ，比較健康清爽 ，💰💰💰💰而且價錢相宜。 今日天氣悶熱， 最好是吃越南菜 ，行街行到尖沙咀堪富利士道10號 ，就是河內越南餐廳 ，這條街有很多食肆， 地點方便就在尖沙咀A2地鐵口， 所以很多人都會來這裏覓食， 生意很好。 今日想吃些特別的 ，平時吃越南餐多數是生熟牛肉河 🐮，今日就 選了🐮越式牛柳粒紅飯， honey鍾意吃法包 ，所以點了咖哩牛腩配法包🍞，另外小食又有越式香茅雞翼四隻🐔，牛油果🦞🥑🥭大蝦芒果米紙卷， 再點一杯🫚薑茶， 一碟田園蔬菜， 豐豐富富的越南餐開始了 。牛柳粒紅飯賣相超正， 牛柳粒嫩滑 ，🫑🧅有很多洋蔥青椒香葉做配菜， 紅飯就是茄汁飯。 咖哩牛腩配法包， 四塊蒜蓉包又香又脆， 食到舐舐脷 。越式香茅雞翼四大隻， 炸得皮脆肉滑， 非常惹味。 牛油果大蝦芒果米紙卷，配魚露最開胃 ，食材很新鮮， 牛油果芒果配大蝦， 裏面仲有米粉青瓜絲紅蘿蔔絲 ，這就是我喜歡越南菜的原因。 吃飽之時，店員還奉上熱茶 ，又可以回味一下剛吃完的美食。😋😋

去尖沙咀行街，都係食中菜同西餐多，行過見到越南菜，就想入去試吓。我哋兩個大胃王叫咗好多嘢食，一個順化蕃茄蟹肉扎肉湯濛，一個香茅豬扒撈檬，一個越式炸春卷，一個越式豬頸肉，一個上湯灼生菜，一杯椰汁紅豆冰，一杯椰汁珍多冰。順化蕃茄蟹肉扎肉湯濛：蕃茄味好濃，蟹肉唔算太多，扎肉三塊，仲有幾個豆腐卜同蕃茄，蕃茄嘅人一定啱食。香茅豬扒撈檬：豬扒都幾鬆化，煎炸得幾香口。職員再提醒枱面有越式酸醬，可以撈落檬粉度食。豬扒好大塊，仲有紅蘿蔔絲，青瓜絲同薄荷葉做配菜。越式炸春卷：呢個好味，炸到脆卜卜，不過只有墊底一塊生菜，如果有兩塊就更好。越式豬頸肉：燒得好香，肉質嫩滑，有焦香味，呢個都不錯。上湯灼生菜：正常發揮啦，都係普通生菜。椰汁紅豆冰，椰汁珍多冰：我飲珍多冰，椰汁味都夠，不過其他配料比較少。紅豆冰唔係我飲，估計正常。

系尖沙咀搵間抵食乙又大份既餐廳吾多，仲要免加一，呢間越南菜餐廳系重慶大廈隔離既商場，環境乾淨企理，食物款式比一般既越南餐廳多選擇。法式牛油雞翼 $56成日食越南菜都好想食牛油雞翼，但用好多牛油去炸既關係比較油膩，所以食2隻就好快飽，要同人share食。雞翼塊皮炸得夠酥脆，雞肉幾滑。細蝦餅 $33蝦餅就一般，咬落比較實淨，應該加左其他肉落去。越式炸春卷 $55越南餐廳必叫小食！春卷入面有幾多餡，有粉絲、雲耳、蘿蔔、肉等等，配埋撈檬既醬汁食更好。越式菠蘿海鮮炒飯 $98好少見越南餐廳有炒飯食，食落其實無咩越式風味，但勝在炒得有獲氣，飯炒到一粒粒，海鮮都好多，有蝦、魷魚、元貝粒等，份量都相當大碟。濱海伴香茅牛肉 $78濱海都系越南特色美食，有6塊濱海，牛肉加左洋蔥，味道甜甜地，2樣夾埋一齊食，再加啲撈檬醬汁，夏天熱辣辣食呢個幾好！有叫飯或麵就可以加$12叫特飲椰汁綠豆冰芒果西米露餐牌：

地道越式餐廳🇻🇳早排喺尖沙咀行完街諗住簡單食個dinner，見到呢間越南餐廳都幾正咁，食物選擇都幾多下，價錢又吾貴😋下次會再黎encore!順化蕃茄蟹肉扎肉湯檬❤️呢款絕對系我喺越南菜中嘅Favouite, 中意湯底酸酸地又帶點蟹膏嘅鹹香，真系好惹味啊🤤極品牛三寶湯河粉💚三寶有新牛肉、牛展、牛丸，呢個Pho都好出色，同系喺越南食嘅感覺好似，湯底清得黎又好香！宜家嗌麵類飯類仲可以優惠價追加小食，我地就加左份菜同炸蝦餅！香茅沙嗲串燒（3串 可揀牛/雞/豬頸肉）我地就揀左豬頸肉😋好好食！好濃郁嘅香茅味，豬頸肉都燒得外脆但內裡仍保持juicy👍🏻推薦！

📍越南火南頭$130兩人份量的越南火車頭真係大份到我地兩個人都食唔晒，有好多餸係入面，扎肉牛腩同埋牛肉呢啲當然唔少得，火車頭河粉的湯底是這道菜的靈魂，通常以牛骨熬製而成，湯色清澈且濃郁，充滿了香料的風味。每一口湯都能感受到牛骨的鮮甜，加上香草和檸檬的點綴，讓整體味道更加層次分明！📍順化炸蝦餅$76順化炸蝦餅是一道具有地方特色的美食，通常在特別的節日或慶典中享用。這道菜以澱粉為基底，包裹著新鮮的蝦仁，外面裹上一層薄薄的酥脆麵衣，炸至金黃酥脆。每一口都能感受到蝦仁的鮮甜，搭配上特製的醬汁，風味更上一層樓。這道菜的口感與味道，讓人感受到順化的獨特魅力和傳統工藝！非常之推介呢道菜😝📍越式豬頸肉$33越式豬頸肉是一道燒烤風味十足的主菜，選用新鮮的豬頸肉，經過特製的醃料腌製，再經過烤制而成。肉質鮮嫩多汁，外層焦香，內裡柔軟！好味😋📍鮮芒果西米露（套餐加配$12）將甜品融入係飲品嘅體驗都幾獨特😛可以一試📍椰汁珍多冰（套餐加配$12）正常發揮，建議可以試其他嘢飲味道：👅👅👅👅/5環境：👅👅👅👅/5服務：👅👅👅👅👅/5推介：👅👅👅👅/5

⭐️河內小食拼盤：一次過滿足四個願望作為開胃前菜，呢個拼盤絕對係必點之選！拼盤包括蝦餅、越式炸春卷、大蝦米子卷同越南扎肉，每款都各具特色，展現越南小食嘅精髓。 ⭐️蝦餅外皮炸得金黃酥脆，裏面嘅蝦肉彈牙鮮甜，仲帶少少胡椒香，蘸少少魚露更加提鮮。越式炸春卷同樣出色，外皮薄脆，餡料用咗木耳、粉絲同豬肉碎，口感豐富，點埋酸辣醬汁，開胃又解膩。 ⭐️大蝦米子卷就清新得多，米紙卷皮透薄煙韌，包住大大隻鮮蝦、青瓜同薄荷葉，蘸少少花生醬，味道層次分明，清爽得嚟又帶濃郁堅果香。最後係越南扎肉，切片厚度剛好，鹹香中帶微微甜味，質地紮實得嚟唔會太硬，配啤酒一流！ ⭐️濱海伴香茅豬扒：香氣撲鼻，肉質juicy主菜方面，濱海伴香茅豬扒絕對係誠意之作！豬扒用香茅、魚露同蒜醃過，煎得表面微焦，一上枱已經聞到濃郁香茅味。切開見到肉質粉嫩，入口鬆化多汁，完全唔乾柴，香茅嘅清香同甜鹹醬汁平衡得剛剛好。 伴碟嘅濱海（即係越南撈檬）亦係亮點，檬粉幼滑爽口，撈埋酸辣汁、青瓜絲同蘿蔔絲，清新解膩。最正係可以將豬扒切片撈埋一齊食，口感同味道都更加豐富，夏天食真係透心涼！ ⭐️青檸梳打：清新解渴，消暑首選飲品方面，青檸梳打簡單但出色

## 食評：星期日的越南美食之旅星期日，我哋去食越南嘢，選咗一款極品牛三寶河粉，內有牛腱、生牛肉同牛丸。另一款就係香茅雞翼撈檬，配上越南粉。湯頭牛味充足，清甜舒服，牛肉就不過不失，但撈檬偏向於淡，自己需要落多啲調味料同泰式酸辣醬，先可以提升味道。另外，牛油果沙冰雖然冇跟餐特價，但味道相當好飲，奶味充足，份量都多，飲落去好滿足。整體來講，呢餐性價比非常高，味道都唔錯，絕對值得再來！

位於尖沙咀堪富利士道的河內越式料理餐廳，以柔和燈光搭配木質家具，營造出舒適的用餐氛圍，使人在繁忙的都市中得以稍作喘息。這裡的菜式以地道越南風味為主：香茅豬扒撈檬是一道不容錯過的選擇，檬粉爽滑，伴隨酸甜開胃的魚露醬汁，而豬扒香嫩入味，烤至微焦的表面更添口感。越式炸蝦餅則外脆內嫩，鮮蝦餡料紮實，每一口都充滿海鮮的鮮甜。順化牛肉蛋飯帶有濃厚的南越風情，牛肉軟嫩，蛋香十足，配搭餐廳秘製醬汁，融合米飯，令人一試難忘。上湯灼生菜清新爽口，簡單的調味讓蔬菜的自然甜味得以凸顯。椰漿芒果紫糯米飯則是必食甜品，紫糯米煙韌，椰漿香濃，與芒果的酸甜形成和諧的層次。冰鎮凍奶茶甘醇順滑，冰涼口感尤為解暑，而蜂蜜柚子梳打則帶來清新的果香與氣泡感，讓味蕾感受一抹清爽。總結，這家越式料理餐廳的食物味道正宗，適合喜愛東南亞風味的朋友前來品嚐。

今晚同朋友去左尖沙咀食越南菜 河肉越式料理，之前有同朋友食過第二間分店，覺得都幾抵幾好食。我地今日就試下d唔同野，叫左一個河內生牛肉湯河，份量都大份，兩個人配d小食share啱啱好。生牛肉湯河，生牛肉都幾嫰，食落唔會有羶味。湯底味道都幾香濃，配埋青檸，芽菜等配料，飲落都舒服多一層鮮香味。河粉好滑，掛到湯，越式湯河整得幾好食~小食叫左個 越式香茅雞翼新鮮煎起，外邊好夠脆，雞肉嫰滑多汁，帶清香香茅味。另外仲叫左個 香茅牛肉三文治三文治包烘到外脆，包住青瓜絲，蘿蔔絲，加少少沙律醬，食落爽口清新。面頭鋪滿燒好嘅香茅牛肉，啖啖肉香配上新鮮蔬菜，食落唔會覺得油膩，預先切開左兩份，兩個人share食落啱啱好！飲品叫左一個 椰青，冰凍清甜又解膩，濕熱嘅天氣一飲真係解哂暑。